Anand Homeopathic Research Center, Khandala

https://youtu.be/ikWpOd1Ti58

आजच्या व्हिडिओमध्ये आम्ही एका अत्यंत आव्हानात्मक केसबद्दल माहिती देणार आहोत. एका रुग्णाला मुतखड्याच्या (Kidney Stone) असह्य वेदना होत होत्या. दोन-तीन दिवस ॲलोपॅथिक उपचार आणि अनेक पेन किलर इंजेक्शन्स घेऊनही त्यांना अजिबात आराम मिळत नव्हता.
​जेव्हा हा रुग्ण आमच्याकडे आला, तेव्हा आम्ही होमिओपॅथीच्या योग्य औषधांचे केवळ ४ डोस (प्रत्येकी ५ मिनिटांच्या अंतराने) दिले आणि आश्चर्यकारकरित्या त्यांच्या वेदना पूर्णपणे थांबल्या!
​या व्हिडिओमध्ये तुम्ही पाहाल:
✅ इंजेक्शननेही न थांबणाऱ्या मुतखड्याच्या वेदना होमिओपॅथीने कशा थांबल्या.
✅ होमिओपॅथी उपचार किती जलद काम करू शकतात.
✅ किडनी स्टोनसाठी होमिओपॅथी हा एक सुरक्षित आणि प्रभावी पर्याय कसा आहे.

​"When Painkillers Fail... Effective Homeopathy for Kidney Stones." जेव्हा पेन किलर फेल होतात... In this video, we share a remarkable success story of a patient suffering from severe Kidney Stone pain. Despite undergoing allopathic treatment and taking m...

दरवर्षी होणाऱ्या किडनी स्टोनपासून (मुतखडा) सुटका मिळवणे शक्य आहे का? 🛑

​नमस्कार,
​तुम्हाला किंवा तुमच्या ओळखीच्या कोणाला दरवर्षी वारंवार किडनी स्टोन (मुतखडा) होण्याचा त्रास आहे का? प्रत्येक वेळी खडा पडण्यासाठी औषध घेणे किंवा शस्त्रक्रिया करणे हा कायमस्वरूपी उपाय नाही.

​आमच्या क्लिनिकमधील एक विशेष 'सक्सेस स्टोरी' आम्ही नुकतीच शेअर केली आहे. ज्या रुग्णाला वर्षातून ६ ते ८ वेळा खडे होत असत, त्यांना आमच्या होमिओपॅथी उपचारामुळे गेल्या ४ वर्षांत एकदाही खडा झालेला नाही!

​हा बदल कसा घडला? हे जाणून घेण्यासाठी आमचा नवीन व्हिडिओ नक्की पहा:

📺 व्हिडिओ लिंक: [https://youtu.be/JmYK6-5tB6w?si=j2VPidnDLHhADxlX]

​या व्हिडिओमध्ये काय खास आहे?
✅ खडे वारंवार का होतात याची शास्त्रीय माहिती.
✅ होमिओपॅथीने खडे तयार होण्याची प्रवृत्ती (Tendency) कशी थांबते.
✅ शस्त्रक्रिया आणि दरवर्षी होणारा खर्च कसा वाचवता येईल.

​जर तुम्हाला हा व्हिडिओ माहितीपूर्ण वाटला, तर कृपया तुमच्या मित्र-मैत्रिणींना आणि नातेवाईकांना फॉरवर्ड करा, जेणेकरून कोणाची तरी शस्त्रक्रिया टळू शकेल.

​अधिक माहितीसाठी संपर्क:
🏥 आनंद होमिओपॅथिक रिसर्च अँड क्लिनिक
📞 ९६५७८००६९७ / ०२३५७२४३३१४
🌐 www.anandhomeopathic.in

8 Kidney Stones Per Year? ZERO in the Last 4 Years! | Homeopathy Success Story ​Are you frustrated by recurring kidney stones? Do you find yourself spending thousands every year on treatments or surgeries, only for the stones to return ...

A patient suffering from severe left-sided sciatica with intolerable burning pain below knee and feet, not relieved by allopathic medicines, experienced 50% relief within 20 minutes with homeopathic medicines.

Her first response was a marked reduction in burning sensation.

A real-time clinical case experience.

Sciatica Pain, Sleepless Nights | 50% Relief in 20 Minutes (Case Video) patient suffering from severe left-sided...

A patient suffering from degenerative lumbar spondylosis with multiple osteophytes presented with severe sciatica, numbness, and tingling in the leg.

The pain and numbness were so...more

Sciatica relief in 20 minutes — no painkillers, no injections. A patient suffering from degenerative lumbar spondylosis with multiple osteophytes presented with severe sciatica, numbness, and tingling in the leg.The pain...

https://www.linkedin.com/posts/madhusudan-vaidya-52716312_%E0%A4%B9%E0%A4%AE%E0%A4%93%E0%A4%AA%E0%A4%A5%E0%A4%9A-%E0%A4%AE%E0%A4%B9%E0%A4%A4-%E0%A4%B8%E0%A4%B0%E0%A4%B5%E0%A4%B8%E0%A4%AE%E0%A4%A8%E0%A4%AF%E0%A4%A8-%E0%A4%B5%E0%A4%B9%E0%A4%B5-share-7415402884026306560-ul5v?utm_source=share&utm_medium=member_desktop&rcm=ACoAAAKDqS8Bttf_sHHCaXPs_qS2zQHnMPRApmQ

*होमिओपॅथीची माहिती सर्वसामान्यांना व्हावी आणि या शास्त्राचा प्रचार आणि प्रसार खेड्यापाड्य *होमिओपॅथीची माहिती सर्वसामान्यांना व्हावी आणि या शास्त्राचा प्रचार आणि प्रसार खेड्यापाड्यापर्यंत व्हावा या ह....

होमिओपॅथीने बरे व्हाल...१ होमिओपॅथीची माहिती सर्वसामान्यांना व्हावी आणि या शास्त्राचा प्रचार आणि प्रसार खेड्यापाड्यापर्यंत व्हावा या ह.....

*होमिओपॅथीची माहिती सर्वसामान्यांना व्हावी आणि या शास्त्राचा प्रचार आणि प्रसार खेड्यापाड्यापर्यंत व्हावा या हेतूने सुरू केलेली लेखमाला...*

डॉ. मधुसूदन वैद्य. एम्. डी. (होमिओपॅथी)
मु. पो. खंडाळा. ता. जि. रत्नागिरी.
९६५७८००६९७

लेखांक ३

*होमिओपॅथीचे जनक डॉ. सॅम्युअल हानेमान यांचे जीवनचरित्र भाग २.*

वयाच्या विसाव्या वर्षी १७७५ साली ते वैद्यकीय शिक्षणासाठी लेप्सीकला गेले. "प्रत्येक गोष्ट पारखून घे आणि जे चांगलं आहे ते आत्मसात कर" असा कानमंत्र त्यांच्या वडिलांनी दिला होता तो त्यांनी आपल्या जीवनाचाच मंत्र बनवला. आता हानेमन स्वतःच्या पायावर उभे राहिले होते. आपले शिक्षण करण्यासाठी त्यांनी फ्रेंच आणि जर्मन भाषा शिकवण्यास तेथे सुरुवात केली. त्यासाठी ग्रीक, लॅटिन, इंग्लिश, हिब्रू, इटालियन, जर्मन अशा सुमारे डझनभर भाषांवर त्यांनी प्रभुत्व प्राप्त केले. त्यानंतर उच्च शिक्षणासाठी ते व्हिएन्ना येथे आले.
तत्कालीन प्रख्यात चिकित्सक डॉ. व्हॉन कुरीन यांचे ते इतके लाडके बनले की त्यांच्या खाजगी दवाखान्यात या एकमेव विद्यार्थ्याला सहज प्रवेश मिळत होता. रूढ वैद्यकीय शिक्षणाबरोबरच, इतर सहयोगी शास्त्रांचाही अभ्यास ते करत होते. १७७९ साली त्यांनी अॅलोपॅथीतील M. D. ही पदवी प्राप्त केली.

१७८१ साली डॉक्टर हानेमन यांनी आपली वैद्यकीय सेवा सुरू केली. वयाच्या 27 व्या वर्षी त्यांचा विवाह संपन्न झाला. हानेमान यांचे जिथे पोस्टींग झालेले होते तिथेच आता हे नवपरिणीत जोडपे राहू लागले. आत्तापर्यंत हानेमान यांनी तीन वेळा वसतीस्थान बदलले होते. याच ठिकाणी १७८४ मध्ये त्यांच्या पहिल्या मुलीचा जन्म झाला. येथेच त्यांनी एका रासायनिक पदार्थ बनविण्यासंदर्भातील फ्रेंच पुस्तकाचे भाषांतर केले. अजूनही काही भाषांतरे वेगवेगळ्या नियतकालिकात प्रसिद्ध केली. आणि याच वर्षात त्यांनी गंडमाळा रोगावरील स्वतःच्या पुस्तकाचेही प्रकाशन केले.

दरम्यान तत्कालीन वैद्यकीय उपचार पद्धतीतील मोघम आणि असमाधानकारक ज्ञानामुळे हानेमान व्यथीत झालेले होते. "तज्ञ चिकित्सकांकडून वैद्यकाच्या पुनर्बांधणीची अत्यावश्यकता" या विषयावर त्यांनी हुफलॅंडला पत्र लिहीले. त्यात ते म्हणतात, "एखाद्या रुग्णाची चिकित्सा करताना, हे अंधारात चालणं आता माझ्यासाठी अत्यंत क्लेशदायक होत आहे. कोणत्यातरी पुस्तकात, काहीतरी गृहीतक दिलेले आहे, त्याच्या आधारावर जे औषध नेमकं कशाप्रकारे काम करतं हेच माहीत नाही असं औषध चिकित्सेसाठी वापरावं लागतं. कशासाठी आपण औषध देतोय हे माहित नाही, रुग्णाला काय झालंय याचा नेमकं ज्ञान नाही, आपण दिलेलं औषध नेमकं काय करतं हेही माहित नाही अशी चिकित्सा करण्याचा मला खूप त्रास होतो. एखाद्या आजारी रूग्णाला औषध दिल्यानंतर अधिक नवीनच गंभीर स्वरूपाचे आजार निर्माण होतात, त्याचा मृत्यूही होतो, अशाप्रकारे एखाद्या जीवाला कष्ट देणे अथवा त्याचा खुनी होणे हे माझ्यासाठी इतकं भीतीदायक आहे की लग्नानंतर लवकरच मी माझी वैद्यकीय सेवा बंद करून स्वतःला रसायनशास्त्रात गुंतवून घेतलं आहे. पण आता मी बाप झालो आहे, जेव्हा माझी पोटची पोरं आजारी पडतात आणि त्यांनाही मी काही सुयोग्य उपचार करू शकत नाही तेव्हा माझ्या मनातील या शंका अधिकच वाढत जातात... "

या तत्कालीन वैद्यकाच्या अविश्वासार्ह परिस्थितीमुळे व्यथीत होऊन अॅलोपॅथिक M. D डिग्री हातात असलेल्या डॉक्टर हानेमन यांनी आपली वैद्यकीय सेवा बंद करून अर्थार्जनासाठी स्वत:ला भाषांतराच्या कामात झोकून दिले.

आजही प्रगत वैद्यकशास्त्राची परिस्थिती फारशी वेगळी नाही. अनेक आजार का होतात हे हानेमान यांच्या काळापेक्षा खूप प्रमाणात कळले असले तरीही सोरीयासीस, क्रॉह्न्स डिसीज सारखे काही आजार का होतात हे अजूनही वैद्यकाला कळलेले नाही. काही आजार का झालेत ते तपासण्याची पद्धती निर्माण झाली असली (उदा. अनेक प्रकारचे त्वचाविकार किंवा मेंदू आणि चेतासंस्थेशी संबंधीत काही विकार) तरी त्याच्यावर *सुयोग्य* उपचार काय आहेत हे अजूनही ठरवता आलेले नाही. आणि सगळ्यात जास्त हानेमन ज्या गोष्टीने व्यथीत झाले ते म्हणजे *एक आजार बरा करण्यासाठी एखादे औषध दिल्यानंतर दुसराच काहीतरी गंभीर आजार निर्माण होतो*, ऍलोपॅथीची ही परिस्थिती आजही जशीच्या तशीच आहे असे दुर्दैवाने म्हणायला लागते.

पण ही सद्सद्विकेकबुद्धीची टोचणी डॉक्टर हानेमन यांना असल्यामुळेच त्यांनी आपली सेवा बंद केली. अर्थात देव करतो ते भल्यासाठी.. यातूनच पुढे होमिओपॅथीचा शोध कसा लागला हे आपण पुढील भागात पाहू...

क्रमश:

डॉ. मधुसूदन वैद्य. एम्. डी. (होमिओपॅथी)
मु. पो. खंडाळा. ता. जि. रत्नागिरी.
02357243314, 9657800697
www.anandhomeopathic.in

खालील लिंक वर क्लिक करून कोणिही हा गृप जॉईन करू शकतो. ही गृप लिंक जास्तीत जास्त लोकांपर्यंत शेअर करायला हरकत नाही.

https://chat.whatsapp.com/GKhPwketEkD8a7YwQX8xdf?mode=ems_copy_t

Anand Homeopathic Research Center - Avail Homeopathic Treatment At Affordable Price. Anand Homeopathic Research Center offers best Homeopathic Treatment at affordable price. Every disease is treatable if Homeopathic data becomes available. Call for more details.

*होमिओपॅथीची माहिती सर्वसामान्यांना व्हावी आणि या शास्त्राचा प्रचार आणि प्रसार खेड्यापाड्यापर्यंत व्हावा या हेतूने सुरू केलेली लेखमाला...*

डॉ. मधुसूदन वैद्य. एम्. डी. (होमिओपॅथी)
मु. पो. खंडाळा. ता. जि. रत्नागिरी.
९६५७८००६९७

लेखांक २

*होमिओपॅथीचे जनक डॉ. सॅम्युअल हानेमान यांचे जीवनचरित्र भाग १.*

ख्रिश्चन फ्रेडरिक सॅम्युअल हानेमान यांचा जन्म 10 एप्रिल 1755 ला सॅक्सोनी, जर्मनी येथे झाला. त्यांचे वडील पोर्सेलीन पेंटर होते.

त्यांच्या आई-वडिलांनी त्यांना लिहायला वाचायला शिकवले आणि 1767 मध्ये गावातील शाळेत दाखल केले. हा लहानगा सॅम्युअल शाळेतल्या शिक्षकांचा इतका लाडका होता की त्या शाळेच्या रेक्टर त्याला आपला मुलगाच मानत असत. डॉक्टर हानेमानना देखील आपल्या या शिक्षिकेबद्दल नितांत आदर होता हे त्यांनी त्यांच्या आत्मचरित्रात केलेल्या या कथाभागाच्या वर्णनावरून लक्षात येते.

तीन मुलांपैकी या एकुलता एक असलेल्या मुलग्याला शालेय शिक्षण देण्याची देखील त्यांच्या वडिलांची ऐपत नव्हती त्यामुळे त्यांनी अनेक वेळा त्यांना शाळेतून काढून एखाद्या व्यवसायात गुंतवण्याचा प्रयत्न केला, परंतु शाळेतील शिक्षकांनी एकही रुपया फी न घेता सॅम्युअल ला शिकवण्याची इच्छा दाखवली की ज्यायोगे तो काहीतरी करू शकेल. त्याच्या वडिलांनीही नाईलाजाने हे मान्य केले.. ते दुसरं अजून करू तरी काय शकत होते.

शाळेच्या निरोप समारंभात सॅम्युअलने "The wonderful construction of human hand" अर्थात "मानवी हाताची अद्भुतरचना" या विषयावर लॅटीन भाषेत प्रबंध सादर केला. मानवी हाताचे रचना किती वैशिष्ट्यपूर्ण आहे, त्याचे उपयोग कसे आहेत आणि जीवनाला अर्थपूर्ण बनवण्यासाठी जगन्नियंत्याने हे कसे वैशिष्ट्यपूर्ण साधन बनवले आहे याचे वर्णन या प्रबंधात केले होते. बोटांचे असलेले वेगवेगळे आकार, त्यातील सांध्यामुळे वेगवेगळ्या प्रकारे घेता येणारी पकड, आणि त्यामुळे हातोडा, पकड आणि इतर अनेक हत्यारांचे जटील काम हात कसे लीलया करू शकतो हेउत्तम प्रकारे मांडले होते, एखादी गोष्ट धरणे, स्पर्श समजणे, आणि निष्णातपणे पण तेवढीच बिनचूक कामे हात कसे करतो या बद्दलची चर्चाही या प्रबंधातून केली होती. ईश्वराने केलेल्या या वैशिष्टय़पूर्ण रचनेबद्दल आभारही मानले होते. मनुष्याने बुद्धिमत्ता धारण करावी आणि त्याच बरोबर मानवी शरीरातील अद्भुत रहस्यांचा अभ्यास करून त्यासंबंधीचे ज्ञानही प्राप्त करावे या ईश्वरी ईच्छेचे प्रतीक म्हणजे मानवी हात आहेत असे या प्रबंधात प्रतिपादिले होते. थोडक्यात मानवी क्षमता आणि ईश्वरी धारणा याचे प्रतीक असलेले मानवी हात हे शरीर रचना आणि अध्यात्म यातील दुवा आहे हे मत या प्रंबंधातून मांडण्यात सॅम्युअल यशस्वी झाला होता.

बाळाचे पाय पाळण्यात दिसतात हे खरेच.. या प्रबंधाच्या रूपाने निसर्गाचा सूक्ष्म अभ्यासक आणि अध्यात्मवादी तत्त्ववेत्ता आकाराला येत होता, भविष्यातील नवीन नैसर्गिक तत्त्वांवर आधारित उपचार पद्धतीची मुहूर्तमेढ रोवली जात होती...

क्रमश:

डॉ. मधुसूदन वैद्य. एम्. डी. (होमिओपॅथी)
मु. पो. खंडाळा. ता. जि. रत्नागिरी.
02357243314, 9657800697
www.anandhomeopathic.in

खालील लिंक वर क्लिक करून कोणिही हा गृप जॉईन करू शकतो. ही गृप लिंक जास्तीत जास्त लोकांपर्यंत शेअर करायला हरकत नाही.

https://chat.whatsapp.com/GKhPwketEkD8a7YwQX8xdf?mode=ems_copy_t

Anand Homeopathic Research Center - Avail Homeopathic Treatment At Affordable Price. Anand Homeopathic Research Center offers best Homeopathic Treatment at affordable price. Every disease is treatable if Homeopathic data becomes available. Call for more details.

*होमिओपॅथीची माहिती सर्वसामान्यांना व्हावी आणि या शास्त्राचा प्रचार आणि प्रसार खेड्यापाड्यापर्यंत व्हावा या हेतूने सुरू केलेली लेखमाला...*

डॉ. मधुसूदन वैद्य. एम्. डी. (होमिओपॅथी)
मु. पो. खंडाळा. ता. जि. रत्नागिरी.
९६५७८००६९७

लेखांक १

*प्रस्तावना*

बरेच दिवस असा एखादा ग्रुप तयार करून जास्तीत जास्त लोकांपर्यंत होमिओपॅथीची माहिती पोहोचवावी असा विचार मनात होता, पण काही ना काही कारणाने हे मागे पडत होते. परवाच एक सेरेब्रल पाल्सीचा मुलगा आला होता.. दोन वर्षाचा जेमतेम पालथा पडू शकणारा हा मुलगा दोन महिन्यात घोडा करू लागला आहे, आधार दिला तर लोडाला टेकून मान सावरून बसू लागला आहे, अजून मदत केली तर उभं राहण्याचाही प्रयत्न करू लागला आहे. त्याच्या आई-वडिलांच्या चेहऱ्यावरचा आनंद पैशात मोजता येण्यासारखा नव्हता.. त्यांच्याशी बोलता बोलता या विचाराने पुन्हा उचल खाल्ली की आता असा ग्रुप आपण सुरू करूयाच... आणि लगेचच गृप तर तयार केला. पण या ग्रुप मधून नेमकं काय सांगावं हे नक्की होत नव्हतं... थोडा विचार करून मी खालील प्रमाणे ग्रुपची रूपरेषा ठरवली आहे..

प्रथम, होमिओपॅथी म्हणजे काय? होमिओपॅथीचा शोध कसा लागला याबद्दलची माहिती आपण या ग्रुपमध्ये घेणार आहोत.

होमिओपॅथीचे जनक डॉक्टर सॅम्युअल हानेमन, ज्यांनी होमिओपॅथीचा शोध लावला त्यांचं थोडक्यात जीवन चरित्रही आपण समजून घेणार आहोत, कारण हे व्यक्तिमत्व काळाच्याही कसं पुढे होतं हे जीवन चरित्राचा अभ्यास केल्याशिवाय समजणार नाही..

तत्कालीन वैद्यकाची परिस्थिती कशी होती याचा अभ्यास केल्याशिवाय होमिओपॅथीचा शोध लावण्याची आवश्यकता लक्षात येणार नाही..

आता नेमकी होमिओपॅथिक चिकित्सकांना कोणती माहिती हवी असते ती का हवी असते हे सांगण्याचा मी नंतर प्रयत्न करणार आहे, कारण हे जर सर्वसामान्य लोकांना माहीत नसेल तर नेमकी माहिती मिळण्यात अडचण होते.

हे करत असतानाच कोणकोणते आजार होमिओपॅथीने बरे होऊ शकतात याची माहिती आपण घेऊ, बरे झालेल्या आजारांच्या काही केसेसही आपण मध्ये मध्ये बघणार आहोत. त्याचा उद्देश एवढाच की ज्या गोष्टींसाठी आपण ऑपरेशनच करायला लागेल असं समजत होतो, ज्या गोष्टी आयुष्यात कधीच बऱ्या होणार नाहीत असं आपण समजत होतो अशा गोष्टी औषधांनी बऱ्या होऊ शकतात हेच अनेकांना माहीत नसते..
हा आशेचा किरण सगळ्यांपर्यंत पोहोचला पाहिजे यासाठी या केसेस सांगणे आवश्यक आहे...

याव्यतिरिक्त आपले काही प्रश्न असतील तर त्यांचेही उत्तर या ग्रुपमधून देण्याचा मी प्रयत्न करीन. कोणतेही साधे साधे प्रश्न सुद्धा विचारायला हरकत नाही. ग्रुप ओन्ली एडमिन असल्यामुळे प्रश्नकर्त्याचे नाव येथे दिसणार नाही 😊

थोडक्यात काय तर *होमिओपॅथीबद्दल सर्व काही* आपल्यापर्यंत पोहोचवण्याचा मी प्रयत्न करणार आहे. मी काही खूप मोठा लेखक नाही, लिखाणा मध्ये माझ्या हातून काही चुका होऊ शकतात.. भाषेत काही पुढे मागे होऊ शकते.

रोजच्या रोज काहितरी लेख टाकायला जमतीलच असे नाही, किंबहूना रोज काहीतरी टाकत राहायचे असा या ग्रुपचा उद्देशही नाही..

होमिओपॅथीचा जास्तीत जास्त प्रचार व्हावा, या वैद्यकाची शास्त्रशुद्ध माहिती लोकांपर्यंत पोहोचावी. आणि -

सर्वांसी सुख लाभावे, तशी आरोग्य संपदा |
व्हावे कल्याण सर्वांचे, कोणी दुःखी असू नये |

ही उक्ती सार्थ करण्याच्या दृष्टीने करता येईल तेवढे समाज प्रबोधन करण्याचा हा एक छोटासा प्रयत्न समजावा..

(क्रमशः)

डॉ. मधुसूदन वैद्य. एम्. डी. (होमिओपॅथी)
मु. पो. खंडाळा. ता. जि. रत्नागिरी.
02357243314, 9657800697
www.anandhomeopathic.in

खालील लिंक वर क्लिक करून कोणिही हा गृप जॉईन करू शकतो. ही गृप लिंक जास्तीत जास्त लोकांपर्यंत शेअर करायला हरकत नाही.

https://chat.whatsapp.com/GKhPwketEkD8a7YwQX8xdf?mode=ems_copy_t

Anand Homeopathic Research Center - Avail Homeopathic Treatment At Affordable Price. Anand Homeopathic Research Center offers best Homeopathic Treatment at affordable price. Every disease is treatable if Homeopathic data becomes available. Call for more details.

https://whatsapp.com/channel/0029Vb3nxNc2ER6mqSzz2T0t

https://youtu.be/GOQtCLGa0M4

Send a message to learn more

तीन दिवस या ताईंची मान पूर्णपणे आखडलेली होती. त्यांनी दरम्यान काही उपचार केले होते पण काहीच फरक पडत नव्हता.
त्यामुळे त्यांना दवाखान्यातच बसवून ठेवून दर पाच मिनिटांनी ४ वेळा होमिओपॅथिक औषध दिले. औषध देण्यापूर्वीचा व्हिडिओ केलेला नव्हता. पण साधारण वीस ते पंचवीस मिनिटानंतर केलेला हा व्हिडिओ शेअर करीत आहे.
योग्य होमिओपॅथिक औषध मिळाले तर अक्षरशः काही मिनिटात आजारात जादू सारखा कल्पनातीत फरक पडू शकतो ही होमिओपॅथीची क्षमता यातून सिद्ध होते.

3 days stiff neck, torticollis cured 60% in 20 minutes with homeopathy