Gesund

مش الهرم الغذائي اتقلب ⛔️

زمان كنا عارفين ان قاعدة الهرم الكربوهيدرات (مصدر للطاقه )
و منتصف الهرم البروتين ،و قمته الدهون

بس دلوقتي طبقاَ لأخر تحديث ٧ يناير ٢٠٢٦
من وزارة الزراعة الامريكيه
وده لمواجهة لخبطة الاكل الكتير و الوزن و الأمراض المزمنة

التوصيات بتقولك ✋️
قبل أي حاجه حافظ على شرب مايه بقدر كافي
١- قاعدة الهرم و قمته هو البروتين
(بالأخص البروتين الحيواني )
خليه دايمآ اساس طبقك
٢- اهتم منتجات الألبان و خصوصا المخمر منها لصحة جهازك الهضمي ليك ٣ حصص فاليوم
٣- اختار دايمآ الدهون الصحيه زي (زيت الزيتون . المكسرات . الافوكادو .الشيا )
و أبعد عن الدهون المتحوله و المشبعه
٤- كتر من الخضروات و الفاكهه و نوع ف ألوانها
خضروات ليك ٣ حصص ف اليوم
الفاكهه ليك حصتين ف اليوم
٥- قلل كمية النشويات ف أكلك و اختار منها المعقد زي (الحبوب الكامله . البطاطس . الأرز. المكرونه )
ليك من ٤_٦ حصص بس ف اليوم
٦- و اخيرا أبعد عن الاكل المصنع و الحلويات و الاكل المضاف ليه مكسبات صناعيه و ألوان صناعيه و كل ماهو ready to eat

لتفاصيل أكتر اكتب مهتم و هنتواصل معاك

يالا ما تسيبش السنة دي كمان تفوت منك 🫡
💪اكتب كلمة تجربه و هنتواصل معاك

ايه رأيكوا ف شكل الطبق ده ؟
ينفع نعتمد عليه كوجبة أساسية ؟! 🤔

شاركنا برأيك

🥱️بتحس دايمآ إنك تعبان و حاسس بخمول
😩بتحس بألم ف مفاصلك و عضلاتك بإستمرار
🤢دايمآ عندك إمساك او بتعاني من انتفاخات و غازات و قولونك مش مرتاح
🙁بتعاني من حبوب او شعرك بيقع و ضعيف
🤤جعانه طول الوقت و دايمآ بتشتهي سكريات
😵‍💫 مشوش مش مركز و دايمآ مودك وحش و مصدع على طول
😞بتزيدي ف الوزن مع أقل أكل

مش دايمآ يكون السبب ف الأعراض دي قلة فيتامينات او اني مش قادر ألتزم بالدايت

ف الغالب السبب الاعمق للأعراض دي هو "الالتهابات المزمنة ف الجسم "👌

✨️الالتهابات مش دايمآ تكون حرارة او ورم
ممكن جدآ تكون كامنه جوه جسمنا و الجسم بيعبر عنها ف صورة الأعراض دي
تعب ، دوخه ، إمساك، صداع .....
دي مش مجرد أعراض عشوائية ، دي رسايل مهمة لازم نسمع لها و نتعامل معاها 💌

و الحل مش دايمآ دواء
الحل دايمآ زي ما إحنا متفقين بيبدأ بنظام الحياة الصحي 😊

و عشان نبدأ نعالج الالتهاب و تخلص من الأعراض المزعجه دي

اكتب كومنت و هنتواصل معاك بالتفاصيل المتابعه
واعمل لايك و شير للبوست عشان نوصل لأكبر عدد من الناس

" البهارات دي مش بريئة زي ما كنا فاكرين " 😳🌶🧂

عارفين خلطات التوابل الجاهزة الي بنحطها على الفراخ المشويه ،و الكفته ، و البطاطس
علشان الطعم يطلع حلو مع الاكل الهيلثي؟

ورا الطعم ده فيه مفاجأة مش لطيفة خالص 👀

أغلب الأنواع الجاهزة في السوق مش مجرد توابل ،
لكنها مليانة إضافات مش بس عشان تقوي النكهة لكن بتزود سعرات من غير ما نحس 😬👇

🍬🧂فيها سكر وملح بكميات كبيرة عشان يوازنوا الطعم و يخليه addictive

✨️فيها دقيق و نشا علشان يدي كمية كبيرة و ينشر المكونات و يخليها سهله الذوبان و الانتشار

🧈فيها شورتينج (دهون مهدرجة ) علشان القوام و الطعم الغني

😣غير طبعآ الملح الصيني و مكسبات الطعم و اللون الصناعيه عشان تعزز النكهة

يعني ملعقة صغيرة من التوابل دي ممكن تكون فيها سعرات أكتر مما نتخيل !😳
وده الي بيخلي ناس كتير وزنهم مابينزلش
رغم ألتزامهم بالأكل "الصحي"

و أيوا البصل البورد و الثوم البودرة مش بصل و توم أصلا 🙄

💡و الحل بسيط جدآ :

اعمل خلطتك بنفسك ف البيت 👨‍🍳
نجيب التوابل صحيحة كاملة و نطحنها في البيت
نجفف البصل و التوم ف الفرن بعدين نطحنه ونخلط (الفلفل+البابريكا+كركم ....)
في برطمان و نضيف منه على وصفتنا
و هناخد نكهة طبيعية و من غير ولا سعر حراري زيادة 😋💚

خلي دايمآ الطبيعي هو الأصل 😉

من أخطر المفاهيم المغلوطة عند مرضى السكر :
١- دكتور انا بحافظ على مستوى السكر بتاعي يكون واطي طول الوقت ؟!
= لا طبعآ ده خطر جدا😳
الصح إني أحافظ على مستوى سكر الدم ثابت قدر الإمكان ، السكر الواطي أخطر بكتير من السكر العالي

٢- دكتور انا مانع فاكهه و حلويات و عيش و سكر و عامل كيتودايت
= 😳
الكيتو دايت و اللوكارب و الكارب سايكل (ممنوع لمرضى السكر )
لازم تاكل كارب

٣- انا مريض سكر نوع تاني باخد أنسولين عشان يساعد معايا شويه و ينزل السكر
= 😱
كمريض سكر نوع تاني مش محتاج أكتر من نمط حياة صحي ( دايت متوازن - رياضه مناسبه - عادات غذائية صح )
و أي دوا تحت إشراف طبيب

٤- انا مريض نوع أول و نسيت أخد جرعة الأنسولين
= لازم تتابع جرعات الأنسولين مع طبيبك الخاص و أخصائي التغذية الموضوع حياة أو موت

٥- دايمآ باخد الأنسولين بس بحس بهبوط رغم إني باكل كويس بعده
= لازم تعرف نوع الأنسولين بتاعك ايه
(ممتد المفعول _ سريع المفعول مائي _ ميكس او معكر )
كل نوع ليه نظام غذائي خاص بيه ، بلغ دكتور التغذية و يظبط أكلك و يحسب لك وحدات الكارب المناسبه مع الأنسولين

٦- انا مش باخد أنسولين ، انا باخد أماريل و برضوا بحس بهبوط

= الإماريل شبيه للأنسولين محتاج نظام غذائي 🙄

=و متنساش لو سكرك بيوطى و انت نايم ، ده مؤشر خطر كبير 💀☠️

مرض السكر من أخطر الأمراض المزمنة المنتشرة حاليآ ، وخطورته الحقيقية إنه بيأثر على جميع أنسجة الجسم
(سبب مباشر للفشل الكلوي _ ضمور شبكية العين _ تلف الأعصاب _ و الموضوع بيوصل لبتر للأطراف _ غير قصور الشرايين و أمراض القلب و غيرها من الأمراض

يا نسيطر عليه و نتحكم فيه صح ، يا يقضي علينا و عواقبه واخيمه مش قابله للإصلاح

لكن الحلو إن نقدر نتحكم فيه بنسبة ٧٠%
عن طريق التغذية الصح مع المتابعه الطبيه

شير و ليك للبوست
و قولنا أستفسارك او تجربتك مع مرض السكر
ولو انت مريض سكر و حابب تتابع مع أخصائي تغذية علاجية
سيب كومنت و هنتواصل معاك

السؤال الاسبوعي :
تفتكر ايه هو الاكل الصحي من وجهة نظرك ؟!
و هل الاكل الصحي مكلف عن الاكل العادي ؟! 🤔
ليك و شير. عشان نوصل لأكبر عدد