Dt.Rahma Elkadosy

العودة من بعد الغياب♥️
تغذية الأطفال 👶
ودمتم بخير وصحة وعافية♥️
Dt.Rahma Elkadosy 🍏

السلام عليكم ورحمة الله وبركاته
تعالوا نتكلم مع بعض عن تغذية الأمراض طيب إيه هي تغذية الأمراض؟
تغذية الأمراض معناها إن شخص ما مصاب بمرض معين ف بيحاول يقلل الأعراض أو يخفف المرض ،أو شخص تاني بيحاول يمنع نفسه من الإصابة بالمرض ده فبيتجه إن هو ياكل أكل معين أو يتجنب أكل معين .
ف تعالي نتكلم عن بعض الأمراض وإيه هو الأكل اللي المفروض ناكله والأكل المفروض نتجنبه 👌.

📌1-تغذية مرضي السكري: وهو ارتفاع نسبة السكر في الدم بسبب نقص إفراز هرمون الأنسولين وده بيزود تراكم الجلوكوز في الدم.

🖇️الأطعمة التي يجب تناولها: الخضروات الورقية زيي السبانخ والجرجير 🥬 ، الفواكة الطازجة،الحبوب الكاملة والبروتينات قليلة الدهون.

🖇️الأطعمة التي يجب تجنبها: السكريات المضافة ودي إللي بتدخل في تحضير الأطعمة زيي العسل وعصير القصب ، الأطعمة المصنعة ، الكربوهيدرات المكررة زيي السكر أو الدقيق.

📌2- تغذية مرضي القلب: وهم الأشخاص اللي بيعانوا من أمراض القلب والأوعية الدموية زيي الذبحة الصدرية وقصور القلب ومرض الشريان التاجي.

🖇️الأطعمة التي يجب تناولها: الأسماك الدهنية زيي التونة والسلمون 🐟، المكسرات، الفواكة والخضروات الطازجة والحبوب الكاملة.

🖇️الأطعمة التي يجب تجنبها:
الأطعمة المقلية والدهون المشبعة (يعني أي أكل فيه دهون أو بهارات وشطة كتير ممنوووع 🚫) لأن ببساطة الدهون ممكن تقف في الشريان وتسده وعلشان كدا لازم نهتم بمريض القلب كويس جدا🫀.

📌3-تغذية مرضي ارتفاع ضغط الدم :

🖇️الأطعمة التي يجب تناولها:
الأطعمة الغنية بالبوتاسيوم مثلا زيي الموز والبطاطس 🍌🥔 لإنها بتقلل ضغط الدم، الحبوب الكاملة والألبان قليلة الدسم

🖇️الأطعمة التي يجب تجنبها:
الأطعمة المالحة لأن الملح بيزود الضغط، المخللات والأطعمة المصنعة.

📌4- تغذية مرضي الجهاز الهضمي: الأشخاص اللي بتعاني من قرحة المعدة، القولون العصبي وحصوات المرارة.

🖇️الأطعمة التي يجب تناولها :
الأطعمة سهلة الهضم زيي الموز والزبادي والرز والبطاطس .

🖇️الأطعمة التي يجب تجنبها: الكافيين ☕، الأطعمة الغنية بالتوابل والأطعمة الدهنية.

📌5- تغذية مرضي الكلي: الأشخاص اللي بتعاني من فشل كلوي أو حصوات الكلي أو التهابات الكلي.
🖇️الأطعمة التي يجب تناولها:
الأرز الأبيض، اللحوم قليلة البروتين ، الفواكة والخضروات الطازجة.

الأطعمة التي يجب تجنبها:
الأطعمة الغنية بالبوتاسيوم زيي الموز والسبانخ والبطاطس والطماطم لأن بيكون صعب امتصاص البوتاسيوم ، الأطعمة الغنية بالفوسفور زيي منتجات الألبان 🥛والمكسرات🌰.

📌6- تغذية مرضي الأنيميا(فقر الدم) :
🖇️الأطعمة التي يجب تناولها:
الأطعمة الغنية بالحديد زيي اللحوم الحمراء 🥩، والبقوليات.
الأطعمة الغنية بفيتامين c زيي الفلفل الأحمر والبرتقال.

🖇️الأطعمة التي يجب تجنبها:
الأطعمة اللي بتوقف امتصاص الحديد زيي الشاي والقهوة.

*وفي النهاية كل مرض بيتطلب نظام غذائي خاص بيه بيحسن الأعراض وكمان يقلل المضاعفات فلازم ياصديقي تتبع نظام غذائي صحي علشان تحافظ علي نفسك وجسمك 🫡
دمتم بخير وصحة وعافية ♥️
Dt.Rahma Elkadosy 🍏

السلام عليكم ورحمة الله وبركاته
هنتكلم النهاردة عن التغذية العصبية أو تغذية الدماغ أو المخ🧠 ببساطة كدا اي علاقة الأكل بصحة الدماغ ووظائف الجهاز العصبي زيي الإدراك والذاكرة والأداء العقلي بشكل عام.

📌أول حاجة هقولك إيه هي أهمية التغذية السليمة للمخ أو إزاي الأكل له تأثير إيجابي علي صحة دماغك:
🖇️في البداية هتكلم عن الأطفال وهي إن الطفل لو أكل الأكل الصح واتغذي التغذية الصح ده بيساعد علي نمو الدماغ وتطوره وده في المراحل المبكرة من حياته.
🖇️كمان التغذية بتحسن الوظائف العقلية لأن ليها دور مهم جدا في تحسين الذاكرة والتركيز والتعلم.
🖇️أهم حاجة التغذية السليمة بتحمينا من الأمراض العصبية زيي الزهايمر والاكتئاب وغيره.

*طيب الوقتي أنا عرفت إن التغذية السليمة مهمة جدا لصحة المخ طب ماتقوليلي إيه الأكل إللي المفروض أكله👀

📌العناصر الغذائية المهمة ومصادرها وأهمية تناولها:
🖇️1-الأحماض الدهنية(اوميغا 3):
وده موجود في الأسماك الدهنية زيي التونة والسلمون 🐟 وكمان بذور الكتان والجوز
*أهميته:تحسين وظائف الدماغ وبتحمي من التدهور العقلي مع تقدم العمر.
🖇️2-فيتامين B6,B12 وحمض الفوليك:
وده موجود في اللحوم ،البيض،الحبوب الكاملة، الخضراوات الورقية زيي الجرجير والسبانخ والكرنب🥬
*أهميته: دعم إنتاج النواقل ومهم جدا للإدراك.
(يعني كُل سبانخ ومتقوليش لا يع مش بحبها🙂)
🖇️3-مضادات الأكسدة:
موجودة في التوت ،الشوكولاتة الداكنة و المكسرات🌰
*أهميته: مهمة جدا للذاكرة ووظائفها
🖇️4- فيتامين D:
مصدره الشمس ،الأسماك الدهنية ومنتجات الألبان.
*فيتامين D مهم جدا عموما للجسم وصحة الدماغ وكمان بيقلل الإصابة بالإكتئاب.
🖇️5- الحديد:
موجود في اللحوم الحمراء، الكبد والسباااانخ
مهم لتحسين الإدراك والذاكرة بشكل كبير.
📌شوية نصايح كدا تعملها للتغذية العصبية السليمة:
🖇️تنوع الغذاء: تاكل وجبة غذائية متنوعة علشان تضمن وجود كل العناصر الأساسية 👌
🖇️تقلل من السكر والدهون لأن وجودهم بكمية كبيرة بيأثر بالسلب علي صحة دماغك.
🖇️زود من الخضار والفاكهة لأنها غنية بمضادات الأكسدة والفيتامينات المهمة لجسمك وصحة دماغك🍊
🖇️شرب المياة بكمية كافية ومنتظمة بيزيد الترطيب وده مهم جدا لوظائف الدماغ
🖇️تناول الأسماك بانتظام هاا الكلام للي مش بيحب السمك لأن السمك مهم جدا ومفيد لاحتوائه علي اوميغا ٣
🖇️وكمان النشاط البدني لأن بيساعد علي دفع الدم إلي المخ وبالتالي بيحفز إنتاج النواقل العصبية

وأخيرا ياصديقي إنك تحافظ علي نظام غذائي صحي ومتوازن مهم جدا لتعزيز صحة دماغك علي المدي الطويل ♥️
دمتم بخير وصحة وعافية ♥️
Dt.Rahma Elkadosy 🍏