Serial kersh killers
Share
الحياة الهيلثي رزق � .. عيشها صح ������
رجوع بعد غياب
بحكمة شتوية
ماتعاملش الرياضة زي واجب المدرسة
العيال كلها بتهرب منه
عاملها زي وقت الافراح
كله بيقوم يرقص حتى لو ركبه بتعمل مزيكا حسب الله 🙃😄
16/10/2020
١٠ اطعمة تقوي بصيلات الشعر و تحارب سقوطه و تنفع جدا ف الدايت
تحت كل صورة المواد الفعالة فيه
حكمة اليوم
علاج خشونة الركب الاساسي
هو الدايت 🍞 و الرياضة🏋️♂️
اه والله زي ما باقولك كدا
09/10/2020
ازاي تعالج نفسك بالأكل
ايوا انت ممكن تعالج ألم ضهرك ، مفاصلك ، ضغطك العالي ، سكرك المش مظبوط ، تساقط شعرك ، خمولك الدايم
واي مشاكل صحية عن طريق الاكل
اكتر جملة صادقة ف الطب..ان المعدة هي بيت الداء
زود عليها والفم هو باب البيت
لو باب بيعدي اي حاجة
يبقى انت كدا عرضة للامراض بشكل كبير
اسلوب اكلك ممكن حتى يغير ف جيناتك
لو ف عيلتك امراض وراثية ممكن ما تجيلكش لو اسلوب اكلك صحي
العلاج بالأكل ببساطة بينقسم لشقين :
الاكل العالي التغذية
الاكل اللي بيدي طاقة عالية
البند الاول لازم يكون اساسي
و البند التاني لازم يكون محسوب
مش بالضرورة تحرم نفسك من اي نوع أكل
لكن ضروري تحسب هيدخل جسمك ايه
اد ايه تغذية ؟
اد ايه طاقة ؟
البوست دا تعريف و تقديمة لسلسلة
هنركز فيها ع انواع الاكل و تأثيرها ف علاج مشاكل صحية معينة
صحتكم ف اكلكم ياسفاحين
دمتم اصحاء ❤💙
05/10/2020
كوكيز فول صويا و شوفان بشوكليت شيبس
هي دي مش طريقتها
المفروض تتعمل بدقيق
بس انا عملتها بدون دقيق
وبدل السكر استبدلته ببلح رطب
وبصراحة طعمه جميل جدا
الطريقة :
ربع كوب شوفان
ربع كوب فول صويا مجروش
١٠ بلحات رطب
كوب زبادي
بيضة
١ معلقة زبدة
معلقة بيكينج باودر
تخلطهم كويس مع بعض و تطحن البلح مع الخليط
و تحضر صينية بورقة زبدة و تدهنها حاجة خفيفة
و تشكلها و ترش عليها الشوكليت شيبس
وتسوية ف فرن ١٧٠ درجة
شعلة من تحت
لمدة نص ساعة و ١٠ دقايق شعلة من فوق
وبالهنا و الشفا
14/09/2020
الشخص البالغ بيحتاج يستهلك من ٢٥ ل ٣٠ جم الياف من اكله ف اليوم عشان اكله يبقى صحي
انت بتستهلك كام جم ف اليوم بأمانة كدا 😃
11/09/2020
Clean Eating
اسلوب الأكل النظيف 👉
اسلوب الاكل النظيف باختصار
هو انك تاكل بطريقة
تساعد جسمك ع اداء وظايفه بفعالية أعلى
و تعلي من قدراته الدفاعية ف مواجهة الامراض و الالتهابات
دي قصة بعيدة عن الدايت خالص
ولكن نقدر نخلي الدايت جزء منها
اسلوب الأكل النظيف يتوقف ع حاجتين
نوع الاكل اللي هو مصدر الطاقة
كمية الاكل اللي بتحدد كمية الطاقة
انواع الاكل النظيف بالترتيب من حيث التأثير و الفعالية
١ - الخضار و تشمل البطاطس 🥔🍆🍅🌶🥒🥬🥦
كل انواع الخضار بلا استثناء بتديك الطاقة الانظف بين كل انواع الاكل
وطاقة بمشتملاتها من العوامل المساعدة ع تشغيل الطاقة دي بافضل فعالية و استغلالها افضل استغلال زي الفايتمينات و الالياف و المعادن
النوع دا بالاخص تقدر تزود منه ف الكميات لانه الاعلى ف التغذية و الاقل ف الطاقة
٢ - الحبوب الكاملة و البقوليات 🍞🌽
و دي تيجي ف المرتبة الثانية بعد الخضار ف الطاقة النظيفة لجسمك و تزيد عن الخضار ف احتوائها ع كمية اعلى من البروتين زي الشوفان و الشعير و القمح والفريك
و العدس و الحمص و الترمس و فول الصويا
النوع دا تاكل منه بشكل متوسط لانه عالي التغذية و بيدي طاقة متوسطة
و ممكن نستخدمه ف مجال المخبوزات بالاخص
٣ - الفواكه 🍇🍈🍉🍊🍌🍍🍎🥭🍓
الفواكه برغم احتوائها ع السكر و لكن بقية العناصر المهمة الموجودة فيها و الالياف بتعلي من اهميتها و فوايدها
غير الشعور بالرضا و الاستمتاع اللي بتعمله الفاكهة عند اكلها
٤ - البذور و المكسرات 🥜
ودي مصادر لطاقة نظيفة ولكن بتمد الجسم بطاقة عالية
فناخد بالنا اننا ما نزودش عن حد معين
عشان ناخد منافعها و ما تبقاش مضرة
زي السمسم ، بذر الكتان ، بذور الشيا ، مكسرات سوداني و لوز و جوز و عين جمل و كاجو و بندق و فسدق
٥ - الدهون الصحية 🥥🥑🏺
ودي الدهون اللي جسمك بيقدر من خلالها يتمم عمليات مهمة جواه و بتدخل ف تركيب الهرمونات و الانزيمات بالجسم و اذابة بعض انواع الفايتمينات
زي الزيوت المستخرجة ع البارد
زيت زيتون ، جوز هند ، افوكادو ، سمسم ، كتان ، عباد شمس
، زيت طلع النخيل
و الدهون المستخرجة من اللبن زي الزبدة و القشطة
استهلاك الدهون بشكل عام لازم يكون محدد عشان اي زيادة هتدي جسمنا طاقة هو مش محتاجها و تبقى عبئ عليه
٦ - اللحوم بدون دهون 🍖🍗🥩
تحاول ع أد ما تقدر تبعد عن اللحوم اللي فيها دهن كتير
مش عشان دهون اللحم مضرة ف حد ذاتها
لكن عشان دهون اللحم بتدي سعرات كتير ازيد من اللازم من مصدر دهون انت مش محتاج منه غير كمية صغيرة جدا
خليك اكتر ف اللحوم البيضة زي الفراخ و السمك و اللحمة قليلة الدهن
و لو تقدر تتأكد من كيفية تربية الحيوان اللي اتدبح
دا يساعد ف انك تدخل جسمك طاقة نظيفة اكتر
ولان دا مش متاح اوي فانت قلل من اللحوم بشكل عام
البيض 🥚 مصدر مهم للبروتين الحيواني و كذلك منتجات الالبان 🍶 تقدر تدخلهم اكتر و تعتمد عليهم كبديل مع التأكد من المصدر و هم ارخص من اللحوم بكتير
مصادر الاكل مهمة جدا ف جودة الطاقة المستخرجة منه داخل جسمك
كل ما كان الاكل اورجانيك و بعيد عن استخدام اي حاجة صناعية .. كل ما كان دا صحي و انظف لجسمك
الخلاصة
انك ما تستاسهلش ف شراء المنتجات الجاهزة زي اللحوم المصنعة و الاكل المجمد او المحفوظ
الاكل النظيف هو الاورجانيك الفريش
كل اللي ناقصك انك تدور ع وصفات اكتر و بدايل اكتر تخلي اكلك من الانواع دي لذيذ و مقبول
عشان تقدر تخلي مصدر الطاقة اللي بتدخله جسمك انقى و انظف وبالتالي جسم احلى و اكثر صحة
المية عنصر اساسي ف عملية تسمى fat oxidation
اللي بتحرق الخلايا الدهنية و تحولها لطاقة
اشرب مية ياعويس
اشربي مية يا سنية
حكمة اليوم
مش هتوصل لهدفك الا لما يبقى الاكل الصحي هو الاساس
و العك هو الاستثناء
مش كل ماتحب تخس كام كيلو تفتكر الدايت
ايه التحسن اللي حصل ف جسمك
عرفت من خلاله فايدة الاكل الصحي
كل واحد يقول حاجة اتحسنت فعلا معاه
ف وضعية سوبرمان
هتلعب التمرين دا
تحريك لعضلات الكتف و المجنص و القطنية
التمرين مش سهل
و محتاج تركيز لاداؤه بشكل صحيح
ومؤثر جدا ف تقوية العضلات المستهدفة
بصوا كويس ع تكنيك الحركة
بيرفع جسمه ازاي و بيحرك دراعاته ازاي بدون استناد ع الارض
Click here to claim your Sponsored Listing.
Category
Website
Address
Cairo
