Learn Pali loan terms

#ជរតារូប (ជាក់-រាក់-តា-រូប) ជាវិការ:របស់និប្ផន្នរូប(និប-ផាន់-ណាក់-រូប)
👉🏻 រាងកាយដែលចាស់គ្រាំគ្រា ជាការប្រែប្រួលវិវឌ្ឍន៍ទៅនៃ រូបដែលកើតអំពីកម្មជាដើម ។
👁 ជរា មានពីយ៉ាង គឺ
១- បដិច្ឆន្នជរា = សភាពចាស់ដែលមិនប្រាកដ ដល់ការឃើញ (ចក្ខុវិញ្ញាណ )
២- អប្បដិច្ឆន្នជរា= សភាពចាស់ប្រាកដល់ការឃើញ
👉🏻រូបនេះ គឺជា សម្មសនរូប(សាំ-ម៉ាក់-សាក់-ណាក់-រូប)រូបដែល គួរដល់ការពិចារណាលើកឡើងកាន់ត្រៃលក្ខ័ណ គឺ មិនទៀង(អនិច្ច) ជាទុក្ខ និង មិនមែនរបស់ខ្លួន (អនត្តា) ៚

#ព្រះគាថា #
*សីលេ បតិដ្ឋាយ នរោ សបញ្ញោ
ចិត្តំ បញ្ញញ្ច ភាវយំ
អាតាបី និបកោ ភិក្ខុ
សោ ឥមំ វិជដយេ ជដំ។
*( យោ) ភិក្ខុ រីភិក្ខុ ឯណា នរោ មានជាតិជាមនុស្ស សបញ្ញោ មានបដិសន្ធិប្រព្រឹត្តទៅមួយអន្លើដោយបញ្ញា បតិដ្ឋាយ តាំងនៅហើយ សីលេ ក្នុងសីល គឺសីលវិសុទ្ធិ អាតាបី មានសេចក្តីព្យាយាមធ្វើនូវកិលេសឲ្យក្តៅដ៏ខ្លាំងក្លា និបកោ មានបញ្ញាដែលនាំទៅនូវកម្មដ្ឋាន ចិត្តំ ច ញ៉ាំងចិត្តវិសុទ្ធិ គឺ ឧបចារសមាធិ និង អប្បនាសមាធិ ផង បញ្ញំ ច ញាំងបញ្ញា គឺវិបស្សនាញាណផង ភាវយំ កាលឲ្យចម្រើនដោយប្រាកដប្រជា ,សោ (ភិក្ខុ) រីភិក្ខុនោះ វិជដយេ គប្បីកាប់ស្កា ជដំ នូវព្រៃក្រាស គឺតណ្ហា ឥមំ នេះបាន ។