makeup "artist "farha

اللى مات حد عنده ويسمع الدفنة بعد كذا ساعه مثلًا متتخيلوش إحساسه إيه و مايكات المساجد كلها بتقول انتقل إلي رحمة الله فلان الفلانى ..

اللى مرضيش يقوم و سرح و دعا ربنا إنه يكون حلم أو كابوس و هيعدى و فضل يقنع نفسه انه نايم و هيقوم دلوقتى ..

اللى سمع جملة هاتوا الكفن يلا و اطلعو برا عشان هنغسل الميت ، نظرتگ على المتوفي وهو بيتغسل و انـت گُـل حــاجه فيگ زى المشلول ..

صوتگ وانت عمال بتنادى عليه و تكلمه و هو مش بيرد عليگ
لمسة إيديه و هى متلجة و وشه المنور كأنه صاحي وبيضحكلك ..

اللى فضل يسمع من الناس متعيطش عليه و ادعيله وهو محتاج دعائگ دلوقتى أكتر من دموعگ ( أعتقد صدى الصوت لسه في ودنه ) ..

اللي طول ماهو في البيت قبل الجنازة سامع حد يقول الله يرحمه و هو مش مستوعب يرحم مين ده لسه كان معايا ..

نظرتگ الآخيره على كفنه و هو خارج من البيت ..

و فكرة إنگ هتصحى تانى يوم من النوم مش هتلاقيه ولا هتعرف تسمع صوته تاني هو دة أصعب إحساس في الدنيا و تفضل تدور في الناس على حد شبهه أو صوت شبهه و متلاقيش غير وحدة و حزن و تفضل تايه مش عارف تستوعب اللى حصل !

و بالفعل تصحى تانى يوم بدرى تروحله عند قبره

اللى اتوفي عنده شخص بيفضل فاكر تفاصيل اليوم بتفاصيله المخيفه ..
محدش يقدر ينسي اليوم ده أبدًا و لا كسرة الشخص في اليوم ده تقارن بأي كسرة في يوم تاني و بمجرد ما بتفوق من الصدمة إنك خلاص مش هتشوفه تانى بتبقى عاوز تحكى عنه للناس كتير جدًا شوية تضحك على حاجات حلوة و مواقف كانت بينكم و شويه تبكى لإنه خلاص مبقاش جنبك .

مش صحيح اللى بيقولك إن الأيام بتنسي ، إحنا طول ما إحنا عايشين بنصبر نفسنا إننا قربنا خلاص نقابلهم و إن يمكن الدور الجاى يبقى دورنا

الله يرحم أرواحنا اللى راحت بموتكم ، و يصبرنا على أذى الدنيا والناس

اللهم ارحم كل عزيز رحمه تليق بعظمتگ و اجعل تعبه وصبره فى ميزان حسناته و ارحم أمواتنا جميعًا💔
ربنا يرحمك ويغفرلك ويسامحك وينور قبرك يااحلام يااااارب ويجعل مرضيك شفيع ليكي يا حبيبتي ياااااارب

مي الفرفوشه بزياده😂😂

كنتي قمر يا روحي ❤️❤️