Las vegas cochin

🌿*സിറിയയിലെ ദമാസ്കസിലെ ഒരു പ്രമുഖ ധനിക കുടുംബത്തിൽപ്പെട്ട സ്ത്രീ ശൈഖുൽ ഇസ്‌ലാം ഇബ്നു തൈമിയ്യ رَحِمَهُ اللَّهُ യെ വിവാഹം കഴിക്കാൻ അതിയായി ആഗ്രഹിച്ചു.*
അവർ തന്റെ സമ്പത്ത് മുഴുവൻ അദ്ദേഹത്തിന്റെ വൈജ്ഞാനിക പ്രവർത്തനങ്ങൾക്കായി നൽകാമെന്നും അദ്ദേഹത്തിന് ഒരു ഭാരമാവില്ലെന്നും ഉറപ്പ് നൽകി.
"قِيلَ: إِنَّ امْرَأَةً ذَاتَ مَالٍ وَجَمَالٍ عَرَضَتْ نَفْسَهَا عَلَيْهِ، وَقَالَتْ: أُرِيدُ بَرَكَتَكَ وَلَا أُرِيدُ مِنْكَ مَالًا، فَقَالَ الشَّيْخُ: إِنِّي قَدْ طَلَّقْتُ الدُّنْيَا، وَالْمَرْأَةُ مِنَ الدُّنْيَا، وَأَخَافُ أَنْ تُشْغِلَنِي عَنِ الْآخِرَةِ."
സമ്പത്തും സൗന്ദര്യവുമുള്ള ഒരു സ്ത്രീ അദ്ദേഹത്തിന് വിവാഹാലോചന മുന്നോട്ട് വെച്ചു എന്ന് പറയപ്പെടുന്നു. അവർ പറഞ്ഞു:
നിങ്ങളുടെ ബർക്കത്താണ് ഞാൻ ആഗ്രഹിക്കുന്നത്, നിങ്ങളിൽ നിന്ന് സമ്പത്തല്ല'.
അപ്പോൾ ശൈഖ് പറഞ്ഞു:
ഞാൻ ദുനിയാവിനെ ത്വലാഖ് ചൊല്ലിയവനാണ് (ഉപേക്ഷിച്ചവനാണ്). സ്ത്രീ ദുനിയാവിന്റെ ഭാഗമാണ്. പരലോക ചിന്തയിൽ നിന്ന് അവരെന്നെ മാറ്റിക്കളയുമോ എന്ന് ഞാൻ ഭയപ്പെടുന്നു.'"

സ്ത്രീകൾക്ക് വേണ്ടിയുള്ള പ്രത്യേക ദർസുകൾ (ക്ലാസ്സുകൾ)
ഇബ്നു തൈമിയ്യ رَحِمَهُ اللَّهُ വിവാഹം കഴിച്ചില്ലെങ്കിലും സ്ത്രീകൾക്ക് ഇൽമ് പകർന്നു നൽകുന്നതിൽ അദ്ദേഹം വളരെ താല്പര്യം കാണിച്ചിരുന്നു. ദമാസ്കസിലെ പള്ളികളിൽ സ്ത്രീകൾക്ക് മാത്രമായി അദ്ദേഹം ദർസുകൾ നൽകാറുണ്ടായിരുന്നു. ആ സദസ്സുകളിൽ അദ്ദേഹത്തിന്റെ പാണ്ഡിത്യം കേട്ട് അത്ഭുതപ്പെട്ട പല പണ്ഡിതകളായ സ്ത്രീകളും അദ്ദേഹത്തിന്റെ ജീവിതപങ്കാളിയാകാൻ ആഗ്രഹിച്ചിരുന്നു.
"وَكَانَ النِّسَاءُ يَجْتَمِعْنَ لِسَمَاعِ مَوَاعِظِهِ، وَكَانَ لَهُ تَأْثِيرٌ عَظِيمٌ فِي نُفُوسِهِنَّ، حَتَّى صَارَ كَثِيرٌ مِنْهُنَّ يَتْرُكْنَ الزِّينَةَ وَيُقْبِلْنَ عَلَى الْعِبَادَةِ بِسَبَبِهِ."
അദ്ദേഹത്തിന്റെ ഉപദേശങ്ങൾ കേൾക്കാൻ സ്ത്രീകൾ ഒത്തുകൂടാറുണ്ടായിരുന്നു. അവരുടെ മനസ്സുകളിൽ അദ്ദേഹത്തിന് വലിയ സ്വാധീനമുണ്ടായിരുന്നു. അദ്ദേഹത്തിന്റെ വാക്കുകൾ കാരണം ധാരാളം സ്ത്രീകൾ അമിതമായ അലങ്കാരങ്ങൾ ഉപേക്ഷിക്കുകയും ആരാധനകളിൽ മുഴുകുകയും ചെയ്തു."

📚അൽ-ഉഖൂദുദ്ദുരിയ്യ (العقود الدرية) -
ഇബ്നു അബ്ദിൽ ഹാദി.

📚ഇബ്നു തൈമിയ്യ വ ദൗറുഹു ഫിൽ മർഅഃ (ابن تيمية ودوره في المرأة).

(4)സലഫിസുന്നിالسلفية سني WhatsApp Group Invite

ഇസ്ലാമിനെ അറിയുക
*❓വിദ്വേഷം: ശരീരത്തെയും മനസ്സിനെയും തകർക്കുന്ന ആന്തരികശത്രു!*
⌨⌨⌨⌨⌨⌨⌨⌨
✅മനുഷ്യന്റെ മനസ്സിൽ രൂപം കൊള്ളുന്ന ഏറ്റവും വിനാശകരമായ വികാരങ്ങളിൽ ഒന്നാണ് വിദ്വേഷം. സമീപകാലത്ത് മതപരവും രാഷ്ട്രീയപരവുമായ വിദ്വേഷം ഗണ്യമായി വർദ്ധിച്ചുവരുന്നത് നാം ആശങ്കയോടെയാണ് കാണുന്നത്. സ്വാർത്ഥ താൽപര്യങ്ങൾക്കായി വിദ്വേഷത്തെ സാധാരണവൽക്കരിക്കാൻ പല ശക്തികളും ശ്രമിക്കുമ്പോൾ, അതിനെ മറ്റൊരു വിദ്വേഷം കൊണ്ട് നേരിടുന്നത് സമൂഹത്തിൽ വിദ്വേഷത്തിന്റെ തീവ്രത വർദ്ധിപ്പിക്കുന്നു.

മുസ്‌ലിംകളെ സംബന്ധിച്ചിടത്തോളം വിദ്വേഷം എന്നത് ഒരു ഇസ്‌ലാമിക വികാരമല്ല. കാരണം, ഇസ്‌ലാം കാരുണ്യത്തിന്റെയും സ്നേഹത്തിന്റെയും നീതിയുടെയും മതമാണ്. ഒരു സത്യവിശ്വാസി അവന്റെ മനസ്സിൽ വിദ്വേഷം സൂക്ഷിക്കുന്നത് അവന്റെ ശരീരത്തിനും മനസ്സിനും ദോഷകരമാണെന്ന് മാത്രമല്ല, അത് അവന്റെ വിശ്വാസത്തിനും ദോഷകരമാണ്.

ഇസ്‌ലാമിക പ്രമാണങ്ങൾ വെറുപ്പിന്റെയും വിദ്വേഷത്തിന്റെയും അപകടങ്ങളെക്കുറിച്ച് മുന്നറിയിപ്പ് നൽകുന്നുണ്ട്. ഒരു മുസ്‌ലിമിന്റെ ഹൃദയം കാരുണ്യവും സ്നേഹവും കൊണ്ട് നിറയേണ്ടതാണ്. "അല്ലാഹുവിന്റെ ഭൂമിയിൽ അഹങ്കാരത്തോടെ നടക്കരുത്" (ഖുർആൻ 17:37) എന്ന ഖുർആനിക വചനം, അഹങ്കാരത്തിൽ നിന്നും വിദ്വേഷത്തിൽ നിന്നും ഉടലെടുക്കുന്ന മാനസികാവസ്ഥയെക്കുറിച്ചുള്ള ഓർമ്മപ്പെടുത്തലാണ്. പ്രവാചകൻ (സ) പറഞ്ഞു: "നിങ്ങൾ അന്യോന്യം വിദ്വേഷം വെച്ച് പുലർത്തരുത്, അസൂയപ്പെടരുത്, പിണങ്ങരുത്. നിങ്ങൾ അല്ലാഹുവിന്റെ അടിമകളേ, സഹോദരങ്ങളായിരിക്കുക." വിദ്വേഷത്തെ ഇസ്‌ലാം എത്രത്തോളം ഗൗരവത്തോടെ കാണുന്നു എന്നതിന് തെളിവാണ് ഈ വചനങ്ങൾ.

*വിദ്വേഷം ശരീരത്തിലും മനസ്സിലുമുണ്ടാക്കുന്ന ദോഷഫലങ്ങൾ:*
വിദ്വേഷം മനസ്സിനെയും ശരീരത്തെയും എങ്ങനെ ബാധിക്കുന്നു എന്നതിനെക്കുറിച്ച് നിരവധി പഠനങ്ങൾ നടന്നിട്ടുണ്ട്. വിദ്വേഷം ശരീരത്തിലെ ഏതെങ്കിലും ഭാഗങ്ങളെ ബാധിക്കുന്നതിന് മുമ്പ് നമ്മുടെ തലച്ചോറിനെയാണ് ബാധിക്കുന്നതെന്നാണ്. നമ്മുടെ ആന്തരിക മുന്നറിയിപ്പ് സംവിധാനമാണ് തലച്ചോർ. ഒരാളെ വെറുക്കുമ്പോൾ, തലച്ചോർ അതിനെ ഒരു ഭീഷണിയായോ ദോഷമായോ വ്യാഖ്യാനിക്കുകയും നമ്മുടെ തലച്ചോറിലെ ദശലക്ഷക്കണക്കിന് നാഡീനാരുകൾ ശരീരം മുഴുവൻ രാസവസ്തുക്കൾ പുറത്തുവിടുകയും ചെയ്യും. കോർട്ടിസോൾ (സ്ട്രെസ് ഹോർമോൺ), അഡ്രിനാലിൻ, നോറാഡ്രിനാലിൻ എന്നിവയാണ് ഇങ്ങനെ പുറത്തുവിടുന്ന രാസവസ്തുക്കൾ. ഇത് വിദ്വേഷം തോന്നുമ്പോൾ പ്രതിരോധിക്കാനോ ആക്രമിക്കാനോ നമ്മെ പ്രേരിപ്പിക്കുന്നു.

വിദ്വേഷം തുടർച്ചയായി ഉണ്ടാകുമ്പോൾ, ഈ രാസവസ്തുക്കൾ കൂടുതൽ തവണ പുറത്തുവരും. ഇത് അഡ്രിനൽ ഗ്രന്ഥികളെ ക്ഷീണിപ്പിക്കുകയും, ശരീരഭാരം കൂടുന്നതിനും, ഉറക്കമില്ലായ്മ, ഉത്കണ്ഠ, വിഷാദം, വിട്ടുമാറാത്ത രോഗങ്ങൾ എന്നിവയ്ക്കും കാരണമാകുന്നു. കാലക്രമേണ, ഈ രാസവസ്തുക്കളുടെ പ്രതിപ്രവർത്തനം നാഡീവ്യൂഹം, പ്രതിരോധസംവിധാനം, എൻഡോക്രൈൻ സംവിധാനം എന്നിവയെ ദോഷകരമായി ബാധിക്കുകയും പ്രമേഹം, രക്തസമ്മർദ്ദം, കാൻസർ എന്നിവയുൾപ്പെടെ വിവിധ രോഗങ്ങൾക്ക് വഴിവെക്കുകയും ചെയ്യുന്നു.

*വിദ്വേഷത്തിൽ നിന്നുള്ള മോചനത്തിനുള്ള ഇസ്‌ലാമിക പരിഹാരങ്ങൾ:*
1- ബോധപൂർവ്വമായ ഇടപെടൽ: വിദ്വേഷത്തെക്കുറിച്ച് ബോധവാനായിരിക്കുക, അത് തിരിച്ചറിയുമ്പോൾ തന്നെ അതിനെ അംഗീകരിക്കുക. വിദ്വേഷം ഒരു ഹൃദയരോഗമാണെന്ന് തിരിച്ചറിയുകയും അതിനെ ചികിത്സിക്കാൻ ശ്രമിക്കുകയും ചെയ്യുക.

2- ക്ഷമയും വിട്ടുവീഴ്ചയും: അല്ലാഹു ക്ഷമിക്കുന്നവരെയും വിട്ടുവീഴ്ച ചെയ്യുന്നവരെയും ഇഷ്ടപ്പെടുന്നു. ഒരു വിശ്വാസി അവന്റെ ശത്രുവിനോട് പോലും ക്ഷമിക്കാൻ പഠിക്കണം. ഇത് മനസ്സിന് ശാന്തി നൽകുന്നു.

3- വ്യാജപ്രചാരണങ്ങളെ തിരസ്കരിക്കുക: വിദ്വേഷത്തിന്റെ പ്രധാന കാരണം തെറ്റിദ്ധാരണകളും വ്യാജപ്രചാരണങ്ങളുമാണ്. വസ്തുതകൾ പരിശോധിച്ച് സത്യം മനസ്സിലാക്കാൻ ശ്രമിക്കുക. മുൻവിധികൾ മാറ്റിവെച്ച് ചിന്തിക്കുക.

4- പ്രാർത്ഥന: മനസ്സിനെ ശുദ്ധീകരിക്കാനുള്ള ഏറ്റവും നല്ല മാർഗ്ഗമാണ് പ്രാർത്ഥന. അല്ലാഹുവിലേക്ക് തിരിയുകയും ഹൃദയത്തിൽ നിന്ന് വിദ്വേഷം നീക്കിത്തരാൻ അവനോട് അപേക്ഷിക്കുകയും ചെയ്യുക.

5- സൽകർമ്മങ്ങൾ ചെയ്യുക: വായന, വ്യായാമം, ദാനധർമ്മങ്ങൾ എന്നിവയിൽ ശ്രദ്ധ കേന്ദ്രീകരിക്കുക. മറ്റുള്ളവരെ സഹായിക്കുന്നത് ഹൃദയത്തെ ശുദ്ധീകരിക്കുകയും വിദ്വേഷത്തെ അകറ്റുകയും ചെയ്യും.

വിദ്വേഷം ഒരു രോഗമാണ്. ആ രോഗം നമ്മെ നശിപ്പിക്കുന്നതിന് മുമ്പ് അതിനെ തിരിച്ചറിയുകയും അതിന് ചികിത്സ തേടുകയും വേണം. നമ്മുടെ ശരീരത്തിന്റെയും മനസ്സിന്റെയും ആരോഗ്യത്തിന് മാത്രമല്ല, നമ്മുടെ വിശ്വാസത്തിനും സമാധാനപൂർണ്ണമായ സമൂഹത്തിനും അത് അത്യന്താപേക്ഷിതമാണ്. ദൈവം നമ്മുടെ ഹൃദയങ്ങളെ സ്നേഹവും കാരുണ്യവും കൊണ്ട് നിറച്ച് വിദ്വേഷത്തിൽ നിന്ന് കാത്തുരക്ഷിക്കട്ടെ!

⌨⌨⌨⌨⌨⌨⌨⌨

▫️▫️▫️▫️▫️▫️▫️▫️
*ഓർമപ്പെടുത്തൽ*
🌹 *(1780)* 🌹
▫️▫️▫️▫️▫️▫️▫️▫️
*നീ ഓർമപ്പെടുത്തുക. തീർച്ചയായും, (ഓർമപ്പെടുത്തൽ സത്യവിശ്വാസികൾക്ക് പ്രയോജനപ്പെടും.*
*[ വി.ഖുർആൻ 51 : 55]*
🔅🔅🔅🔅🔅🔅🔅🔅
*സ്വർഗ്ഗം*
*ലഭിക്കാത്തവർ (14)*
🔅🔅🔅🔅🔅🔅🔅🔅
السلام عليكم ورحمة الله

*ثلاثة لا يكلمهم الله، ولا ينظر إليهم يوم القيامة، ولا يزكيهم، ولهم عذاب أليم: والمُنَفِّقُ سِلعتَه بالحلفِ الكاذبِ [مسلم]*

മൂന്ന് വിഭാഗം ആളുകൾ അല്ലാഹു അവരുമായി സംസാരിക്കുകയോ അവരിലേക്ക് നോക്കു കയോ അവരെ സംസ്ക രിക്കുകയോ ചെയ്യുകയില്ല; അവർക്ക് വേദനയേറിയ ശിക്ഷയാണുണ്ടാവുക. (അവരിൽ ഒരു വിഭാഗം) കള്ളസത്യം ചെയ്ത് ചരക്കുകൾ വിറ്റൊഴിക്കു ന്നവനാണ്.[മുസ്‌ലിം]

👉 എന്‍റെ ജനങ്ങളേ, നി ങ്ങള്‍ അളവും തൂക്കവും നീതിപൂര്‍വ്വം പൂര്‍ണ്ണമാക്കി കൊടുക്കുക. ജനങ്ങള്‍ക്ക് അവരുടെ സാധനങ്ങളില്‍‍ നിങ്ങള്‍ കമ്മിവരുത്താതി രിക്കുകയും ചെയ്യുക. നാശ കാരികളായിക്കൊണ്ട് ഭൂമിയില്‍ നിങ്ങള്‍ കുഴപ്പമുണ്ടാക്കരുത്‌.[ഹൂദ്-85]

👉 നിശ്ചയമായും കച്ചവട ക്കാർ തമ്മാടികൾ ആയിട്ടാണ് ഉയർത്തെഴുന്നേൽക്കുക; അല്ലാഹുവെ സൂക്ഷിക്കുകയും പുണ്യം പ്രവർത്തിക്കുകയും ദാനം ചെയ്യുകയും ചെയ്യുന്നവർ ഒഴികെ.[തിർമിദി]

👉 വിശ്വസ്തനും സത്യ സ ന്ധനുമായ കച്ചവടക്കാരൻ പ്രവാചകന്മാര്‍,സത്യസന്ധർ രക്ത സാക്ഷികള്‍, സച്ചരിതന്മാര്‍ എന്നിവരോടൊപ്പമായിരിക്കും.[തിർമിദി]

👉 കച്ചകവSത്തിൽ കള്ള ത്തരം നടത്തുകയും സത്യo മറച്ചുവെക്കുകയും ചെയ്യു ന്നവർക്ക് ബറകത്ത് നഷ്ട പ്പെടുത്തുന്നതാണ്.[ബുഖാരി]

👉 അളവില്‍ കുറക്കുന്ന വര്‍ക്ക് മഹാനാശം അതായത് ജനങ്ങളോട് അളന്നുവാ ങ്ങുകയാണെങ്കില്‍ തികച്ചെ ടുക്കുകയും.ജനങ്ങള്‍ക്ക് അളന്നുകൊടുക്കുകയോ തൂക്കികൊടുക്കുകയോ ആണെങ്കില്‍ നഷ്ടം വരു ത്തുകയും ചെയ്യുന്നവര്‍ക്ക്‌.[മുത്വഫ്ഫിഫീൻ-1,2,3]

കളവും ചതിയും വഞ്ചന യും ഒരു മുസ്‌ലിമിന് യോജി ച്ചതല്ല, എന്നാലത് കച്ചവട രംഗത്ത് വരുമ്പോൾ മറ്റുള്ള വർ കൂടി അതിൻ്റെ അപകടം ഏല്ക്കേണ്ടിവരും. അത് കൊണ്ട് തന്നെ അത് ഗുരുതരമായ കുറ്റമായി കാണുകയും അതുമൂലം സ്വർഗ്ഗ പ്രവേശനം തടയപ്പെടുകയും നരകപ്രവേശനത്തിന് വഴി വെക്കുകയും ചെയ്യുന്നതായാണ് ഇസ്ലാം എണ്ണുന്നത്.അത്തരം ദൂഷ്യങ്ങളിൽ പെട്ടുപോകാതെ ജീവിക്കാൻ റബ്ബ് നമുക്ക് ഏവർക്കും അനുഗ്രഹം നൽകട്ടെ - ആമീൻ.

*പ്രാർത്ഥനയോടെ*
*അബ്ദുൽ ലത്തീഫ് സുല്ലമി*

*اللَّهُمَّ إِنا نسْأَلُكَ الهُدَى، وَالتُّقَى، وَالعفَافَ، والغنَى - آمين*