Rony Cosmetics

ماتهمليش بشرتك🌹🌹 وحافظي على جاذبيتك😍

ومن أهم خطوات اهتمامك انك تهتمي ب

💞🌼 باديكير القدمين 👣💞

ازاي تعملي باديكير لرجليكي 🦶🏻في البيت وبأسهل طريقه 👌🏻..
لازم الاول تعرفي ان عمل باديكير للقدمين مش رفاهيه ولا حاجه فوق الاهتمام العادي , بالعكس تماماً .✋🏻
الباديكير للقدمين من الخطوات المهمه للعنايه بنفسك 🌹..
وهقولك على أسهل طريقه💫 ..

💫أول حاجه لازم تعمليها انك تشيلي المانكير💅 بالاسيتون كويس لو كان فيه

💫تانى خطوة ..لو لقيتي لون الاظافر أصفر من المنكير . فى الحاله دى ممكن تجيبي فرشاه اسنان قديمه🪥 وتحطي عليها معجون الاسنان المبيض🧴 وتفركي بيه ضوافرك كويس عشان تتخلصي من الاصفرار ..

💫تالت خطوة ..انقعى رجلك فى ميه دافيه وحطي فيها تلات معالق ملح خشن وشامبو أو شاور جل وزيت عطري وممكن تضيفي ورق نعناع .. أو بابونج , وسيبي رجلك فيها تقريبا من 10 ل 20 دقيقه ...

💫رابع خطوة ..
دلكي رجلك كويس جدا بفرشه القدمين 🧼لمدة خمس دقايق ..

💫خامس خطوة .. هتعملي سكرب لرجلك بأي سكرب عندك أو زيت زتون وسكر .🌹. أو بيكربونات الصوديوم وشويه ميه .

💫سادس حاجه بقه...
اشطفي رجلك كويس جدا من السكرب وبعدين انقعيها تانىي خمس دقايق فى ميه دافيه فيها شويه بلسم للشعر ..

💫سابع خطوة ....
دلكي رجلك كويس جدا بالحجر الطبي اللى هو الحجر الاسود ودة موجود عند أي عطار .. والخطوة دى أهم خطوة عشان بتشيل كل الجلد الميت وبتنعم الرجل جدا ..🌼
وشيلي كل الجلد الميت والزوائد الجلديه حوالين الضوافر وقصي ضوافرك وابرديها كويس ونضفيها من كل الشوائب .

💫تامن خطوة .. اغسلي رجلك كويس🧽 ونشفيها وحطي عليها لوشن القدمين 🧴أو مرطب القدم أو فازلين ودلكيها كويس جدا عشان تنشطى الدورة الدمويه ولحد مارجلك تتشرب كل الكريم اللى عليها ...
✨✨آخر حاجه بقه .. اهتمي برجلك مرطبه دايماً وخصوصاً في الشتا ..💞 ولازم كل فترة تعملي خطوات الباديكير دى ...

ولو عندك أي اسئله سيبيهالنا فى الكومنتس وهنرد عليكي ..🙂

ايه بقه حمض الهالورونيك أسيد دة؟🙆🏻
Hyaluronic Acid

الهالورونيك أسيد دة مادة طبيعيه موجودة جوة جسم الانسان ..
مسؤله على الحفاظ على مستويات الميه في الجسم ودة معناه انه بيقدر يحافظ عى ترطيب البشرة ...👌🏻
بس المشكله ان مع التقدم فى العمر انتاج الهالورونيك أسيد بيبدأ يقل وخصوصاً من اول سن التلاتين.. وعند سن الخمسين بيقل بنسبه كبيرة جداً يكاد يكون الجسم بيطل ينتجه..🤔
🌼 ومن أحد أشكال قله حمض الهالورونيك هيا جفاف البشرة وشحوبها وتقشيرها .. وكمان جفاف العين .
عشان كدة ينصح باستخدام الهالورونيك أسيد بشكل خارجي لتعويض النقص وللحصول على بشرة صحيه ..

💞فوائد حمض الهالورونيك :
💫بيساعد على ترطيب البشرة لانه بيتص كميه كبيرة من الميه وبيفضل محتفظ بيها لفترة أكتر..يعنى ترطيب لفترة أطول .
💫يخفف شكل التجاعيد والخطوط الرفيعه بشكل فوري .
💫بيخلصك من التصبغات الجلديه
💫بيشيل آثار حب الشباب
💫بيحمي البشرة من أشعه الشمس UVB
💫مناسب لكل أنواع البشرة
💫يحفز الجلد على انتاج الكولاجين الطبيعي . وتجديد الخلايا .

🌛🌛وعامهً استخدام حمض الهيالورنيك على بشرتك حاجه كويسه ودة في حاله إن النسبة المئوية لا تزيد عن 4% عشان ميعملش جفاف ومشاكل للبشرة . 🌜🌜

⭐أشكال الهالورونيك أسيد :
بعض الاطعمه بيكون فيها مغنيسيوم بيزود الهالورنيك اسيد فى الجلد ..
زي البروكلي 🥦والسبانخ 🥬 واللفت 🌿والخضروات☘️ الورقيه والتين 🫐والافاوكادو 🥑والموز🍌 والطماطم🍅. والمكسرات🌰🥜

💟المصادر اللى جايه هتكون تحت اشراف طبيب ..
وهيا المكملات الغذائيه
وسيروم الهالورونيك أسيد
والحقن

⭐تقدري تسألي في الكومنتس عن أفضل المنتجات اللي فيها هالورونيك أسيد.
ولو عندك أي استفسار تاني تقدري تكتبي في الكومنتس بردو وهنرد عليكي ..
🌹دمتي سعيدة ..
ماتهمليش بشرتك , وحافظي على جاذبيتك 💞
،

💐 ايه هو روتينك للعناية ببشرتك الجافة؟
البشرة الجافه زى أي نوع بشرة بتحتاج عنايه واهتمام ...

🌅 تنظيف البشرة الجافه :
من أهم خطوات العنايه ببشرتك الجافه إنك تتجنبي تماماً غسلها بمياه السخنه .. لان الميه السخنه بتزيل الزيوت اللي عالبشرة وبتزود من جفافها وتشققها وممكن كمان تعملك حساسيه..

💫 غسول البشرة الجافه :
بشرتك الجافه تفتقد النضارة وغالباً هتلاقيها فيها تشققات عشان كدة هيا محتاجه لترطيب بشكل مستمر ومحتاجه كمان تحافظي على الزيوت الطبيعيه بتاعتها يبقى فى الحاله دى لازم تختاري غسول مخصص لبشرة الجافه والغسولات المناسبه ينصح باستخدام
💞 غسول قريب في ملمسه بالمرهم وهتلاقي مكتوب عليه
Cleansing Balm لان الغسول دة بينضف البشرة كويس جداً مع الحفاظ عليها من الجفاف وبيظبط نسبه الرطوبه فى البشرة فبيخليها رطبه ..
💕 أو ممكن تستعملي غسول Cleansing Milk
ودة غسول فيه حليب بيرطب بشرتك وكمان بيحافظ عليها من الجفاف ..
يعني من الآخر تجنبي تماما أى غسول فيه صابون أو صابون عطري لانه بينشف بشرتك ..

💫ممكن كمان تستعملي ماء ميسيلار عشان تعملي تنظيف كويس جداً لبشرتك .وهيحافظ على رطوبتها وهيغذيها.

🌟 تقشير البشرة الجافه :
من الخطوات العمليه جداً انك تعملي تقشير لبشرتك الجافه مرة او مرتين في الاسبوع .. انتى محتاجه تشيلي طبقه الجلد الميته والخشنه من على سطح الجلد علشان بشرتك تقدر تستفيد بالمرطبات والروتين المغذي اللي انتي بتعمليه لبشرتك علشان تعرفي تحافظى عليها وتتجنبي الجفاف على قدر الامكان ...

✨ الترطيب الترطيب الترطيب 😂
البشرة الجافه محتاجه منك ترطيب مرة الصبح ومرة بليل .. اوعي تديلها فرصه انها تجف ..

💟 ازاى بقه تختاري المرطب المغذي لبشرتك الجافه ؟
حاولي تختاري المنتجات الي من ضمن مكوناتها الهالورونيك أسيد , الجلسرين , الالوفيرا ,مضادات أكسدة ويوريا ...
المواد دى هتخلي بشرتك مترطبه لفترة كويسه ...
* وطبعاً ماتنسيش تعملي ماسكات مغذيه مرتين فى الاسبوع عالاقل ..

💞 واقي الشمس :
اختاري دايماً كريم شمس يحتوي على فيتامين E
وفيتامين سي .. ومضادات أكسدة ..

🥤 شرب الماء:
اشربي ميه اشربي ميه اشربي ميه
اشربي ميه على أد ماتقدري ويفضل 3 لتر في اليوم ... هتحميكي من الجفاف وبشكل عام الميه مهمه جداً في روتينك وصحتك ماتستغنيش عنها أبداً ...

💕💕 لو عندك أي اسئله بخصوص بشرتك الجافه أو عاوزة تسألي عن منتج معين تقدري تكتبيلنا فى التعليقات وهنرد عليكي ..

🌹ماتهمليش بشرتك , وحافظي على جاذبيتك 🌹🤩

#اوريفليم

دة سبراى منعش جدا للقدم .... حلو بجد
معمول بمكونات مرطبه ومنعشه للقدم ..
فيه فيتامين E وجلسرين كمان .. يعني ترطيب وتغذيه مستمرة
دة غير انه بيحمى القدم من الروائح الكريهه و بيدوم ٢٤ ساعه 💃

واحلى حاجه بيديكى احساس بالانتعاش طول اليوم
حجمه كبير 150 مل 😍

ايه الرتينول دة؟؟ 🤔
RETINOL
ركزي معايا 👌🏻
الرتينول دة شكل من أشكال فيتامين أ ... حاجه كدة مهمه للبشرة .. تبدأي تستخدميه من سن ال25 بس بكميات محسوبه ...
تعالي أقولك الاول ايه اهميته >>> 🤸🏻‍♀️
الرتينول دة بيعيد بناء الخلايا التالفة في البشرة و بيعزز انتاج البشرة للكولاجين ودة طبعاً معناه نضارة غير طبيعيه للبشرة 🤩 ,وبيخليها رطبه وبيقضى على جفاف البشرة وانتي عارفه ان البشرة لما بتجف وبنهملها يبقى هندخل في مشاكل أكتر .. وبناءاً عليه يبقى الرتينول هيحارب التجاعيد والخطوط الرفيعه في اليدين والرقبه والوجه.. 💆
الرتينول كمان بينضف المسام الواسعه كويس جداً وتقدري تعتبريه بيكافح حبوب الشباب والآثار بتاعتها وبيعالج تصبغات البشرة ..

💞امتى بقه نستخدمه ؟🙆🏻
بيستخدم كجزء من روتينك الليلي يبقى الرتينول هيستخدم في المساء . ببساطة جداً حطى نقطه واحدة بس من سيروم الريتينول على وشك ورقبتك بعد التنظيف.🥱

🌞بس فيه حجات مهمه لازم تعرفيها قبل ماتستخدمي منتجات تحتوي على رتينول:
وهيا انك علشان تعرفي نسبه الرتينول المناسبه لبشرتك تكون أد ايه بالظبط فى المنتج اللي هتستخدميه لازم يكون تحت اشراف طبيب ..
وكمان مينفعش تستخدميه بالنهار او يكون موجود فى منتج غسول لانه بيحتاج يتساب شويه عالبشرة .
من الحجات المهمه بردو انه مينفعش يستخدم للحوامل والمرضعات ولا أي حد عندة حساسيه شديدة ..
استخدمي الرتينول مرتين اسبوعياً وممكن كمان تستخدميه مع فيتامين سي لنتايج أفضل .. وتمتعي ببشرة نضرة خاليه من العيوب..

لو عاوزة تعرفي ايه أفضل المنتجات اللى بتحتوي على رتينول اكتبيلي في التعليقات ..
وفي النهايه أحب أقولك .. عزيزتي الجميله ماتهمليش بشرتك وحافظي على جاذبيتك ...💕

روتينك اليومي للعنايه ببشرتك الدهنيه ..👌🏻

😍😍ماتهمليش بشرتك وحافظي على جاذبيتك .💕💕
وعلشان تعرفي تعملي كدة يبقى لازم تتعلمي الخطوات اللى تهتمي بيها بنفسك ..

تعالى أقولك الاول حاجه ايجابيه عن بشرتك الدهنيه🤩 .. الزيوت اللي بشرتك الدهنيه بتغرزها بتخليكي تتجنبي ظهور التجاعيد في بشرتك لفترة اطول فى حياتك من أصحاب البشرة الجافه ..🤸🏻‍♀️
نيجي بقه للروتين .. هنبدأ من أول ماتصحي من النوم يعني صباح الخير وتعالي ورايا

1-الغسول:
أول حاجه في الروتين هيا غسل الوجه بغسول مناسب للبشرة الدهنيه ..
ويستحسن يكون فيه مقشر بسيط عشان يزيل الزيوت الزيادة والجلد الميت اللي بشرتك افرزتهم طول الليل علشان نمنع انسداد المسام ..
من الطرق العمليه فى غسيل بشرتك انك تحركي الغسول على ايدك بحركات دائريه .

2-التونر:
تاني خطوة هيا التونر .. ودة أهميته إنه بيعادل حموضه البشرة بعد خطوة الغسيل .. دة غير إنه بيخلص بشرة وجهك من السموم وبيساعد على تضييق المسامات الواسعه وطبعاً كل دة بيقلل من ظهور حب الشباب .

3-الترطيب :
طبعاً هتستغربي اني بقولك ترطيب لبشرة دهنيه المفروض انها بتفرز زيوت .. بس بعد الخطوتين اللى فوق لازم ترطبي بشرتك بمنتجات خاليه من الزيووت ...عشان لو معملتيش كدة البشرة هتضطر تفرز زيوت بزيادة عشان تعوض النقص اللى حصل ودة ممكن جداً يكون حب شباب ...
ويفضّل إن المرطب دة يكون خفيف زي جل الالوفيرا أو لوشن .. عشان لانسد المسام .
مساءاً ... ينصح باستخدام منتجات تحتوى على الريتينول اللي بيحافظ على نضارة البشرة واللى هنتكلم على أهميته في بوست منفصل ..

4-واقي الشمس :
دي أهم خطوة تعمليها عشان تحافظي على بشرتك برة البيت ..لازم يكون واقي الشمس درجه الحمايه فوق 30 ويكون بيحمي بشرتك من الاشعه فوق البنفسجيه ويفضل يكون مضاد للماء والتعرق ..
ويكون مكتوب عليه
(Emulsion) أو (Lotion).
·

يلا ابدأي من دلوقتى اهتمي ببشرتك . انتى تستحقي أن تكوني جميله .🌹

ازاي تعرفي نوع بشرتك؟
علشان تعرفى تختاري المنتج المناسب لبشرتك لازم تعرفي الاول نوع بشرتك ايه ..
تعالي اقولك ايه هما انواع البشرة:
1- البشرة العاديه:
البشرة دى تقريبا مفيهاش عيوب كتير
بشرة متوازنه يعني لا هيا دهنيه ولا هيا جافه , يعني افراز الدهون فيها نسبته متناسبه ..
ومش من السهل إنك تلاقيها بيحصلها حساسيه من أى حاجه .
مافيش حبوب شباب , مفيش مسام واسعه .. بشرة ناعمه ونضرة ومليانه حيويه.

2-البشرة الدهنيه :
طبعاً باين من اسمها إنها بشرة بتفرز زيوت كتير ودة طبعاً بيخليها لامعه جداً
البشرة دي بيكون فيها حبوب وكمان رؤوس سوداء ,
وأحيانًاً آثار حبوب وحفر ومشاكل جلديه
والمسام فيها كمان بتكون واسعه .

3- البشرة الجافه :
بشرة خاليه من افراز الزيوت وبتكون جفافها أحياناً مزعج لانه غالباً بيسبب تشققات وقشور واحمرار ,
طبعا الجفاف دة بيعمل شعور بان البشرة مشدودة ..
واحساس بانك عاوزة تهرشي فيها ..
كل الحجات دى بتخلي مظهر البشرة مش أحسن حاجه وملمسها خشن جداً .

4- البشرة المختلطه:
البشرة دى تعتبر مزيج من البشرة الجافه والبشرة الدهنيه , يعني جزء من البشرة بيكون دهني والجزء التاني بيكون جاف .
البشرة دى هتلاقي فيها مسام واسعه
الجزء الدهني فيها بيكون موجود على شكل حرف T
فى الجبين ومناطق الانف والدقن
اما باقي الوجه بيكون جاف ..
وغالباً بيكون فيها بثور سوداء وبتلمع جدا.

5- البشرة الحساسه:
النوع دة بقه من البشرة هيا البشرة اللى سهل جداً إنها يحصلها حساسيه من حجات كتير , زي مثلاً انها يحصلها احمرار شديد بعد ما تغسلي وشك مثلا بميه سخنه .. أو لو أكلتي أكل حار .. البشرة الحساسه بيحصل فبها ساعات حكه جلديه وفي بعض لاحيان جفاف ومن الممكن ان دة يسبب الشعور بحرقان في البشرة .. عشان كدة البشرة الحساسه ليها معامله خاصه .. مش أي حاجه تقدري تستعمليها على بشرتك لازم تاخدى بالك كويس أوي ..

دلوقتي بد ماعرفتى أنواع البشرة , تقدري تعرفي نوع بشرتك ايه ..

خليكي حلوة أكتر ما انتي حلوة ..

دلوقتي هكلمكم على (زبدة الشيا) 😍
ودى بقه من أفضل المصادر الغذائية الطبيعية لمضادات الأكسدة المهمه أوي للجسم وللبشرة .. هتقولولي ازاي؟ .. تعالي أقولك ..

زبدة الشيا بتعمل على إصلاح التلف اللي ممكن يصيب بشرتك لأي سبب ، وبيرمم بشرتك ويصلحها وبيخليها تتعافى في وقت أسرع..

وكمان فيها أحماض أوميجا3 وحديد وكالسيوم وبروتين .. ودة يعني إنها بتحافظ على رطوبة بشرتك في مستوى صحي وبتحميها من الإصابة بالجفاف، ودة بيأخر ظهور التجاعيد وبعض علامات الشيخوخه على بشرتك . وكمان بيخفف من ترهل البشرة .

يعني دلوقتي تقدري تستخدمي منتجات زبدة الشيا وإنتي عارفه كويس بتستخدميها ليه .. اهتمي بنفسك أكتر عشان نفسيتك تبقى أحلى وتفضلي حلوة زي مانتي 💕💕

زبدة الكاكاو من أهم المواد اللي لازم طول الشتا تبقى عندك .. بالذات لو بشرتك جافه أو لتجف في الشتا .. سواء لوحدها أو من ضمن مكون أي منتج ...

ودة عشان هيا مرطب قوي للبشرة وبيخليها نضرة . وبتخلي البشرة ناعمه جداً . ودة علشان زبدة الكاكاو بتحتوي على نسبة عالية من فيتامين ه‍ ،
دة غير إنها من أفضل المواد المضادة للأكسدة، وبتحمي البشرة من التجاعيد، وممكن تعتبريها مصدر طبيعي للبروتين والكولاجين ...

وطبعا هيا رائعه للشعر ، بتخليه ناعم وكثيف وتمنحه رطوبه ..
ماتنسيش تسألي عن أفضل المنتجات اللي بتحتوي على زبدة الكاكاو .. 💕

مش عارفه نوع بشرتك وايه المناسب ليكي؟
ولا عارفه تحلي مشاكل بشرتك ولا ايه الميك اب المناسب؟
عندك تقصف وهيشان في شعرك ومحتاجه منتجات للعنايه بيه؟
محتاجه برفيوم ليكي أو لجوزك وتكون شيك ومميزة . ؟

هنا تقدري تلاقي كل الحلول للمشاكل دي عشان فيه هنا منتجات كتير جدا تناسب كل انواع البشرة والشعر وبرفيومز لكل الازواق ...
وهنساعدك توصلي للي يناسبك ..