Omorfia Natural Care

السبيرولينا! معروفة من قديم الأزل إستخدماتها الكثيرة وفوائدها الأكثر، وماقتصرتش فوائدها على الجسم بس وحتى البشرة خدت حصّة منها ولخصن! ✨

تعالج ذبول البشرة ✓
التحكم في التجاعيد وتأخير ظهورها ✓
غنية بمضادّات الأكسدة اللي تحمي البشرة ✓
تخليص البشرة من السموم ✓
علاج حب الشباب ✓

وكل الفوائد تعود لإحتواء كريم السبيرولينا على فيتامين أ وفيتامين هـ وفيتامين ب12 والمعادن الهامة زي الحديد والفسفور والكالسيوم، وللّي تساعد في تعزيز صحة البشرة ومحاربة الجذور الحرة التي تسبب الإجهاد والترهل!

وأموفيا قدمتلكم الخلاصة من كل هالفوائد في تركيبة طبيعية وعضوية 100% وتجيكم في عبوات آنقية وصديقة للبيئة! 🤍

تقدري تطلبيه فورًا من أمورفيا ويوصل لعندك! ✨
بالتواصل معانا على رسائل الصفحة.

#أمورفيا

زي ماتعرّفوا مجموعة أمورفيا للعناية بالجمال، تنوعت بين سبع مُنتجات طبيعية وعضوية 100% وغنيّة بأجود كنوز الطبیعة مثل زیت الزیتون والسبیرولینا والتین الشوكي وغیرھا الكثیر! ✨

وسؤالنا ليكم اليوم إما أكثر مُنتج تحبيه لأمورفيا؟! 🤍

#أمورفيا

علاش السيروم هو الأفضل؟

بالإضافة لكونه مصدر غنيّ بالفوائد والمُغذيات للبشرة، أيضا للسيروم قدرة عالية على اختراق الطبقات العميقة من الجلد وترطيبّها بطريقة سريعة ويرجع هذا لجُزيئاته الصغيرة وقوامه الخفيف! ✨

وكل المغذيات اللّي تحتاجها بشرة الجسم بشكل عام حتلقوها في سيروم التين الشوكي من أمورفيا وتتلخص فوائده في عنه: 🤍

• يوحّد لون البشرة ويفتّحها.
• يرطّب ترطيب عميق وينعّم.
• مضاد أكسدة يحمي خلايا البشرة من التلف.
• مضاد للالتهاب والبكتيريا.
• تغذية البشرة وإعطاءها مظهر صحّي.
• أسهل في الامتصاص من مرطّبات الجسم العاديّة.

وهو بالتأكيد عضوي 100% زي كل منتجاتنا وخالي من المواد الضارّة، مناسب لجميع أنواع البشرة، وبمواصفات سويسريّة معتمدة 💚

تقدري تطلبيه فورًا من أمورفيا ويوصل لعندك! ✨
بالتواصل معانا على رسائل الصفحة..

#أمورفيا

علامات التقدم في السن على البشرة، هاجس يخافوا منه أغلب السيدات! ولكن هالّتجاعيد ماهي إلا قصص وحكايات عاشتهمّ بشرتك معاك على مرور الوقت. 🤍

أمورفيا تقولك ماتخافيّش من التجاعيد، حبيّهم، تقبليّهم، وتعايشي معاهمّ.. ولكن إهتمي ببشرتك ودللّيها وكريم التين الشوكي من منتجاتنا حيوفرلك كل المغذيات والعناية اللّي تحْتاجيها! ✨

عنّه:
>> يحفّز إنتاج الكولاجين في البشرة.
>> يحارب التجاعيد وعلامات التقدّم في السن.
>> يوحّد لون البشرة ويزيل التصبّغات.
>> مضاد للالتهاب وحب الشباب.
>> تفتيح الهالات السوداء تحت العين.

تقدري تطلبيه فورًا من أمورفيا ويوصل لعندك! ✨
بالتواصل معانا على رسائل الصفحة..

#أمورفيا

بشرة ناعمة، صحيّة، مُتجددة ومافيهاش جلد ميت أو شعر تحت الجلد! الشعور هذا مُبتغى كل السيدات ✨

وحتتحصلوا عليه بُمجرد إستخدامكم لمُقشر ملح البحر والقهوة من أمورفيا، ولأن كلنا عارفين فاعلية القهوة الرهيبة في التقشير، فـتخيلوا معانا أمورفيا ضافتله ملح البحر وفوائده الكبيرة وهكي الفاعلية والنتائج مضمونة 100%

خلّي نشوفوا عنه:

> التخلّص من خلايا الجلد الميّتة والانتفاخات.
> التقليل من "بشرة البرتقالة" أو "السليوليت".
> التقليل من الالتهابات.
> تحفيز الدورة الدمويّة.
> التخفيف من مشكلة ظهور الشعر تحت الجلد.

تقدري تطلبيه فورًا من أمورفيا ويوصل لعندك! ✨
بالتواصل معانا على رسائل الصفحة..

#أمورفيا

البشرة الحساسة! مش بشرة مُعقدة وينخاف منها زي ما الأغلب متصّورينها، هي فقط محتاجة لروتين عناية خاص وشوي نصائح لو مشيتي بيهم حتحافظي عليها مشرقة ومُنعشة طول الوقت! ✨

لكن قبل كل شي، حنوضحولكم شن هي البشرة الحساسة؟ 🤔
البشرة الحساسة هي للّي تتفاعل بشكل سريع مع درجات الحرارة العالية والبرد وتتأثر بالعوامل الخارجية بسرعة، وبتالي تكون عرضة للإلتهابات، التهيج، الإحمرار وأيضاً للإصابة بالحساسية من المنظفات والمستحضرات المتنوعة!

إذاً لو كنتي من أصحاب البشرة الحسّاسة، ليك شوية النصائح هاذي اللّي حتعلمك كيفية التعامل مع بشرتك🤍

• شُرب الماء بشكلٍ منتظم:
يساعد على نضارة البشرة ويطرد السموم ويمنح البشرة الرطوبة اللازمة ويمنع جفافها، وهو مهم جدًا لكافة أنواع البشرة!

• تقشير البشرة:
لكون البشرة حساسة لا يعني أنه نخافوا من تقشيرها، لولكن نبتعدوا على التشقير بالمواد الكيمائية ونتجهوا للمنتجات الطبيعة العضوية زي منتجات أمورفيا لأنها تجدّد البشرة وتحميها وتحفز الأوعية الدموية!

• ترطيب البشرة:
ينصح بترطيب البشرة الحساسة مرة وحدة صباحًا ومساءً وبإستخدام كريمات ماتحتويش على العطور الصناعية، الباربين، الكحول لأنها سبب كبير في تهيج البشرة الحساسة!

•التنظيف اليومي للبشرة:
من الظروري تنظيف البشرة الحساسة يوميًا بلطف، ومن خلال إستخدام غسول خاص بالبشرة الحساسة، إزالة المكياج بشكل كامل تجنباً من تفاعل مكونات مواد التجميل مع البشرة وللّي بتضّر بيها!

• وأخيراً حماية البشرة من أشعة الشمس :
لأن أشعة الشمس تضر بالبشرة ومش الحساسة فقط ولكن لكل أنواع البشرة، ضروري جداً إستخدام واقي!

دُمتن ببشرة صحيّة ورائعة 🤍✨

#أمورفيا

زيّ ما كل حاجة في جسمنا تستحق الاهتمام بيها، البشرة، الشعر، وغيرهم.. حني كسيّدات يدينا أيضاً محتاجين لإهتمام وعناية خاصة بيهم 🤍

لذلك تضمّ مجموعة أمورفيا للعناية بالجمال والبشرة كريم اليدين بزبدة الشيا الأفريقية والكرز، لأفضل تطريب وعناية لليدين وتتلخص فوائده في:

> غني ومكثّف ويرطّب بعمق ويحمي من الجفاف.
> يكون طبقة عازلة فوق الجلد للاحتفاظ بالرطوبة.
> ويساعد على تقويّة الأظافر وجعلها أطول.

وهو بالتأكيد عضوي 100% زي كل منتجاتنا وخالي من المواد الضارّة، مناسب لجميع أنواع البشرة، وبمواصفات سويسريّة معتمدة.✓

تقدري تطلبيه فورًا من أمورفيا ويوصل لعندك! ✨
بالتواصل معانا على رسائل الصفحة..

#أمورفيا

كيف ممكن تكافئْي بشرَتك بعد يوم طويل تعرضّت فيه للحرارة العالية وأشعة الشمس وأيّ عوامل خارجية ضرّت بيها؟!

الحل بسيط وإستخدامه سهل وسريع! وهو تنور ماء الورد وزيت جنين القمح من أمورفيا ✨

• تونر طبیعي 100% وخفيف ح ينعش بشرتك على الفور!
• يهدّي البشرة المُتهيجة ويتحكم في إفراز الزيوت الزائدة!
• مُفيد أيضاً للشفاه ويساعد على ترطيبّها وتنعيّمها!

الجميل فيه بالإضافة لكل مُميزاته، تقدروا تستخدموه بشكل يومي بوضع كمية بسيطة منه على بشرة نظيفة وإستمتعي بالإحساس المُنعش! 🤍

تقدري تطلبيه فورًا من أمورفيا ويوصل لعندك ✨
بالتواصل معانا على رسائل الصفحة.

#أمورفيا

جمال الوجه الأساسي يكمن في العيون، لكن أحيانًا لعدّة أسباب يطلعوا هالات سوداء تحت العين، وحني صح نحبّوا الباندا لأنّه لطيف، لكن نحبّوا نتفرّجوا عليه بس، ما نحبّوش يكون شكلنا زيّه :")

>> شن أسباب الهالات السوداء؟
الأسباب متعددة وكثيرة جدًّا، منها التقدّم في السن، بعض الأدوية، فقر الدم، سوء التغذية، الجفاف، نقص النوم، التوتّر والقلق (بسبب امتحان مثلًا 🤓)... وغيرها من المسببات اللي تعتبر صحيّة في المقام الأوّل.

>> كيف نعالجوها؟
أولًا وقبل كل شي لازم تعرفي المسبب باش تعرفي العلاج، اتّباع نمط حياة صحّي والابتعاد عن التعب والإرهاق هو الخطوة الأولى.

ثانيًا، ضروري تستعملي كريم مخصص للهالات السوداء، وبالتأكيد ما فيش أحسن من أنك تستعملي منتج عضوي 100% وطبيعي وخالي من المكوّنات الضارّة... أكيدة عرفتوا عن شن نحكوا 😎

كريم زيت بذور التين الشوكي من أمورفيا حيساعد في علاج بالإضافة لعدّة مشاكل أخرى، تقدري تطلبيه فورًا وحيوصل لباب منزلك! 💚

#أمورفيا

التدخين ما يضرّش المدخّن بس!

في اليوم العالمي للتدخين، أمورفيا تبّي تذكركم أن فيه شي اسمه "التدخين السلبي"، وأن بقائك جنب حد مدخّن يضرّك زي ما يضرّه.

استنشاق الدخان من المدخنين ليه آثار سيئة على صحتك بشكل عام، وبالنسبة لصحّة البشرة فهو يسبب في تجاعيد، تصبّغات، لون بشرة غير موحّد، وغيرها من الأضرار.

انصحوا من حولكم، على خاطرهم، وعلى خاطركم.

#أمورفيا

عندك حب شباب؟ مش حنقولولك شن تديري، لكن حنقولولك شن ما تديريش! 🚨

(1) ما تجففيش بشرتك
صح حب الشباب ناتج عن الزيوت الزائدة، لكن تجفيف البشرة بزيادة يخلّي إفراز الزيوت يزيد أكثر! لهذا بعد غسل وجهك دائمًا رطّبي، وما تستعمليش منتجات قاسية تجفف أكثر من اللازم.

(2) إيّاك، ثمّ إيّاك تفتحي الحبّة
الضغط على الحبّة أو عصرها أو فتحها يخلّيها تتأخّر في الشفاء، وزيادة يزيد خطر أنّها تخلّي أثر.

(3) ما تغسليش وجهك أكثر من اللازم
لنفس السبب في رقم 1، غسل الوجه أكثر من مرّتين في اليوم حيجفف البشرة أكثر من اللازم… حب الشباب مش سببه عدم نظافة الوجه، عنده عدة أسباب مختلفة، والغسل هلبا مرّات مش حيحل المشكلة.

(4) ما تحطّيش منتجات ثقيلة
ما نبّوش نسدّوا المسام، لهذا المنتجات الثقيلة اللي قوامها زيتي ممنوع استخدامها، واستعملي كريمات ترطيب خفيفة، ونفس الشي بالنسبة للمكياج، خلي البشرة تتنفّس، وما ترقديش بالمكياج.

ولو تبّي مساعدة في علاج حب الشباب، عندنا في أمورفيا منتجين يساعدوك:
>> كريم زيت بذور التين الشوكي
>> تونر زيت جنين القمح وماء الورد مع فيتامين E.

تقدري تطلبيهم فورًا من أمورفيا ويوصل لعندك 💚
للتواصل معانا تقدري تكلّمينا على رسائل.

#أمورفيا