مطبخ_Tota
Share
احلى واجمل الاكلات الى انا عرفهااا ويااارب اكون عند حس?
💑للمتزوجات 💑
💜عشان تكونى مميزة فى بيتك😍
🔵بلاش لبس الجلاليب فى البيت عمال على بطال...ولا البنطلون تحت الهدوم ولا يجى من برة يلاقيكى رابطة شعرك وضاربة فيه بفتيك مفروم على بيضة نية
اعملي وصفات طبيعية لهفهفة شعر الولية..😂
🔵اهتمى بالباديكير لرجلك وايدك على فكرة الصوباع الصغنن المدوحس هو واخد باله منه متفتكريش انه متدارى يعنى !😒
🔴بلاش الكحكة بسكر اللى ع طول عملاها فى شعرك فى البيت سيبيى شعرك وحتى لو شعرك بيهيش
اعملي دايما في بيتك حمام الزيت للشعر
🔴دايما ريحتك تبقى حلوة ماتخليهوش يخمن طبخة ايه ع الغدا اول مايقابلك فى وشه من ريحة اللبس وخلى بالك الشعر اكتر حاجة بتمتص ريحة الزيوت والاكل مش بس مجرد تغيير الهدوم...
🔵إتعودى كل فترة تروحى كوافير لأبسط الحاجات ع الاقل ميبقاش متجوز اخوه جمال فى البيت😳 ..
مش كل اهمال فى نفسنا هنحدفه على جملة الحلاوة حلاوة الروح..لا انتى كمان حلوة الملامح ..😊
🔵اشترى ألوان روج صارخة تحطيها بس فى البيت زى الاحمر او الهافان القريب من الاورانج او اى لون قوى بس يكون بيليق عليكى
مش تحطي رووووج وخلاص بطعم الفراولة
كل يوم باكل منه اتنين😂😂
لازم تختاري علي حسب شكل شفايفك ولون بشرتك مش عك وخلاص 😁
يعنى لازم تبهريه على فترات.. سامعه ياختى انتى وهي😂
🔴مايبقاش لبسك طول اليوم واحد من الصبح لبليل بنفس الجلابية معاكى فى المطبخ معاكى فى شاور العيال معاكى ع الغدا وتغيريها بقى قبل النوم ..ايوة هنجدد اهو ياسلام ..نلاقى نفس سحنتها بس لون بصلى اصل البصلى اشيك بليل ! ؟؟؟😳
🔴متناميش وشعرك مربوط بمنديل اجدادنا كل مايتقلب يعينى يلاقى خالتى فاكيها جمبه...ابقى لفيه لما يروح الشغل...😡
🔵لما تصحى الصبح اعملى اسنانك و خدى نعناع عشان متبوظيش اى لحظة رومانسية كانت بتشاور عقلها تحصل..واهريه هو كمان نعناع والعيال نعناع وجارتك نعناع انعشى المواطنين ماهى زاطت بقى 😂
🔴ماحبكتش التنضيف وهو فى البيت وخيالك انه هيرفع رجله ويهزر معاكى زى اغنية اليسا اجمل احساس فى الكون...لأن الواقع هتغنى ياشبشب الهنا اشمعنا بس انا...😂😂
🔴محبكتش ماسك الزبادى بالتوم على وشك وهو قاعد ويسلام بقى مع زعيقك للولاد بنفس تكنيك لا تسألنى من انا...كتييير كده كتيير يا فوزيه 😢😮
خليكى دايما واثقة انك💃🏻 جميلة...انثى...مميزة...وقادرة تبقى احلى واحدة ..وجسمك وهيئتك ليكى انتى قبل اى حد تانى .. وياريت اللي يقرا يعرفنى عشان اعرف إن في حد بيقرا ولا انا بكلم نفسى
خلاص متزعلوش انتوا اصدقائي ومقدرش استغني عنكم 😍😍😍
يالاه بقى دعوه حلوه كده من قلبك ❤❤❤❤❤
ولكى المثل ان شاء الله ❤❤❤❤
09/09/2019
طريقه العشوره كل سنه وانتم طيبين وبخير
بسم الله الرحمن الرحيم ❤❤
اولا /هنجيب ربع كيلو حب بليله تومااام 😍😍
ثانيا /هننقع الحب فى مياه لمده 3ساعات وبعدين هنسلوق الحب ده لحد اما يتفتح ويستوى خااالص ❤❤
ثالثا /هنجيب كيلو ونص لبن ونحطه على الحب بعد ما نصفى الحب من المايه الى اتسلق فيها ونحطهم على النار 😍😍
رابعا /هنجيب 2كيس نشأ حلويات وكيس فانيليا والسكر حسب الرغبه انا بحبها مسكره فا بحط كوبايه سكر 😍😍
خامسا /هندوب النشاا حبه مايه ونحطهم على اللبن ونحط كيس الفانيليا والسكر ونفضل نقلب لحد اما القوام يتقل معاكى وكده بالف هنا ❤❤
ونبتدى نحطهااااا فى بولات صغيره والمكسرااات حسب الرغبه ❤❤
09/09/2019
بسم الله ماشاء الله
الله أكبر اللهم بااارك
08/09/2019
الطريحه الجديده لى حبايب قلبى
فى ناس وأصحاب كتير ليا شجعونى على انى اخلل زتون ليهم للبيع فا انا هعملهم وهعرضه ولو عجب حد هعماله باذن الله
بسم الله الرحمن الرحيم
باذن الله هنزلكم طريقه الليمون المعصفر السريع
قريب جداا
07/09/2019
07/09/2019
طريقه الزيتون المخلل 💖
بسم الله الرحمن الرحيم ❤❤
اولا /هنجيب الزتون وبالسكينه ونشق الزتونه 3شقات من الجناب☺☺
ثانيا /هنحطه فى مياه لمده يومين عشان المراره بتاعته تخف مع تغير المياه الصبح وباليل ☺☺
ثالثا /هنصفى الزتون من المياه وهنحط معاه فلفل اخضر حامى صحيح ونقلبهم ونبشر عليهم الجزر ونقليهم ☺☺
رابعا /هنجيب من عند العطار بى 5جنيه عصفر على حبه البركه وبى 3جنيه كركم وكيس ملح ونخلطهم على بعض وزى الشطره تحطيهم على الزتون والجزر والفلفل الخضر ونقلبهم كويس ونسيت اقولك ياموزتى لازم تكونى لبسه جونتى طبيى عشان ايدك متحرقيش ☺☺
خامسا /هتطربى فى الكبه او الخلاط او الهون زى ماتحبى حوالى كيلو فلفل أحمر انجليزى حاااااامى وتحطيه على الزتون وكده الزتون اتخلل وتحطيه فى البرتمان الزجاج ☺☺ استنى رايحه فين عيزه الناس تضحك عليناااا 😛😛
التكه الاخيره /بعد ما حطتى الزتون فى البرتمان تجيبى نص كيلو ليمون وتعصريه على الزتون والقشر اوعى ترميه ياااريقه هنعوزه 😍😍 رصى قشر الليمون على الوش وبعدهااااا كاميلى البرتمان بالمياه وهاتى كام فص ثوم كده وحطيهم على الوش وكبااايه زيت بقى آخر حاجه وكده بح وبعد 20يوم بالف هنا ❤❤
وربنا انا منستش الكرفس بس انا مش بحبه فا ده حسب الرغبه مش اجبارى
ومتنسيش تدعيلى دعوه حلوه ولكى المثل 💞💞
وإلى هتعطل على حاجه اختكم معاكم فى اى وقت 💖💖
تعديل
الجماعه إلى بتسأل فين الملح انا كتبه مع الكركم وحبه البركه والعصفر
انا بالنسبه لكميه الملح اولا حسب الرغبه انا مش بحبه مالح اوووى
فا حطيت كيس ملح من ابو جنيه على 3 كيلو زيتون
والاسعااار
التفاحى 18
العزيزى الصغير بى13 والكبير شوايا بى 15
وشكرا ليكم فرحتونى بتعليقاتكم بس متنسوس الدعوه الحلوه بقى ولكم المثل بردوو ❤❤❤
Click here to claim your Sponsored Listing.
Category
Contact the business
Telephone
Website
Address
المطريه
Cairo