Fi Fi House - TST

大家最近好嘛？眨下眼鋪頭已經執左將近4個月，而我都潛左水一段時間，唔知大家有冇掛住我呢🙈

最近我又中獎去醫院行左個圈，再次慨嘆人生無常，唯有身體健康最為重要🧐 而當面對疾病所帶嚟嘅擔憂，恐懼，無助，痛苦等等嘅瞬間，係唯一一刻，令我覺得貧富相對平等😅

當然我嘅身體冇特別太大問題，而家行得走得食得訓得，日日都正常返工放工，盲目地去適應目前陌生嘅香港🤷‍♀️

偶然會收到黎自客人嘅問候，依然感到萬分窩心💛 好多謝你地仲記得我呢個曾經喺你生命中出現過嘅過客❤️

偶然又會收到有客人問九龍區分店幾時會開？因為自從我地消失左之後，大家仲未搵到一間合適嘅地方揼骨同做facial，而屯門/元朗分店又太遠🙈 大家放心，Fifi House 想喺九龍區重開嘅諗法從未改變，只係有d 現實問題仲需要時間去解決，當有一日我地儲夠資源，又搵岩地方，我一定一定會第一時間通知大家🥰

另外鋪頭電話我依然用緊架，掛住我嘅你同妳歡迎隨時搵我傾下計💪🏻💪🏻💪🏻❤️

最後大家要努力保持身心健康呀💛💛❤️

今日係大年初一😆😆😆

喺到恭祝大家兔年快樂🥳🥳 最緊要身體健康平安💛 笑口常開😆 心想事成❤️❤️

Happy New Year 🥳🥳🥳

時間過得好快又好慢，但2022終於捱完😆 無論喺過去呢一年大家經歷左d 咩，希望2023年大家都身心健康，一切順利💛💛💛

今日第一日唔洗返鋪頭，又唔洗再成日留意電話😂 但一早醒左發覺好多野都唔需要follow嘅時候，真係有dd唔係好習慣🙈

但好多謝琴日特登上黎探我嘅客人，多謝諾諾送比我嘅花，多謝大家比我嘅擁抱，仲有窩心嘅叮嚀😘

新一年新一日，大家要一直安好🥰💛

眨下眼，今日係我最後一日睇鋪🥹 真係五味雜陳，無法一一敘述🥺 但打從心底感激你地每一位，由28/8/2020 開始，陪伴我地經歷各種風雨，行到31/12/2022💛

呢兩年半，我收穫左好多意料之外嘅事，最慶幸係認識到你地，甚至變成朋友/家人，好感謝你地時常將我放在心上，除左身體力行黎支持之外，仲經常性借對耳仔聽我訴苦，用心陪我捱過一個又一個難關，如果唔係因為有你地嘅呢份堅持同支持，我相信我地喺好耐之前，就已經因為停業而收左皮😳

有時回顧好多同大家相處嘅片段，如果唔係親身經歷，實在難以相信呢一切會發生喺香港，呢個曾被大家認為嘅冷漠之城，而呢一份人情味，絕對源於我地心中嘅同一信念，默默地將彼此連接💛💛💛

今日收到客人送比我嘅呢本書---霓虹燈下說聚散，真係送得超級及時🥹

「散聚時代，面對離愁別緒我們難免感慨。」
「聚散有序，說再見時眼睛怎能沒有眼淚？」

唔經唔覺，原來呢幾年已經講左好多次再見🥺 而每一次嘅道別難免感到難過，因為一別實在不知重聚是何時。

無論大家以點樣嘅方式相遇，過程以點樣嘅方式相處，結局以點樣嘅方式分別，因為曾經投放過感情，幾乎無法灑脫地轉身離開，心中滿是回憶與不捨，而對於某些人或事，甚至仲有點點嘅遺憾。

而今日鋪頭真係要同大家講再見喇，再次多謝你地陪我一齊創造左呢個充滿人情味同愛嘅避風塘，所有喺呢到發生嘅喜怒哀樂，將永遠藏喺我嘅腦海，成為他日一一細味嘅珍貴片段。

說了再見，就會再見，所以我地嘅故事仲未完架！希望有一日我地可以延續呢份人情味，繼續寫好多好多個逗號，直至有一日能夠寫下一個完美嘅句點❤️

仲有幾個鐘就係2023年，喺到提前祝大家新年快樂，最緊要身體健康平安，無論身心，煩請大家好好照顧自己💛

期待有一日可以再同大家見面😘
因為有你，我無悔呢段經歷。
Love You💛💛💛💛💛

💛💛💛💛💛

乜都崩壞晒...

呢個香港到底要崩壞到咩程度？🤦‍♀️