Dr. Nader elsayed

Root canal treatment of lower 6 🦷

🪄🦷

لم بيكون في ضرس مسوس ومكسور وتسيبه فتره طويله فانت بتعرض الضرس المجاور ليه للتسوس بنسبه كبيره جدا لان البكتريا بتتجمع في المكان ده بكميات كبيره زاي الحاله اللي موجوده ف الصور
التاخير في العلاج ديما مش في مصلحتك

الحاله هنا التسوس كان عميق جدا وكان علي بعد ملي ل ٢ ملي عن العصب ولو كان اتاخر شويه علي علاج الضرس كان دخل في مشاكل تانيه تودينا ان احنا نحشي السنه حشو عصب
ليه بقول كدا !؟
لان في ناس كتير جدا بتشتكي ان حشو العصب متعب و الاسعار غاليه بس انت لو بتابع مع دكتور الاسنان كل ست شهور تعمل زياره سنانك مش هتلحق تسوس واي حاجه هتلحقها في بدايتها بدون تعب وبدون تكلفه
عشان كدا لازم اول متشعر بالم في اسنانك لازم تزور طبيب الاسنان حتي لو اخدت مسكن والالم راح لازم تعرف المكان ده فيه اي واي المسبب للالم لان السبب لسه موجود والمشكله متحلتش بالمسكن ومش هتحس بيه تاني غير بعد فوات الاوان والتسوس يوصل للعصب .

نرجع للحاله بتعتنا , الحاله كانت جايه بتشتكي ان الاكل بدخل في الضرس ومفيش وجع بس كان فيه وجع من ٣ شهور ف المكان ده وبعد كدا الوجع راح بس الاكل بيدخل في المكان ده علطول (ودا الكلام اللي احنا اتكلمنا عليه فوق مش معنا ان الوجع راح يبقا المشكله اتحلت بالعكس انت هتحس بالوجع تاني بس وجع اصعب مع مشكله اكبر ودا اللي كان هيحصل مع المريض لو كان اتاخر شهر كمان كان زمان التسوس وصل للعصب وحس بالم شديد جدا )

طبعا العلاج كان بسيط نضفنا التسوس وعملنا حشو تجميلي نفس لون الضرس الطبيعي في جلسه واحده خفيفه غير مكلفه مخدتش نص ساعه والضرس رجع لطبيعته الحمد الله 😉

Work of art ❤️✨🦷

 Composite restoration after root canals treatment 🦷✨

حشو تجميلي للناب العلوي

time to smile 😁

✨♥️

حاله جت العياده كان مركب طربوش علي اسنانه وللاسف اتكسر بالحشو بتاعه ومفيش في السنه تقريبا غير الجزور بس الحمد الله قدرنا نرجع الامل والابتسامه تاني بفضل الله