Quuqama sabaa Lammiif

Tokko lama jedhaniin
Kumaaf kitila lakkaa'u
Ifaajanii yoo hojjatan
Shakkii malee milkaa'u

Qananiin biyya lafaa
Aarsaa kaffallaan dhufa
Ta'uu baannaan beeloftee
Manni sirratti kufaa

Garbaaf galaana cee'uuf
Bidiruuf doonii yaabbatuu
Gaaddisa egeree ta'uuf
Har'a biqiltuu dhaabbatu

Xiqqaaf guddaa hin qabu
Hojiin hunduu kabajaa
Gaafa garaan beeloftee
Sammuunuu nu ajajaa!

Jaallan qabsoo meeqaan kunoo harra geenye