Dr.Cosmo

⚪ ب 7.5 جنية بس تقدري تعملي إزالة شعر بدون ألم حتي في الاماكن الحساسة

🔹 هقولكم الطريقة الفعالة و الوحيدة اللي هنقدر نشيل الشعر من الجذور من غير ألم

⬅️ هنستخدم كريم يخدر المكان قبل عملية ازالة الشعر و الكريمات دي انواع حسب المدة الفعالة و تركيزها و استجابة الجسم ليها

1️⃣ اول مادة فعالة معانا هي الليدوكايين تركيز 5% و دي موجودة في ليجنوكايين جل و دا ب 7.5 جنيه وموجودة في ألتراكايين كريم و دا ب 11.5 جنيه

🔹 بنطبقه علي بشرة جافة و نضيفة و بناخد كمية مناسبة و بنستني من 40 ل 60 دقيقة و دي بتختلف من شخص لشخص و بعد كدة بنبدأ نمسح المخدر بمنديل و نبدأ في عملية ازالة الشعر

2️⃣ في نوع تاني من الكريمات بيبقي فيه مادتين مختلفتين كل مادة تركيزها 2.5% بيجيب نتيجة مع ناس و مبيجبش مع ناس تانية زي بريدوكايين و دا سعره 30 و كريم ايملا..بنستخدمه بنفس الطريقة

⚪ اقوي حاجة بقي مخدرة هي الاسبراي طب ليه ؟
لان تركيز المادة اللي فيه بتبقي 10% و دي موجودة عندنا ف ليجنوكايين سبراي و ليدوكايين سبراي و سعرهم 17 جنيه تقريبا

🔹 الاستخدام بقي هنا مختلف لانه بيخدر ف وقت سريع يعني 5 او 10 دقايق هيخدر المنطقة ف لازم نبدأ نعمل عملية ازالة الشعر بسرعه لانه زي ما بيخدر بسرعه تأثيره بيروح بسرعه

بس كدة اتمني تكونوا استفدتم و لو في اي استفسار سيبوهولي ف التعليقات و انا هرد عليكم❤️

لمتابعة جروب التلجرام :
https://t.me/Drcosmo_adrenaline

حابين نتكلم عن صن بلوك كويس و ميكونش غالي اوي بما اننا داخلين علي الصيف

⬅️ الصن بلوك اللي هرشحهلكم هو 50+ Dermatique

✅ مناسب للدهنية و المختلطة
خالي من الزيوت و بيتحكم في افراز الدهون الذيادة و مش هيسيب اي مظهر دهني

✅ قوامه خفيف و البشرة بتتشربه بكل سهولة

✅ ريحته هاديه مش بتسبب اي تحسس بالعكس أمن للبشرة الحساسة كمان

✅ بيرطب البشرة جدا و حمايته من الشمس قوية جدا و من افضل الصن بلوك اللي موجودة حاليا

اتمني تكونوا استفدتم و لو في اي استفسار سيبوهولي في التعليقات و انا هرد عليكم 💗

لمتابعة جروب التلجرام :
https://t.me/Drcosmo_adrenaline

⭕شعرك دهني و فروة راسك دهنيه على طول حتى مع استمرار غسيل الشعر و ساعات بيتكون قشرة دهنية و ملمسه دهني ؟؟؟؟؟

انا هقولك ازاي هتهتمي بيه 🤔
• الشعر الدهني يفضل انك تغسليه يوم بعد يوم

• وتغسلية بشامبو مخصص للشعر الدهني

• وماتستخدميش بلسم علي فروة الراس علشان ميزدش من الدهون ( وبالتالي تزيد القشره في شعرك )

• وتتجنبي استخدام الزيوت و الكريمات المرطبة عشان كمان هيزود نسبه الدهون في الشعر بالتالي هيزود القشره

و لو في اي استفسار يخص البشرة و الشعر سيبوهولي ف التعلقيات و انا هرد عليكم 💙

لمتابعة جروب التلجرام :
https://t.me/Drcosmo_adrenaline

🔸 احسن مواد فعالة علميا للتقشير و الترطيب للركبة و الكوع

1️⃣ اول مادة هي حمض السالسليك
2️⃣و حمض اللاكتيك
3️⃣اليوريا بتركيزات عالية تتجاوز ال 10%

طيب تعالوا بقي نشوف الكريمات و اللي فيها المواد الفعالة دي و نعمل روتين مع بعض بسعر اقتصادي جدا

هقولكم احسن 3 كريمات هندور عليهم و هنستخدم واحد بس منهم حسب اللي هنلاقيه
⬅️ اقوي كريم عندنا هو كريم اسمه heel forte... رغم أن سعروا رخيص الا انه بيحتوي علي تركيز عالي من حمض السالسليك تركيز 13% و بيحتوي علي تركيز 8% من اليوريا... ف دا هيحققلي التقشير و هيحققلي كمان الترطيب اللي بتعمله اليوريا

⬅️ تاني كريم بقي هو foot smart ...بيحتوي علي 2% من حمض اللاكتيك و 8% يوريا كمان 28% من الجلسرين و 10% من اللوز .. طبعا تركيبة ممتازة جدا للجلد

3️⃣تالت كريم بقي و دا اضعفهم هو كريم lenex ..بيحتوي بردو علي تركيز من حمض اللاكتيك معاه يوريا و مواد مرطبة زي الجلسرين و اللوز

🔶 اما طريقة الاستخدام ف هندهن بقي مرة يوميا صباحا

دي كدة بالنسبة للخطوة بتاعت الصبح

🔶 الخطوة بتاعت بليل بقي ف احنا هنجيب كريم يكون فيه مادة التريتينويل تركيز ربع..المادة دي هتعمل ذيادة و تسريع لعلمليه التقشير زي الاكرتين اللي اتكلمنا عنه قبل كدة.. و هنبدأ ندهنه علي الركبة او الكوع بليل و هنسيبه ساعه كاملة بعدين هنغسله و نرطب كويس جدا

طيب نرطب ب ايه
⬅️ ممكن تستخدمي الكاربامايد.. دا كريم ممتاز جدا و فيه يوريا تركيز 10% و ف نفس الوقت سعره اقتصادي
او ممكن تستخدمي zinc olive.. او.. Care by care
او اي مرطب قوي

و بس كدة اتمني تكونوا استفدتم و لو في اي استسفار يخص البشرة او الشعر يسيبوهولي ف التعليقات ونا هرد عليكم ❤️

لمتابعة جروب التلجرام :
https://t.me/Drcosmo_adrenaline

🔸 عايزة تفتحي ركبتك او كوعك مهما كانت درجة الاسمرار و جربتي كريمات و تفتيح و مفيش نتيجة❕

انا هقولك السبب 🤔

⭕ مشكله الاسمرار اللي بتحصل عندنا في الركبة او الكوع بيبقي سببه حاجة من اتنين :

1️⃣ اول سبب الجفاف الشديد و عدم ترطيب للمكان دا

2️⃣ تاني سبب هو تراكم طبقات كتيرة جدا من الجلد الميت فوق بعضها هي اللي بتسبب الاسمرار دا و كل ما ذادت الطبقات كل ما ذاد الاسمرار

⭕ في ناس بتلجأ لكريمات التفتيح
و دا غلط ❌
ملهاش اي لازمة اصل هتشتغل علي ايه ؟

⭕ اول ما هنشيل طبقات الجلد الميت الركبة هتفتح من غير ما نعمل تفتيح و لا اي حاجة مع الترطيب العميق لان الترطيب دا هيحسن من جودة عملية التقشير

🔸 و ان شاءلله البوست الجاي هنزلكم احسن المواد الفعالة علميا للتقشير و الترطيب

بس كدة اتمني تكونوا استفدتم و لو في اي استفسار سيبوهولي في التعليفات و انا هرد عليكم ❤️

لمتابعة جروب التلجرام :
https://t.me/Drcosmo_adrenaline

💢 هل الهيرتونيك احسن حاجة لتساقط الشعر زي ما البنات بتقول ؟؟

هتكلم معاكم عنه بشكل علمي عشان نعرف فعلا هل هو فعال و لا لا 🤔

◀️ الهير تونيك بيتكون من
* Biotin =B7
* Papa=B10
* Ca benzoate =B5
* Cystien&keratin
* Thiamine=B1
* Selenium

و الحقيقة كل الحاجات دي ملهاش لازمة و الدراسات اثبتت دا ❌

⬅️مفيش غير ال Biotin =B7 الوحيد اللي بيمنع تساقط الشعر و تزود النمو و تركيزه اللي موجود في الهيرتونيك هو 150mg
و بيساعد علي هضم الدهون و الاحماض الامينية و السكريات ف يطلع طاقة و تروح تذود نمو بصيلات الشعر

⚠️اما بقي الاثار الجانبية
* انه بيزود الحبوب
* بيعمل مشاكل في المعدة زي سوء هضم
* ظهور الشعر في اماكن غير مرغوب فيها

⚠️و اخر حاجة مينفعش نستخدمه في الحمل و الرضاعة ⚠️

اتمني تكونوا استفدتم و لو في اي استفسار سيبوهولي في التعليقات و انا هرد عليكم 💗

لمتابعة جروب التلجرام :
https://t.me/Drcosmo_adrenaline

🌸 تركيبة طبيعية لتطويل الشعر بسرعة و تكثيفه🌸

⬅️ التركيبة عبارة عن سبع زيوت طبيعية :
• زيت الخروع
• زيت ااخردل
• زيت السمسم
• زيت جوز الهند
• زيت اللوز الحلو
• زيت الزتون
• زيت الووز ماري او اكليل الجبل

⬅️ و عشان تجبيها من مصدر موثوق هاتيها من الصيدليات الكبيرة
في شركات بتعملها مخصوص و بتكون نقية

⭕ هتجيبي الزيوت و هتيجيبي ازازة فاضية و سرنجة 10 ملي

هتاخدي من كل زيت 10 ملي و تحطيه في الازازة الفاضية

⬅️ و الميزة انك تقدري تعمليها اكتر من مرة و هتلاثي متوفر عندك كمية كبيرة منها لسه مستخدمتهاش

⭕ طريقة الاستخدام بقي :
لازم يكون شعرك نضيف و جاف تماما و تجيبي 5 ملي من التركيبة دي و هتحطيها علي شعرك من الجذور لحد الاطراف و تعملي مساج بسيط لفروة الراس و ركزي علي منطقة الاطراف لانها بتكون ضعيفة و دايما معرضه للتقصف و تكرريها كل يوم قبل النوم

و لو في اي استفسار يخص البشرة او الشعر سيبيهولي ف التعليقات و انا هرد عليكم ❤

⚠️ العيد قرب و عايزين ماسكات للبشرة ؟

⚪ تعالوا اقولكم علي ماسك سحري لتفتيح البشرة و هيخليها نضرة و كمان علاج الهالات السودة و انتفاخات العين💗

◀️ مش هنحتاج غير
* معلقة قهوة او بقايا قهوة
* معلقتين ماء الورد
* معلقة لبن ( بودرة او مائي)

◀️ هنحطه علي البشرة لمدة 15 دقيقة و نشيله بلطف بماية فاترة
هيعالجلك حروق الشمس و التصبغات و اثار الحبوب القديمة

⚪ اما بقي بالنسبة للهالات السودة

هنحتاج
* قهوة او بقايا قهوة
* ماء ورد
◀️ هنحطهم في قوالب التلج و هنسبهم لحد ما يبقوا تلج وبعد كدة هنمشيها علي الهالات

و بس كدة اتمني تكونوا استفدتم و لو في اي استفسار يخص البشرة او الشعر سيبوهولي في التعليقات و انا هرد عليكم 💗

لمتابعة صفحتنا علي الفيس بوك :
https://www.facebook.com/Dr.Cosmo1
لمتابعة جروب التلجرام :
https://t.me/Drcosmo_adrenaline

⚠️ ايه افضل طريقة لإزالة شعر الوجه

⭕ من اكتر الاسئلة اللي بتواجهني من البنات عشان في طرق كتيرة جدا موجودة و مش عارفين نستخدمها و لا لا و هي هتنفعنا و لا هتضرنا .. خليني اقولك افضل و اسوء طريقة لإزالة شعر الوجه

1️⃣ الشمع او الواكس .. اسوء طريقة لان الشمع دا بيعمل حاجة اسمها حساسية تلامسية و طبعا الحساسية دي بتعمل التهابات شديدة في الجلد اللي بتعمل بعد كدة بقع بنية و بيبقي صعب بعد كدة اننا نعالجها

2️⃣ الفتلة او الخيط .. هيكون اختيار كويس لو انت جربتيه قبل كدة و محصلكيش اي التهاب للجلد او حبوب

3️⃣ الليزر .. دا اختيار كويس جدا بس اهم حاجة نخلي بالنا ان الليزر بيشيل الشعر السميك الاسود يعني لو انت عندك شعر وبري مينفعش تستخدمي ليزر لانه هيتقل الشعرة و لونها

4️⃣شفرة فلامنجو .. دي بقي افضل طريقة في ناس كتير مفكرة انها لما تستخدمها هتذودلها الشعر او تطلعه سميك او يطلع بشكل اسرع و الكلام دا مش صح❌
الدراسات العلمية اثبتت ان شفرة فلامنجو او الشفرة بتاعت البنات مش الشفرة الرجالي دي افضل طريقة لازالة شعر الوجه

بس كدة اتمني تكونوا استفدتم و لو في اي استفسار يخص البشرة او الشعر سيبوهولي ف التعليقات و انا هرد عليكم 💗

⭕ بنات كتير سألتني علي وصفة لتطويل الضوافر تكون مضمونة و سريعة خصوصا ان العيد داخل ...تابعوا معايا و انا هقولك الحل حتي لو ضوافرك مش بتطول بمنتجات موجودة في كل بيت

⬅️ هقوكلم علي 3 وصفات مهمين و مرطبتين ببعض و هنعملهم ورا بعض
1️⃣ الوصفة الاولي:
هنجيب طبق فيه ماية مغلية و هنحط عليهامعلقة ملح و هنركنها لحد ما تدفي شوية و ايدينا تستحملها

و هنبدأ بقي نحضر الوصفة بتاعتنا و هي اننا هنجيب اي معجون اسنان و هنرش رشة ملح بسيطة
طبعا الملح فايدته ان هو بينضف الضوافر و يبيضها
و هنحتاج نص لمونة و هنجيب اي فرشة اسنان قديمة عندنا و هنقلب المكونات بتاعتنا كويس جدا
بعد كدا هنبدأ نفرك بالفرشة علي الضوافر لمدة 3 دقايق و نحاول المعجون ميجيش علي الجلد

و مش هنغسل ايدينا هنجيب منديل و هنمسح الضوافر بس عشان المسحوق يفضل في الضوافر شوية

2️⃣ الوصفة التانية :
و بعد كدة هنفرك الضوافر باللمون و بعد هنجيب الماية اللي كنا راكننها و هنحط ضوافرنا فيها و نفرك بشكل دائري

3️⃣ نيجي بقي للوصفة التالتة :
و هي مهمة جدا لازم تستخدميها يوميا قبل ما تنامي و اول ما تصحي

هنجيب فص توم و هنقطعه صغير جدا و هنهرسه شوية بالسكينه و هنبدأ نحطه في ازازاة المانكير الشفاف او مع زيت زتون
و عشان نتخلص من ريحة التوم ..هنفرك ايدينا بلمون بعد ما نستخدم الوصفة بتروح خلاص و بتغسلي ايدك بالصابون عادي و كمان انه بيتحط مع المانكير اصلا ف دا بيقلل ريحته جدا

⭕ بعد كدة بقي هنقفل ازازة المانكير و هنبدأ نرجها و بعدين هنسيبها لمدة ساعة.. بعد كدة هنحطها بقي علي الضوافر و عادي انها تيجي علي الجلد و في خلال يومين بس ضوافركم هتطول

⭕ و هنجيب اللمون و نفرك ضوافرنا للمرة الاخير لانه بيقوي الضواقر و بيبيضها

⭕و اخر حاجة بقي هي ترطيب الضوافر زي زيت زتون او زيت جوز هند او زيت سمسم

⭕ بس كدة اتمني تكونوا استفدتم و لو في اي استفسار سيبوهولي في التعليقات و انا هرد عليكم

🔵 بتعاني من بشرة جافة او شديدة الجفاف

🟣 طيب هو ايه سبب الجفاف دا ؟
في ناس طبيعة بشرتها انه يتكون جافة و دا بسبب نقص الزيوت الطبيعية في البشرة

🔵 و طبعا الحل اننا نستخدم كريم يكون فيه مواد مرطبة زي الجلسرين و الالوفيرا او چل الصبار و زيت اللوز

⬅️ و المواد دي موجودة في في المرطب care & more
بيحتوي علي
• الجلسرين : اللي بيرطب البشرة و يحميها من الجفاف و التشققات
• خلاصة الصبار : مضاد للاتهابات و بيهدي البشرة و يرطبها
• زيت اللوز : و هو مضاد للاكسدة و بيرطب البشرة و بيمدها بفيتامينات أ و هه
• فيتامين هه : مضاد للاكسدة بردو و بيحافظ علي الرطوبة داخل الجلد و بيحفز تجديد خلايا البشرة
• الفروالة : اللي بتدي ريحة منعشة و طبيعية

بس كدة اتمني تكونوا استفدتم و لو في اي استفسار يخص البشرة او الشعر سيبوهولي في التعليقات و انا هرد عليكم❤