Sada Punjab -Kuljit Dhawan"

ਗ਼ਜ਼ਲ ਸਨਮਾਨ

ਗ਼ਜ਼ਲ

ਖ਼ੁਦ ਨੂੰ ਭਿਜਿਆ ਵੇਖਾਂ ਤਾਂ
ਜਾਂਦੀ ਮੈਂ ਸੰਗ ਜਰਾ
ਜਦ ਵੀ ਬਾਰਿਸ਼ ਵਿੱਚ ਕਦੇ
ਭਿੱਜਦੇ ਨੇ ਅੰਗ ਜਰਾ।

ਧੋਖੇਬਾਜ਼ੀ ਸਹਿੰਦੇ ਸਹਿੰਦੇ
ਥੱਕ ਗਏ ਹਾਂ ਹੁਣ
ਸੱਚਾ ਸਾਥੀ ਮਿਲ ਜਾਵੇ
ਏਹੋ ਹੈ ਉਮੰਗ ਜਰਾ।

ਕੌਣ ਹੈ ਸੱਚਾ ਕੌਣ ਹੈ ਝੂਠਾ
ਪਰਖਾਂ ਕਿੰਝ ਮੈਂ ਦਸ
ਮੇਰੇ ਦਿਲ ਤੇ ਦਿਮਾਗ ਵਿਚ
ਹੈ ਚੱਲ ਰਹੀ ਜੰਗ ਜਰਾ।

ਬਿਰਹਾ ਦੀਆਂ ਰਾਤਾਂ ਵਿੱਚ
ਜਦ ਯਾਦ ਤਿਰੀ ਆਵੇ
ਮਨ ਮੇਰੇ ਵਿੱਚ ਵੱਜਦੀ ਤੇਰੇ
ਪਿਆਰ ਦੀ ਤਰੰਗ ਜਰਾ।

ਅਰਸਾ ਹੋਇਆ ਤੈਨੂੰ ਦੇਖੇ
ਈਦ ਦੇ ਚੰਦਾ ਵੇ
ਆਣ ਮਿਲੋ ਇਕ ਵਾਰੀ
ਏਹੋ ਮੇਰੀ ਮੰਗ ਜਰਾ।

ਖੁੱਲੀਆਂ ਅੱਖਾਂ ਨਾਲ ਤਾਂ
ਤੂੰ ਦਿਸਦਾ 'ਧਵਨ' ਨਹੀਂ
ਬੰਦ ਅੱਖਾਂ ਵਿੱਚ ਝਟ ਦਿਖੇਂ
ਹੋਵਾਂ ਮੈ ਦੰਗ ਜਰਾ।

*ਕੁਲਜੀਤ ਧਵਨ ਧੂਰੀ*