Dr. Mona Abdelhamid PH

اولا أسفين علي التاخير 😊
لان النوعية دي من البوستات محتاجة شوية تفاصيل .
بوست مهم عن العناية بالشعر 👩

نبتدي بالاطفال 👧🧒
الكلام ده للامهااات 👩👉
لازم تحافظوا علي شعر اولادكم من الصغر
1- بلاش تغسلوا شعرهم بشاور جل
2- بلاش نشد شعرهم لورا ونستسهل خلوه اوصه او علي جنب
3- نقص أطراف شعرهم كل اربع شهور مقدار نص سم من الاطراف
دا هيخلي شعرهم صحي
4- متسرحيش شعر اطفالك بعنف او شد و ميتسرحش اكتر من مرتين في اليوم

5-قبل غسل شعر طفلتكِ، اعمليلها حمام زيت لشعرها باي نوع زيت من الزيوت الطبيعية الخالية من المواد الكيميائية الضارة، و تكون نسبة السيليكون قليلة عشان يمنحه لمعانًا طبيعيًا وملمسًا ناعمًا.

👈اسالوني عن تركيبة السيليكون المفيدة لتصفيف الشعر في الكومنتات و هجاوبكم .👉

📌 طريقة حمام الزيت و تنفع للكبار و الاطفال و نتايجها ممتازة 👌
*-في طبق زجاجي، ضعي كمية مناسبة من اي نوع زيت طبيعي بحسب طول شعرك وكثافته.
*-حوطي الطبق داخل الميكروويف لمدة 30 ثانية أو في حمام مائي ساخن لمدة دقيقتين.
*-بعد تدفئة الزيت بحرارة مناسبة، استخدميه لتدليك فروة الرأس والشعر في حركات دائرية لمدة خمس دقائق، لضمان تغلغل الزيت داخل فروة الرأس وبين الخصلات.

6- و انت بتغسلي شعر اولادك اغسليه بماء فاتر لانه بيسهل اكتر التخلص من بقايا حمام الزيت و الشامبو اللي غسلتي بيه .

7- بعد الانتهاء من غسل الشعر، متنشفيش شعرها بفركه بالفوطة، لفي الفوطة حوله واضغطي عليه
و لو كان شعر طفلتكِ كثيف ، قسميه بعد خروجها من الحمام إلى أجزاء متساوية، وبعدين افصلي كل جزء لوحده بمشبك عشان تسرحي الشعر بسهولة.

🧜ثانيا :- البنات و الاخوات الكبار ...
👈 بلاش تصدقوا اشاعات اشتري المنتج الفلاني هيطول شعرك و شعر بنتك ٤ سم في الشهر....!!! لان كل ده اعلانات و كدب !!
لان علميا الشعرايه بتطول ١ سم بس كل شهر
👈 بلاش تصدقي الشامبوهات المكتوب عليها بتعالج التقصف لان التقصف لازم يتقص بالمقص. و الشامبوهات دي ما هي الا للتنضيف بسسسسسسس .
عارف ان فيه ناس هتقولي التقصف لو قدام هنقصه الزاي...... طبعا مش هينفع نقصه خصوصا للبنات الا اننا نقدر نرطبه كويس ونقلل الشامبوهات القلويه عليه.... لغاية مالشعرايه المتقصفه تموت وتقع وتطلع مكانها جديده صحيه


👈متنسيش لما تستخدمي شامبو للقشره او شامبو طبي تسيبيه على شعرك خمس دقايق عالاقل عشان يدي مفعوله وتشوفي نتيجه... انتي دافعه فيه فلوس.
👈وانتي بتاخدي شاور بلاش تغسلي شعرك بالشاور جل بتاع الجسم هيجفف شعرك جدا ويقصفه.. خلي الشامبو للشعر والشاور جل للجسم... خصوصا الاطفال متظلمهومش في كده.
👈واخيرا
مفيش حاجه اسمها احسن بخاخ لتساقط شعر... ولا احسن امبولات
والصح تعرفي ايه سبب التساقط
جايز انيميا وعلاجك يكون كبسولات تعالج الانيميا
جايز تكيس مبايض وعلاجك يكون حبوب تكتبهالك دكتورتك
جايز وراثه فمش هتحتاجي اكتر من المينوكسديل.
انا عارف ان المحتاج بيتعلق بقشايه بس بقدر الامكان لازم نعرف فلوسنا اللي تعبنا فيها هنصرفها في شىء مفيد ولا لا .... و اسف جدا علي الاطااالة 😊
منتظرين اسالتكم و دمتم في افضل صحة و عافية ❤

ادعمونا بلايك و شير للبوست و عشان غيركم يستفاد 🌹

By Dr.Diaa eldin

بوست و نصائح هامة جدا
الاستاذه سارة دخلت الصيدليه وقالتلى انا قررت ابدل كبسولات الحديد اللي الدكتور كاتبهالي عشان مبقتش تجيب نتيجة بالعدس و بالسبااانخ ...!
انا دى تالت علبه اخدها ومش حاسه باي نتيجة او فايدة منها و تحليل الانيميا زي ما هو !!

قولتلها طيب ما تيجي نعرف ليه الحديد الكبسولات مجبش نتيجه معاكى يا سارة

* اولا يا استاذة
كبسولات الحديد لو معدة حضرتك سليمة يبقي افضل وقت ليها على معده فاضيه اللى هو قبل الاكل بساعه ...الا انها ممكن تعمل تهيج للمعده
عشان كده بتتاخد بعد الاكل .

*ثانيا
الشاى والقهوه واللبن بياثروا على امتصاص الحديد فبلاش ناخد كبسولات الحديد ونشرب شاى او قهوه او اي حاجة فيها لبن .

*ثالثا
لو مكتوبلك حبوب كالسيوم وكبسولات حديد فبلاش ناخدهم مع بعض فى نفس الوقت لان الكالسيوم بيصعب امتصاص الحديد فناخد الكالسيوم بعد الفطار والحديد بعد الغدا

*رابعا
لو عندك مرض فى المعده وبتاخد اى علاج ليها او بتاخد ادوية للحموضه فبلاش تاخدها مع الحديد لانها بتصعب امتصاص الحديد
عشان كده لو اتكتبلك او و انت بتشترى كبسولات الحديد لازم تعرف الصيدلى او الدكتور المعالج بالادويه اللى بتاخدها

*خامسا
لما ناخد كبسولات الحديد عشان نستفيد من الحديد ويمتص بسرعه و ميعملش امساك ناخد فيتامين سى بعد تناول كبسولات الحديد
نشرب عصير ليمون او جوافه او برتقال

*سادسا ملحوظة مهمة جدا
معظم الناس واخدة فكرة عن ان السبانخ غنية بالحديد و المعلومة دي غلط للاسف لان السبانخ فقيره بالحديد
غير ان كمان الحديد اللى فيها مش بنستفيد منه لان امتصاصه ضعيف كمان السبانخ بتحتوى على مواد بتعيق امتصاص الحديد زى الاوكسالات مش زى مافهمونا زمان انها غنيه بالحديد وانها مصدر قوى ودا ميمنعش انها فيها معادن تانيه كتير ومفيده للجسم ❤
كدا معندكيش حجج يا ست الكل يا امي انك تعملي سبانج و تكدرينا معاكي
مالها البامية و الملوخية 😂😂😂😂

*سابعا يا ست البنات
فيه نوعين من الحديد
النوع الاول حديد الهيم ودا اللى مصدرة حيوانى زى الكبده اللحوم والاسماك والفراخ
النوع التانى حديد غير الهيم ودا اللى مصدرة النبات ,, زى السبانخ والعدس والفول
الفرق بين النوعين ياجماعه ان الحديد الهيم اللى مصدره حيوانى هو المفيد وهو اللى بيمتص اسرع بكتييير من الحديد غير الهيم اللى مصدره نباتى

*ثامنا و هااام جدا
كبدة الفراخ اغنى من كبدة المواشي زي البقر و الاغنام و الجمال فى الحديد والفوليك كبدة الفراخ بالفعل منجم حديد وفوليك
بس خدوا بالكم لانها غنيه بالكوليسترول فيها فيتامين A كتير ...،عشان كده الللى عندهم كوليسترول والحوامل مياكلوش منها بكميات كبيره .

*تاسعا و اخيرا ملحوظه صغيره
اخواتنا اللى بيعانوا من التهابات فى المعده والامعاء مزمنه ...وبياخدوا ادويه هم اكتر ناس بيصابوا بالانيميا فياريت يعملوا تحاليل للتاكد .

اسف جدا يا استاذة علي الاطالة و الرغي الكتير اتمني تكوني استفادتي بالمعلومات دي 😊💖

شير للبوست عشان غيرك يستفاد بالمعلومة و لايك قبل ما تمشي 😍
اي نصائح او استفسارات طبية كلمونا علي رسايلنا علي الصفحة .
دمتم في صحة و امان 😊

By >Dr Diaa eldin

صيدليات د.منى عبد الحميد ترحب بكم و تتمنى لكم دوام الصحة و العافية .