Saad 361ibsa

KAIIMPORTANTE A MASJID AL-AQSA SA INGD A PALISTINE 🕌🇵🇸

Gyai a Masjid Al-Aqsa na aya miyauna a qibla o mga muslim ko kiyapakalabi saragon (16months) idad o Islam ago special a piyakasongon o Allah (swt) so Nabi tano (saw) ago ron skanyan miyakasalingganata sa kiyapakapanikaon o Allah (swt) ko mga langit, ago ron dimakasambayang so kadaklan ko mga Nabi (alayhimossalam), ago piyakadaklon Allah (swt) so mapiya (barakah) raks o makaalibton a mga darpa.

Pitharo o Allah (swt) :
{سُبْحَانَ الَّذِي أَسْرَى بِعَبْدِهِ لَيْلًا مِنَ الْمَسْجِدِ الْحَرَامِ إِلَى الْمَسْجِدِ الْأَقْصَى الَّذِي بَارَكْنَا حَوْلَهُ لِنُرِيَهُ مِنْ آيَاتِنَا إِنَّهُ هُوَ السَّمِيعُ الْبَصِيرُ} [الإسراء: 1]
"Soti so (Allah a) piyakalalakaw Niyan so oripn Iyan (a Mohammad) ko kagagawii phoon sa Masjid Al-Haram taman sii sa Masjid Al-Aqsa, a so piyakandaklan Ami sa mapiya (barakah) so mliliyota on, - ka phikiilay Ami ron so pd ko manga tanda Ami: Mataan! a so Allah so Pphakan´g, a Pphakaylay.” - Surah Al-Isra 1

Ago gyai a Masjid Al-Aqsa na aya ikadowa Masjid miyambalay sii sa liyawaw a lupa ko oryan o Masjid Al-Harām sa aya bo pagltan iran na patpolo ragon.
- Miyaaloy anan ko thotol o Abi Dhar al-Gafāriy (ra) a piyanothol o Bukhāri agoso Muslim.

Ago gyai Masjid Al-Aqsa na isa skanyan ko tlo a mga masjid (Masjid Al-Harām ago Masjid an-Nabawiy) a inipangoyat o Nabi (saw) a kapamisitai ron, ago pd sa kalbihan iyan na so sambayangon na timbang a lima gatos takp a sambayang, ago pd pn sa kalbihan iyan na sa taw makasambayangon sa dadn a antap (niyat) iyanon a salakaw inonta na makasambayangon na malalas so dosa nyan sa lagid bo o gopn inimbawata a ikaririga wata a da miyandosa nyan.
- Miyaaloy anan ko thotol o Abdullah Bin Amr a piyanothol o An-Nasa’i ago Ibn Mājah.

Aya patot ko mga Muslim na katagowan siran sa knal ago sabot ko nganin a kipapantagn iran sa Masjid Al-Aqsa ago aya patot na dimapamanothol o mga Ulama so kaiimportante nyan agoso kalbihan iyan kaan katagowi sa panagontaman so mga muslim sa kipangatoonon a mlagid o golalan sa galbk odina katharo, tamok, odina apya Du’a bo sa kasiyap iyan phoon ko mga ridoay tano ko Agama.

---------------------------
Shaikh Zuhair زهير
WISE UNIVERSITY, JORDAN 🏢🇯🇴

How are you look in me and because you are beautiful girls and you’re my sweetheart and my love my theatre’s will be working with you blood