Dr gazya dolimi

بخصوص اننا داخلين على موسم الشتا
و ادوار البرد و الانفلونزا
الناس اللى بتخلط الحقن على بعض
و بتعمل حقن البرد
او خلافه من الحقن اللى بتتخلط
تعالى هنا
انا مش عايز غير انك تجاوب على السؤال دا
شركات الادويه مخلطتهاش ليه و باعتهالك مخلوطه ووجاهزه فعلبه شيك و دفعتك دم قلبك فيهم؟؟!🤔
يعنى شركات الادويه العملاقه
اللى هى تانى اقوى تجاره بعد تجارة السلاح
بالمعامل العملاقه بتاعتها
بعلمائها
بابحاثها
بتجاربها
حمير و انت اللى مفيش منك اتنين؟؟!!🤔

قال لها الطبيب : لقد فتك بك السكري يا حجة وسنبتر يدك الثانية
قالت له : هل يمكن أن ننتظر أسبوعا ،فإني أريد أن ألوح بها لابني عندما يركب الطائرة .

في الجو الحر ده يا ريت نحط مياه في البلكونات والشبابيك واي طائر يشرب امسكه كيلو الفراخ ب 43 جنيه..😁😁

-حضرتك باقيلك 38.5 و انا معنديش فكه... الاقى معاك 11.5 و تاخد 50 صحيحه؟؟؟
=لا والله مش مقضيين اللى معايا
-مممم طب معاك جنيه و نص؟؟
=اه اهه اتفضل
-طب الاقى معاك 10 جنيه
=اه موجود يا دكتور اهه اتفضل
-اتفضل حضرتك و ادى ال 50 جنيه مقفوله اهه :)

ليه ادوار الاسهال و النزلات المعويه كتيره اليومين دول؟؟!!
بحسبه بسيطه
ووكلمة السر هى "الصيف"
الحرررررررررر
ابسط شئ
الاكل بيبوظ لو اتساب بره التلاجه فالصيف بشكل اسرع عن الشتا
يعنى فالشتا عشان الجو برررررد 🥶
ممكن تسيبى الاكل برا التلاجه و تاكليه تانى يوم و تلاقيه لسه سليم
انما الصيف الوضع مختلف
البكتريا الضاره بينشط نموها فالصيف بمعدل سريع جداااا... الاكل لو اتساب برا التلاجه ساعتين ممكن يضرب
و دا لان علميا البكتيريا نشاطها بيقل بالتبريد و عشان كدا التلاجه بتحافظلنا على اكلنا لفتره اطول
بينما بينشط نمو البكتريا فدرجات الحراره العاليه ( مش العاليه اوى)
بينما بتموت البكتريا فى درجات الحراره العاليه اوى و دى فكرة عمل "افران التعقيم"
و عشان كدا لازم ناخد بالنا من النقط اللى جايه دى 👇👇
١- اكل المحلات برا البيت بيعيش فتره اقل فالصيف و بيبوظ بسرعه نتيجه للحراره.... فتجنب اكل برا البيت بقدر الامكان
٢- ايديك كل ما تتوسخ لازم تغسلها لانها بسهوله ممكن تكون مصدر عدوى ليك بعد ملامستك لحاجه مش نضيفه
٣- المكرونه و الرز مش بتعيش كتير فالحر فلازم تاكلها طازه او تترمى علطول لو اتركنت شويه برا التلاجه و مثال لذلك "الكشرى"
٤- نخلى بالنا من الطفال بالذات... لانهم دايما بيلعلبو و بيحبو فالارض و لازم نهتم بنضافة ايديهم اول باول عشان نتجنب النزلات المعويه اللى ممكن تحصلهم و اللى بتنتش ففترة الصيف اوىى
و اللى للاسف ممكن تسبب جفاف للاطفال ثم وفاه لا قدر الله...
خلى بالكم و ربنا يحافظ على اولادنا❤

النهارده الصبح في الصيدليه دخلى واحد طلب حاجتين
و الاتنين للاسف مكانوش موجودين
اتدور و طالع من الصيدليه....
و هو لسه هيطلع رجع تانى و قالى "طالاما انا دخلت الصيدليه يبقا مش هطلع و ايدى فاضيه" و اشترى حاجه و طلع
و انا مروح دخلت ٣ محلات
كل محل مبلقاش اللى انا عايزه
بس بفتكر جملة الراجل الجميل دا اللى دخلى الصبح
فافكر فحاجه كنت محتاجاها و ناسياها
و اشتريها و اطلع 🙂🙂
الكلمه الحلوه بتفرق يا جماعه و الخير داير❤

الفيبروميالجيا .. اللص الخفي

السيدات اللي كتير بتشتكي إنها على طول تعبانة، وبتعاني من آلام منتشرة في جسمها كله، رغم إن تحاليلها كلها سليمة.
حاولي تركزي في كل كلمه في البوست لعله يرشد الكثير منكن عن سبب آلامهن
الفيبروميالجيا مرض نفسي عضوي..؟؟؟.. هو مرض يُصيب النساء أكتر من الرجالة ده مبدئياً.

تاني شي بيتسلل للشخصية الحساسة أو الكتومة في زعلها أو اللي تعرضت لصدمه نفسية كبيرة في حياتها ..وإلخ ، وبيزيد الألم مع سوء الحاله النفسية..
وهو عبارة عن اضطراب في الناقلات العصبية المسئولة عن إحساسك بالألم...
هو مرض مزمن (يعني مش بيخف ولازم تتعاملي معاه طول حياتك متل مرض السكر .
طيب هل أي وجع بتحسي في هو فيبروميالجيا..Absolutly
لازم تتوافر الشروط التالية:
• ألم في العضلات مزمن بيزيد أحياناً ويقل أحياناً، منتشر في أجزاء متفرقة في الجسم، وخاصة الTendr points الموضحة في الصورة تحت👇.
• ألم متساوي في جانبي الجسم.
• ألم مزمن لمدة لا تقل عن 6 شهور.
• إنك بتعملي كل تحاليل المناعة بتلاقيها سليمة وفله.
أسبابة:
العلم لم يتوصل للسبب الحقيقي لوقتنا هذا والأرجح إنه مرض وراثي.
أعراضه:
• ألم مزمن بعضلات الجسم وخاصة عند اللمس، بيخليكي مش قادرة تعملي الأنشطة اليومية البسيطة.
• الألم بيزيد مع الراحة وأثناء النوم.
• بتصحي من النوم الصبح تعبانة رغم إنك المفروض نمتي عشان ترتاحي، وأول ما تبدئي تقومي من السرير وتتحركي الألم بيقل.
• احياناً تقومي من النوم تحسي إن مفاصلك متيبسة وتفك أول ما تتحركي.
• اضطرابات في النوم، مافيكي تنامي عدد ساعات طويلة متواصلة، عادة بتصحي كل شوية من الألم.
• صداااااااااع.
• ذاكرة ضايعة😨.
• تركيز سيئ 🥴.
• انتباه...مافي😱.
• وكل هذا بيرافقه شوية اكتئاب وتوتر وقلق، نتيجة إنك
مو عارفه تمارسي حياتك بشكل طبيعي.
• غالباً مريضة الفيبرو بتعااااااني من القولون العصبي وضغط بالمثانة
مضاعفات المرض:
ما يميزه إنه لا يؤثر بالسلب على أعضاء الجسم.. يعني مش ذي الأمراض المناعية.
مضاعفته تتمثل في
• ألم بيزيد مع مرور الوقت.
• زيادة اضطرابات النوم.
• ممكن تدخلي في مرحلة اكتئاب.
مشان هيك لازم تساعدي نفسك.. وتغيري نمط حياتك عشان تقهري المرض
علاجه في الطب الحديث
بيعتمد على أدوية علاج الأكتئاب والصرع
وهيك نوع من الأدويه بيعمل أعراض جانبيه بتكون أكتر من الألم اللي كنتي رايحه تتعالجي منه
طيب شو الحل لحتى أقلل من شعوري بالألم؟؟
*طبعا قليل اللي بيقدر يلتزم بس في ناس قادرة تلتزم بالآتي👇👇👇
• العبي رياضة وخاصة المشي.
• السباحة لو عندك مشاكل في المفاصل.
• تمارين المقاومة، هتقوي كتلتك العضلية وتقلل الشعور بالالم.
• تمارين التنفس يومياً.
• ابعدي عن العلاقات المؤذية...
• ابعدي عن الضغوط العصبية.

التغذية السليمة...........
حقاً لا يوجد نظام غذائي لمريض الفيبرو، ولكن اتباع نظام غذائي صحي، بيقلل التهابات الجسم و بيساعد على تخفيف الألم.
• أبعدي عن السكر الأبيض والدقيق الأبيض.
• قللي اللحوم الحمرا.
• امنعي الدهون المضرة (زيوت نباتية وسمن وزبد صناعي) من الأخر ما تاكليش أكل الشاااااارع.
• قللي منتجات الألبان.
• قللي الكافيين.
• استخدمي الكركم مع شوية فلفل أسود في الأكل.
• زودي من مصادر فيتامين
‏ C (موجود في معظم الخضار والفاكهة بس كليهم فريش)
‏ A (موجود في الخضار والفاكهة اللي لونهم برتقالي)
‏ E (الأسماك وخاصة السالمون والمكسرات

🔴⛔ طب بص
هبسطهالك....
دلوقت البكتيريا اللى هى مسببه للامراض اللى بتجيلنا
زى اللوز ووالنزلات المعويه و خلافه
دى كائن ذكى
اه والله ذكى
كائن ربنا خلقه عشان يعرف يعيش رغم انف الجميع
لحكمه لا يعلمها الا هو سبحانه و تعالى
بيقاوم مناعة جسم الانسان و الادويه اللى ممكن تموته عشان هو يعيش
وومش بس كدا
ابسوليوتلى 😌😌
دا بيخزن الكلام دا كله فالحامض النووى بتاعه
عشان يورث مجهوده و علمه و مفاحه ضد المضادات الحيويه لاولاده و احفاده و احفاد احفاده لما يتكاثر...
🔴 طبعا انت عشان تتكاثر معاك ٩ شهور حمل و دكاتره و حقن و ولاده و مصاريف
- بعدها ينزل عيل مينومكش طول الليل و النهار كمان
- يريل و يتف عليك و على قلبك زى العسل
- يحط صباعه جوا عينك و يضحكلك و هتضحكلو غصب عن عينك و عين اللى جابوك (سورى)
- يرجع ويعمل ببى و كىكى عليك و مفيش مشكله
- يوصل لعمر سنه و نص سنتين و يحبى و يجبلك الحاجات اللى على الطربيزه على الارض و اللى على الارض على الطربيزه
يعنى تبقا نايم تلاقى شراب المدام تحت المخده
هو شايف ان دا مكانه الطبيعى متحاولش تناقشه
و هتلاقى حاجات كنت بتدور عليها من زمان هو جمعهالك
لقى مفتاح كان ضايع من جدك الله يرحمه
هتلاقيه جايبه ووبيجرى يدخله فعينك عادى
- لحد ما يعدى ٣ سنين من عمرك و تلاقى كل اللى حواليك بيتكلمو عن مصطلح غريب اسمه النوم انت مسمعتهوش من فتره ....
- ٦ سنين يبقا كائن لذج غتيت
- ١٠ سنين لسه كائن لذج غتيت
- ١٢ او ١٣ سنه بدا شنبه يخط فوشه و يبدا يجعر فالبيت
- ١٦ سنه لسه بيجعر
- ١٨ سنه خلص ثانويه عامه ووبيقولك انا عايز اطلع صيدلى زيك يا بابا عشان اخترع ادويه جديده وواشفى الناس (اقتله فورا🔫🔫)
- ٢٢ سنه اتخرج و بقا انسان عاطل اد الدنيا
🔴 البكتريا لا....
البكتريا ف ٥ دقايق ممكن تعملك مستعمره من الاحفاد و احفاد الاحفاد و متوارثين الحمض النوورى اللى بيحمل الشفره الوراثيه اللى هى عامله مناعه ضد كل المضادات الحيويه الموجوده
🔴 طب دا كله ليييييه؟!!
- عشان وليد بيه لما قولتله خد المضاد الحيوى فمواعيده و خلص الكورس للاخر خد برشامتين و قالك انا بقيت كويس و خفيت
- سعاد هانم لما قولتلها كملى العلاج للاخر قالتلى "احبوش😊😊" لا حبيه 😡😡
فبدل ما تموت البكتيريا المسببه للعدوى لاخر جندى
لاااااااا
سبت شويه يهربو منك
و يكونو مناعه للمضاد الحيوى القوى اوى دا
و تكاثرو و كونو جيش جدييد بالتحور الجديد
و راجع هو و ولاد عمه و ولاد ولاد عمه عشان ينتقم منك وومن المضاد الحيوى
ساعتها مش هتلاقى حاجه تنجيك منه
فهمتو كدا؟؟!! 🤔🤔

🔴⛔ عاجل
دلوقت شركت موديرنا و فايزر قالو انهم ممكن لقاح جديد ضد "اوميكرون" هيكون جاهز على اول ٢٠٢٢
و دا معناه
ان اللقاحات اللى موجوده حاليا مش هتكون فعاله ضد السلاله دى
و نخلى بالنا
و نرجع لسابق عهدنا فى بداية كورونا
١- البس كمامتك
٢- طهر ايدك اول باول
٣- امنع التجمعات
٤- اترك مسافة امان بينك و بين غيرك
الموضوع جاد ولا يحتمل التبسيط
خلو بالكم
و ربنا معانا وويسترها انشاء الله
منقول عن برنامج #الحكايه
الاعلامى