Miss X

طيب ايه رائيكم فى الون ده 😍
هنزلكم موضوع شامل هايخلي ايدك ناعهه وفيها لمعه مميزه
الاول بس هعلق ع شويه حاجات من الموضوع اللي فات
مبدئيا النتيجه مش بتيجي من يوم و ليله
ثانيا النتيجه اللي بتحصلي عليها ف وقت طويل ممكن تخسريها ف لحظه
يعني مثلا حد عاوز يتخلص من الكاللو !
مروحش اشيله و البس جزمه ديقه تاني !
ما هي هترجع الكاللو
مثلا ميبقاش عندي ريحه ف رجلي و اروح ملبسش شراب !
ما الريحه هترجع تاني و اسوأ كمان
عندي اسمرار ف وش رجلي و احط و اعمل ماسكات للتفتيح
و انزل ف الشمس من غير حمايه !
ثالثا انا نبهت و قلت اي وصفه لا تستعمل الا بعد تجربه ع مكان صغير
و تشوفي رد فعل الجلد ايه
بصوا من الاخر ده روتين هتمشي نفسك عليه زي ما هقول
اولا الروتين اليومي الليلي :-
هتغسلي رجلك و تدهني اي مرطب تقيل و تلبسي شرابك ( فتره العلاج بس )
لما التشققات تروح و رجلك تبقي تمام المرطب هيبقي من غير شراب
ثانيا الروتين الصباحي :-
هتغسلي رجلك بالصابون و ضوافرك بالفرشه
و تحطي مرطب خفيف لو مش نازله او لو هتلبسي كوتشي
او هتحطي واقي الشمس و تلبسي شراب من اللي هما شفافيين دول
و تعيشي حياتك و ترشي البودره ف الشوز بتاعك كمان
الشراب يبقي قطن
الجزمه مريحه و متبقاش بكعب عالي
الجزمه المناسبه ليكي هي اللي تقدري فيها تحركي صباع رجلك
ترررشي الباودر ف الشوز
متحطيش مرطب و تلبسي شوز مفتوحه ده هيسمرك اكتر
تعملي تمارين لرجلك زي كده
لو اضطريتي تلبسي بكعب او ضيق ف رجلك
بعد ما ترجعي تعملي حمام زيت او حمام خل او لمون او ملح
الروتين الاسبوعي بقي :-
مرتيييييييييييين عندك ف الاسبووع مش اكتر لكن ممكن اقل
تعملي باديكير و طبعا الباديكير زي ما شرحته بيتناول الماسكات و التقشير
و كل ده انا بفضل اعمل ده جمله علي بعضه كده علشان منساش حاجه
مرتين ده للناس اللي رجلها ضايعه خالص
مره كل اسبوع للحاله المتوسطه و العاديه
متغيبيش اكتر من كده ف الباديكير
و مهم جدا يكون ليكي يوم كده مخصصاه لكل الكلام ده و هقولك ليه بعدين
عن نفسي انا مخصصاه الخميس علشان اصحي الجمعه ابقي نظيفه و مستعده
اني اتبخر ع نظاافه
و الناس اللي بتسال هندخل ف الجسم امته امته امته امته
بصوا ده الجدول اللي همشي وفقا ليه
رجلين
ايدين
وش (( بشره اسنان شفايف ودان ))
شعر
جسم
يعني الموضوع الجاي عن الوش تمام كده ؟
ندخل ف موضوعنا بقي الا و هو الايدين
ـــــــــــــــــــــــــــــــــــــــــــــــ
المشاكل اللي هتكلم عنها في الاظافر و الايدين
* تعقيم الاظافر و اليدين
* جفاف الاظافر و اليدين
* تقشير اليدين و و ماسكات العنايه
* تفتيح اليدين
* اصفرار الاظافر
* العنايه بالجلد المحيط بالاظافر
* ضعف الاظافر و تقصفها
* تكسر الاظافر و تطويلها
ــــــــــــــــــــــــــــــــــــــــــــــــ
اولا تعقيم الاظافر و اليدين :
دي بقي حاجه مهمه جدا جدا جدا جدا جدا
لان الناس اللي عاوزه تطول اظافرها بتلم بكتريا و بتيجي تعمل الاكل بعد كده
مبدئيا لازم يبقي عندك كحول
اتعورتي بقي هتعملي حاجه اي قصه استعملي الكحول و اشتغلي
ده مهم جدا للجسم و الاظافر علشان التعقيم و البشره علشان الحبوب و كل ده
بتحطيه ف فرشتك كده و تشتغلي بيها ع اظافرك
او صابون ديتول الازازه الصغنونه دي بحطها معايا ف الشنطه بس انا عمتا
مبحبش اي صابون سائل بحسه بيزيق ف ايدي و اسناني بتجز منه
بستعمل الشاور جيل مش بيعمل التزييق ده
ده جيل معقم انا بحب ديتول في ماركات تانيه زي اللي بتبيعهم بادي اند باث ووركس
ديتول اللي باللمون او العادي ده معفن انتعاش الربيع جميل ريحه كويس
انما اللي باللمون ده تقريبا ريحته سمكه ميته !! XD
جبت الصغيره ب 15 و عندك كمان لايف بوي منزل معقم اعتقد
ايزي كير وايبس لا غني عنها طبعا
و المعقم و الوايبس داااائما يبقوا معاكي ف الشنطه
ممكن تستعملي حاجات تانيه زي سافلون او سائل ديتول المعقم
عندك كمان ممكن تستعملي بيتادين و هكذا براحتك بتخففيهم و تغسلي ايدك
بس مش بعمل كده كتير الا ف رجلي.. اما ف ايدي بكتفي بالغسل الكويس و الكحول
انتي كده ضوافرك من ناحيه التعقيم فله شمعه منوره
ــــــــــــــــــــــــــــــــــــــ
جفاف الاظافر و اليدين :-
بسبب قله الترطيب طبعا ههههه
استعمال الاسيتون بكثره و المانيكير
كثره غسل اليدين بالصابون
قله شرب الميه
ع فكره الضوافر الجافه اكثر عرضه للتقصف و التكسر
اختاري نوع مرطب او زيت كويس و استعمليه و هقترح عليكم شويه حاجات
زيت خروع .. زيت زيتون .. زيتو جوز هند (( لا غني عنه ))
زيت كبد الحوت (( يقوي الاظافر جدا )) .. زيت لوز حلو .. زيت الجوجوبا او الهوهوبا
دي بعض الزيوت و هتكلم عنها بعدين بتفصيل اكتر مع الصور كمان
اللي ع اليمين انا حطا فيه زيت زيتون و فيه قطع ثوم
و جنبه زيت اماندا جته القرف معفن و بيقصف الضوافر اصلا
اما الكريمات بقي عشيقي و معشوقي و صديقي و رفيق دربي و بوسه ع خده
كريم ذا بودي شوب اللي بزيت اللوووووووووووووووووز بجد 1000000000000 من 10
ترطيب و ريحه و انصحكم كلكم تجيبوه رائع بجد و يستاهل كل الشكر فيه
سعره 100 او 120 حاجه كده بس مش اقل من 100
و يستاهل بجد بجد و الله العظيم رائع
ــــــــــــــــــــــــــــــــــــــــــــــــــــــــــــــــ
بتاع ذا بودي شوب هو التوب بالنسبالي بس بستعمل حاجات تانيه زي
فااااازلين لليدين
بستعمل بتاع ذا بودي شوب لو مش موجود باخد بالمرز و لو بالمرز مش موجود فازلين علطول
بصراحه مبقتش بلاقيه خالص من فتره معرفش ليه و هو خلصان عندي و معرفتش اصوره طبعا
بااااااااااااااااااااااااااااااااااالمرز حبيب قلبي و حبيب الملايين
لسه جايبه دي امبارح لانه كان خلصان ريحته تتاكل اكل كددده رائع بجد
جبته ب 30 اعتقد و بجد رااائع
جليسوليد للاظافر و اليدين الجافه جدا لانه تقيل اوي اوي
( ايفا )كمان تقيل اوي و ترطيبه كويس
دوف خفيف لطيف سريع التشرب
بس ريحته تقيله اوي
نيفيا بيتهيالي مش بيخلص من اي بيت اساسا
طبعا تندر كير بوسه كبيررره
دي زبدده اظافر زي بتاعه الشفايف بس صغنن اوي و غالي ب 50 جنيه
الكريم ده ناعم اوي و حلو جدا بس اوريفلام منزلتهوش تاني للاسف
الكريم و الشاور جل المفروض بالشيكولاته بس بكرهه و لسه مستعملتهوش
لانه مقرف و بكرهه بكرهه بكرهه
بحط الشاور لما بعمل باديكير لماما او اختي
و مينفعش بيت ميبقاش فيه حاجتين يعني اساسي ف كل بيت
فازلين و جليسرين لما ليهم من استعمالات في كل حاجه
و ممكن يغنوووكي عن حاجات كتير اوي اوي اوي
الاولاني الازرق ده الافضل و الاحسن و سعره 8
و اللي جنبه الاسوأ و ريحته غريبه جدا ب 6
ده جليسريني الحبوب
ب 5 جنيه و كوكو اوي كويس
و كمان علشان الغسيل الغلط بيدمر الايدين فا مهم تهتموا بالغسيل
انا عمتا بستعمل الصابون السائل بس بيخلي اسناني تجز من ملمسه
فا بقيت بستعمل الشاور جل فا لقيت انه مش بينضف بالشكل اللي انا عوزاه
جبت دوف و بقيت استعملها و لكن برضه حسيت انها بتهدنن ايدي اوي
جبت صابونه الكركم علشان تبييض الايدين نشفتلي ايدي جدا و جسمي
قررت اخد خطوه متهوره هههههه
جبت دوف و بشرتها و جبت صابونه الكركم و بشرتها
و نقعتهم في ميه ورد ليله كامله
طلعلي كريم الصابون ده
طبعا بصوا مش هشكر فيه بس هو رائع فعلا
جمعلي ما بين الترطيب من دوف و التنظيف و التبييض من صابونه الكركم
و كمان الريحه الجميله من صابونه دوف
و بستعملها كمان ساعات لجسمي هوضح طريقتها بعدين ف موضوع الجسم
طب ايه البديل له ؟ .. البديل هي صابونه الغار بتاعه حراز و لا نشفتلي ايه ولا اي حاجه
و بتنظف كويسسسسسسس جدا جدا جدا
و اخيرا بقي الاسيتون بيدمر طبقه الكيراتين اللي ف الضوافر
فا استعملوا مزيل مانيكير من غير اسيتون ..
انا بستعمل دول لانهم اخف ضرر مع انهم بينشفوا برضه
البرتقالي ايفا و حلو ب رينج 6 جنيه
و جنبه لونا المفروض بزيت الخروع بس بينشف برضه اكتر من ايفا
ده بقي انا عاوزه اديله بوسه كبيره
ده راااااااااااااااااااااااااااااائع جدا بزيت اصلا و مش بينشف خاالص
بموت فيه بصراحه :*
بصوا هنا كده انا استعملته شايفين ضوافري مش ناشفه ازاي و فيها زيت
و ريحه الزيت راااااااااااااااااااااااائحه بجد
و الصوره دي بوضح فيها شكل المنديل
علي فكره انا استعملت ده بس في ازاله ايدي كلهاااا يعني توفير كمان اهوه
و اخيرا تاني ! هههههه
استعملي جوانتي علشان مهم و الباقي انتوا عارفينه بالنسبه للجوانتي
دي كده كل حاجه بالنسبه للجفاف بتاع الايدين و الاظافر
ــــــــــــــــــــــــــــــــــــــــــــــــــــــــــــ
تقشير اليدين و ماسكات العنايه بها :-
بصوا التقشير و ماسكات العنايه هنا مش هتختلف كتير عن الرجلين
الا في حاجه واحده بس هي ان الايدين زي ما احنا عارفين
الجلد فيها بيبقي ارق و اكثر حساسيه و كمان مفيش غدد دهنيه
فا نحاول بقدر الامكان ان الايدين تبقي مش جافه و نحط مرطب علطول
فا اي ماسكات او مقشرات ضروري يدخلها زيوت اكتر من الرجلين
و كمان تكون الحبيبات اخف علشان الجلد ميتهريش
المقشر المفضل عندي .................. هقولوا تحت و هسيبكم متحمسين
و علي فكره زيت جوز الهند من اروع الزيوت للبشره
و هنا نراعي نوع كل بشره و درجه تحملها يعني مثلا البشره الدهنيه
ممكن متتحملش زيت الخروع يعني تجربي الاول و تشوفي ايدك متحمله ولا لا
المقشرات بقي :-
* ملح اليوكو
* اصاله
* ميلك اند هوني من اوريفلام
* صنفره انجي
* صنفره ستاركي
* فروتيني
* صنفره العروسه من حراز .. خفيفه اوي علبشره و ريحتها رائعه
* الحمام المغربي
دي انواع كتير و السوق فيه اكتر و انتي بتجيبي اللي يريحك
عن نفسي انا بحب لايدي ملح اليوكو و الحمام المغربي
و الحمام المغربي براحه ع ايدك مش جامد
و دي شويه وصفات من اجااانب
* سكر + لمون + زيت زيتون
* سكر + زيت زيتون +صبار ( الجل اللي جوا الصبار )
* سكر + زيت جوز هند + زيت زيتون
* سكر + زيت لوز حلو
* سكر + مرطب خفيف
* سكر + لمون + عسل
* سكر + لبن + عسل
* رز مطحون + مرطب خفيف
* قهوه + عسل
* سكر + كاكاو + زيت زيتون +عسل
بصوا المكونات بقي علي حسب كل فرد زي ما قلت
يعني حسب احتياجاتك و انا ملاحظه جدا ان الاجانب بيحطوا اللمون
ك مكون اساااااسي من اي سكرب بيعملوه اصلا
السكرب المفضل عندي بقي
سكر بني او ابيض + سكر ناعم اوي + اي نوع زيت انا بحط جوز هند او زيتون
+ عسل + لمون + قشر لمون + زيت عطري انا بحط لافندر + فانيلا
الزيوت العطريه بتحطي نقطتين لكل معلقه زيت وسيط صغيره
اكتر من كده بتحرق الجلد
الزيوت العطريه ممكن متناسبش كل الناس ف خدي بالك
الزيوت الوسيطه زي زيت الزيتون و اللوز و غيره
انصح جدااااااااااااا الفتوكات فوق 30 كده
تحطوا زيت الجوجوبا لانه فيه نسبه كولاجين عاليه و فيتامين e
واي فتوكه تقدر تحطه براحتكم يعني
المااااااااااااااسكات بقي ..بصوا الماسكات زي الرجلين بالظبط
نشا .. لبن نيدو .. بيكنج بودر .. عسل .. ميه ورد
و اغرقوا فيها خلطاااااااااااااااااااااااات
و دي اضمن و افيد حاجات ممكن تتعمل يعني
ممكن تستعملي ماسكات جاهزه براحتك
و هقول حاجات في غايه الاهميه و هما الماسك الهندي الرهيب ده
ده ماسك هندي بيتعمل للعرايس الهنديه و ينفع للايد كمان هو اصلا للوش
بس بعمله للايد كمان رائع و هو
معلقه دقيق + ربع معلقه كركم + معلقه زيت لوز حلو + شويه لبن صغيرين للربط بينهم بس
ميبقاش عجينه و ميبقاش سايل اوي
اهم حاجه تجربيه في حته صغيره الاول لان الناس اللي لونها فاااااتح اوي ممكن يبقع ف وشها او ايديها اصفر
تاني حاجه و هي بيكربونات بيكون عباره عن سكرب
بتحطيله كام نقطه ميه لحد ما يبقي عجينه كده و بتعملي بيه سكرب
تالت حاجه و هي البيكربونات و اللبن نفس طريقه اللي فوق
رابع حاجه و هي الماسك بتاع الؤلؤء البحري من حراز
بصوا انا معجبنيش خالص حسيته سمرلي وشي و ايدي يمكن انا استعملته غلط
ـــــــــــــــــــــــــــــــــــ
تفتيح الايدين :
مبدئيا من الحاجات الغلط الشائعه هي ان لما تدعكي ف ايدك كتير هتفتح غللللط
هتسود اكتر علشان انتي كده بتلهبيها
مش هزود اي حاجه هنا جديده عن اللي قلتها ف موضوع الرجلين بالنسبه للتفتيح غير 3 بس
ده رائع جدا جدا و هتلاحظي النتيجه بعد اسبوعين او اسبوع كمان
خلصان من عندي و بدور عليه مش لقياه كمان
نيفيا ده رااااااااااااااااائع علشان الناس اللي اشتكت من العروق البارزه ده الحل الوحيد لها
او العلاج بالليزر معلش ملهوش علاقه بالتفتيح بس مش عاوزه ابقي نسيت مشكله اي حد
استعملته لماما و النتيجه مرضيه جدا و مش عندي حاليا
فازلين الموحد للون راااااااااااااااااااااااااااااااائع جبته ب 38 جنيه من كام يوم وحاسه بفرق
و كنت بستعمله قبل كده بس مطولتش فيه لان اختي اخدته و معاه شويه حاجات تاني
و رجعت جبته مره تانيه اهوه
عندكم بقي باقي الحاجات اللي قلتها ف موضوع الرجلين
* صابونه الكركم من حراز
* ميلوكين
* كريم السمك
ــــــــــــــــــــــــــــــــــــــــــــــ
اصفرار الاظافر :
كمان نفس قصه اظافر القدمين
اللمون .. البيكربونات .. البيكنج باودر .. المعجون المبيض
و عيشي حياتك فيهم انا شخصيا ف اظافري
بحب احط الاول المعجون ك تبييض و تنظيف
و بعدين اللمون و ابدأ افرك بيه ضوافري لان ده بيقويها
و في نفس الوقت بيبيضها
ـــــــــــــــــــــــــــــــــــــــــــــــــــــ
العنايه بالجلد المحيط بالاظافر :-
من الاخطاء الشائعه هي ان لما يبقي عندك جلد حوالين الاظافر خشن
تقومي جايبه المقص و تقصيه غلط لانه هيطلع اكتر من الاول
طيب ايه الحل ؟؟
في خطوتين و هما .. ترطيب قوي و بعدين تشيليه من غير ما تقصيه
مبدئيا انتي لما هترطبي كويس هتحسي انه خلاص مبقاش محتاج
و لكن لما ايدك بترجع تجف مره تانيه هتظهر فا انا بشيلها و هي طريه اوي
من غير ما اقصها و هوضح ازاى ف الباديكير
المرطبات بقي :-
في حاجات مخصصه لده كنت اتكلمت عنها ف موضوع الرجلين زي ايفازلين
و بتاع اوريفلام >> بتاع اوريفلام بيتحط 3 دقايق اعتقد و ايفازلين 10 دقايق
و بعدين بتبدأي تزيحي الجلد و تشيليه دون قص
معندكيش ؟ طيب بصي
جليسوليد من اكتر الحاجات التقيله اوي اللي بتنفع جدا للمكان ده
الجليسرين كمان بيطري الدنيا خالص
فازلين كمان ماشي حاله
كريم ايفا كويس برضه
نيفيا شغااااااااال
طب ايه افضل طريقه ؟؟
انا عن نفسي لو معنديش بتاع اوريفلام او ايفازلين
بعمل ايه ؟
بحط جليسوليد الاول و اسيبه شويه و بعدين ابدأ انضف
و بعدين بشيله و احط جليسرين و ابدأ انضف كمان علشان اضمن انه اتشال تماما
طب معنديش اي كريم ؟
بجيب لمون و مشيها كده حوالين ضوافري و اسيبها تنشف
و بعدين بحط جليسرين و ابدا انضف
و بعد كده احط شويه ميه ورد و انضف كمان
طيب لو واحده عاوزه تعمل حاجه زي مزيل الزوائد الجلديه تعمل ايه ؟
انا عملت 3 حاجات باشكال مختلفه
2 كريم و 1 زيت خلونا نشوف كده
اولا :
جبت كريم و فازلين و جليسرين و خلطهم ببعض و استعملتهم
كمان نفس الكلام ده جليسرين و فازلين و كريم و زودت عسل عليه
و سيحتهم كمان ع النار بس الكريم طبعا مش هيمتزج مع فازلين بس مش مهم
ثانيا : جبت فازلين و زيت جوز هند و زيت زيتون و لمون و عسل و كبسوله فيتامين e
و جليسرين و سيحتهم برضه و حفظته ف علبه تانيه زي كده
كمان شفت فيديو ع اليوتيوب لواحده اجنبيه حطت زبده شيا مع لمون
و عسل و كبسوله فيتامين e و زيت جوز هند و سيحتهم
بس انا معملتهاش لان انا معنديش زبده شيا
ثالثا : اللي هو الزيت بقي
زيت زيتون .. نفس المقدار زيت جوز هند .. كبسوله فيتامين e
ده كمان بيطول الاظافر و بيرطب و بيشيل الزوائد الجلديه لانه مرطب قووي
انا حاليا مش عامله منه لاني عامله علبتين كريم و عندي بتاع اوريفلام و ايفازلين
و كمان عندي زيوت جاهزه للعنايه فا لازم اخلصهم و بعدين هعمل الوصفه دي
بس كده بعد الترطيب هتشيلي الزوائد دي و هتكلم عن ده ف الباديكير
ضعف الاظافر و تكسرها و طرق تطويلها اللي هما اخر نقطتين
بصي مبدئيا لازم نعرف ايه اسباب الضعف و التقصف ده علشان نتجنبها
اولا الغذاء .. يعني لو مبتاكليش كويس او اكل غير صحي
بياثر ع اظافرك و بشرتك و شعرك و بتبقي شاحبه كده و مش نضره
ثانيا الماء .. قله شرب ميه بينشف الضوافر
و كنت قلت قبل كده ان الميه لما بتدخل جوا جسم بتفيد
لما بتبقي بره بتضر و اظافرك بتنشف و تبقي هشه تمام ؟
دول اهم حاجتين و من غيرهم لو اتنططي مش هتعالجي اظافرك
و لازم تفرقي بين ان ضوافرك ضعيفه اصلا او هي ضعفت بسبب الحاجات دي
طيب ايه كمان من العوامل الخارجيه بقي ؟
قرقضه الاظافر
قله استخدام مرطب
انك تمسكي حاجات بضوافرك او تفتحي بيها حاجه
الانسان مع تقدم العمر ضوافره بتضعف
كتر استعمال الاسيتون
كتر استعمال الاظافر الصناعيه اللي بتدمر الاظافر بمعني الكلمه
و كتير من العوامل اللي بتبقي موجوده
طب نعمل ايه ؟
اول خطوه لازم لازم تشربي ميه اقل حاجه لتر في اليوم و زودي بشكل تدريجي
تانيه حاجه لازم تظبطي اكلك بحيث انك تبعدي عن الدهون الكتيره بقدر المستطاع
و في نفس الوقت تامني احتياجات جسمك
طيب خارجيا نقدر نعمل ايه ؟؟
هقسم الجزء ده 2
تنظيف و ده هيبقي في الباديكير
و العنايه و الماسكات الكلام ده كله
مش هتكلم عن الباديكير ناو خالص هخليه اخر حاجه
هتكلم عن العنايه
لعنايه بالضوافر مش صعبه بس تعرفي ايه احتياجات ضوافرك
اول خطوه علشان تعالجي فيها تقصف ضوافرك هي انك تمنعي اي حاجه ممكن تقصفها
تاني حاجه ترطيب و ماسكات
طيب الترطيب ؟
في زيوت مخصصه للاظافر زي بتاع اماندا و ذا بودي شوب و حراز و سالي هانسون و غيرهم
انا اكتر حاجه ارتحت معاها هو الزيت بتاع حراز ب 17 جنيه
بدهن منه كل يوم قبل النوم و اول ما بصحي و في نص اليوم
و لو حسيت اني محتاجه ارطب اكتر من كده تمام مفيش مشكله
ابدأي انتي انك تحطي قبل النوم و بعدين زودي متصعبيش علي نفسك
طيب معندكيش اي حاجه من دي و مش عارفه تشتريها منين تعملي ايه ؟
عندك
يا اما ترطبي بالمرطبات المخصصه للايد و الضوافر او الزيوت الطبيعيه
طبعا انا المرطبات اتكلمت عنها فوق فا هنا هتكلم عن الزيوت
عندك زيت زيتون فيه فيتامين e يعني مش هتحتاجي تضيفيله حاجه
ادهني منه كل يوم قبل النوم مع التدليك لحد ما يتشرب
الازازه دي من اولاد رجب مش فاكره بكام بصراحه
زيت جوز هند .. كنت بتفرج علي برنامج the doctors
و قالوا ان سر جمال الفنانات الاجانب هو زيت جوز الهند
رائع بمعني الكلمه و انا لما استمريت في دهنه حسيت بفرق
من حراز يمكن ب 7 جنيه او 6 مش فاكره
زيت الخروع .. لزج شويه لكن مفيد
الازازه ب 10 من حراز
ده نوع زيت جوز هند للشعر من اوريفلام
و نحط قاعده كده ان كل اللي ينفع للشعر ينفع للاظافر لانهم نفس التكوين
ملاحظتش فرق اوي عادي يعني بيطري الشعر و الاظافر مش اكتر
لما جبته كان ب 30
ده زيت الجوجوبا او الهوهوبا ده رائع بمعني الكلمه
جبته من العزبي ب 60 جنيه و فعلا رائع انا بستعمله لشعري من سنتين دون تغيير
و لو فكرت اغيره هستعمل مكانه زيت جوز الهند بس مش هغير هههههه
بقيت بستعمله لضوافري كمان و كويس جدا
كمان فيه نسبه كولاجين عاليه اوي
عندك زيوت تانيه زي زيت اللوز الحلو و خفيف جدا
زيت كبد الحوت بيطول و بيقوي الاظافر
بس حاليا خلصانين من عندي
و غيره من الزيوت المفيده و لكن دي اكتر زيوت جربتها و عجبتني
ده كده جزء الترطيب طيب جزء الماسكات ؟ و اللي ليها دور كبير
بصي مبدئيا كده في حاجه اسمها حمام كليوباترا
ده عباره عن انك بتملي البانيو ميه و تصبي فيه كوبايه لبن
و شرائح لمون و 10 نقط من زيت الافندر و ورق ورد
و بيقولوا ان ده كان واحد من اسرار جمال كليوباترا
طبعا حرام اللبن في الحمام و الكلام ده كله احنا عارفينه
طيب هنعمل ايه ؟ هنعمل الحمام ده لايدينا
و مش هنستعمل لبن عادي هنجيب لبن بودره
طيب يتعمل ازاى ؟
هاتي ..
2 معلقه عسل .. معلقه زيت زيتون .. 5 نقط زيت لافندر للاسترخاء و ممكن تستغني عنه
كيس لبن نيدو .. لمونه اعصري نصها و النص التاني قطعيه شرائح رفيعه
و الجزء اللي عصرتيه مترميهوش خليه هنستعمله تاني و لو عندك ورق ورد هاتيه لو
مفيش تمام مفيش اي مشكله
و خدوا بالكم المكونات دي ممكن تنقصي منها ممكن تزودي براحتك
بس اللبن ااساسي
هتحضريه ازاى ؟
حطي كيس اللبن في كوبايه ميه و دوبيه و دوبي فيه عسل و اعصري فيها اللمون
حطيه في بوله ميه و الميه تكون دافيه شويه و بعدين حطي معلقه زيت الزيون و نقط اللافندر
و بعدين هاتي الشرايح بتاعه اللمون و حطيها و الورق بتاع الورد لو عندك
و حطي ايدك فيه مش مفيد بس لضوافرك كمان مفيد لبشره ايدك
و خليكي فيه لمده 15 الي 20 دقيقه
هيبقي شكله كده
طيب نتعرف علي خصائص كل حاجه بقي
اللبن .. تبييض و تنقيه و ترطيب
اللمون .. مبيض
العسل .. مرطب قوي
زيت الزيتون .. ترطيب و فيه فيتامين e مفيد للبشره و الضوافر
زيت اللافندر .. بيرخي الاعصاب و ريحته رائعه
ورق الورد .. منظر جمالي و بيهدي الاعصاب
ده كويس جدا و بحب اعمله كنوع من التدليل لنفسي
و افاده لجلدي و ضوافري
طبعا ده يتعمل بعد تقشير ايدك يعني في اخر الباديكير
علشان ايدك تستفيد منه و بشرتك كلها
طيب ايه تاني ؟ حمامات الزيت بقي للضوافر
علشان حمام الزيت بتاعك يبقي ناجح لازم يبقي عندك دول
و حطيه ك قاعده عندك
ورق الالمونيا ده .. لما تحطي الزيت تبقي مقطعه قطع صغيره كده منه
و تحطي الزيت و تلفيها علي صباعك و بعدين تلبسي الجوانتي الكيس ده
من 10 لحد 15 دقيقه
الزيوت بقي ايه هي ؟
* هاتي زيت الزيتون و زيت جوز هند و كبسوله فيتامين e و حطيهم ف ازازه
و ادهني كتير و بعدين حطي ورق الالمونيا و البسي الكيس
ممكن تستعملي زيوت لوحدها يعني زيتون لوحده جوز هند لوحده
بنفس الطريقه و نفس المده
و كمان الزيوت دي ممكن تستعمل ك مرطبات زي ما قلت
* هاتي معلقه عسل مع معلقه زيت زيتون مع كام نقطه لمون
و استعمليهم ك ماسك او دهان يومي قبل النوم
* معلقه جليسرين او فازلين و نقط لمون و معلقه عسل كمان ك ماسك او دهان
* فص ثوم و الجديد بقي و اللي شفت اجانب كتير بيعملوها هي البصل
استعملي حاجه من الاتنين بس يا ثوم يا بصل الاتنين لا
افركي ضوافرك بيها جامد و اصبري لحد ما ينشف و بعدين هاتي لمون و افركي بيها
و اصبري كمان لما ينشف و بعدين اغسلي ايدك
* في زيتون لا تخلط مع بعض علشان فكره الزيوت الحاره و البارده الاول هقول
الزيوت الحاره و البارده و بعدين الزيوت التي لاتخلط لانها تؤثر سلبا
الزيوت الباردة
زيت اللوز الحلو والمر _ زيت الخردل _ زيت الحبة السوداء _ زيت الجرجير _
زيت اكليل الجبل _ زيت الجوجبا _ زيت السمسم _ زيت جنين القمح
_ زيت النعناع _ زيت الذرة _ زيت عباد الشمس
الزيوت الحارة
زيت الزيتون _ زيت الثوم _ زيت البصل _ زيت الحلبة
_ زيت القرفة _ زيت الاس _ زيت السدر _ زيت الزنجبيل
الزيوت التي لا تخلط :
زيت الزيتون مايتم خلطة مع زيت الاس
زيت الزيتون لا يتم خلطة مع زيت السدر
زيت النارجيل (( جوز الهند )) لا يتم خلطة مع زيت السمسم
زيت النارجيل لا يتم خلطة مع زيت الجوجوبا
ولا زيت جنين القمح ولا زيت الخروع
زيت البصل لا يتم خلطة مع زيت الثوم ولا زيت السدر ولا زيت الاس
زيت القرنفل لا يتم خلطة الا مع زيت جنين القمح او الزيتون
او زيت السمسم او زيت الخروع
يعني مينفعش تحطي زيوت حاره مع بعض من غير ما تزودي زيت بارد
و كمان في حاجه اسمها الزيوت اللزجه زيت الخروع و جوز الهند
كمان لاتخلط مع بعض من غير حاجه تانيه يا رب تكونوا فاهمني
ملحوظه انا نقلت الجزء بتاع الزيوت الحاره و البارده و الزيوت التي لا تخلط للافاده
لاني مش حافظه بصراحه انا كتباهم عندي من واحده كانت حاطه موضوع ف منتدي تاني
ــــــــــــــــــــــــــــــــــــــــــــــــــــــ
طيب كده انا يعتبر خلاص اتكلمت عن ضعف الاظافر و اسباب تكسرها
طيب لو لا قدر الله حصل كسر او شرخ ف ضوافرك تعملي ايه
الاول لازم تعرفي انك في فتره تقويه ضوافرك مينفعش تطوليها علشان لو ضعيفه اوي
هتبقي معرضه للكسر من اقل حاجه استمري الاول علي ماسكات و لما تحسي انها
بقت اقوي تقدري بقي انك تطوليها .. و ميبقاش الطول مبالغ فيه
و دلوقتي عندنا صراع بين الموضه و الاتيكيت
الموضه تقول الاظافر الطويله و الاتيكيت يقول ان الطول يبقي حاجه بسيطه خالص
يعني زي الطول ده مثلا اللي هو يبقي باين حاجه صغيره لما تقلبي صباعك
نرجع تاني و نقول طيب لو ضافرك انكسر ؟
الاول هتقيمي حالك الكسر تمام ؟
لو كسر عادي مجرد شرخ بسيط خالص
او كسر متوسط في المساحه الحره يعني بعيد عن اللحم
او كسر في الضفر نفسه قريب من منطقه اللحم
لو مجرد كسر عادي هتعملي زي ما هقولك كده
اولا شكله بيبقي زي كده
شايفين الشرخ ده اللي ف صباعي اللي عامله عليه الدائره ؟
ده شرخ بسيط متقلقيش منه
كل اللي هتعمليه هتجيبي مبرد تنعيم سطح الاظافر
و هتعملي بيه و شكرا علي كده و هتكلم عن المبرد ده بعدين ف الباديكير
لو كسر متوسط بقي بعيد عن منطقه اللحم بتاعه الضفر نفسه
ده لازم يتقص لانه ممكن مع اقل حاجه يتشد و يطول ضافرك كله و تبقي مشكله
ده هتقصيه من بعد منطقه الكسر شويه و خلاص
لو كسر جامد بقي في المناطق اللي بتبقي خطر قريب من اللحم بتاع الضفر
قبل ما تقصي او تعملي اي حاجه هتجيبي باكو شاي زي كده
هتقطعي منه حته صغننه كده
هنفترض مثلا ان انا عندي كسر هنا مع انه مفيش كسر بيوصل لهنا XD
ما علينا مكنتش مركزه و انا بعمل علشان اصلا مفيش كسر انا علشان اوضح الطريقه بس
هحط علي مكان ده الاول كحول منعا لدخول اي جراثيم تمام ؟
بعدين هنحط من لزق الضوافر نقطه كده علي مكان الكسر
و تلزقي بقي ورقه باكو الشاي ده اللي انتي قصاها علي قد الكسر
و لو الكسر جامد اوي لازم تعمليها علي كامل الضفر
و بعدين تحطي طبقه مانيكير شفاف و تستعدي بقي انك تحطي اي لون مانيكير
بعد ما تعملي كده احتياطي برضه قصي الضفر بقي
استني شويه لما ضفرك يطول و بعدين قصي المكان بتاع الكسر بقي
لان لما الكسر بيبقي قريب من اللحم الواحد بيخاف من انه لو جه يقصه يتعور
او الكسر يزيد
و دي صور من النت توضح ان الطريقه كويسه و مش بتبان مع المانيكير
و علي فكره ده طبعا بيمنع الوضوء

بمناسبه قرب العيد كل سنه وانتم طيبين وبخير ....لكل ست ولكل بنت حبه تغير من طبيعه شعرها إليه مضيقاها وعملها مشكله بنقدملكم حلول سحريه وجزريه لكل مشاكل الشعر فقط لدينا Miss .....X
أجود الخامات وأفضل الأسعار على الإطلاق ...

Max silver:
* أسباب عديدة تجعلك تعتمد بروتين كود ماكس سيلفر في :
1_ درجة أمانه عالية نتيجة خلوه من مادة الفورمالين المسرطنة، وخلوه من الأمونيا أو أي مواد كيميائية ضارة أخرى وبالتالي ضمان عدم تصاعد أي أبخرة مؤذية وحارقة أثناء التطبيق والتي من دورها إيذاء العين والجهاز التنفسي الخاص بك .
2_ مناسب لجميع أنواع الشعر سواء كانت بكر أو معالجة كيميائيا، كانت ناعمة رقيقة أو متينة عنيدة، كانت ذات موجات واسعة أو موجات ضيقة مثل الشعر الإفريقي، كانت لشعر طفلة أو شعر حامل.
3_ يجمع لك أهم مزايا يتمناها المتخصص والعميل في منتج بروتين واحد ألا وهما:
*أن يكون المنتج علاجي بمكونات علاجية من الدرجة الأولى.. فلقد جمع خلاصة أهم الفيتامينات وأيضا المركبة منها والمعادن وأكثر الأحماض الأمينية إفادة للشعر ومجموعة بروتينات غنية جدا سواء كانت نباتية أو حيوانية وأفخر الزيوت الطبيعية النادرة
*وهو البروتين الوحيد المضاف اليه زيت الأرجان والمعروف بقيمته الغذائية العالية للشعر
- حيث ان زيت الأرجان والمستخلص من شجرة طبيعية
- ( شجرة الأرجان ) له القدرة الفائقة على تعويض الشعر مما فقده من عناصره الطبيعية وهو الزيت الوحيد المعروف والموثق عالميا والأغلى فى مجال علاج الشعر
*أن تكون درجة الفرد عالية...بروتين كود ماكس سيلفر الجديد من أعلى نسبة فرد مع شكل طبيعي في ذات الوقت من بين جميع أنواع البروتين التي انتشرت مؤخرا فتصل إلى 100% حتى مع الشعور الإفريقية .
-الوحيد الذى يحتوى على Violet tone لتجنب تغيير لون الشعر .

عايزة اقولكواا ان زيت جونسوون دا حاجة وهمممم 😍😍 مينفعش ميبقاش عندك اصلا عشان هتلاقيه بديل رخيص لمنتجات كتيرة بيجي علينا وقت بنبقى مفلسين والحالة بتبقى ناشفة فهو هيكفي الغرض واحلى كمان💜
ومش غالي خالص موجود فكل الصيدليات الصغيرة ب ١٢ 😍🙈
🌸مزيل عرق وبيفتح تحت الابطين 😍
اغسلي تحت دراعك بس مش بالصابون ونشفيه وادعكيه بنقطتين لمون واما ينشف قطنه وعليها زيت جونسون وامسحى اللمون بيهااا وانسي العرق والغمقان 👍
🌸ميك اب ريموفر
حطي منه ع قطنة وامسحي بيه الميك اب وعينيكي هيشيل حتى الميك اب الوتر بروف وهيسيب بشرتك ناعمة وطرية وكلها حنية 😍😍
🎀للجسم بقى استخداماته بالهبل🎀
🌸لو بتعملي واكس استخدميه بعده هيشيل بواقي الشمع
🌸سكرب لجسمك مرة فى الاسبوع
حاجة سحر نعومة ورطوبة ولمعان 🙈
كريم جونسون للأطفال + زيت جونسون للأطفال + سكر خشن اخلطيهم بكميات متساوية
وبعد الدش السخن افركى جسمك واعملي مساج بحركات دائرية واشطفيه
🌸بعد الشاور قبل ما تنشفي جسمك يبقى مندي ادهني زيت جونسون ترطيب عميق اووي وياسلام بقى لو حطيتي عليه زيت خام اللي بيركبوا بيه البرفانات هتبقى ريحتك بريفيوم لمدة يومين تلاتة وممكن تحطي زيت جوز هند او زيت ورد او زيت ياسمين 💋
🌸لتشقق الكعبين
كل يوم افركي كعوبك بالحجر ونشفي و حطي زيت جونسون واابسي شراب ساعة
🌸للحامل 👼
بعد الشهر التالت ادهني زيت على بطنك بعد كل حمام بيقلل تشققات بعد الولادة وبيمنع الخطوط البيضا وامن جداااا
🌸للشعر 💇
ادهني بيه شعرك هيقلل الهيشان ويطريه بس متكتريش عشان ميلزقش 😍
ملحوظة ✋
الموف والاصفر والبينك والاخضر واااحد مفيش فرق بينهم غير ف الريحة بسس لو مش عايزة ريحة قوية يبقى البينك.....

مين قصت شعرها ومش راضى يطول وشعرك بيتساقط وفيه قشرة وعايزة الحل في
ﺛﻨﺎﺋﻰ ﺍلاطالة
زيت تريشوب وكيشور 💟💗
ﺣﻞ ﻷﻏﻠﺐ ﻣﺸﺎﻛﻞ ﺍﻟﺸﻌﺮ
ﺍﻟﻀﻌﻒ ﻭﺍﻻﺟﻬﺎﺩ ﻣﻦ ﺍﻟﺼﺒﻐﺎﺕ ﻭﺍﻟﻔﺮﺩ ﻭﺍﻟﺴﺸﻮﺍﺭ
ﺯﻳﺖ ﻛﻴﺸﻮﺭ + ﺯﻳﺖ ﺗﺮﺷﻮﺏ
ﺍﻟﻄﺮﻳﻘﺔ ﻳﺨﻠﻂ ﺯﺟﺎﺟﺔ ﻣﻦ ﺯﻳﺖ ﻛﻴﺸﻮﺭ ﻋﻠﻰ ﺯﺟﺎﺟﺔ ﻣﻦ
ﺯﻳﺖ ﺗﺮﺷﻮﺏ ﻭﻳﺴﺘﺨﺪﻡ ﻛﺤﻤﺎﻡ ﺯﻳﺖ ﻟﻤﺪﻩ ٦ ﺳﺎﻋﺎﺕ
ﻣﺮﺗﻴﻦ ﺑﺎﻻﺳﺒﻮﻉ ﻭﻳﺠﺐ ﺗﺪﻓﻴﺔ ﺍﻟﺰﻳﺖ ﻭﺗﺪﻟﻴﻚ ﺍﻟﻔﺮﻭﺓ
ﺟﻴﺪﺍ ﻭﻟﺒﺲ ﺑﻮﻧﻴﻪ ﻭﻳﺠﺐ ﻏﺴﻞ ﺍﻟﺸﻌﺮ ﺑﻌﺪﻫﺎ
_________
ﻓﺆﺍﺋﺪ ﺯﻳﺖ ﻛﻴﺸﻮﺭ :
-1 ﺑﻴﻄﻮﻝ ﺍﻟﺸﻌﺮ
-2 ﺑﻴﻌﺎﻟﺞ ﺍﻟﺸﻌﺮ ﺍﻟﻤﺠﻬﺪ
-3 ﻳﻘﻮﻯ ﺍﻟﺸﻌﺮ ﻭﻳﻤﻨﻊ ﺍﻟﺘﺴﺎﻗﻂ
-4 ﻳﻜﺴﺐ ﺍﻟﺸﻌﺮ ﻧﻌﻮﻣﺔ ﻭﻟﻤﻌﺎﻧﺎ ﺑﺮﺍﻗﺎ
-5 ﺑﻴﻐﺬﻯ ﻭﻳﻠﻤﻊ ﺍﻟﺸﻌﺮ
__________
ﻓﻮﺍﺋﺪ ﺯﻳﺖ ﺗﺮﺷﻮﺏ :
* ﻳﻄﻴﻞ ﺍﻟﺸﻌﺮ
* ﻳﺜﻴﺮ ﻧﻤﻮ ﺍﻟﺸﻌﺮ
*ﻳﻮﻗﻒ ﺳﻘﻮﻁ ﺍﻟﺸﻌﺮﻭﻗﺸﺮﺓ ﺍﻟﺸﻌﺮ
* ﻳﺴﺎﻋﺪ ﺍﻥ ﻳﻌﻮﺩ ﻧﻤﻮ ﺍﻟﺸﻌﺮ ﺑﻌﺪ ﺍﻟﺘﺴﺎﻗﻂ
ﺍﻟﺰﻳﻮﺕ ﻫﻨﺪﻳﺔ ﺃﺻﻠﻴﺔ ...

البوست ده مفيد لبنات كتير مبتعرفش مصطلحات المكياج😙😙😍😍

دووول بعض مصطلحات الميكب علشان الناس اللى متعرفهاش
😉

Water proof :
يعنى ضد المياه

Shimmer :
يعنى فيه لمعه جليتر

Matte :
يعنى مطفى مفيهوش اى لمعه وبتوصف الشادو وبتوصف الفاونديشن ف لو لقيتى كلمه matte ع فاونديشن اعرفى انه مناسب اكتر لاصحاب البشره الدهنيه والمختلطه

Satin:
يعنى لا هو فيه شيمر ولا مات هو وسط بينهم وكمان لو بقت توصف فاونديشن يعنى لاهو مات ولا هو ديوى

Dewy :
يعنى فيه لمعه وعاده بتكون لوصف الفاونديشن والفاونديشن اللى مكتوب عليه كده بيبقى مناسب اكتر للبشره العاديه والجافه والدهنيه ممكن تستخدمه لكن هيخلى بشرتهم فيها لمعه ودى حاجه معظم اصحاب البشره الدهنيه مش بتفضلها

Luminous:
يعنى مضى او مشرق وبتبقى لوصف الفاونديشن او البودر ومعناها انه فيه لمعه يعنى لو انتى بشرتك جافه دايما دورى ع الكلمه دى او اى كلمه شبهها ع الفاونديشن بتاعك

Skin type: يعنى نوع البشره
Dry: يعنى جاف
Normal: يعنى عادى
Oily: يعنى دهنى
Combination : يعنى مختلطه
Sensitive : يعنى حساسه
Moisturizer:يعنى مرطب
Makeup remover : يعنى مزيل للميكب
Facial wash : يعنى غسول للوش
Toner: يعنى قابض للمسام و بنستخدمه بعد مانغسل بشرتنا علشان نقفل المسام بتاعتنا
Scrub: يعنى مقشر وده بيبقى فيه حبيبات علشان تشيل الجلد الميت او فيه نوع تانى بيبقى فيه انزيم معين بيتفاعل مع الجسم وبيشيل الجلد الميت وده بيبقى اغلى من النوع العادى اللى فيه حبيبات
Eyebrow: يعنى حواجب
Eyebrow pencil :يعنى قلم للحواجب
Eye brow gel :وده جل بيستخدم لرسم الحاجب وبنستخدم معاه فرشه لرسم الحاجب
Eyebrow tatto :ده بيستخدم لرسم الحاجب وبيبقى ووتر بروف ومش بيتحرك من مكانه
Lip liner :وده قلم تحدبد الشفايف
Lipstick: ده قلم الروج العادى
Lipgloss:يعنى ملمع الشفايف وده بيبقى سائل وفيه لمعه وبيكبر حجم الشفايف
Liquid lipstick :ده روج مات لكن بيبقى في علبه شبه علبه الجلوس لانه سائل
Primer :
من اسمه انه حاجه ابتدائيه بنحطها ف الاول فيه منه للشادو وفيه للفاونديشن.
بتاع الشادو بيزود قوه اللون وبيثبته اكتر.

بتاع الفاونديشن وده بنحطه قبل الفاونديشن وفيه منه انواع كتير جدا فيه للترطيب وفيه لتقليل الدهون وفيه للمسام وفيه لتصحيح اى تصبغات ف البشره.

Foundation:
يعنى كريم اساس وفيه منه بودر وكريم وسائل

Compact: يعنى مضغوط

Loose : يعنى سائب او حر وبتبقى لوصف الشادو او البودر

وهيا عكس كلمه كومبكت
Coverage :

يعنى تغطيه
Pigmentation:
يعنى قوه اللون
وفيه كلمه pigment وده بتعبر عن قوه اللون وكمان فيه شادو بيبقى لوس وده بيسمى بيجمنت

Eyeshadow يعنى ظلال عيون وده اللون اللى بنحطه ع العين وبيبقى فيه منه مات وشيمر وساتن

Blush: يعنى احمر خدود وفيه منه بودر وكريمى

Concealer : يعنى خافى عيوب وده بنحطه تحت العين او لو عايزين نعمل هايلايت ل مكان او ممكن كمان يستخدم للكونتور

Corrector: يعنى مصحح لون وده نوع من انواع الكونسيلر لكن بيبقى له لون علشان يعادل اى تصبغات ف البشره
يعنى مثلا
اللون الاصفر بيعادل اللون الموف والعكس
اللون الاخضر بيعادل الاحمر والعكس
اللون الاورانج بيعادل الازرق والعكس

Highlight :يعنى اضاءه وفيه منها نوعين كريمى وبودر وفيها ليها كذا لون واهم حاجه فيها انها تدى لمعه او اضاءه من
غير مايكون فيها جليتر .

Contour: يعنى تحديد معالم الوجه وفيه منه نوعين بودر وده بنستخدم فيها منتجات بودر زى شادو لونه بنى ويكون مات او بودر للوجه عاديه يكون لونها بنى وهكذا
والنوع التانى وده كريمى وبنستحدم فيه منتجات كريميه زى فاونديشن لونه ع بنى او كونسيلر وفبه باليتات خاصه بالكونتور سواء الكريمى او البودر

Bronzer: ده بيستخدم علشان ندى البشره لون دافى او نعمل لون تان وبيبقى لونه بنى مايل ع اورانج شويه وفيه منه كريمى وبودر وفيه منه مات وشيمر

Transtion colour يعنى لون انتقالى وده عاده بيبقى لون مات وبنحطه فوق كسره الجفن علشان يبقى عندنا تدرج ف
الوان الشادو

Blendable: يعنى سهل الدمج
Lashes: يعنى رموش
Eyelash glue او eyelash adhesive: يعنى لزق للرموش
Patchy:

يعنى غير منتظم وبتبقى لوصف الشادو والفاونديشن ومعناها ان بيبقى اللون قوى ف مكان ومكان تانى لأ ف بيبقى شكله مش منتظم او به بقع

بمناسبه اعياد راس السنه حبينا نحتفل معاكم ونقدم لكم افضل العروض فقط في miss.x
_صبغه لون واحد ماعدا الجراي والبلوند +بروتين او كارياتين فقط 1600
_جلسه نتوياج(تنظيف بشره عميق)+جلسه بديكير+حمام كريم+شعرفقط400
وده غير عروض تانيه كتييييييييير هتعرفيها عند الحجز او الاستعلام
وبالنسبه #للعروسه ليكي عروض تانيه مختلفه والاسعار مفجأه... In&Outdoor

للحجز والاستعلام :01020599966

مطلوب كوافيرات بنات للعمل بكوافير وبيوتي سنتر Miss....Xب م نصر يشترط الالتزام والخبره وحسن المظهر ...للاستفسارخااااص

الثورة الجديدة و احدث ما تم التوصل اليه في مجال علاج وفرد الشعر والذي يمثل مستقبل البروتين في العالم.
بروتين فيوليت البرازيلي الاصلي الخالي تماما من الفورمالين او اي مواد ضارة بالشعر الاختيار الاول لاكبر مراكز العناية بالشعر في العالم لكونه البروتين الوحيد القادر علي تحويل الشعر جذريا مهما كان حالته لشعر مفرود و لامع و صحي و لكونه البروتين الوحيد بدون اي
تاثيرات سلبية علي الشعر.
---------------------------------------
▪️بروتين فيوليت البرازيلي الاصلي الجديد▪️
A.M.R Professional VIOLET
أقوى منتج برازيلي لفرد وعلاج الشعر بدون فورمالين او اي مواد ضارة بالشعر
المنتج من افضل المنتجات التي يمكن استعمالها لفرد الشعر و علاجه من التساقط
حيث انه يقوم بمنع تساقط الشعر فورا بمجرد تطبيق العلاج.
تغذية فائقة للشعر نظراً لأحتوائه على 12 صنف من الزيوت والبروتينات .
يحتوي بروتي فيوليت على:
1- زيت بذرة زهرة دوار الشمس
2- زيت جوز الهند
3- زيت بذرة الكتان
4- زيت بذرة المكاديميا
5- زيت بذور الخروب
6- زيت الزيتون
7- زيت فاكهة الأفوكادو
8- زيت الارجان
9- مستخلص بذور الطحالب البحرية
10- مستخلص نبات الروزماري
11- بروتين جنين القمح
12- بروتين الأرز
حيث ان هذه التركيبة الحصرية تحتوي على الفيتامينات وخاصة فيتامين E و A وC و الأملاح المعدنية والبروتينات ومضادات الأكسدة التي تجعل الشعر اكثر قوة وينمو بسرعة اكبر واستبدال الشعر التالف المتساقط وإزالة خشونة الشعر.
يعطي فرد كامل للشعر بنسبة 100% بشكل طبيعي وطراوه رائعه للشعر ولمعان جذاب وبراق.
ازالة تقصف الشعر في الحال وجعل شعرك اكثر جاذبية واكثر جمالا ونعومة خياليه.
المنتج برازيلي أصلي 100% ويتم شحنه وتوصيله مباشرة من المصنع بالبرازيل وحتى باب المنزل لجميع دول العالم.
بالاضافة لانه اول بروتين في العالم برائحة فيكتوريا سيكريت.
--------------------------------------------
الحمدلله كل اللي جرب المنتج شكر فيه و في نتايجة عشان فعلا خالي من الفورمالين او اي مواد ضارة و بيحقق نسبة فرد ١٠٠٪ و بيطري و يعالج جميع انواع الشعر و من جلسة واحده

--------------------------------------------
للاستعلام :
موبايل/واتس اب
️
01020599966️
او عن طريق ارسال رسالة للصفحة علي الفيس بوك