Nutritionist Esraa Gohar

“مش أي نزول على الميزان يعتبر نجاح… 👀
ممكن تكوني خسيتي عضل مش دهون!”
الفرق؟ 👇
🔥 خسارة الدهون:
مقاسات الجسم بتقل
شكل الجسم بيشد ويتناسق
الطاقة بتكون أفضل
النزول بيكون ثابت وصحي
الجسم يفضل مشدود
❌ خسارة العضل:
الجسم يبقى مرهق وضعيف
ترهلات أكتر
جوع وتعب مستمر
الحرق يبطّأ
أول ما ترجعي تاكلي الوزن يرجع أسرع
وده بيحصل غالبًا بسبب: 🚫 حرمان شديد
🚫 أكل قليل جدًا
🚫 إهمال البروتين
🚫 مفيش حركة أو تمارين مقاومة
الهدف مش رقم أقل على الميزان…
الهدف إنك تخسي دهون وتحافظي على جسم صحي ومشدود 🤍

#دايت
#تغذية

الصيف دا يعتبر من أحسن الأوقات تبدأ فيه دايت ☀️🔥
ليه؟
لإن في الحر الشهية غالبًا بتكون أقل، فبيبقى أسهل نتحكم في الأكل ومابنبقاش جعانين طول الوقت 👌
وكمان الصيف بيخلينا نركز أكتر مع جسمنا…
الملابس الخفيفة بتبين التغيير أكتر، وده بيخلينا متحمسين نهتم بنفسنا ونوصل للشكل اللي يخلينا مرتاحين وواثقين ❤️✨
ابدأ دلوقتي حتى بخطوات بسيطة:
💧 اشرب مياه كفاية
🥗 ظبط أكلك
🏃‍♀️ اتحرك أكتر
😴 ونظم نومك
ومع الاستمرار هتشوف فرق حقيقي 💪🌿

#دايت
#صيف
#تخسيس
#تغذية

✨ أهم سر في نزول الوزن مش الدايت المثالي…
ولا التمرين الأقوى…
ولا إنك تمنعي كل الأكل اللي بتحبيه…
السر الحقيقي هو: الاستمرار 🤍
إنك حتى لو لخبطتي يوم… ترجعي تكملي.
حتى لو النتيجة بطيئة… متوقفيش.
حتى لو الميزان ثابت… تكملي عادي.
لأن الجسم بيتغير مع العادات اللي بنستمر عليها،
مش مع الحماس المؤقت 🙏✨
نزول الوزن رحلة،
وكل خطوة صغيرة بتفرق جدًا مع الوقت 💪🤍
متستنيش الكمال…
استمري بس 🌸

#دايت


#تغذية

#استمرار

مش ناويين تبدئو بقي 🫣

فيه طرق كتير للتخسيس…
بس مش كل طريق يوصل لنفس النتيجة ❗

خلينا نكون واقعيين شوية 👇

فيه ناس بتلجأ للحقن
زي ويجوفي ومونجارو
وفعلًا الوزن بينزل… وده حقيقي
لكن هل ده حل دائم؟
للأسف لأ… أول ما الاستخدام بيقف
الوزن بيرجع تاني بكل سهولة.

وفيه أدوية تخسيس منتشرة
خصوصًا أونلاين
يا إما بدون أي فايدة
يا إما نتيجتها بتيجي على حساب صحتك
مشاكل في القلب، اضطراب في الهرمونات، أو حتى الحالة النفسية.

الدايت السريع جدًا
اللي بيخسسك في وقت قياسي
غالبًا بيسيب وراه مشاكل
زي حصوات المرارة، إرهاق الكبد، وترهلات واضحة في الجسم.

وبرضه عمليات التخسيس
زي التكميم أو تحويل المسار
ممكن تكون حل لبعض الحالات
لكن لازم نبقى فاهمين إنها مش نهاية الطريق
فيه آثار جانبية، نقص فيتامينات، وتغيرات كبيرة في الجسم.

حتى جلسات التخسيس
زي الكافيتيشن أو تجميد الدهون
نتيجتها مش ثابتة
ولو مفيش نظام مكمل معاها
كل حاجة بترجع تاني.

طيب نعمل إيه؟ 🤔

الحل مش معقد… بس محتاج التزام:

✔️ نظام غذائي تقدر تعيش عليه
مش حرمان… ولا نظام مؤقت
أسلوب حياة يخلي جسمك يتحسن قبل ما وزنك ينزل.

✔️ تمرين بانتظام

علشان تحرق دهون فعليًا
وتبني جسم مش بس رقم على الميزان.

✔️ متابعة صح
لأن العشوائية هي أسرع طريق للفشل.

✔️ تهتم بنقص الفيتامينات
لأن جسمك لو مش متظبط من جوه
مش هيستجيب مهما عملت.

الخلاصة 👇
النتيجة اللي بتيجي بسرعة… غالبًا بتمشي بسرعة
لكن النتيجة اللي بتتبني صح
هي اللي بتكمل 💙

لو حابة تبدأي بشكل صح
ابعتِلي على واتساب واحجزي مكانك 📩

#تخسيس
#دايت

العيد قرب جدًا 👗✨
والصيف خلاص دخل رسمي… والجواكيت اللي كانت بتستخبى وراها زيادة الوزن راحت 😅

دلوقتي هو أفضل وقت تبدأي ❤️
مش علشان رقم على الميزان…
علشان تدخلي العيد وانتي أخف، أريح، وواثقة في نفسك أكتر 🌸

لسه في وقت نلحق فرق حقيقي قبل العيد 💪
بخطة مناسبة ليكي شخصيًا
بدون حرمان
بدون تعب نفسي
وبمتابعة خطوة بخطوة لحد ما توصلي لهدفك 🤍

متستنيش “بكرة”
ابدئي من دلوقتي… لأن أفضل نسخة منك تستحق الفرصة ✨

لو حابة تبدئي ابعتيلي كلمة
(عايزة أبدأ) 📩

تخسيس_صحي

بتخافي تاكلي بره عشان “هتبوّظي الدايت”؟ 🤔

خليني أقولك الحقيقة 👇
مش الأكل بره هو المشكلة… المشكلة في الاختيارات 😉

تعالي أقولك تعملي إيه عشان تاكلي وتستمتعي من غير ما تبوّظي كل تعبك 👇

✔️ اختاري بروتين الأول
(فراخ مشوية – لحمة – سمك)
وابعدي عن المقلي على قد ما تقدري

✔️ خلي الكارب بسيط
مش لازم رز + مكرونة + عيش في نفس الوجبة 😅
اختاري نوع واحد بس وبكمية معقولة

✔️ الصوصات = سعرات زيادة
اطلبي الصوص على جنب أو بلاش خالص

✔️ كلي براحتك مش بسرعة
كل ما تاكلي ببطء هتحسي بالشبع أسرع

✔️ مش لازم تخلصي الطبق كله
عادي تاكلي نصه وتشبعي 👌

✔️ ابدئي بسلطة لو متاحة
هتساعدك تتحكمي في الكمية بعد كده

✔️ لو نفسك في حاجة “مش دايت”
كليها… بس بوعي مش بتهور 🙏

في الآخر 💛
الدايت مش حرمان… الدايت هو إنك تعرفي تختاري صح

قوليلي بقى 👇
أكتر أكلة بتلغبطي فيها لما بتاكلي بره إيه؟ 😅

#دايت

#تغذية

في شغلنا، مش أهم حاجة إن العميل يمشي دايمًا “بيرفكت”… الأهم إنه يرجع يكمل 💛

الكلام ده من عميلة فوق الـ60 سنة، بدأت من 110 كيلو… ودلوقتي وصلت لـ94 👏
مش بس رقم على الميزان، دي رحلة فيها لخبطة، وأيام صعبة، ومحاولات كتير…
بس الفرق الحقيقي كان في الاستمرار ❤️

أنا دايمًا بقول: مفيش حد بيمشي صح 100%
بس في حد بيقرر يكمل رغم أي حاجة… وده اللي بيكسب في الآخر 💪

فخورة جدًا بكل عميلة بتجاهد مع نفسها يوميًا 👑
والأجمل من النتيجة… الثقة اللي بترجع، والراحة اللي بتتحس ✨

لو لسه بتبدأي أو لسه تايهة… خلي دي إشارتك إنك تقدري توصلي 🤍







#تحفيز

💧 شرب الميه مش رفاهية… ده أساس صحتك!

لو حاسة إن وزنك ثابت أو جسمك مرهق طول الوقت، ممكن السبب بسيط جدًا: قلة شرب الماء

✨ ليه الميه مهمة؟

- بتساعد على حرق الدهون بشكل أفضل
- بتقلل الإحساس بالجوع (كتير بنلخبط بين الجوع والعطش)
- بتحسن الهضم وبتقلل الانتفاخ
- بتدي طاقة وتركيز لأن جسمك بيشتغل بكفاءة أعلى لما يكون مرطب كويس

📊 نشرب قد إيه؟
👉 من 8 لـ 10 أكواب ميه يوميًا
👉 ولو بتتمرني زودي كوبايتين كمان

⏰ نقسمها إزاي؟

- كوب أول ما تصحي
- كوب قبل كل وجبة بـ 20 دقيقة
- كوب بعد كل وجبة بساعة
- كوب بين كل وجبة والتانية

💡 نصيحة:
متستنيش العطش… اشربي على مدار اليوم علشان جسمك يفضل شغال بكفاءة

ابدئي من النهارده… وهتشوفي فرق في نشاطك ووزنك 💙

#تخسيس #صحة #دايت #ميه