Hriselna Lamtluang

CHHIAR NGEI NGEI CHI!

HRISELNA ATANA TUI IN TAM PAWIMAWHNA POINT 10 - TE 💦

Tui hi mihring taksa tana pawimawh tak pakhat a ni a.

Mihring taksaah hian 55% - 78% tui a awm a. Kan taksa hriselna hi kan tui in tam leh tam lovah a innghat thui em em a, mi thiamte chuan ni tin tui no 8 - 10 tal in turin min duh a ni.

Tui in tam hlawknate :

1. Taksa chau a chhawk: Kan taksa a chau/kulcho fo a nih chuan, tui kan in tam tawk loh vang a ni tlangpui thin a, chuvangin tui in tam hian taksa chau tur a vengin, a nihna tur angin hna a thawhtir thei thin a ni.

2. Rilru put hmang a siam tha thin: Zir chianna atanga a landan chuan tui in tam tawk loh vangin mihring hi kan rilru put hmang a lo danglam thei a, tui in tlem chuan rilru put hmang a lo hniamin, a ngaihtuahna a ti tawi thei a, chuvangin tui in tam hi a pawimawh hle a ni.

3. Lu na, lu na benvawn neite tan: Lu na leh lu na benvawn nei thinte hi taksain tui a tlakchham vang a ni fo va, a damdawi tha ber chu tui a tam thei ang ber in hi a ni.

4. Chaw pai tawih leh inthiarna kawngah min pui thui hle bawk a ni: Tui (a bikin tui lum) in tam hian taksa hna a thawh that tirin, chaw pai tawih kawngah nasa takin a pui a ni.

5. Rihna a tlakhniam tir thei: Cher duh tan chuan tui a tangkai hle. Tui kan in tam chuan chaw chakna kan nei tlem a, chaw kan ei tlem phah a. Chu chuan taksa rihna a tihniam thei a ni.

6. Tur paih faitu a ni: Tui hian kan taksaa tur awm te, kan zun leh thlan hmangten min paih chhuahsak a. Kal a tifaiin, lungte awm tur a veng a, chuvangin kan mamawh tawk ang zelin tui in hi a pawimawh em em a ni.

7. Taksa lum leh vawh dan a vawng: Tui in tam hian kan taksa lum leh vawh dan hi inbuk tawka siamin, keimahni min ti harhvang a, taksa sil leh rawl te a veng a ni.

8. Vun a ti hrisel : Tui hian thisen zam kal dan ti mumalin, vun a tinung a. Ti mur a ti hriselin vun eng leh mam min neihtir a ni.

9. Zu in mi tan : Zu in tam chuan taksaah tui a titlemin taksa a tichau em em thin a. Chuvang chuan tui hi damdawi pawimawh tak pakhat a ni.

10. Thaw rimchhia a tireh : Tui in tam leh chaw eikhama mumal taka kam thuah hian ka a tifaiin natna hrik insiam theihna tur a veng a, thaw rimchhia kan neih loh phah thin a ni.

11. Heng bakah hian tui chauh ni lovin, thei leh thlai tui pai tam chi kan ei hian taksa tan a thain, min ti hrisel bawk thin a ni.

Source : Mizoram Medical Directory

Ni 01.07.2024 (Thawhtanni) ZMC-a Specialist Doctor thu tur te:

OPD Timing: 9 AM - 3 PM

MEDICINE
Unit I
Dr. Zorinsangi varte
Dr. Johan Vanlalpeka
Dr. Vanlalsawmi

GENERAL SURGERY
Unit I
Dr. C Vanlalhlua
Dr. P Venu Gopal Reddy
Dr. Meipaw Zatha Chozah

OBS & GYNAE
Dr. Vanremmawii
Dr. Lalduhchhungi

PAEDIATRICS
Dr. Lalrintluangi

EYE
Dr. Zoramthara Zadeng
Dr. Vanlalruati Fanai
Dr. vanlalhruaii

ENT
Dr. Lalthasangi
Dr. Lalhmingmawii

ORTHOPEDIC
Dr. K. Mankima

DERMATOLOGY
Dr. C. Laldinthari
Dr. Robert Lalnunpuia
Dr. Lalthlamuana Ralte

PSYCHIATRY
Dr. Rajesh Rongpi
Dr. Lalhriatpuia
Dr. Ricky Zothangliana

DENTISTRY
Dr. Ahmed Danish Rehan
Dr. Lalsangliana Ralte
Dr. Lalremruati

PMR
Dr. Zonunsanga

RESPIRATORY MEDICINE
Dr. Lalfakzuala Renthlei

DTC (TB Clinic)
Dr. Rosine Hezi
Dr. Lalrinpuii Chawngthu

NCD Clinic
To***co Cessation Clinic
ICTC
ART Centre
_OPD ni apiangin Doctor leh Counsellor an thu._

DAMLO KAN HUN
ZING :7AM - 9AM
TLAI : 3PM - 5PM

IRHFIAK AWLSAM TAKA TIHREH DÂN CHU!

Ngun deuhin chhiar ang aw. Mamawh hun atan :

1. PURUNVAR mum 2,

2. BAHKHAWR kau 7,

3. SAWHTHING purunvar tiat vela zailep 7.

Heng chi 3-te hi dengsawm (Mix) la, a tui sawr rawh.

Vawi 1 in-ah 20 ml a tawk. I in zawh atanga rei loteah i irhfiak chu a reh ang.

Heng bakah hian :

1. Theihai rawh a, tihsawm a, ei mai tur a ni.

2. Aieng tuiah chiah a, chawh sawm a, in a ṭha.

3. Nimbu tui sawr a, in mai tur a ni.

4. Soda fiante chanve vel ei a, tui in nghal hi a ṭha.

Kan tangkai pui ka beisei 🤝🏼

𝗣𝗔𝗡𝗧𝗢𝗣-𝗗 𝗦𝗥 𝗖𝗛𝗨𝗡𝗚𝗖𝗛𝗔𝗡𝗚𝗔 𝗛𝗘𝗔𝗟𝗧𝗛 𝗗𝗘𝗣𝗔𝗥𝗧𝗠𝗘𝗡𝗧 𝗧𝗛𝗨𝗖𝗛𝗛𝗨𝗔𝗛

2510/2022-2023

FDA Mizoram chuan damdawi chi hrang hrang quality that leh that loh a endik reng a. Tunhnaia Pantop-D SR endikna report-ah 'Damdawi ei tlak loh' (Not of Standard Quality) tia tarlan a ni chuan mipui a tichiai hle tih hriat a ni a, a pawi hle a ni. Damdawi lar leh hriat hlawh a nih avangin mite ngaihven a hlawh zual niin a lang.

He Pantop - D SR quality endik hi Batch No. - SPM211927, Mfg. Date - Dec.2021, Exp. Date - Nov.2023 a ni a. Label-a a lan dan chuan a chhungah Pantoprazole 40 mg (20 mg mum hnih) leh Domperidone pellets 30 mg awm tur a ni. Analysis Report chuan heng damdawi chi hnihte hi a awm lo ve ve (NIL) a ti a. Chuvang chuan quality tha lo/tling lo tih a ni ta a ni.

He Report avang hian Pantop - D SR zawng zawng tha lo vek anga ngaih tur a ni lo va, a batch number tarlan ang pu chauh te 'tha lo' tih hian a k**k zawk a ni. Chuvangin, ei mek tan pawh batch number dang a nih chuan hlauhthawn tur engmah a awm lo ve.

A siamtu anga tarlan ARISTO Pharmaceuticals-ah a tul anga hmalak nghal a ni a. An siam ngei a ni nge misual tuten emaw Aristo Company siam anga lang tura a lem (spurious) an siam tih a hriat theih thuai ang.

Damdawi lar tamtak zingah hian a lem awm theihna chance a sang em em a, a dapchhuah hna hi FDA hmalakna pawimawh tak a ni. Damdawi zuartute pawh zawrh tura damdawi an lakna kawngah an fimkhur hle a ngai a ni.

- DIPR

𝗛𝗠𝗨𝗔𝗥 𝗟𝗘𝗛 𝗥𝗘𝗛 𝗧𝗛𝗘𝗜 𝗟𝗢 𝗞𝗔𝗜 𝗦𝗔𝗪𝗡𝗚𝗕𝗔𝗪𝗟 𝗗𝗔𝗡 :

Thuamhnawa hmuar kai sawngbawl dan kan rawn sawi ang :-

1. Nylon puan leh puan nal deuh chia hmuar kai chu sukhlo dip Detergent powder hnawiha hruk fai mai theih a ni.

2. A dang lehah chuan Robin bleech (bal tih faina) hi tuiah pawlin darkar khat emaw, a aia rei deuh pawh chiah hnunah sahbawn tuiin suk fai theih a ni.

3. A pathumnaah chuan Chalk-a hruk vak a, chumi hnuah chi tui âla tih nawn leh tur a ni. Chu mi hnuah nisaah hun eng emaw chen pho leh hnuah sukfai tawh tur a ni.

Thuamhnaw a reh thei lo kai tihreh dan :-*

1. Borax, Sodium Carbonate, Glycerine, Methylate spirit.

Thuamhnaw a reh thei lo kai tih rehna dang leh chu Dawiah zan khat chiahin a reh thei lo tam zawk chu a reh ve mai.

2. Thuamhnawa pentui pawl a kai chuan chi leh ser tui a kaina laiah chuan hnawih la, sukfai hmain darkar chanve vel chiah ang che. Mahse tui ai hian Tomato emaw Dawi pawh a hman theih.

3. Ball pen tui thuamhnawa kai tihrehna dang leh chu Methylated Spirit leh Nail Polish Remover pawhin a tihfai theih bawk.

𝗣𝗨𝗠𝗣𝗨𝗜 𝗣𝗔𝗡

A bikin Mizote zingah pumpui pan/na (Peptic Ulcer) kan tam bik emaw tih tur a ni. Achhan chu zuk leh hmuam ruihtheih thil kan uar uchuak ni berin a lang.

Chumi piah lamah kan thil ei a hrawmhraw a; ei leh inah kan fimkhur tawk lo bawk.

Tin, a hun taka chaw ei kan ngai pawimawh tawk lova; chawhmehin a zir deuh phei chuan vawi khatah pumpui pai tawih zawh loh khawpin dul hmul khat phuarin kan veng lawih thin bawk si nen.

Tu huat thu lovah, zuk leh hmuam ruihtheih thil a that lohzia hrechiang em emtu Doctor-te zingah pawh zuk leh hmuam ruihtheih thil uar em em mai hmuh tur lah bo bik hek suh. Lehkhathiam leh mifing changkang tak tak zingah pawh chutiang zelin.

Engpawh nise, pumpui pan/na (Peptic Ulcer) chungchang han thetdarh ve reng reng ila; Vai damdawi ringawt ni lova mahnia in lama hmuh mai theih leh sum sen hautak lutuk lova tihdamna nen tarlang ila. Chhawr tangkai ngei tum ang che.

A AWMZIA:He natna hi pumpui emaw rilfang bul pumpui zawmtu (duodenum or esophagus) pan/nat vang a ni ber a; Hei hi natna hrik tereuhte te Helicobacter Pylori Bacteria-in a bawm/ei vang a ni.

Tunhma atamgin Mizo zingah he natna hi a tam em em a; thihpui pawh an awm nual tawh niin a hriat theih. Tunhnua thiamna lo pung chho zelah leh inenkawlma hmanrua leh damdawi tha tak tak a awm tawh chinah hian tlemin a ziaawm ta deuh niin a lang.

A CHHAN:
Pumpui pan/na (Peptic Ulcer) awm chhan hi kawng hrang hrangin a awm thei a; heng kan tarlan turte zingah hian nangmah tibuai mektu a awm a nih chuan a rang thei ang berin samang then zai rel turin inbuatsaih la; i lo hmangaih tawhna chu bansan vat ang che.

Hetiangin: Pumpui zawh loh khawpa puar lutuka chaw ei thin vang

Rilru hah luat avanga inngaihtuah vak vak vang

A hun taka chaw ei thin loh vang

Zuk leh hmuam ruihtheih thil uar lutuk vang

Thil sa tak, chawhmeh emaw tuisa leh thingpui sa lutuk in/ei uar vang

Thil vawt leh dai lutuk ei uar vang

Tlil sakhat/sak lutuk ei uar vang

Thil uih lutuk leh rimna lamchi ei uar vang

Thil rep meikhu ur un ei uar vang

Tui in fimkhur loh vang

Taksa rim/hah lutuk vang

Chaw ei mumal loh vang

Aspirin damdawi/NSAID lam ei tam lutuk vang

Heng tarlan bak pawh hi a chhan tam tak a la awm thei a; tuna tan chuan duh tawk phawt ila.

*MAHNIA INEKAWLNA:* Tun tumah chuan vai damdawi tarlang vak lovin in lama awlsamtea hmuh mai theih Mizopa damdawi lam thlur bing ila, a hnuaia tarlante hi ngun takin chhiar la, Pumpui pan/na (Peptic Ulcer) i neih chuan hmang thin ang che.

Amaherawhchu, Peptic Ulcer neia iinrinhlelh chuan Endoscopy/Ultrasound etc. hmanga chiang zawka i dinhmun hriat a nih theih nan Doctor thiam (Medicine) pan hmasa ang che.

I dinhmun i hriat chian hnuah chauh heng a hnuaia tarlante hi hmang tawh mai rawh:*

1. Nitin Zikhlum hel tui sawr (juice) rialno 1 vawi 2 in thin tur

2. Nitin Balhla pum 2 Bawnghnute no1nen ei thin a tha

3. Nitin nghapui thau vawi 1 tal ei thin a tha

4. Nitin zingkarah leh tlaiah Aloevera tui rialno ½ in thin a tha

5. Coconut tui nitin no 4-5 in thin a tha

6. Nitin Sap thei te chi (Almond) atanga bawnghnte siam in thin a tha

7. G. Mix -Ephraim Herbal

Heng baka Khawvel ram hrang hrang leh Mizo pipute’n an lo hman thinte chu:

Khawmhma rah densawm tui

African Tulip hawng densawm tui

1. April Par te chi a chi depdip tui

2. Archangkawm zung/hawng chhum tui

3. Buar hnah no chhum tui leh a tak ei

4. Bunghnah chawrno leh a hawng chhum tui

5. Chhawntual hnah chhum tui

6. Fartuah kung mam pil chhum tui

7. Hnahkiah hawng/Pil chhum tui

8. Herhse par chhum tui

9. Japanhlo hnah chhum tui

10. Kawldai hnah chhum tui

11. Mizo theifeimung rah

12. Neem suak par chhum tui

13. Ngiau thing hnah tui sawr (Jiuce)

14. Siksil par chhumtui

15. Tejpata hnah chhum tui

16. Tengtere rah chhum tui

17. Thingfanghma hnah chhum tui

18. Thingkhawilu hnah leh pil chhum tui

19. Thlanvawng zung leh pil chhum tui

20. Aieng densawm/power tui

21. Zawngtei hawng/pildawnsawm chhum tui

22. Lemon Grass hnah densawm tui

23. Fennel Seed

24. Zawnga fian (Vako hrui) hnah chhum tui

25. Caraway chhum tui

Khingte khi a tlangpuia tarlan theihte chu a ni a; a vai khian research hmanga finfiah vek chu a ni lo mai thei; mahse, khawvel ram hrang hrang leh Mizo pipute ngei pawhin hlawhtling taka tunhma atanga an lo hman thinte an ni a; I ngeih zawngte a awm hlauh chuan fimkhur takin a engemaw ber khi hmang la, hman pawlh duah kher a ngai lo tih hrethiam ang che.

Thlai hrign/thing etc. te hi a hela ei chi a awm rualin chhum hmin hi a chak zawk tlangpui a; chuvangin, khingte pawh khi chhum ngai deuh vek a ni tihna a ni e.

𝗞𝗛𝗨𝗔𝗜 𝗭𝗨𝗞 :
(INSECT BITES)

1. A seh/zukna lai kha Vinegar-ah chiah tur.

2. Lawngpar leh Purunvar rawt sawm a hmuam hmaah bel tur a ni.

3. Baking Soda kha tuiin tidiak la, a zukna laiah bel rawh.

4. Khuai zuk emaw Thosi sehah emaw purun hel hnawih nawk nawk tur .

5. Khuai zukah panhnah emaw chinai emaw hnawih tur .

6. Samak ki emaw Tengtere mu emaw kawi mu emaw hmangin a tur a hip chhuah theih.

7. Khuai zukna laiah Bachhim hnai hnawih a tha. A rah/bawk/hnai a tha lehzual.

𝗘𝗫𝗘𝗥𝗖𝗜𝗦𝗘 𝗟𝗔𝗞 𝗛𝗔𝗛 𝗡𝗚𝗔𝗜 𝗟𝗢𝗩𝗔 𝗗𝗨𝗟𝗞𝗜𝗔𝗥 𝗧𝗜𝗛𝗥𝗘𝗛 𝗗𝗔𝗡 :

Exercise lak hah tul lova dulkiar awlsam taka tihreh dan ka rawn share a che u.

Hmeichhe dulkiar deuh tan phei chuan tih ngei ngei chi.

Serthlum (orange) pum khat pil/hawng kha i chansawm ang a, tichuan tuisik no (glass)-ah i dah ang.

Chuan a khatin tuiso i leih ang. Chutichuan minutes 15 hnuah in zawh vek tur a ni.

Zing leh zanah in tur a ni a, zing breakfast i ei hma eng thil mah i ei hmain i in ang.

Zan lamah chuan zanriah (dinner) i ei atang darkar khat hnuah i in leh ang.

Thlakhat chhung regular taka i in theih chuan 𝗦𝘂𝗽𝗲𝗿 𝗠𝗼𝗱𝗲𝗹 ang maiin i pian a rawn nalh tawh dawn a ni.

I dulkiar mawi lo zet kha a bo vek ang, en a nuam tawh dawn hle a ni.

𝗗𝗘𝗡𝗚𝗨𝗘 𝗖𝗛𝗨𝗡𝗚𝗖𝗛𝗔𝗡𝗚𝗔 𝗗𝗜𝗥𝗘𝗖𝗧𝗢𝗥𝗔𝗧𝗘 𝗢𝗙 𝗛𝗘𝗔𝗟𝗧𝗛 𝗦𝗘𝗥𝗩𝗜𝗖𝗘𝗦 𝗧𝗛𝗨𝗖𝗛𝗛𝗨𝗔𝗛:
𝟮𝟬𝟱𝟳/𝟮𝟬𝟮𝟮-𝟮𝟬𝟮𝟯

Tunhnaiah Mizoramah Dengue natna a hluar mek zel a, Dengue natna hi natna dangte angin kan la hmelhriat tawk lo hle. Natna pung chak tak anih avang hian inven kawngah tan kan lak zual a tul hle a ni.

*He natna chungchanga mipuite hriat tur pawimawh zual te chu:*

1. Dengue hi natna chi khat virus-in a thlen a ni a. He natna hrik (virus) hi thosiin a pu darh thin a, chuvangin thosi seh atanga inkaichhawn theih a ni. Dengue natna thehdarhtu thosi hi thosi chi khat Aedes aegypti (a dum leh a var ṭial rik rek), Mizote'n thosi râng kan tih hi a ni. Aedes thosi te hian vawi khat Dengue hrik a pai tawh chuan a dam chhungin a pai reng a, a seh apiangten Dengue natna an kai thin. Malaria thlentu thosi te ang lo takin Aedes thosi te hian chhun khaw en laiin mi an seh deuh ber thin.

*Dengue hi chi hnih (2) a then niin, chungte chu:*

a) Dengue Fever leh b) Dengue Haemorrhagic Fever (DHF)

2. Aedes thosi te hian an tui (egg) ah dengue natna (DEN-virus) an thlahchhawng (transovarian transmission) thei a. Thosi tui (eggs) te hi tui tel lovin rei tak a dam thei (dessication) bawk avangin thosi inthlahpung zel tur vennan in leh avel tui tlin theihna tih bo thin tur a ni.

3. Aedes thosiin mihring a seh atanga ni 5 – 6 chhungin natna a lang chhuak thin.

4. Dengue Fever lan chhuah dan te chu khawsik sang tak, lu leh chalbawr na, mitmu na leh khaw enga mit men harsa, ruh leh tihrawl na, taksa a bawl/vual sen awm te a ni.

5. Dengue Haemorrhagic Fever (DHF) lan chhuah dan te chu hnar, ka leh ha hni atanga thi chhuak, luak, pumna tak leh nak ding lam na.

6. Dengue fever hi natna dangte ang loin enkawlna bik damdawi a awm lo a, a natna lan chhuah dan (symptomatic treatment) ang zela enkawlna hi pek tur a ni.

7. Dengue nih leh nih loh finfiah (exam) theihna khawl ELISA hi Sentinel Surveillance Hospital (SSH); Aizawl Civil Hospital leh Lunglei Civil Hospital-ah te a awm a. SSH pan remchang ve thei lote tan District Hospital, PHC/CHC/SDH/UPHC tin ah te hian thisen sample lain SSH a exam turin an thawn sak thei a ni.

8. Denge natna leh thosiin a thlen theih natna dangte laka invenna hrang hrang heng – thosilen zar, mahni in leh a vela thosi inthlahpun theihna tuitling siam lo tur a kar tin in leh a vel tihfai, thosi insehtir lo tura thawmhnaw taksa khuh tam thei inbel, thosi thahna hlo hrang hrang heng chhit chi, hal chi leh hnawih chi hman te, mahni inchhung DDT kahtir te leh tuizem leh tui dahkhawlna phui taka chhin te hi ngaih pawimawh theuh tur a ni.

9. Dengue natna leh natna dangte laka mipuite kan him nan Health Department chuan theihtawp chhuahin hma a la mek zel a, mipuite chi ai mai lovin mahni invenna kawnga tan lo la zual zawk tura ngen an ni. Dengue natna laka inveng tur hian mitin in mawhphurhna kan nei a, heng inven dan kawng hrang hrang te hi zawm theuh turin kan in ngen a ni.

Tin, natna lan chhuah dan tarlan te anga kan awm a nih chuan damdawi in pan vat nachang hre tura ngen kan ni.

𝗦𝗛𝗜𝗞𝗛𝗔𝗥 𝗛𝗜!

Mizo thalaiten ei an intihhmuh, thenkhatte phei chuan an addict hial tawh hi thil tha lo tak mai a ni. A side effect hi thenkhatteah a lang nghal a, thenkhatteah chuan a hnu deuhah a lang thin.

Hmeichhe tan chuan thi neih mumal lo ten a lang chhuak thin a. Zunkawng tha lo, kal tha lo, pumna, pum tha lo, luhai, chauh thut thut, mit fiah lo, khawng, nikhaw hre lova tlukna, thawhah leh hmai bawl ten a lang chhuak thin.

Hei hi k*m tam tak chhung, Sikul ka thawh atanga ka experience atanga ka hriat a ni e.

Dengue natna lanchhuah dan tlangpui

Hriselna Lamtluang page ah kan lo lawm vek a che u 🤝