Sense of Soap - SENSO
Share
手做天然護膚用品，洗髮水，訂製小禮物及個人特別配方皂
Handmade soap, diy sk
純天然食用級植物油做的手工皂除了有清潔的作用外，亦可減低患皮膚病的風險，成份中加入植物精油更可鬆弛神經，改善皮膚問題。
近年多了人注意環保，家中的沐浴露含有很多化學成份，部份需要好幾個月甚至不能分解，繼而間接進入我們的食物鏈。
由於手工皂是用全天然成份做成，接觸水後大約24小時後會被細菌分解，對大自然是零負擔的！
對生態環境不會造成損害! Sense of soap 用的是附合安全標準的油品和材料制作，不添加化學成份， 我們亦會因應不同的天氣和皮膚質素設計不同的配方，解決和舒緩皮膚的問題!
如有興趣選購產品，請在網頁留言，私訊或whatsapp 本人報價, 侍本人確認有貨後,客戶可以以銀行過數方式付款, 保留收據, 拍照後通知本人, 即安排送貨!
每件皂顏色與重量不同, 這是handmade 的特點, 建意連續使用同一件皂一至兩星期, 比較不同皂的冼後感!
注意事項: 手工皂沒加防腐劑，開封後請立即使用! 通常一件皂可用上三星期，使用後請放在皂碟上，保持乾爽!
01/09/2022
忙咗個幾月為籌備小店，早幾日終於都開咗啦！
暫時主要賣手工皂和頭飾，我哋間舖位於市中心商場入面，其實都好方便都有啲遊客嘅！
感覺年紀大嘅人會行商場，OL 都係行大街多，我都係要整返啲素皂比佢地！要慢慢摸索下佢哋想要啲乜！
估唔到囡囡主動岀擊，拎住個籃企係舖頭門口叫賣，有同客講解成份，真係有兩個婆婆比佢sell 到，原本仲諗住今日食白果！
要做又靚又神似嘅甜品皂係好花時間和精神，以我嘅功力，暫時可以應付嘅，希望遲啲可以做埋護膚品，咁我間舖就真係好精彩啦！😍
要加油！有咁寶貴嘅機會比我開到舖，我一定會珍惜的
Charlottetown 揸車45分鐘落Summerside , 沿途一大片草地，又真係好大陣牛屎味，諗起以前細個返鄉下坐火車🚞
去到Summerside Spinnakers Landing 行一轉，大多數都係遊客，呢度有好多小店，印象最深刻係呢間PEI Dirt Shirt, 全部衫都係泥土顏色，又真係有人買㗎喎，店入面都黑漆漆的，係咪好有特色呢!
25/08/2022
PEI 的早上，白濛濛一片，通常熱幾日便落幾日雨，這裡夏天其實好舒服！
Prince Edward Island - Convention Centre
前兩日去了欣賞竼高展，今次展岀係用digital 方式，持續20分鐘嘅digital presentation 一啲都唔悶，展岀多達300幅畫作。
現在才知道自己對竼高嘅生平和畫作認識咁淺，係香港忙住工作，邊度有時間！
趁住呢個機會，好好欣賞和細閲佢嘅生平事蹟，估唔到囡囡去畫展會咁開心，咁有興趣。
其實啲飛都唔平，小朋友CAD$23 加15% 稅，大人CAD$34 + 15% 稅，我哋同朋友一家人一齊去，展覽館入面人唔多，行得好舒服
星期日行完下午5點幾，啲coffee shop 準備關門，唯有各自返屋企！呢度就係咁，work life balance! 老闆比錢啲員工都唔會幫你OT!
# 原本想video 同相一齊岀但fb 唔比
可愛的小貓🐱
差不多天黑，竟然有隻小貓係我哋backyard 岀靚，見到我哋即刻反轉個身，好嗲人又唔驚人，應該附近鄰居養的
有啲貓會放養，晚上自己返屋企，我哋都物色緊領養寵物，今日我哋去領養中心睇過，都冇乜貓貓狗狗可以選擇，疫情期間多咗人領養寵物，因為多咗時間係屋企，中西文化真係好唔同，我哋唯有等下！
17/07/2022
黃蜂巢🐝🐝🐝
事源呀囡上星期比黃蜂針咗個頭一下，後來鄰居發現有黃蜂巢，已經消滅了，我也不以為然！
今日竟然發現一個原整嘅黃蜂巢係我個deck 下面，嗯，真係未處理過，唯有上網揾資料，係呢度乜都要自己做，我哋成日周圍問人，好彩遇到好多好人，希望聽日買支殺黃蜂泡沫噴死佢地！
掘蜆初體驗🏖
早幾日趁住天氣好，我哋去咗Tea Hill park and beach 堀蜆，大約下午5點才到，見到泥沙上面有個小洞，便知道入面可能有蜆，估唔到，好輕易便掘到，仲要係手掌咁大隻，除咗蜆，仲有蟶子，不過唔算大隻，掘咗個幾鐘已經有十幾隻，要大過10cm 才可以拎返屋企，我哋依足規矩，我細嘅便放回大海，返到屋企拆肉用嚟炒，太大隻怕有沙同埋會比較污糟，所以攪咗個幾鐘先分好，好開心，好似尋寶咁好好玩！😍
10/07/2022
第一次買蠔
呢度40隻唔洗HK$90又平又新鮮，問漁民攞㗎，但開蠔真係唔容易，未掌握到個技巧，唔可以整親手，去醫院要等起碼四個鐘，話晒都係細省，醫療唔足夠應付人口嘅上升！
咁放入雪櫃可以擺2-3星期，我得閒就食幾隻，慢慢嘆
06/07/2022
王子島嘅樓價呢兩年升咗好多，對於我哋香港人嚟講，價錢仍然係好吸引！
囡囡自己有一間房，厠所和一間書房，真係發夢都諗唔到，傢俬真係要慢慢揀，減價可以減得好多！
今日落大雨，唯有乖乖在家打理我啲盆栽，呢度夏天很短，冬天又好凍！我都係先種幾盆玩下，睇吓自己攪唔攪得掂😍
05/07/2022
係王子島嘅生活係好有規律嘅
每朝起身，我先淋花，摘下野草，落雨後野草生得特別快，每日都摘到一大堆！
然後打開雪櫃，睇下整乜早餐，來來去去果幾款😅 囡囡食完早餐就會衝落backyard揾人吹下水，通常我都會洗住碗望住佢，我哋呢區大多都是新搬入嚟，我哋冇加fence， 小朋友係咁大嘅草地跑來跑去，係好開心嘅，真係好過係屋企打機！
突然間有人按門，鄰居送來自家焗嘅小蛋糕，大家都係見過兩次，真係好窩心，呢度鄰里關係很好，鄰居嘅小朋友會跑過嚟我哋屋企玩，玩完我送返佢返屋企，大家都好享受呢度嘅生活！
呢度嘅唔好處係冇乜好食嘅餐廳，快餐店又貴又難食，好多時我哋岀去買一陣野便衝返屋企整野食，通常係三文治，漢堡飽，沙律！最緊要係簡單！ 食完又要岀去買嘢或準備另一餐！
可能疫情期間都悶慣，所以我又真係唔覺悶喎！😍
23/06/2022
第一次爆濕疹
我帶唔夠自己嘅產品，呢度所有個人用品都有香精，一塗就岀事，全身都岀濕疹，我咁大個囡都未試過咁😭
我唯一的deep Moisturising body cream 諗住留比呀囡用，今早我搽咗超市牌子的body cream 勁刺痛，唯有即刻沖走佢，再搽返自己呢樽cream 先至舒緩到，而家唔痛
希望我哋工具快啲到，我真係唔用到有chemical 嘅嘢！
21/06/2022
洗住碗睇緊香港嘅新聞，落差係咪太大!
地下後花園望住三棵大樹，好高私隱度！
求其整個晚餐都唔錯，買咗honey garlic sausage, 點知係甜嘅，感覺怪怪，我哋係度唔可以浪費食物，點都要食咗佢！
Click here to claim your Sponsored Listing.
Category
Contact the business
Telephone
Website
Address
Chai Wan
Hong Kong