Dr Alaa Kramy Clinical Nutritionist

💚💚

صباح الخير ليكم جميعا ❤🌸
هتكلم سريعا كدة عن السبانخ اللي مش واخدة حقها الصراحة 😅🤎وليه لازم ندخلها في نظامنا وخصوصا للاطفال 🤔اولا سعراتها قليله وكذلك الدهون وغنيه بالألياف، وينصح بيها دايما في الأنظمة الغذائية سواء لنزول الوزن او المساعدة في ظبط الكوليسترول👩‍⚕️غنيه بمضادات الأكسدة والفيتامينات وخاصة فيتامين A، C لصحة الجلد والرؤية الليلية، مصدر ممتاز ل ل فيتامين K المساهم في تقوية العظم، ودة مفيد في الانظمة الخاصة بمرضي هشاشة العظام، كذلك الناس اللي عندها أنيميا نقص حديد. لذلك فيتامين سي(C) معاها بيساعد جدا لأقصي استفادة وامتصاص. نخلي بالنا انها بتزود ال Uric acid وبالتالي هتزود التهاب المفاصل للي عندهم نقرص وممكن تزود تكوين الحصوات لاصحاب مشاكل الكلي...
هنزل جداول هنا بكل العناصر الموجودة فيها ل كمية (نص كوب منها)حوالي 90جرام في اول كومنت تحت 👇👇
دمتم بخير وصحة 💜🥬

vitamine B12
فيتامين ب١٢ مهم جدااا للمخ والأعصاب وكرات الدم الحمراء.
إي الأعراض اللي نحس بيها لو ناقص عندنا!؟ 🤔
ضعف في التركيز بشكل عام، الذاكرة ضعيفة، تنميل في اليدين والساقين، الاحساس في الايد والرجل اقل من الطبيعي، القوة العضلية بتقل، شعور بالنهجان، الحالة النفسية بتتأثر جدااا، انيميا، الاعصاب بتبوظ، طنين الأذن🔔
ال junk food بيقلله للاسف والنشويات والحلويات وبيقل كذلك عند بعض النباتين، لو في مشكلة ف المعدة، هتأثر جامد في معدل الامتصاص 🤷‍♀️
موجود في إي بقي أو نقدر ناخده منين!؟
الفراخ،السمك، اللحمة،البيض،الجبن،حليب الصويا،المكسرات

مساء الخير جدا😍
هنتكلم النهردة عن السمك، بعد ماتعرفوا فوايده بقي عايزينه مرة ل مرتين ف الاسبوع😇
مبدئيا كدة السمك مصدر ممتاز للبروتين النقي، حاجة من الاخر يعني✅يحافظ علي الكتلة العضلية في الجسم،دة اصلا الهدف بتاع اي تغذية صح🤷‍♀️😅مليان omega 3 غنيه عن التعريف معناها ان التهابات الجسم هتقل ويحافظ ع صحة القلب❤ويحمي من الامراض المزمنه والروماتيزم ، مهم للمخ والرؤية السليمه وحماية الاعصاب كمان.
زيت السمك رائع لصحة الجلد والبشرة وللكبد ويساهم في تقليل حب الشباب. السمك غني بفيتامين D المسئول عن امتصاص الكالسيوم وبالتالي هايل للعظام...
دمتم بخير وصحه🍏

مساء الخير ليكم جميعا❤🌸
هنتكلم سريعا كدة عن الأفوكادو🥑عشان مش واخد حقه معانا🤷‍♀️الافوكادو رائع لصحة الجلد والبشرة يحتوي ع مجموعه من الفيتامينات A, C, E, k, B1,B2,B3,B5,B6 وكذلك الفولات(folate), choline ومليان معادن، فيه ألياف النوعين soluble, insoluble وبالتالي بيحافظ ع صحة الجهاز الهضمي، مهم للكبد والكلي. فيه مضادات أكسدة عشان فيتامين E, C
يقلل خطر الاصابة بالسرطانات، مهم لصحة القلب والشرايين💖اختيار هايل في وجبة الفطار لانه مشبع جدا وفيه دهون صحيه حلوة اوي للمخ✅
دمتم بخير وصحه💌

😂😂😂😅

المشي بعد الاكل(مشي سريع)حوالي نص ساعه عادة ممتازة ينصح بيها للكل وخصوصا مريض السكر النوع التاني لانه بيقلل سكر الدم ومفيد في حالات مقاومة الانسولين...
Habit

إشرب كوباية مياه بعد ماتصحي من النوم😎 وقبل الأكل😊وقبل وبعد التمرين✅وقبل النوم بساعه😴
Habit

😂🌚

مساء الخير جدا 💙🍂
هقولكم سريعا كدة شوية حاجات عن عين الجمل وفوايدها وليه يفضل ندخله في يومنا💁‍♀️
مصدر ممتاز لأوميجا ٣ ويحتوي علي ال سلينيوم،زنك،فيتامين E،فيتامين ب٩، فيتامين ب٦.
حلو جداا للمناعة والجهاز العصبي،له تأثير هايل ع زيادة التركيز وقوة الذاكرة وللمخ عموما،كمان بيحسن المود 😍
مضاد أكسدة عظيم لاحتوائه علي فيتامين E طبعا،له دور في تقليل الكوليسترول الضار المساهم في تصلب الشرايين.
مصدر ممتاز لمجموعة فيتامين ب المركب وخصوصا مع الحوامل،يحتوي علي الميلاتونين (الهرمون المسئول عن النوم بشكل صحي) 💖
له دور مميز لصحة الجلد والشعر😌🤎
يبقي الخلاصة ناخد حفنة منه كدة حجم قبضة اليد كل يوم ك سناك خفيف مع زبادي مثلا..
دمتم بخير🌸

مساء الخير جداا💙🌸
هتكلم معاكم عن نبذة سريعة كدة بخصوص تغذية الحوامل وأهم النقط اللي نركز عليها:
بالنسبة لأول 3شهور من الحمل، مفيش أي داعي لزيادة السعرات إطلاقا يعني(الاكل العادي بدون اي زيادة)، البيبي لا يحتاج كالوري زيادة للنمو 🤷‍♀️
بعد ال 3شهور الاولي، يفضل تناول 6وجبات صغيرة علي مدار اليوم لتجنب زيادة الوزن مع عدم التأثير علي البيبي.
اثناء التخطيط للحمل في الأساس يفترض ان يؤخذ (حمض الفوليك) علي الاقل قبل الحمل ب 3شهور (دة الامثل) ❤
🍏الاحتياج الرئيسي للكالسيوم والحديد والفيتامينات والفوليك بصورة خاصة ✨
يفضل التركيز علي الخضروات الورقية (غنية بفيتامينات كثيرة) ولتجنب الامساك (مشكلة شائعة)🤷‍♀️
🌸مضادات الأكسدة أثناء فترة الحمل يساهم في ولادة طفل عبقري 😍اللي هما اي بقي عشان نركز عليها 🤔
(فيتامين C، فيتامين E، اوميجا 3،اوميجا 6)
🌼الحديد مهم جدا لصحة المخ اثناء الحمل 🌼
في الشهور الاولي تعاني الام من دوخة خفيفة الصبح مع احساس غثيان بسبب التغيرات الفسيولوجية للهرمونات الحل بقي انها تاخد كميات صغيرة من الكربوهيدرات زي العيش او البسكوت وكذلك الفاكهة الصبح بدري وقبل الوجبات عشان تقلل الغثيان.
يراعي تجنب الاكل الحار او المبهر بزيادة والتركيز علي البروتينيات ذات الجودة العالية زي الحليب والبيض واللحمة والسمك طبعا 🧡
القهوة والنسكافيه والبيبسي يفضل منعهم تماما اثناء الحمل.
يراعي قياس الضغط مرتين فيةالاسبوع.
لو في بنت بتاخد علاج حب شباب لازم يقف قبل الحمل بشهرين علي الأقل...
دمتم بخير دايما 💜

😂😂😂

صباح الخير جداا💙🌸
ليه لازم نمشي ع الاقل نص ساعه يوميا🤔
🔶المشي ينشط عضلة القلب ❤ويقلل من تصلب الشرايين.
🔶حلو جدا ل مريض السكر او اصحاب الكوليسترول العالي.
🔶يحافظ علي الوزن لانه بيقلل ال stress.
🔶يحافظ علي الجهاز الهضمي ويقلل من حدة اعراض القولون.
🔶يدعم وظايف الكبد والكلي.
🔶يحافظ علي المناعه،العضلات،صحة العظام.
دمتم بخيروصحة💟