beauty.koreancosmetics

#კორეულიკოსმეტიკა
დღეს ვისაუბრებთ ეფექტურ კორეულ სახის კრემზე 10% გლიკოლის მჟავით - NakeUp Face 10% Glycolic Acid AHA Scaling Cream, მიუხედავათ იმისა რომ მქონდა მხოლოდ ერთი სინჯარა, ეფექტი მოახდინა პირველივე გამოყენებისთანავე. როგორც გავიგე კორეაში მას "კრემ პილინგის მამას" უწოდებენ.
ცნობილია, რომ კანის მკვდარი უჯრედები იწვევს უამრავ პრობლემას: - არათანაბარი კანის რელიეფი, არაჯანსაღი ტონი, რის გამოც მაკიაჟი ხაზს უსვამს ყველა ნაკლოვანებას. კანი უფრო სწრაფად შრება და ბერდება. მკვდარი უჯრედები ასევე ბლოკავს ფორებს, ტოვებს სებუმს მათში, რაც იწვევს გაფართოებულ ფორებს, შავ წერტილებს და აკნეს.
NakeUp Face 10% გლიკოლის მჟავას კრემი გვპირდება, რომ გაათავისუფლებს ჩვენს კანს ყველა ამ პრობლემისგან. მოცემული კრემის შემადგენლობაში გლიკოლის მჟავა მეორე ადგილზეა და შეიცავს 10% კონცენტრაციას. გლიკოლის მჟავა მიეკუთვნება AHA მჟავებს და წარმოადგენს ქიმიურ პილინგს.
მისი თვისებები:
1.ყველა მჟავას შორის, გლიკოლის მჟავას აქვს ყველაზე მცირე მოლეკულა, ამიტომ იგი ღრმად აღწევს ეპიდერმისში და აქვს ყველაზე გამოხატული კანის განახლების ეფექტი.
2.ეს კომპონენტი ხსნის ცხიმოვანი ჯირკვლების კერატინიზებულ კვანძებს და ხელს უწყობს კომედონების აღმოფხვრას.
3.გლიკოლის მჟავას აქვს ანთების საწინააღმდეგო მოქმედება, ის ასევე ასტიმულირებს კოლაგენისა და გლიკოზამინოგლიკანების სინთეზს. ამრიგად, ამქერცლავი მოქმედების გამო ეპიდერმისი თხელდება, ხოლო დერმა, პირიქით სქელდება. რის შედეგად, მცირე ნაოჭები სწორდება, ხოლო მსხვილი ნაკლებად შესამჩნევი ხდება.
გლიკოლის მჟავის გარდა, შემადგენლობაში შედის ჰიალურონის მჟავა, მინდალის ზეთი, ნიაცენამიდი, ჰამამელისის ექსტრაქტი, ალანტოინი, ტოკოფეროლი, კალენდულას ექსტრაქტი, ცენტელას ექსტრაქტი და სხვა ბევრი სასარგებლო კომპონენტი ჩვენი კანისთვის.
ჩემი კანი: ანთებისკენ მიდრეკილი, გაფართოვებული ფორები, შავი წერტილები და მცირე კანქვეშა კვანძები. ჰიპერპიგმენტაცია, ზამთარში ნორმალური, ზაფხულში-კომბინირებულ- ცხიმიანი. ასე ვთქვათ "სანატრელი და დალოცვილი" მე მერგო. ))
ეს საშუალება, სქელი მკვებავი ტექსტურისა და მჟავის მაღალი კონცენტრაციის გამო, ღამის კრემს მიეკუთვნება. ასევე ყოველდღიური გამოყენებისთვის არ გამოდგება. მიუხედავად იმისა, რომ სქელი კანი მაქვს, კრემის სახეზე დატანის შემდეგ კანი ოდნავ გაწითლდა და წვის შეგრძნება მქონდა. 10 წუთის შემდეგ ეს არასასიამოვნო შეგრძნებები ქრება. მიუხედავათ იმისა, რომ მქონდა მხოლოდ ერთი სინჯარა (ორ გამოყენებაზე მეყო), შედეგმა არ დააყოვნა:
უკვე დილით დავინახე, რომ სახის კანი მეტად ჯანმრთელად გამოიყურებოდა, ანათებდა. კრემს აქვს საოცარი ანთების საწინააღმდეგო თვისებები. ერთ ღამეში რამოდენიმე გამონაყარის ანთება ჩაახშო, დააპატარავა. პოსტაკნეს ნაწიბურები ნაკლებად შესამჩნევი იყო. დაბანის შემდეგ კანი რბილი და ერთგვაროვანი გახდა.
წვის, ჩხვლეტის და არასასიამოვნო შეგრძნებების მიუხედავად, კრემი არ ტოვებს გაღიზიანებას და მგრძნობელობას არ მატებს სახის კანს.
დასკვნა:
აუცილებლად შევიძენ სრულ ზომას, მას აქვს შესანიშნავი პილინგის ეფექტი, ამავე დროს იგი კვებავს და ატენიანებს კანს და ასევე ეფექტურად კურნავს მას გამონაყარისგან. არ ვიცი, ვინ მიანიჭა მას წოდება "მჟავე კრემების მამა " ან "პილინგ კრემი No1", მაგრამ ის ამ ტიტულს იმსახურებს.
გირჩევთ ყველა ასაკისთვის, მაგრამ არა მგრძნობიარე კანისთვის. მიუხედავად იმისა, რომ კრემს ღამით ვიყენებთ, არ დაგავიწყდეთ დღის განმავლობაში კარგი მზისგან დამცავი კრემის გამოყენება.
გისურვებთ ჯამრთელობას და სილამაზეს!! 💖

#40875 დღეს მინდა გაგიზიაროთ ერთერთი ჩემი საყვარელი ციტატა-
"ხარისხი არ ნიშნავს გადაიხადო ძვირი." არსებობს მოსაზრება, რომ იაფიანი პროდუქცია არ შეიძლება იყოს ხარისხიანი, და პირიქით რადგან ძვირადღირებულია - ხარისხიანია. ეს სტერეოტიპები ჩამოყალიბდა 90-00 იან წლებში, ჩვენს ბაზარზე ჩინური,უხარისხო საქონლის ნაკადის წყალობით. თუმცა მინდა ვთქვა დღევანდელ დროში ჩინეთი მაღალი ხარისხით გვაოცებს.ბევრ რამეს ვიწერ ჩინეთიდან, 2-3 ჯერ ნაკლებს ვიხდი, მაგრამ ამაზე სხვა დროს.... დღეს კი სხვა პროდუქტი მინდა გაგაცნოთ, ჩემი ახალი აღმოჩენა,ფაბერლიკის მატი თხევადი ტუჩსაცხი, რომელიც არ აშრობს, ისმევა თხლად და დისკომფორტს არ შეგიქმნით დღის განმავლობაში და რაც მთავარია არის ხელმისაწვდომ ფასსებში. პალიტრაში არის წარმოდგენილი ბევრი სხვადასხვა მოდური ფერი, შეგიძლიათ შეარჩიოთ თქვენი კანის ტონალობის მიხედვით...

#კორეულიკოსმეტიკა
Purito - ბრენდი, რომელსაც მინდა მივაბყრო თქვენი ყურადღება და მივუძღვნა ცალკე პოსტი, რადგან მისი გულშემატკივარი გავხდი.
ეს არის საკმაოდ ახალგაზრდა "ეკო" ბრენდი. მათი ფილოსოფია მარტივია - იყო გულწრფელი და აწარმოო უსაფრთხო კოსმეტიკური საშუალებები, ხელოვნური კრასიტელების, პარფიუმის, კონსერვანტების და PEG– ის გარეშე.
Purito ცდილობს პროდუქციის წარმოებას, რომელიც შესაფერისია არა მხოლოდ მოზრდილებისთვის, არამედ ბავშვებისთვისაც, მხოლოდ ყველაზე უსაფრთხო ინგრედიენტების გამოყენებით. ისინი არ ხარჯავენ დროსა და სახსრებს დახვეწილი შეფუთვის დიზაინზე, ყველაფერი იხარჯება შიგთავსზე.
ბრენდს არ აქვს ასობით დასახელების პროდუქცია, მაგრამ რაც აქვთ ყველა ჰიტია! რაც შეეხება მათი ცენტელას ხაზს, მისწრებაა ცხიმიანი და კომბინირებული კანისთვის. მისი სრულყოფილი შემადგენლობა არა მხოლოდ აწესრიგებს ცხიმიანობის წარმოქმნას, არამედ შესანიშნავად ამშვიდებს, აღადგენს კანს და ასევე ნიაცინამიდის, ადენოზინის, კერამიდების და მრავალი სხვა ინგრედიენტების მეშვეობით აქვს ძლიერი დაბერების საწინააღმდეგო მოქმედება ...მე მქონდა თითქმის მთელი ცენტელას ხაზი:PURITO Centella Green Lever Calming TONER
PURITO Centella Green Lever Buffet SERUM
PURITO Centela Green Lever Recovery CREAM
ასევე სხვა ხაზის პროდუქცია, რომელიც მოუხდება პიგმენტურ და როზაცეას მქონე კანს:
PURITO Pure Vitamin C Serum
PURITO Fermented Complex 94 Boosting Essence
PURITO Sea Buckthorn Vital 70 Cream
(ბოლო 2 მოუხდება მშრალი და ნორმალური ტიპის კანს...)
გეგმაში მაქვს გავეცნო მათ ლეგენდარულ მზის დამცავ კრემებს (ქიმიურ ფილტრებზე დამზადებული PURITO Centella Green Level Safe Sun, PURITO Centella Green Level Unscented Sun , ფიზიკურ ფილტრებზე დამზადებული PURITO Comfy Water Sun Block), გალაკტო-ნიაცინის ესენციას (PURITO Galacto Niacin 97 Power Essence) და ზღვის კრემს (PURITO Deep Sea Pure Water Cream).
ჩემი ერთ-ერთი ფავორიტი ბრენდია, ისევ დიდი სიამოვნებით გავიმეორებდი ყველა პროდუქტს, ნუ ალბათ Sea Buckthorn Vital 70 Cream-ის გარდა, ჩემი აზრით მეტად მშრალ და ასაკობრივ კანს მოუხდება. ამ ბრენდით უკმაყოფილო ნამდვილად არ დარჩებით, თითოეული თქვენთაგანი მოიპოვებს თავის პროდუქტს. კორეული საიტი, საიდანაც ვიწერდი ხოლმე ყველა კოსმეტიკურ საშუალებას, სამწუხაროდ, პანდემიისა და შეზღუდული მიწოდების გამო გახდა ფასიანი. შესაძლებელია შეიძინოთ ebay-ზე @ Tbilisi, Georgia

#კორეულიკოსმეტიკა #სახისმოვლა
როგორ ავირჩიოთ კრემი კარგი შემადგენლობით?

სინამდვილეში, ყველაფერი არც ისე საშიშია. კრემებში ქიმიური კომპონენტების შემადგენლობა მკაცრად კონტროლდება. მწარმოებლები იცავენ საერთაშორისო სტანდარტებს კოსმეტიკური საშუალებების წარმოებაში, არეგულირებენ მათ შემადგენლობას. მხოლოდ ხარისხის შემოწმების და სხვადასხვა ნივთიერებების სათანადო შესწავლის შემდეგ, კოსმეტიკა გადის გაყიდვაში. უარყოფითი რეაქციების გამომწვევი ინგრედიენტებიც კი შეიცავს დაბალ კონცენტრაციას. აქედან გამომდინარე, ხარისხიანი კოსმეტიკა ჯანმრთელობის საფრთხეს არ წარმოადგენს. ზოგიერთ შემთხვევაში, ნებისმიერი კომპონენტმა შეიძლება გამოიწვიოს ალერგიული რეაქცია. კოსმეტოლოგები რეკომენდაციას უწევენ,მგრძნობიარე და გამონაყარისკენ მიდრეკილ კანისთვის ,ჰიპოალერგიული კოსმეტიკის გამოყენებას. იგი სპეციალურად შექმნილია მგრძნობიარე კანისთვის, მისი შემადგენლობა კიდევ უფრო მკაცრ მოთხოვნებს აკმაყოფილებს.

დედააზრი: კრემის ჩვიდმეტი ყველაზე მავნე ინგრედიენტიდან, მხოლოდ ორი აღმოჩნდა ნამდვილად საშიში: ფორმალდეჰიდი და პარაბენი.
ხანგრძლივი გამოყენების ან მაღალი კონცენტრაციის პირობებში,შეიძლება ზიანი მიაყენოს მგრძნობიარე კანს, ალკოჰოლმა, დენატურირებულმა ალკოჰოლმა და ალუმინის აცეტატმა.
ახლა თქვენ იცით, თუ როგორ უნდა წაიკითხოთ კრემის ეტიკეტი და რა უნდა მოძებნოთ მის შემადგენლობაში და არ დაივიწყოთ ბრძენი Paracelsus- ის სიტყვები: ”ყველაფერი შხამია და ყველაფერი წამალია; ერთსა და მეორეს განსაზღვრავს დოზირება. )) თითოეული ნივთიერების მოქმედების შესახებ ინფორმაცია აღებულია რუსულენოვანი და ინგლისურენოვანი ვიკიპედიიდან. მე მხოლოდ 17 მაგალითი დავწერე, მაგრამ, რა თქმა უნდა, არის მეტი. გადაიხადო კოსმეტიკაში ძვირი არ ნიშნავს შეიძინო თქვენი კანისთვის სასარგებლო პროდუქტი.
ყველას გისურვებთ ჯარმრთელობას. 🙏

14. სილიკონები
ყველაზე ხშირად კოსმეტიკაში გამოიყენება დიმეტიკონის კოპოლიოლი (Dimethicone copolyol) და ციკლომეტიკონი (Cyclomethicone), რომელიც ორთქლდება კანის ზედაპირიდან. შემადგენლობაში არსებული სილიკონები ადვილი აღმოსაჩენია, ამოიცნობთ დაბოლოებებით "-cone", "-conol" და"-siloaxane". მაკიაჟის პროდუქტებში სილიკონების შემცველობა - 8% პროცენტამდე - არ იწვევს უარყოფით ეფექტს.

15. საღებავები
პიგმენტები აუცილებელია კოსმეტიკაში. მათ გარეშე, კრემები ყავისფერ ან ყვითელ შლანგვას ემგვანებოდა, დამეთანხმეთ რომ ასეთი საშუალების გამოყენება ესტეთიკურად არასასიამოვნო იქნებოდა. მაგრამ უნდა გვახსოვდეს, რომ საღებავებს შეუძლიათ ალერგიის პროვოცირება. ჰიპოალერგიული კოსმეტიკური საშუალებების მწარმოებელთა უმეტესობა არ იყენებს ქიმიურ პიგმენტებს. ისინი იყენებენ მინერალურ საღებავებს: წვრილმარცვლოვანი კლდის მინერალებს, ქიმიურად ინერტული კანისთვის.

16. ტალკი (talk)
კოსმეტოლოგიაში იგი გამოიყენება როგორც აბსორბენტი და შემავსებელი (ხშირ შემთხვევაში სახის პურდებშია, შემადგენლობის სიის პირველ ადგილზეა).1993 წელს გამოქვეყნდა US National Toxicology Program-ს მიერ ჩატარებული გამოკვლევა თალქთან ასოცირებული საკვერცხის კიბოსთან. მონაცემებში მითითებულია, რომ თაგვებში წარმოქმნილია სიმსივნეები, რომლებმაც ტალკის ფხვნილით სუნთქავნდნენ დღეში 6 საათის, კვირაში 5 დღის და ეს ყველაფერი 113 კვირის განმავლობაში. ტალკუმის ფხვნილის შესახებ ჩატარებულმა ბოლო ამერიკულმა კვლევებმა დაადასტურა, რომ იგი უსაფრთხოა, როდესაც ის დანიშნულებისამებრ გამოიყენება.

17. ალუმინის აცეტატი (Aluminum Acetate)
ხანგრძლივი გამოყენებით, ის იწვევს კანის აქერცვლას.
გაგრძელება >>👉

8.მეთილისზოთიააზოლინონი (methylisothiazolinone). ტოქსიკურია, შეიძლება გამოიწვიოს კანის ალერგია.

9. ტრიეთანოლამინი (triethanolamine). იწვევს ალერგიას და დერმატიტს. თაგვებზე ექსპერიმენტის ჩატარებისას გაირკვა, რომ ნივთიერება იწვევს ქალებში კიბოს განვითარებას.

10. ფენოქსიეთანოლი (phenoxyethanol). პოტენციური ალერგენი. თუ ნივთიერება შედის საჭმლის მომნელებელ ტრაქტში, მან შეიძლება გამოიწვიოს მოწამვლა. (ძალიან ხშირად მხვდება კოსმეტიკის სიის ბოლოს)

11. ფორმალინი ან ფორმალდეჰიდი (Formaldehyde, Formalin, Formic aldehyde, Oxomethane, Oxymethylene) აკრძალული კომპონენტი, რომელიც გამოიყენება მხოლოდ იაფიან კოსმეტიკაში. ოფიციალურად აღიარებული, რომ ის იწვევს კიბოს განვითარებას: ფორმალდეჰიდი შედის კანცეროგენების ჩამონათვალში (ჰიგიენური სტანდარტები GN 1.1.725-98, ვებსაიტზე "შრომის დაცვა"). 12. პარაბენი (Methylparaben, Ethylparaben, Propylparaben, Butylparaben). ალერგიის კონსერვანტები. აშშ-ს დაავადებათა კონტროლისა და პროფილაქტიკის ცენტრების თანახმად (Centers for Deasese and Prevention Control), პარაბენი გროვდება ორგანიზმში. შეეცადეთ თავიდან აიცილოთ ეს საეჭვო კომპონენტები. ევროკავშირის თანამედროვე სტანდარტების თანახმად, პარაბენის კონცენტრაცია არ უნდა აღემატებოდეს 0.4% ( ერთი პარაბენი )ან 0.8% რამდენიმე პარაბენის გამოყენებისას.
13. ალკოჰოლი დენატ. (Alcohol Denat.) თუ ბრენდი თავს აღიარებს, როგორც ჰიპოალერგიული პროდუქტების მწარმოებელი, მაშინ ეს კომპონენტი დაუშვებელია. 3-7% ალკოჰოლმაც კი შეიძლება გამოიწვიოს მგრძნობიარე მშრალი კანი. მიუხედავათ იმისა, რომ მაქვს ცხიმიანი-კომბინირებული კანი, მე დიდ ყურადღებას ვაქცევ ალკოჰოლის და სპირტის შემცველობას კოსმეტიკურ საშუალებებში, კანს აქვს თავისი იმუნური დამცავი ფუნქცია, ის იბრძვის სიმშრალის წინააღმდეგ და ამგვარი სპირტიანი საშუალებით დატანების შემდეგ, კანი მეტ ცხიმს გამოყოფს, მეტი ცხიმი - მეტი გამონაყარი...
გაგრძელება >>👉

#კორეულიკოსმეტიკა #სახისმოვლა
მე ვიცი, რომ ბევრ გოგონას მოსწონს ბრენდის პროდუქტები, რომელთაც საერთო არაფერი აქვთ ბუნებრიობასთან და ორგანულობასთან. ამის მიუხედავად, ისინი შეიძლება ძალიან ეფექტური აღმოჩნდნენ.

კანზე მოხვედრისას ყველა კომპონენტი, თანდათანობით შედის სისხლძარღვში - ანუ ჩვენს სხეულში. რასაკვირველია, ზოგი ნივთიერება ისეთი მწირი რაოდენობის არის, რომ მათ გავლენა არ აქვთ. მაგრამ ზოგიერთი კომპონენტი შეიძლება დაგროვდეს და სხვადასხვა დაავადების პროვოცირება მოახდინოს, განსაკუთრებით იმ შემთხვევაში, თუ მისკენ არის მიდრეკილება ან იმუნიტეტის შემცირება.

არავითარ შემთხვევაში თავზე არ გახვევთ ჩემს აზრს. თითოეულ ადამიანს შეიძლება ჰქონდეს თავისი შეხედულება. მაგრამ ვფიქრობ, რომ თქვენთვის სასარგებლო იქნება ცოდნა თუ რომელი ნივთიერებები მოქმედევს უარყოფითად ჩვენს სხეულზე.

არ გირჩევთ შეიძინოთ კოსმეტიკური პროდუქტი, თუ ის შეიცავს ერთს ან რამოდენიმე ამ კომპონენტს:

1. ფტალატები ან ფატალური მჟავა (phthalate). ფტალატები ასტიმულირებენ ჰორმონის ესტროგენის სტრუქტურას და ორგანიზმში დიდი შემცველობით შეიძლება გამოიწვიოს ენდოკრინული სისტემის დარღვევები.

2. მინერალური ზეთი (mineral oil,petrolatum, vaseline, paraffinum liquidum). ეს არის ნავთობის წარმოებული ზეთი. მინერალური ზეთი სრულყოფილად ატენიანებს კანს - მაგრამ მხოლოდ გარეგნულად. დამატენიანებელი ეფექტი იქმნება იმის გამო, რომ ზეთი ქმნის ფილმს კანის ზედაპირზე, რომელიც ინარჩუნებს ტენიანობას. თუმცა, კანს სუნთქვა არ შეუძლია. (პირველი მტერი აკნესკენ მიდრეკილი კანისთვის)
3. ბენზოლი (Benzene). ტოქსიკური და შხამიანი, კანცეროგენი. კანზე ხშირი დატანებით იწვევს სიმშრალეს, სიწითლეს, ქავილს და ბზარებსაც კი. ორგანიზმში მოხვედრისას, შეიძლება გამოიწვიოს სერიოზული მოწამვლა.

4. დიოქსინები (Dioxins). შხამიანი. ისინი იწვევენ ენდოკრინული სისტემის დარღვევას, მეტაბოლურ პროცესებს. მათ შეიძლება გამოიწვიონ უშვილობა, კიბოს პროვოცირება.

5. პროპილენ გლიკოლი (Propylene Glycol). ქმნის დამატენიანებელ ეფექტს კანზე ფილმის გამო, ხელს უშლის მას ისუნთქოს. შეიძლება გამოიწვიოს გაღიზიანება და ქავილი.

6. ტრიკლოზანი (Triclosan). ანტიბაქტერიული კომპონენტი. მაგრამ შეიძლება გამოიწვიოს ალერგია, ენდოკრინული სისტემის დარღვევები.

7.მეთილქლოროზოთიაზიოლინონი (methylchloroisothiazolinone). კანცეროგენი, შეიძლება გამოიწვიოს ალერგია.

გაგრძელება შემდეგ ფოსტში >>>👉

#კორეულიკოსმეტიკა
#სახისმოვლა #თვალები
პაჩების შეძენამდე, ყურადღებით უნდა შეისწავლოთ მწარმოებლის მიერ გამოცხადებული შემადგენლობა. თქვენ შეგიძლიათ აირჩიოთ პროდუქტი, რომელიც აკმაყოფილებს თქვენს მოლოდინს, ყურადღება გაამახვილეთ თითოეული კომპონენტის თვისებებზე:

ოქრო: ძვირფასი ლითონი თავისი კოლოიდური ფორმით აუმჯობესებს მიკროცირკულაციას ეპიდერმისში და ასტიმულირებს ელასტინის წარმოებას.

კოლაგენი: ის უზრუნველჰყოფს კანის სიმკვრივეს და აუმჯობესებს კანის ელასტიურობას.

ლოკოკინის მუცინი: ლოკოკინას ლორწოს ექსტრაქტი ააქტიურებს ფიბრობლასტების მუშაობას და აღადგენს დერმის სტრუქტურას, აქვს დაბერების საწინააღმდეგო მოქმედება, ხელს უშლის "ბატის თათების" გამოვლინებას.

მარგალიტის ფხვნილი: იგი კანს ათეთრებს და აძლიერებს ტურგორს კალციუმის, თუთიის, რკინისა და სპილენძის შემცველობით.

პლაცენტა: ეს ნივთიერება ასტიმულირებს ახალი უჯრედების დაყოფას, რითაც აჩქარებს კანის რეგენერაციას და განახლებას, იწყებს გაახალგაზრდავების პროცესს, ეხმარება ეპიდერმისის მკვდარი ნაწილაკების და ტოკსინების მოცილებას.

მერცხლის ბუდის ექსტრაკტი: ის აღადგენს კანის უჯრედულ სტრუქტურას, ასწორებს ნაოჭებს და აქვს გამაცოცხლებელი ეფექტი.

კოენზიმი Q10: ამ ნივთიერების ნაკლებობა კანს არაერთგვაროვან, უსიცოცხლო ფერს აძლევს. ის ძლიერი ანტიოქსიდანტია, აქვს დაბერების საწინააღმდეგო თვისებები.

ბულგარული ვარდის ექსტრაქტი: ანტოციანინები, ყვავილოვანი ცვილი და ცხიმოვანი ზეთები აბალანსებენ ტენიანობის დონეს და ხელს უშლიან ასაკობრივი პიგმენტური ლაქების გაჩენას.

ფუთკრის რძე: გლუკოზა, ფრუქტოზა და ცილები ,რომელიც სისხლის პლაზმის სტრუქტურას ჰგავს, აქვთ ანტიმიკრობული მოქმედება, არბილებს კანს, ზრდის ტონუსს და ელასტიურობას.

ჰიალურონის მჟავა: ნებისმიერი პროდუქციის ძირითადი დამატენიანებელი კომპონენტი, რომელსაც შეუძლია სწრაფად დაუბრუნოს სიჯანსაღე მშრალ და დაზიანებულ კანს.

პეპტიდები: დაბერების საწინააღმდეგო ეფექტური კომპონენტია. Petids აჩქარებს ძირითად კოლაგენის და ელასტინის ცილების სინთეზს, რაც კანს უფრო მკვრივს და ელასტიურს ხდის, კანის რელიეფი სწორდება.

ალოე: მშვენიერი კომპონენტია მშრალი, მგრძნობიარე და მოდუნედული კანისთვის - ის ატენიანებს, არბილებს, მატებს ტონუსს, აშორებს შეშუპებას და სიწითლეს, აქვს ანტიოქსიდანტური მოქმედება და ნაოჭების სიმკვეთრეს ამცირებს.

გაგრძელება იხილეთ კომენტარში.... 👇

#კორეულიკოსმეტიკა #თვალის გარშემო კანი უფრო საფუძვლიან მოვლას მოითხოვს, ვიდრე სახის სხვა ნაწილები. იგი პრაქტიკულად ცხიმოვან შრეს არის მოკლებული, შესაბამისად, მას ინტენსიური თერაპია სჭირდება, რათა მინიმუმამდე დაიყვანოთ ნაოჭების, შეშუპების და მუქი წრეების რისკი.ჰიდროგელის პაჩებს, რომლებიც ძალზე პოპულარულია, ბლოგერების, ვარსკვლავებსა და პროფესიონალ ვიზაჟისტებს შორის, შეუძლიათ ეს დავალება სრულყოფილად შეასრულოს.
რა არის ჰიდროგელის პაჩები?
ჰიდროგელის პატჩი-არის მკვრივი ჟელეს მსგავსი თხელი ფირფიტები (1-2 მმ), გაჟღენთილია აქტიური ნივთიერებების ესენციით, რომელიც სასარგებლოა კანისთვის. იმის გამო, რომ ისინი მჭიდროდ ჯდება კანზე, კოსმეტიკური შემადგენლობის უმეტესი ნაწილი თავისუფლად აღწევს ეპიდერმისის ზედა ფენაში, ატენიანებს და კვებავს მას. თვალის პაჩები გამოიგონეს სამხრეთ კორეაში. როგორც ვიცით სამხრეთ კორეა ლიდერია კოსმეტიკური ინოვაციური სიახლეების შექმნის პროცესში.

როგორ მუშაობენ ისინი?
ჰიდროგელის პაჩს როგორც ქსოვილის ნიღაბს აქვს მომენტალური შედეგი. პაჩები უნდა დავიდოთ გაწმენდისა და დატენიანების შემდეგ ქვედა ქუთუთოზე 15-30 წუთით. მეტად გაჩერება არ შეიძლება, რადგან საწინააღმდეგო ეფექტი ექნება, გაშრობისას პატჩი ამოიღებს ტენიანობას კანის ზედა ფენებიდან.
შემადგენლობა, რომლითაც პატჩები არის გაჟღენთილი, შეიცავს მაღალი კონცენტრაციის კომპონენტებს, მრავალფუნქციური ეფექტით. ამიტომ ზემოთხსენებული დრო საკმარისია იმისათვის, რომ კანმა მიიღოს მისთვის სასარგებლო ყველა კომპონენტი.

ჰიდროგელის პაჩების მოქმედების მექანიზმი დამოკიდებულია შემადგენლობაზე, რომელითაც ისინი არის გაჯერებული. კერძოდ, მათი გამოყენება შეიძლება: - ნაოჭების გასასწორებლად;
- კანის სწრაფად დატენიანებისთვის;
- უზრუნველყოფს ლიფტინგ ეფექტით;
- რეგენერაციის პროცესების დასაწყებად;
- კანის ზედაპირის გასამკვრივებად და ელასტიურობის შესაძენად;
- შეშუპებისგან პარორბიტალ ზონაში;
- თვალის ირგვლივ პიგმენტაციისთვის; -დაღლილობის კვალის აღმოსაფხვრელად.

ჰიდროგელის პატჩების გამოყენება შეიძლება 18 წლის ასაკიდან, რაც უფრო ადრე დავიწყებთ კანის მოვლას თვალების ირგვლივ, მით უფრო ხანგრძლივად იქნება ის ახალგაზრდული და ენერგიული. თვალის კანი ხომ ძალიან ნაზი და მგრძნობიარეა. მასზე უფრო ადრე წარმოიქმნება პირველი ნაოჭები და გამოუძინებლობის შემთხვევაში ჩნდება დაღლილობის კვალი. აი, რატომ სჭირდება თვალის ირგვლივ კანს განსაკუთრებული მოვლა.

#კორეულიკოსმეტიკა #სახისმოვლა
ქსოვილის ნიღაბი - კოსმეტიკური პროდუქტია, შედგება ქსოვილისაგან, რომელიც გაჟღენთილია კანისათვის სასარგებლო კომპონენტებით. იგი ტრადიციული ნიღბების ალტერნატივაა, რომლებიც სახეზე დაიტანება.
ქსოვილის ნიღბები არ არის სიახლე, როგორც ეს ბევრს ჰგონია. ჯერ კიდევ უძველესი დროიდან, ქალები იყენებდნენ ქსოვილის კომპრესებს სახეზე, რომლებიც გაჟღენთილი იყო ზეთებით და ბალახეულის ნაყენით. დღეს, კოსმეტიკური ინდუსტრიის კეთილდღეობის ეპოქაში, ქსოვილის ნიღბების არჩევანი უზარმაზარია. თითოეულ ქალს შეუძლია აირჩიოს პროდუქტი, რომელიც საუკეთესოდ აკმაყოფილებს მისი კანის საჭიროებებს. ქსოვილის ნიღბები პოპულარული გახდა, რადგან მათი გამოყენება ძალიან ადვილია. არ არის საჭირო რამის შერევა, მოშორება და თუნდაც დროის ხარჯვა ნიღბის გასაკეთებლად. თქვენ უბრალოდ უნდა გახსნათ პაკეტი და სახეზე დაიდოთ ნიღაბი. მას უკვე აქვს ყველა საჭირო ხვრელი (თვალებისა და ტუჩებისთვის). ნიღაბი მთლიანად დაფარავს სახის საჭირო ადგილებს.
ზოგი ნიღაბი პირველივე გამოყენებიდან ახდენს ეფექტს. თუმცა, ეფექტის გასამყარებლად, ყოველთვის რეკომენდირებულია ნიღბების გაკეთება კურსით. ქალები ხშირად არ ზრუნავენ თავიანთ სახეზე, რადგან დრო არ აქვთ ან ძალიან ზარმაცები არიან. ქსოვილის ნიღბებით, თქვენ არ გჭირდებათ დრო და ფიქრი, უბრალოდ შეიძინეთ საჭირო რაოდენობის და გამოიყენეთ ნიღაბი მანამ, სანამ გამოხატულ შედეგს არ მიაღწევთ. კარგი ხარისხის ნიღაბი მზადდება 100% ნატურალური ცელულოზისგან. იგი სრულყოფილად ინარჩუნებს ტენიანობას. იმის დამსახურებით რომ, ნიღაბი სახეს მჭიდროდ ეკვრის,ფორების მეშვეობით,ღირებული ინგრედიენტები ღრმად აღწევს კანში. ქსოვილის ნიღბები ჩამობანას არ საჭიროებს. მას შემდეგ, რაც ნიღაბს მოიშორებთ, თქვენ უნდა შეიზილოთ დარჩენილი პროდუქტი სახის კანში ... და ვუალია-შედეგი სახეზეა !!! 🙂

#კორეულიკოსმეტიკა #სახისმოვლა
მსოფლიოში არსებობს მრავალფეროვანი ტონალური პროდუქტები, კორექტორები, პუდრა.... კლასიფიცირებულია კანის ტიპის მიხედვით, მოხმარებით, შეფუთვით და ა.შ. მაგრამ ეს ყველაფერი აბსოლუტურად უსარგებლოა, თუ მთავარს არ მივაქცევთ ყურადღებას - მოვლას. მოვლა მთავარია გლუვი და პრიალა კანისთვის. თუ ყოველდღიურად ასუფთავებთ, ატენიანებთ და კვებავთ თქვენს კანს, მაშინ ის იბრწყინებს ჰაილაითერის გარეშე.
მეცნიერულად დამტკიცებულია, რომ ტვინი და კანი დაკავშირეულია სპეციალური ნეირონული ქსელებით და ყველა ემოცია აისახება სახეზე, განსაკუთრებით 30 წლის შემდეგ. ადამიანის სახე არის მისი ცხოვრების რუკა, მისი აზრები და გრძნობები კანზე აისახება. ხოლო ქალის სახეზე ადვილია წაიკითხო, რას ფიქრობს იგი საკუთარ თავზე და სამყაროზე. თქვენ შეგიძლიათ დაიტანოთ რუმიანა, სწორი ფერის პომადა, ტუში, მაგრამ თუ მუდმივად ხარვეზებს ეძებთ თქვენ გარეგნობაში , და თქვენი კანი მიტოვებულ ბაღს გავს, დეკორატიული კოსმეტიკა არ გიშველით.
საიდან დავიწყოთ?
- სილამაზე არის გზა..... იდეალი არ არსებობს, გინდა იყოთ ყოველთვის ლამაზი ?-ებრძოლე სიზარმაცეს და იზრუნე საკუთარ თავზე.
- ნუ დაუჯერებთ სრულყოფილ ფოტოებს ჟურნალებში და ინსტაგრამზე, ისინი ყველა რეტუშირებულია. - ფორები, აკნე, პიგმენტული ლაქები, ნაოჭები, პტოზი, შეშუპება პლანეტის აბსოლუტურად ყველა ადამიანს აქვს. მნიშვნელოვანია ის თუ როგორ უყურებთ ამას თქვენ. თუ ამ სიტუაციას ფატალურად აღიქვამთ,გაგტეხავთ, თქვენ და თქვენს თვითშეფასებას. უნდა გესმოდეთ, რომ ყველა ჰოლივუდის ვარვსკლავს აქვს იგევე პრობლემები სახეზე, სხეულზე, მაგრამ ეს არ უშლით ხელს იყვნენ ცნობილები, ყავდეთ ფანები მსოფლიოს ყველა კუთხეში, იყვნენ შეყვარებულები და ჰქონდეთ თავბრუდამხვევი კარიერა...
- ესტუმრეთ კოსმეტოლოგს, რომ აირჩიოთ მოვლა, არ არის აუცილებელი აირჩიოთ ძვირად ღირებული პროდუქცია.
- ნუ უყურებთ სარკეში ახლო მანძილზე თქვენს ნაკლოვანებებს, როგორც თქვენ,მათ ვერავინ ხედავს.
-ყოველდღე, ნებისმიერი წვრილმანის გამო იქეთ საკუთარი თავი, ცხოვრება ხომ წვრილმანებისგან შედგება...
-ისწავლეთ ლამაზი მაკიაჟისა და თმის ვარცხნილობის გაკეთება, სელფების გადაღება, რეტუში და ფოტოების გაზიარება...
იცოდნენ, როგორი ლამაზები ხართ და “დაგილაიქონ”))))) !
გიყვარდეთ საკუთარი თავი!!!

#კორეულიკოსმეტიკა
10. მზისგან დაცვა...
მაშინაც კი, თუ მხოლოდ რამდენიმე წუთით გადიხართ გარეთ, მზისგან დამცავი ,საუკეთესო საშუალებაა ნაადრევი დაბერების თავიდან ასაცილებლად. გამოიყენეთ ყოველ დილით (!) და საჭიროებისამებრ გაიმეორეთ მთელი დღის განმავლობაში. ეს არის მნიშვნელოვანი საბოლოო ნაბიჯი, რომელიც დაიცავს კანს ულტრაიისფერი სხივების მავნე ზემოქმედებისაგან.