Skin Care By Mariam

كل سنه وانتو طيبين ياحلوين 🥰🥰عيد سعيد عليكم ❤️
طبعا احنا مش بنزل حاجه خالص اليومين دول عشان زحمه العيد 🙏
اي حد عنده اي سؤال بخصوص بشرته حتي لو معلمتيش عندي اتفضلي اسالي اي وقت 🥰 نساعد بعض ياحلوين عشان نبقي منورين في العيد ❤️❤️❤️

متاح ٣ مواعيد يوم الاربع 🥰🥰

بشرتك مش نضرة رغم إنك مهتمة بيها؟
عارفة ليه؟ ♥

المشكلة غالبًا مش في المنتجات لكن في خطوة ناس كتير بتتجاهلها أو بتستخدمها غلط وهي الأحماض ((التقشير الكيميائي))

#أولًا :- بشرتك بتتجدد بس مش دايمًا بالشكل الكافي

الجلد الطبيعي بيجدد نفسه كل 28 يوم تقريبًا - لكن مع التوتر - الشمس - والإجهاد العملية دي بتبطأ

#النتيجة؟
الخلايا الميتة بتتراكم على سطح البشرة

• لون باهت
• ملمس خشن
• مسام واضحة
• حبوب بتظهر بسهولة
- رغم إن بشرتك من جوا ممكن تكون كويسة جدًا

#ثانيًا :- الأحماض = خطوة النضارة إللي ناقصة

الأحماض مش حاجة تقيلة أو خطر
هي ببساطة وسيلة ذكية لإزالة الطبقة الميتة من البشرة .

✨- أشهر أنواع الأحماض:

• AHA (جليكوليك – لاكتيك)
بيشتغلوا على سطح البشرة
بيساعدوا على التفتيح + النعومة

• BHA (ساليسيليك)
بيدخل جوه المسام وينضف الدهون وبيقلل الحبوب

• PHA
ألطف نوع و مناسب للبشرة الحساسة

#ثالثًا:- ليه ناس بتستخدم الأحماض ومش بتشوف نتيجة؟
لأن الطريقة غلط مش المنتج

ًا:

• استخدام الأحماض يوميًا بدون داعي
• عدم استخدام مرطب بعدها
• إهمال الصن اسكرين
• خلط أكتر من حمض بدون وعي
• استخدام تركيز أعلى من قدرة البشرة وبالتدريج

- النتيجة؟
تهيج – جفاف – حبوب أكتر

#رابعًا:- التقشير لوحده مش كفاية في ناس فاكرة إن الأحماض هي الحل الكامل

لكن الحقيقة:
الأحماض بتفتح الباب بس والباقي على الروتين

لازم بعدها:
• ترطيب كويس
• تهدئة للبشرة بمكون فيه سيراميد وسيكا
• المحافظة علي الروتين
علشان تاخدي نتيجة صح

#خامسًا:- مش كل بشرة محتاجة نفس النوع من الأحماض

اختيار الحمض الصح هو نص النتيجة:-

- لو بشرتك دهنية أو فيها حبوب ال BHA هو الأنسب

- لو فيها بهتان أو تصبغات ال AHA هيكون أفضل

- لو حساسة ابدئي بـ ال PHA

#سادسًا :-إزاي تستخدمي الأحماض صح؟

• 2–3 مرات في الأسبوع كفاية
• على بشرة نضيفة وجافة
• بعد ما يتشرب نحط مرطب مناسب
• الصبح لازم صن اسكرين
الاستمرار أهم من الكمية تاني وتالت وعاشر

#سابعًا:- نتيجة الأحماض مش فورية ولا هي العصا السحرية

من أول أسبوعين ممكن تلاحظي:
• نعومة في الملمس
• إشراقة خفيفة

ومع الاستمرار:
• لون موحد
• حبوب أقل
• بشرة أنضف وأنعم

#ثامنًا :- إمتى تبعدي عن الأحماض؟

• لو بشرتك بتتهيج وتلتهب من اي شئ
• بعد جلسات تقشير أو الليزر
• لو بتستخدمي منتجات قوية تانية

البشرة ليها طاقة لازم نحترمها عشان منعيطش بعدها🦦

#مُلخص_نصايحي

لو بشرتك مش نضرة فده مش معناه إن منتجاتك مش كويسة

لكن غالبًا:
• في طبقة ميتة مانعة النضارة
• أو بتستخدمي الأحماض غلط
• أو مش مكمّلة بروتين صح
• أو مش مختارة النوع المناسب لبشرتك

الأحماض خطوة أساسية بس إللي يعرف يستخدمها صح هو الكسبان منها

انتظروني لايف كمان شويه نجمع بعض بقي 🥰🥰

الله يخربيت الجليكوليك اسيد و الساليسيليك اسيد والريتنول علي السيكا بلاست انا راجعة ارطب بنيفيا الازرق تاني 🤣🤣🤣الكلانيت بتوعي 😁😁

القمر ❤️❤️❤️

🥰🥰🥰

كل سنه وانتو طيبين وبخير بدأنا حجوزات العيد 🥰
اخر معاد شغل خميس العهد ❤️❤️

🎉✨ عروض العيد ✨🎉
جاهزي بشرتك للعيد وخليكي منوّرة 🤍
💆‍♀️ تنضيف بشرة عادي + ديرما بلانينج
200 بدل 250 🔥
💎 تنضيف عميق بجهاز الهيدروفاشيال (20 مرحلة)
300 بدل 350 ✨
💉 ديرما بن فيتامينات
350 بدل 400
💉 ديرما بن تفتيح ونضارة
350 بدل 400
💉 ديرما بن لعلاج الحبوب وآثارها (Acne & Scars)
400 بدل 450
💋 ديرما بن شفايف (تفتيح + ترطيب + إزالة الجلد الميت)
150 بدل 200
👁 ديرما بن لمنطقة العين
200 بدل 250
💥 باكدجات العيد 💥
✨ تنضيف بيزك + ديرما بن (تفتيح أو فيتامينات)
500 🔥
✨ تنضيف عميق + ديرما بن
600 بدل 650
🎁 عرض الصحاب مفاجأة 🎉
(تعالي مع صاحبتك واستني الهديّة 😉🔥)
📍 الأماكن محدودة عشان الجودة
⏳ احجزي بدري قبل زحمة العيد

عندنا عروض العيد يابنات نرفع البوست عشان يوصل للكل