Koky Make up artis

ازيكم

موجوده كل انو المكيب دي عندي بالبكج كانله🥰

البوست ده ح تكون فيهو جميع انواع الماسكات و ح اثبتوا ليكم ✅

#تعديل ي جماعة الكمية دي لو كتيرة اعملي نصها لو انتي شايفاها كتيرة شديد انا عملتها ليك لانو ح تعملي في الاسبوع ٣ مرات يعني الشهر ١٢ مرة

#
ماسك__الصبار__والجرجير🌵🌱

المكونات دي ماف ليها اي ❌👋🏼

عندك تساقط شعر ، شعرك ما بيقوم ، عندك جلحات ، نفسك في بيبي هير ، عاوزة تقومي ليك من قدام جبهتك شعرك كتير ويكون صحي 👋🏼♥️ ده الحل 👇🏼👇🏼👇🏼

#المكونات: فروع صبار "الوفيرا" - جرجير - علبتين صغيرة زبادي - زيت جوز هند "نارجين CBC » - زيت خردل - حمام زيت بالتوم فقط " عادي اي براند اي شركة اي نوعية عادي جدا المهم مصنوع من التوم🤥"

:

تقومي تجيبي ليك ٣ ربط جرجير تكون متوسطة تقطعي السيقان تستخدمي ورق الجرجير فقط تغسليها نضيف خلي الموية تجف من الجرجير لحد ما تجهزي باقي المكونات ، بعدها تجيبي ليك زي ٤ فروع صبار كبيرة وإذا شتلتك صغيرة قطعي زي ٨ افرع ، تقصي الجمبات فقط اللي فيها الشوك لانها سامة جدا وخطرة للشعر ، وتغسلي الصبار كامل مع القشر بي موية وقطعي صغار مربعات بالقشر لانو القشر طلع فيهو فايتمينات مهمة جدا للشعر 😍👌🏼 تقومي يالسمحة تختي الجرجير والصبار مع بعض في الخلاط ايوووووا الخلاط العادي حق العصائر تخلطيهم كويس يكونو ناعمين شديد تطلعيهم من الخلاط شوفي ليك اي حاجة بلاستيك يكون عندها غطاء تقفليها بيهو طلعي الخلطة من الخلاط ختيها في العلبة دي وتعالي ضيفي ليك فيها علبتين زبادي صغيرة وضيفي ليك فيها علبتين حمام زيت حق توم شرط حجم العلبة يكون ١٠٠٠ مل ، ضيفي عليهم علبة زيت نص علبة زيت جوز هند " نارجين CBC » وعلبة زيت خردل 👋🏼♥️ وتحركي بملعقة براحة براحة بيدك لازم وضروري اياك ثم اياك تستخدمي الخلاط تخلطي باقي المكونات بيهو لانو الخلاط مع حمام الزيت بعمل فقاعات ولما يقعد في التلاجة بعدين ببقي رغوة وكل الفوائد بتروح في خبر كان😰 حركي بيدك لحد ما تتأكدي المواد كلها اتجانست مع بعض غطيها وجيبي ورقة اكتبي التاريخ حق اليوم العملتي فيها واكتبي ولصقي علي العلبة اللي فيها الخلطة ، بعد ٣٠ يوم بالضبط شهر كامل عشان تتذكري بعد شهر ما ينفع تستخدميها بتكون مدتها انتهت وماف اي فايدة منها تاني ختيها في التلاجة تحت اياك تختيها في الفريزر😰🤦🏽‍♀️ استخدمي منها كل أسبوع مرتين او تلاته مرات فقط اذا شعرك تعبان شديد ولكن اذا شعرك عادي ما تعبان مرة او مرتين كفاية اكتر من ٣ مرات في الاسبوع ممنوع منعا باتا تستخدمي ❌

:

اولا تغسلي شعرك نضيف يكون بالشامبو اللي فيهو القهوة زي ما قلت ليكم كيف تضيفو القهوة في الشامبو ، بعد تغسلي اثناء ما شعرك لين تجيبي ماسك الصبار والجرجير وتعملي في الجذور فقط لا غير يعني املي فراغات شعرك وفروة راسك فقط من غير تعملي الأطراف ممنوع منعا باتا ❌ لانو الصبار بقوم الشعر بينبت الشعر فوق فروة الرأس وبوقف التساقط يعني شغل الصبار كلوووو في فروة الرأس محل الجلد 😂، ما بعمل اي حاجة للأطراف بالعكس بجفف الشعر لو عملتي في الأطراف 😰 ، بعدها تجيبي منديل تلفي بيهو راسك محل جبهتك وتحت رقبتك بطريقة دائرية كاملة وبعده فوق غطي راسك بالكيس نفس الصورة التحت دي 👇🏼👇🏼👇🏼 عشان تمنعي تماما الماسك يسيل ليك في رقبتك ويوسخك وتقومي تزهجي وتكرهي الماسك ☺️

خلي الماسك في شعرك ساعة فقط لا غير ❌ بعدها غسلي شعرك بي موية فقط وبعد ممكن تستخدمي بلسم ، اياك تغسلي بشامبو لانو ح تفقدي كل فوائد الماسك بعدها ممكن ترطبي شعرك بي سيروم او تعملي ضفائر بيكون افصل واحلي وارتب حتي بتساعدك في انو شعرك يطول ، كرري الموضوع ده ٣ مرات في الاسبوع اذا شعرك تعبان شديد وبيتساقط او عندك فراغات كتيرة ، النتيجة بتظهر بعد شهر ونص او شهرين علي حسب استقبال فروة راسك وتقبلها للماسك ولانو دي حاجات طبيعية وآمنه ، مش كيميكال عشان تدينا نتائج بسرعه ☺️

كل حاجة مكتوبة بالتفصيل الممل واضح جدا البوست🌵♥️

#

🌶

شعرك ما بيطول نهائيا؟؟ شعرك واقف ليهو سنين لا بيطول ولا بيقصر؟؟ ده الحل 👌🏼👇🏼👇🏼👇🏼

#المكونات:

نص كيلو فلفلية لونها احمر لازم - ربع كيلو شطة 😂🌶 - زيت خردل - زيت جوز الهند نارجيل CBC - علبتين زبادي صغيرة - حمام زيت بالتوم

:

تغسلي الفلفلية والشطة وقطعيهم قطع صغيرة ختيهم في الخلاط وضيفي ليهم علبتين زبادي صغيرة واخلطيهم لين يبقي الخليط ناعم وبعدها طلعيهم ضيفي نص علبة زيت جوز الهند وعلبة زيت الخردل وعلبتين حمام زيت التوم حركي المكونات بالملعقة كويس لحد ما تنسجم مع بعض وجيبي بوكس بلاستيك احفظيهم فيهم وما تنسي تكتبي الورقة حقت تاريخ الانتهاء لمدة شهر فقط وتحفظيهم في التلاجة .

:
تغسلي شعرك نضيف بالشامبو اللي قلت ليكم قبل كدة تضيفي ليهو القهوة وأثناء ما هو مبلول جففي بسيط وزعي الماسك من الجذور لين الأطراف كاملة واعملي مساج حلوووو وخليهو لمدة ساعه فقط وبعدها غسلي شعرك بي موية فقط وممكن تعملي بلسم ، كرري الماسك ده ٣ مرات في الاسبوع والنتيجة ح تبين ليك خلال شهر ونص او شهرين .

الماسك ده بيطول الشعر سريع جدا لانو الفلفل بينضف فروة الرأس وبيفتح المسام عشان الشعر ينمو مممممتاز جدا للناس اللي بتشتكي شعرها واقف ما بيطول ابدا ابدا ابدا ، لو عملتي ماسك الفلفل مرتين معاهو ماسك الصبار والجرجير في الجذور فقط وعملتي خلطة الزيوت الهندية مرة في الاسبوع انتي شعرك ح يطول خلال شهرين طول خرافي وح تشوفي النتيجة بنفسك بس اهم شي تكوني مستمرة فيهو ما تعملي يوم وتوقفي سنة🙄

#ملحوظة: الشطة و الفلفل لازم يكون الأحمر فقط ✅ما تستخدمي الأخضر او الأصفر او البرتقالي نهائيا ❎

#



شعرك عندك قشرة مقرفة شديد ده الحل 👇🏼✅

#المكونات:

كيلو زنجبيل - حليب جوز هند - زيت خردل-زيت جوز الهند نارجيل CBC - حمام زيت بالتوم

:

جيبي كليو زنجبيل فريش نضفي وقطعي قطع صغيرة او عادي حتي لو الزنجبيل البودرة او الجاف يكون مبلول ختي في الخلاط ضيفي ليهو علبتين حليب جوز هند اخلطيهم لين يكون ناعم شديد ختيهم في بوكس بلاستيك ضيفي عليهو علبتين حمام زيت وعلبة زيت خردل ونص علبة زيت جوز الهند ، حركي المكونات بي الملعقة كويس لين يتجانسو مع بعض وما تنسي ورقة تاريخ الإنتاج تكتبيها لمدة شهر تستخدمي الماسك احفظي في التلاجة واستخدمي ٣ مرات في الاسبوع .

:

تغسلي شعرك نضيف بالشامبو اللي فيهو القهوة زي ما قلت ليكم قبل كدة والشعر نضيف وهو مبلول توزعي الماسك في الجذور والأطراف وتعملي مساج رهييييب وبعدها خلي لمدة ساعه بعدها غسلي شعرك بي موية فقط وممكن تعملي بلسم .

اي ماسك ي جماعة في الدنيا لازم تستعملي كيس لشعرك تغطيهو عشان يحبس النفس علي فروة الرأس يكون المكان دافئ😂 ويفتح المسام عشان الفروة تستفيد من الماسك ♥️

اي وحدة شايفة الكمية دي كتيرة شديد تعمل نصها او تعمل ربعها او تعمل كل ماسك فريش يوم حابة تستخدموا من غير تحفظوا في التلاجة ✅

#



شعرك جاف جدا - شعرك باهت ومتقصف - شعرك بتكسر

#المكونات:

حليب جوز الهند علبتين - حمام زيت جوز الهند علبتين - زيت خردل علبة - نص علبة زيت جوز الهند " نارجيل CBC "

:

تخلطيهم كلهم بملعقة او مكسر البيض اليدوي واحفظيهم في التلاجة وما تنسي تكتبي التاريخ اليوم الجهزتي فيهو الخلطة عشان ح تستخدمي لمدة شهر
غسلي شعرك نضيف بالشامبو اللي فيهو قهوة زي ما قلت ليكم قبل كدة وزعي الماسك علي شعرك من الجذور والأطراف كلووو واعملي مساج حلوووووو ، خلي الماسك في شعرك ساعة فقط وبعدها غسلي شعرك بي موية فقط ، كرري العملية دي ٣ مرات في الاسبوع 👏♥️

#ملحوظة:

كمية المكونات دي ح تكفيك ل١٢ مرة

🥕

شعرك خفيف جدا محتاج كثافة ، بيدي الشعر لمعان رهيب ، بيوقف تساقط الشعر

#المكونات:

كيلو جزر ، حمام زيت بالتوم ، حليب جوز هند ، زيت خردل ، زين جوز الهند " نارجيل CBC "

:

تغسلي الجذر وتقطعي قطع صغيرة شديد بدون ما تطلعي القشرة حقتو لانها مفيدة جدا ، تضيفي عليهو علبتين حليب جوز هند وتخلطيهم بالخلاط حق العصائر لين ما يتخلطو ناعم شديد تضيفي ليهم حمام الزيت بالتوم علبتين ١٠٠٠ مل وعلبة زيت جوز هند نارجيل ونص علبة زيت خردل وتخلطيهم بي يدك بملعقة او مكسر البيض اليدوي لين ما يتجانسو كويس جدا احفظيهم في علبة بلاستيك وغطيهم جيبي ورقة اكتبي عليها تاريخ اليوم الخلطتي فيهو لحد ٣٠ يوم بالضبط لمدة شهر .

:
تغسلي شعرك نضيف جدا بالشامبو اللي فيهو القهوة زي ما قلت ليكم قبل كدة والشعر هو مبلول تجيبي ماسك الجذر توزعي الماسك من الجذور والأطراف املي شعرك كويس ماسك واعملي مساج رهيب وبعدها جيبي المنديل لفي رقبتك وجبهتك وغطي شعرك بكيس لمدة ساعة فقط وبعدها غسلي شعرك بي موية فقط واعملي بلسم ، كررري الماسك في الاسبوع مرتين او تلاتة مرات والنتيجة ح تشوفيها خلال شهر ونص او شهرين كثافة رهيبة ولمعان رهيب للشعر 😍👏

🥑

شعرك متضرر وجاف وغزير ومقرفك مطلع روحك لانو مجعد ومتقصف بس ده الحل 👌🏼👇🏼

#المكونات:

افوكادو🥑 + حمام زيت بالافوكادو + حليب جوز الهند + زيت الخردل + زيت جوز الهند نارجيل CBC +زبادي

:

تجيبي ٢ كيلو افوكادو تنضفي وتقطعي قطع صغيرة ضيفي عليهو علبة حليب جوز هند اخلطي بالخلاط ختيهم في بوكس بلاستيك ضيفي عليهو علبة زيت خردل ونص علبة زيت جوز هند ضيفي علبة صغيرة زبادي ضيفي علبتين حمام زيت بالافوكادو واخلطيهم بملعقة او مكسر بيض يدوي حركي تماما لحد ما تتأكدي اتجانسو مع بعض واحفظيهم في التلاجة لمدة شهر ما تنسي تكتبي تاريخ اليوم العملتي فيهو الخلطة نفس الخطوات شعرك يكون نضيف تماما مغسول بي شامبو توزعي الخليط كامل في شعرك من الجذور لين الأطراف وتعملي مساج وتغطي راسك بكيس لمدة ساعة بعدها غسلي شعرك بي موية فقط ، اعملي في الاسبوع ٣ مرات 👌🏼✅ الماسك ده ترطيب صحي للشعر خصوصا الشعر الغزير جدا ومتعب في التسريح



للشعر الكيرلي شديييييد ومزهجك ومقرفك ونفسك يكون ستريت وما حابة تعملي فرد يعني ماسك البابايا فرد طبيعي بمكونات طبيعية ولكن لو ما استمريتي فيهو اقل شي شهرين في الاسبوع ٣ مرات ما تقولي ما نفع معاي 😒

#المكونات:

بابايا + عسل + حليب جوز الهند + حمام زيت بالعسل والحليب + زيت خردل + زيت جوز الهند نارجيل CBC



جيبي قطعتين بابايا قطعيها قطع صغيرة وضيفي ليها ملعقة صغيرة عسل ضيفي عليها علبة حليب جوز هند اخلطيهم بالخلاط حوليهم في بوكس بلاستيك وضيفي نص علبة زيت جوز الهند وضيفي عليهم علبة زيت خردل ضيفي علبة حمام زيت بالحليب والعسل واخلطي مع بعض بملعقة نضيفة او مكسر بيض يدوي حركيهم مع بعض كويس لين تتأكدي تماما انسجموا مع بعض شعرك يكون نضيف تماما مغسول بي اي شامبو بتستخدمي بس ضيفي عليهو ملعقة قهوة وزعي الماسك علي شعرك كامل امليهو كويس وخلي ساعة وبعدها غسلي كرري الموضوع ٣ مرات في الاسبوع بعد الماسك غسلي شعرك بي موية فقط ✅

🍃

مممتاز للشيب بتغطي تماما ، توقف التساقط ، صحية جدا لفروة الرأس ، تحفيز فروة الرأس للنمو ، تقوية بصيلات الشعر وبلسم طبيعي للشعر♥️

مممتازة جدا واسرع علاج لناس المسامية العالية✅

#المكونات:

حنه طبيعية 💯+عشبة المرامية+ شاي بابونج + قهوة تركية + كاكاو+ خل طبيعي + نص علبة صغيرة زبادي + علبة حليب جوز هند + مايونيز

:

تغلي عشبة المرامية مع شاي البابونج بعدها تصفي الموية حقتهم تضيفي عليها باقي المكونات كلها مع الحنة وتخلطيهم مع بعض كويس وتخليهم يخمرو زي ساعتين عادي اي نوع حنه ينفع العجب حنتنا حقت السودان معاها رهيبة شديد وتوزعي الخليط في شعرك وتغطي بس كيس ومنديل بالأطراف عشان ما تسيل في رقبتك وتكرهيها خليها ساعتين كافية جدا ليها 😍

الحنة لازم تتعمل في الشهر مرتين فقط لا تزيدي ولا تنقصي عشان تشوفي نتائج ممممتازة نزلتها في الصالون حتي اليوم صادفت زبونة والله والله قالت لي بالجد الحنة حقتكم رهيبة جدا وصبغت لي كل الشيب في شعري غطت الشيب بس خلال ساعتين وعملت بكج عندنا 👌🏼

الخلطة دي رهيبة شديد وبتنعم ابدا ما بتجفف الشعر ناس الشيب امسكوا فيها قوي واستمروا✅

الديرما رول بي كل انواع للطلب واتس 0993695022

البدكير مهم جدا لي رجولك ويدينك لانهم بعكسو سر نضافه وانوثتك