Dr.Beauty Wish
Share
I’m A Pharmacist �
Take You To Journey of Beautiful Skin & Hair �
انا صيدلانية �
تعالوا نروح رحلة لبشرة جميله وشعر صحي �
12/02/2025
اليوم الثاني لتدريب صيادلة مجموعه صيدليات الصيدلية
بتدوني طاقه وافكار كتيييير اطور نفسي بيها انا كمان
فخورة بحضوركم ومشاركتكم الفعاله في السيشن
18/12/2024
الف مبروووك يا د.عمر
موفق باذن الله
انتظرونا في إفتتاح عيادة د/ عمر جمال الإسبوع القادم ✅
🟠د/ عمر جمال
أخصائي جراحة العظام والمفاصل و العمود الفقري .
عضو الجمعية المصرية لجراحة العظام.
________________________________
📌 العنوان : الفيوم - السواقي - عمارة مطعم حسونة (الدور الأرضي).
📞 للحجز و الإستعلام : 0842166171 - 01050622229
🕒مواعيد العيادة : من يوم السبت إلى الخميس ( من الساعة ٢ عصراً حتى ٦ مساءاً ).
07/06/2023
ازيكم يا حلوين
تنظيف البشرة شيء اساسي ومهم وخصوصا لما بنتقدم في العمر او بشرتنا بتفرز دهون بزياده وفيها رؤوس سودا وبيضاء
تنظيف البشره اتكلمت عنه قبل كدا كتير قوى
وعشان تعملي لبشرتك تنظيف بشره ناجح وبنتايج فعاله لازم يكون ليه ٣ عوامل
- نظافه والتعقيم
- شخص عنده خبرة بالبشره
- مواد ومنتجات ذات جوده عاليه.
تنظيف البشرة ليه فوايد ومميزات كتير قوى
١- بيجدد خلايا الجلد ويحفز الكولاجين.
٢- بينظف المسام ويخلصك من الرؤوس السوداء و البيضاء.
٣- ينظم افرازات دهون البشره عشان كدا لما بنعمل تتظيف بتلاحظ البنوته ان الحبوب بتقل.
٤- بيخلي بشرتك اكتر حيوية ومشدوده وبتلمع.
امتى اعمل تنظيف بشرة ⁉️
اعمل تنظيف بشره مرة كل شهر وبكون عامله شعر وشي قبلها بيومين على الاقل .
ايه اللي بيحصل بعد الجلسه مباشرة ⁉️
ممكن يبقى فيه احمرار بسيط وبيهدى خلال ساعات بعد الجلسه الى تاني يوم على الاكتر.
ايه الممنوعات في تنظيف البشرة اثناء الجلسه 🚫
- استخدام البخااااار 🚫🚫🚫
- استخدام ابرة التنظيف 🚫🚫🚫
والممنوعات وبعد الجلسه مباشره
- وضع الميكب🚫
- التعرض للشمس المباشرة🚫
ودي صور لجلسة تنظيف بشرة بيوتي وش ديب قبل وبعد الجلسه مباشرة 🤗
بشرة بتلمع فيها حيوية وفيها نضاره
مشاء الله تنهني بالجلسه ياقمر 🌹
د.أمنية عصام
31/05/2023
معلومة مهمة🙋🏻♀️🙋🏻♀️🙋🏻♀️
‼️لازم اي حد عنده حب شباب وبشره دهنية يكون عارفها
حب الشباب عشان يتكون
لازم يجتمع عاملين او ال٣ عوامل مع بعض وهي:
١- تراكم الجلد الميت على سطح الجلد.
٢- زيادة افراز دهون البشرة .
٣- بكتيريا حب الشباب اللي بتسبب التهاب الحبه وتكون الماده البيضا فيها.
فلازم لما نحب نعالجه لازم العلاج يكون شامل السيطرة على ال٣ عوامل بمعنى روتيني يكون فيه :
١- مقشر لازالة الجلد الميت من سطح البشرة.
٢- منظم لافرازات الدهون.
٣- مضاد حيوى ومضاد التهاب مخصص (وتحتها مليون خط)لحب الشباب.
طيب ضروري نكون عارفين 🤔🤔
ان فيه حالات كتير بتجي لينا بالفحص بيبان ان بشرتها فيها حبوب تحت الجلد احنا كا دكاترة بنلاحظها وشايفنها وحبوب على سطح الجلد ودا اللى البنوته شايفاها وبتشتكي منها وجايه تعالجها،
الحبوب اللي تحت الجلد واللي احنا بنكون شايفانها عارفين انها قنابل موقوته 💣💣😱😱
ايوة قنابل موقوته بمعنى الكلمه يعني انا بقول للبنت هنا هتطلع الحباية وببقى عارفه ومتاكدة من مكانها 🥹🥹.
البنات اللي بشرتها بتبان في الفحص ان فيه حبوب كتير تحت الجلد بقلها ان اول ما نبدأ علاج هتزيد عندها الحبوب لان انا العلاج او الجلسات اتهدفت الدهون انها تطلع عشان تتخلص منها كلها مرة واحده.
ودا مش روتين غلط اتكتب لا………..
دا بسبب ان كتير من علاجات حب الشباب بتبدا تطلع حبوب في بداية علاجها وكتير من البنات بتوقف العلاج لما تلاحظ ان حب الشباب زاد في بشرتها ودا لوجود مواد فعاله بتحفزها.
ومن بعض المواد الفعالة دي
١- مادة الايزوترتينوين ( زي اقراص النت لوك - كريم الاكرتين ومشتقاته )
٢- حمض السلسيليك اسيد ودا موجود في اغلب غسولات البشرة الدهنيه وحب الشباب وكمان كريمات حب الشباب
ومفيش اي علاج او روتين بيخلو من احد المواد دي في علاج حب الشباب.
فلو لاحظتي زياده مفاجاة لحب الشباب بعد بدأ العلاج سواء كان ( جلسات او كريمات او غسولات ).
فدا شيء طبيعي
🙋🏻♀️🙋🏻♀️كل المطلوب انك تكملي متوقفيش العلاج ابدا عشان لو قفتي في اي وقت هيفضل التحسن بس غير ملحوظ و المشكلة هي هي موجوده معلجتيش السبب.
واستشيري الشخص المختص لتعديل الجرعات اذا اقتضى الامر 👆🏻👆🏻👆🏻
البنوتة 👩🏻
اللي في الصورة حالتها متقدمه في حب الشباب وتصنف حب شباب عنيف وبشرتها ملاياته حبوب تحت الجلد.
وزي مانتوا شايفين دي صوره ( قبل ) لحب الشباب او ما جات كان حبوب كبيرة وحمرا ومعبيه ماده بيضا
وصورتها ( بعد ) ٣ جلسات من اكنى فري لايت
البنت الحلوة اشكرها على التزامها بمواعيد الجلسات وروتينها اليومي اللي بيساعد في تحسن حالتها كتيرر ولسه مكملة معانا ومبسوطه بالتحسن الملحوظ في في حب الشباب وجودة بشرتها 🤩🤩.
وفي الكومنتات هرشحلكم بعض انواع الغسولات اللي تناسب الحالات القوى في حب الشباب 😉😉
د.أمنية عصام
30/05/2023
ازيكم يا حلويييين 🌹🌹
عروسه 👰♀️ واختها 👩🏻
البنتين جمال وزي القمر مشاء الله
بشرتهم فوق الممتازه مفيهاش حبوب مفيهاش مسام
بس فيها روؤس بيضاء وواضحة وهتظهر اكيد في ميكب الفرح
وبعد ما سالتهم انتوا بتستخدوا ايه لبشرتكم
كانوا بصراحة لذاذ وجمال وبيقولوا كل اللي بيستخدموه وانا ابص على الرووس البيضا واقول اكيد فيه حاجة هم مقالوهاش كل اللي بيقلوه تمام ومنتجات محترمه متعملش الروؤس دي 🫣🫣🫣.
المهم دخلنا الجلسه واحنا بندردش كانت المفاجاءه
واللي هي انهم بيستخدموا جلسرين بيرطبوا بيه وشهم 😱😱😱😱😱😱😱
طبعا هنا انا عرفت السبب وعرفت ليه هم عندهم رؤوس بيضا صغيره وكانوا فاكرينها دي اكياس دهنيه صغيره ومش بتروح 🥹.
طبعا طلبت منهم يوقفوا دا فورا ويقولوا لاي حد بيستخدم الجلسرين واقرانه كاترطيب للوجه يوقفوه
وعشان منغلطش نفس الغلطه 😉
احنا لازم نعرف حاجات اساسيه وهي :
١- بشرة وشنا حساسة ورقيقه مش زي بشرة جسمنا.
٢- ❌ ممنوع استخدام الكريمات المرطبه بتاع الجسم للوجه زي (الجلسرين - الفازلين - زبدة الشيا - الكريمات التجاريه اللي بتحتوي على مكونات زيها ( نيفيا- جونسون - دوف - …….الخ).
٣- ❌ممنوع استخدام البانثينول كريم للوجه ودا بينطبق على كل انواع البشرات.
٤- نفحص بشرتنا ونستخدم المرطب الصح المناسب لنوع بشرتنا.
عشان كدا بنفحص البشرة ونسال على كل حاجة بتستخدميها في البيت ونعمل روتين مع بعض ودا بنقدمه بشكل مجاني 👌 🤗🤗
طبعا الروؤس البيضاء نوع من انواع حب الشباب وبتظهر نتيجة استخدام منتجات غير مناسبه لبشرتنا
اللي في الصوره تحت الرؤوس البيضاء اللي كانت في بشرتهم نتيجة استخدام الجلسرين.
في الكومنتات هغششكم كام نوع مرطب لكل نوع بشرة
😉😉
د.أمنية عصام
ازيكم يا اجمل بنات 🙋🏻♀️🙋🏻♀️
مين متفرجش على مسلسل جعفر العمده او شاف مقاطع منه على النت 🤗.
الحقيقه هو مسلسل عجبني جدا رغم انه مكنش فيه قصه واحداثه متوقعه 😁😁.
وانا بتفرج عليه لاحظت كذا فنانه فيه من جوده تصويره ظهرت عيوب بشرتهم 🫣تخيلووووا
زي الفنانه زينة 👩🏻
رغم ان معندهاش مشكله ملحوظه ولا حب شباب مثلا او تجاعيد بالعكس كل اللي هيشوفها يشوف ان كل حاجة تمام بس كان عندها مشكله رهيبه وكانت واضحة بشكل ملحوظ وظاهره في التصوير وخليه الميكب بتاعها بهتان وكنت بقول لنفسي ازاي محولتش تحلها 😒
وهي المسام الواسعه او الخروووم الكتير اللي في خدها زي ما بتوصفوها ….
المسام الواسعه مشكلة كبيرة بتواجه بنات وستات كتير
وعشان تعرفوا قد ايه هي بتاثر على بشرتنا وبتخلي شكلها اكبر في العمر ولو حتى حبيتي تحطي ميكب يغطيها للاسف بتظهر وتبان اكتر 🤗🤗
المسام طبيعي انها تكون في بشرتنا لانه هي المنفذ الطبيعي للدهون الطبيعيه والعرق وبتزيد وبتظهر بوضوح مع اصحاب البشرة الدهنيه والمختلطه.
⛔️المشكله بتيجي لما المسام دي تكون واضحة يعني الشخص يقدر يشوفها بالعين المجرده ويحس ان بشرته فيها حاجة غلط ويبدا بقى يوصفها انها فيها خرووووم 👌او منقطه وهكذا ….. 😒😒
المسام الواسعه ٣ انواع 👆🏻👆🏻👆🏻
وهنقسمهم كالتالي عشان تعرفي تحددي لوحدك نوع المسام الواسعه اللي عندك :
١- مسام من طبيعه البشره الدهنيه او المختلطه.
ودي بتكون موجودة في بشرتنا من بدري يعنى وهي لسه شابه ودا واحد من مظاهر تصنيف البشره الدهنيه ان يكون فيها مسام وبسبب وجودها بتكون البشره الدهنيه دايما بتلمع ومزيته زي ما بسمع منكم دايما.
٢- مسام واسعه مع تقدم العمر.
ودي بشرتنا وهي شابه مس بتكون موجوده وبتبدأ تظهر بوضوح بعد سن ال٣٠ ودا نتيجة خلل في تكوين وتصنيع الكولاجين الطبيعي اللي في بشرتنا واللي بيقل انتاجه مع العمر وتظهر الخروووم الواسعه اللي مكنتش موجوده قبل كدا
٣- مسام واسعه نتيجة حفر في البشرة.
ودي ناتجه عن حرب الجلد مع حب الشباب لو كنتى بتعاني من حب الشباب وبتكون خروووم عميقه واكثر وضوح ودي اصعب نوع فيهم في اخفائها وعلاجها وبتحتاج جلسات واستمراريه.
عشان اكون صريحة معاكم يا بنات
مفيش حاجة اسمها اغلق المسام لان دي تبقى كارثه مضره للبشره
المسام مفيش ليها حل نهائي او جذري بسسسس🫵🏻
ممكن اننا نحسن ونجمل من مظهارها بحيث كل اللي يشوفك يعرف و يحس ان بشرتك محلوة ومتغيره …
وعلاجها محتاج صبر واستمراريه ومتابعه جيده 💪🏻
وبيكون كالتالي 👈🏻
- اول نوع بيتحسن ويقل لو استخدمنا روتين مناسب لبشرتنا ودا بنقدمه في مركزنا بشكل مجاني انك تيجي ونرتب مع بعض الروتين المناسب لبشرتك.
- ثاني وثالث نوع بيكون بدمج روتين في البيت مع جلسات ديرما بن مع ميزوثيرابي ودا كمان بنقدمه في المركز على اعلى مستوى من الحرفيه والتعقيم الممتاز ونتايج مضمونه بشهاده كل اللي عمل معانا الجلسات قبل كدا
مشاء الله دايما نتايج مبهره والبنات بيرجعوا يكررورها تاتي من كلام كل اللي بيشوفهم ويقلهم ان فيه تغير ملحوظ من اول جلسه 👆🏻
للحجز واتس على رقم ٠١٠٩٤٢٦٧٤٩٩
17/03/2023
ازيكم يا بنات
بمناسبة اجمل عيد بيمر علينا كلنا
عيد اعظم واقوى انسان ربنا خلقه هو الام 🤰🏻🤰🏻🤰🏻
كل عيد ام وانتوا بخير وسعاده وفرحه وراحة بال
مركز بيوتي وش
بيقدم العروووووض حلوة ومميزه واسعار خياليه 🙋🏻♀️🙋🏻♀️🙋🏻♀️
💥💥العرض هيكون 💥💥
اي جلسه بتعمليها في مركزنا ليكي جلسة هديه مجانيه 🎁🎁🎁
هتقدمي الهديه المجانيه لمامتك او اختك او صاحبتك او اي حد بتحبيه💕💖💕
تعبري بيها عن مدى حبك وتقديرك للشخص للي اخترتيه
والسعر الجلسات مفاجاءه 🤗🤗🤗🤗
والكشف مجانا
والعرض مستمر من ٢٠/٣/٢٠٢٣ حتى ٣١/٣/٢٠٢٣
للحجز والاستفسار الاتصال او واتس على ٠١٠٩٤٢٦٧٤٩٩
04/02/2023
صباح الخير يا احلى بنات
من المشاكل اللي بتواجه البنات الفترة دي واللي اغلبكم صوت عليها هو الشعر التالف والمتضرر
يعني الشعر التالف ودا بيحصل من ايه 🤷🏻♀️؟
🤦🏻♀️الشعر التالف هو اللي فقد مظهره الصحي
🤦🏻♀️يعني فقد الامعه بتاعته وبقى باهت
🤦🏻♀️يعني اطرافه غير متسوايه ومنقسمه في النهايات
🤦🏻♀️يعني مبقاش بيطول من التلف
🤦🏻♀️كمان بيكون مقصف وسهل التكسير ومتطاير وهايش
طيب ودا اسباباه ايه 🤷🏻♀️؟
اسبابه ببساطه ان اننا بنسيء معامله الشعر ونكرر صبغه باستمرار او نعرضه للحرارة بدون تغطيه وبشكل مستمر زي السشوار والفير.
وكمان الوحش الاكبر لتاكل الشعر وتلفه هو مواد فرد الشعر الدائم زي البروتين والكيراتين او البوتكس الفيلر واي مسمى من مسميات فرد الشعر واللي بيكون بكثرة وباستمرار ………..
عشان كدا وبناءا على اختياركم وتصويتكم ورايكم
هيكون اللايف القادم مع احد اهم اشهر الشخصيات الخبيرة في المجال العناية بالبشرة والشعر
د.عصام شومان
https://www.facebook.com/dermashow.sa?mibextid=LQQJ4d
وهيكون اللايف بيتكلم عن اسباب تلف وتضرر الشعر وطريقة علاجه وهيوصف فيه العلاجات المناسبه ليه بناءا على خبرته الطويله في مجال الشعر والبشره
وكمان هنتكلم عن ازاي نتعامل مع شعر الاطفال ونسهل عمليه تسريحه وخصوصا اننا داخلين على مدرسه ومعاناة تسريح الشعر الصبح 🤦🏻♀️
🧏🏻♀️واكتبوا اي سوال يهمكم يخص البشرة او الشعر تحت البوست عشان نجاوب عليه اثناء اللايف تحت البوست
وهنعلن عن الفايز في مسابقه الصوره
جلسه شعر ؟؟؟؟؟؟؟؟
واللي مدخلش المسابقه يدخل على اللينك اللي تحت يلحق يشترك ويكسب جلسة شعر 🧏🏻♀️ مجانيه قيمتها ٥٠٠ جنيه
https://m.facebook.com/story.php?story_fbid=208364055051950&id=100076350694421&mibextid=qC1gEa
انتظروا الايف على صفحتنا في الفيس بوك
🗓 يوم الثلاثاء الموافق ٧/٢/٢٠٢٣
🕖 الساعه ٨ مساء
د.امنية عصام
#سيِبي_شعرك_علينا
29/01/2023
ليه تخبي العيوب اما ممكن تعالجيها
🫣🫣 يا جماعه البشره مش لعبه ولا تجربه تجربيها وتقلي لو منفعتش مش هتضر
فكررررررري كويس 🤔🤔
الموضوع وما فيه فيه اماكن كتير بتتكلم عن الحل السحري للتصبغات والهالات السودا حول العين
واحنا قلنا قبل كدا في علاج البشره الشعر والظوافر مفيش حاجة اسمعها العصاية السحريه 🧞♀️🧜🏻♀️
وعشان ندخل في الموضوع
مين يعرف عن البيبي جلو BBGlow
البيبي جلو هو منتج تجميلي بيستخدم لاخفاء وتمويه تصبغات البشرة وليس علاجها ونحط تحتها مليون خط
وبيكون عباره عن سائل كريمي ملون زي الفاونديشن بالظبط بيحتوي طبعا على رصاص وزئبق و كل المعادن اللي بتكون موجوده في الميكب وفيه منه درجات كمان 😥
وطبعا دا مش ميكب مثلا هتعمليه وتروحي تمسحيه في البيت لا لا لا 👎🏻
دا بيدخل الجلد باستخدام الديرما بن لاعماق البشرة متخيلين الفكرة 🤦🏻♀️🤦🏻♀️🤦🏻♀️🤦🏻♀️🤦🏻♀️
🧏🏻♀️🧏🏻♀️ يعني الفاونديشن اللي انا مينفعش انام بيه ولازم امسحه وانظف بشرتي منه كويس جدا بدخله جوا مسامات وطبقات الجلد
في الواقع هو نوع من انواع التاتو بيلونوا بيه الجلد عشان يبان انه موحد اللون ويخفي التصبغات
وبيتعمل على جلسات كمان عشان لو البشره حبيت بطبيعتها تتخلص منه لا يدخل فيها بالعافيه كمان 🤷🏻♀️🤷🏻♀️
🙅🏻♀️اعرفي انه مضر جدا جدا للبشره …..
🙅🏻♀️اعرفي انه بيسبب تبقع وتصبغات رمادي في الحلد لانه بيتاكسد مع الوقت ويتحول للرمادي….
🙅🏻♀️اعرفي ان البشره مش بتقدر تتخلص منه بسهوله لان الصبغه اللي بتضاف بتنزل لعمق كبير من البشره
🙅🏻♀️اعرفي انك لو بتعملي ليزر فاكيد المكان اللي اتعمل فيه هيعمل بقعه مش هتروح ابدا …..
🙅🏻♀️اعرفي انه ممكن يعمل حساسيه مفرطه مع طول مده وجوده داخل الجلد …..
🙅🏻♀️اعرفي انك لما تتعرضي للشمس فالبشره هتتحرق وتقلب رمادي بسسب وجوده …..
🙅🏻♀️اعرفي للاسف انه ممكن يسبب تسمك وتقرن في شكل الجلد كرد فعل طبيعي من البشره عشان تحارب الماده الغريبه اللي دخلتلها …..
🙅🏻♀️اعرفي انه ممكن يسبب التهاب فطري او بكتيري….
للاسف البيبي جلو منتشر جدا في الصالونات والمراكز اللي في الفيوم
وبتتسوق فكرته بشكل سحري انك مش هتحتاجي تحطي فاونديشن تاني ودا حلم اي بنت
وهم مش كدابين في الواقع 😓 لانهم بيدخلو الفاونديشن والمواد المضرة في اعماق بشرتك
🙏🏻 ويا ريت بدل ما نهرب من المشكلة ونخفيها نحاول نعرف اسبابها ونعالجها والله بيكون افضل واحسن ليكي حتى لو بياخد وقت بس بيكون اامن واصح بكتير 🙏🏻🙏🏻
د.أمنية عصام
Click here to claim your Sponsored Listing.
Category
Contact the business
Telephone
Website
Address
Faiyum
Opening Hours
| Monday | 3pm - 10pm |
| Tuesday | 3pm - 10pm |
| Wednesday | 3pm - 10pm |
| Thursday | 3pm - 10pm |
| Saturday | 3pm - 10pm |
| Sunday | 3pm - 10pm |
