Veasna

ការតបស្នង vs ការប្រកាន់ខ្ជាប់

គ្រប់យ៉ាងនៅក្នុងលោកនេះ គឺមានពេលវេលារបស់វា
មនុស្សយើងមានពេលឲ្យ មានពេលទទួល មានពេលរីករាយ
មានពេលកើតទុក្ខ.... ចូរដកដង្ហើមឲ្យវែងៗ បន្ធូរអារម្មណ៍
កុំឲ្យតានតឹង ដោយរៀនគិតថា ធ្វើយ៉ាងម៉េចបើវាអុីចឹងទៅហើយ ?

ទោះជាយ៉ាងណា អ្វីដែលជារបស់យើងនៅតែជារបស់យើង
គឺពិតជាគ្មានអ្វីបាត់បង់នោះទេ ។

ភាពនឿយហត់នឹងត្រូវបានតបស្នងដោយអំណោយ
ឯអំពើល្អនឹងតបស្នងដោយការបានជួបនឹងមនុស្សល្អ។

ចុះហេតុអ្វីក៏ចិត្តរបស់យើងចេះតែមិនព្រមជឿ
និងចេះតែព្រួយបារម្មណ៍? គឺព្រោះតែយើងចូលចិត្តគិតវិភាគ
ដោយភ្នែក និងដោយមើលឃើញថា ការជួយចេះតែបានទោស
ការផ្ដល់ឲ្យបានត្រឹមតែការខាតបង់។ ហេតុអ្វីក៏គ្មានអ្នកណា
មកជួយ ឬមកផ្ដល់ឲ្យយើងវិញសោះអុីចឹង ?

ប៉ុន្តែនៅពេលដែលយើងព្រម នោះយើងនិងលែងទាមទារ ។
_________________________________
#មនោសញ្ចេតនា
#សុខចាន់ផល
#អត្ថបទជីវិត

#គិតយ៉ាងណាបើគេស្អប់យើង?

ដំបូងត្រូវយល់ឲ្យបានថា អ្នកណាជាអ្នកស្អប់?
ជាអ្នកដ៏ទៃតើមែនទេ? បើជាអ្នកដ៏ទៃ តើយើងអាចធ្វើអ្វីបាន?
យើងធ្វើបានត្រឹមតែរក្សាចិត្តខ្លួនឯងកុំឲ្យស្អប់គេវិញតែប៉ុណ្ណោះ។
មិនមែនមិនឲ្យយើងគិតពីមូលហេតុដែលគេស្អប់យើងនោះទេ
ពោលបើគេស្អប់យើង ដោយសារតែយើងធ្វើខុសយើងត្រូវសុំទោស
តែបើគេស្អប់ដោយសារតែយើងធ្វើត្រូវ វាគឺជាកំហុសរបស់គេ។
បើយើងនៅតែកើតទុក្ខនឹងរឿងគេស្អប់ អាចមកពីយើង
មិនទុកចិត្តថាខ្លួនឯងធ្វើត្រូវ ។
ត្រូវស្វែងយល់ពីខ្លួនឯងឲ្យបានច្បាស់ រៀនស្មោះត្រង់ រៀនទទួលយក
ដើម្បីក្លាយជាមនុស្សរឹងមាំ ។
ជាការពិតអ្នកណាដែលបង្កើតការស្អប់ អ្នកនោះនឹងរងទុក្ខ។
ហេតុនេះ ចូរអាណិតមេត្តាដល់អ្នកដែលស្អប់យើង ព្រោះគេកំពុងតែ
ដុតភ្លើងក្នុងខ្លួនរបស់គេហើយ។ ប៉ុន្តែបើសិនជាយើងមិនយល់ពី
រឿងនេះរួចទៅខឹងស្អប់តបគេវិញ នោះយើងក៏រងទុក្ខដូចគ្នានឹង
បុគ្គលនោះដែរ ។
_________________________________________________________
#មនោសញ្ចេតនា
#សុខចាន់ផល

ទុក្ខព្រោះមានរូប
________________
#បញ្ហាជីវិត
#មាងដារ៉ា

តាមពិតមនុស្សគ្រប់គ្នាដែលចេះតែកើតទុក្ខគឺមកពីការដឹងហ្នឹងឯង។ ការដឹងមិនមែនជារឿងអាក្រក់នោះទេ តែចិត្តដែលខ្វះសតិបញ្ញារមែងមិនអាចកំណត់ការដឹងនោះត្រឹមតែជាការដឹងបានឡើយ ហើយបែរជាញាំងអភិជ្ឈា និងទោមនស្សឲ្យកើតមានក្នុងចិត្ត ព្រោះអាស្រ័យនឹងការដឹងនោះ ។ វិញ្ញាណខន្ធ គឺប្រែថាចិត្តក៏បាន ឬប្រែថាការដឹងក៏បាន ព្រោះថាការដឹងបានគឺអាស្រ័យនឹងចិត្ត ។ វិញ្ញាណមិនអាចកើតឡើងទៅដោយខ្វះចិត្តបានឡើយ ។

តើការដឹងនោះយ៉ាងដូចម្ដេច?

ជាទូរទៅយើងអាចដឹងនៅហេតុការទាំងឡាយបានដោយអាស្រ័យនឹងទ្វារទាំង៦នៃរាងកាយ ។ ការដឹងរូបដោយភ្នែក ហៅថាចក្ខុវិញ្ញាណ ការដឹងសំឡេងដោយត្រចៀក ហៅថាសោតវិញ្ញាណ ការដឹងក្លិនដោយច្រមុះ ហៅថាឃានវិញ្ញាណ ការដឹងរសជាតិដោយអណ្ដាត ហៅថាជិវ្ហាវិញ្ណាណ ការដឹងផស្សៈដោយកាយហៅថា កាយវិញ្ញាណ នឹងការនូវធម៌ទាំងឡាយ ឬនិយាយដោយខ្លីថា ការដឹងនូវវិញ្ញាណទាំង៥មានចក្ខុវិញ្ញាណជាដើម គឺដោយសារចិត្ត ហៅថាមនោវិញ្ញាណ ។
រាល់ការដឹងនូវអនិដ្ឋារម្មណ៍( ឬអារម្មណ៍មិនជាទីពេញចិត្ត) ចិត្តដែលខ្វះការអប់រំ រមែងកើតទុក្ខទោមនស្សចំពោះការដឹងទាំងនោះ ។ ដូចជាពេលខ្លះយើងមើលឃើញនរណាម្នាក់ដែលយើងស្អប់ ឬជាសត្រូរបស់យើង ពេលនោះយើងក៏កើតចិត្តខឹងទើសទាស់ចំពោះបុគ្គលនោះ ខណៈការដឹងនូវរូបនេះឯង ជាបច្ច័យនាំឲ្យចិត្តកើតទុក្ខ ។ ម្យ៉ាងទៀតពេលខ្លះយើងបានឮសំឡេងដែលអ្នកដ៏ទៃនិយាយដោយប្រើពាក្យតិះដៀល ជេរប្រទេចដាក់បណ្ដាសាចំពោះយើង រំពេចនោះយើងក៏កើតចិត្តខឹងហើយប្រទូស្ដតបទៅគេវិញ ដោយប្រើពាក្យអសុរោះ ឬដោយការប្រើកម្លាំងបាយតបជាដើម ។ ព្រោះដោយសារតែការដឹងហ្នឹងឯង ។ នៅមានច្រើនទៀត -ល-។
-----------------------------------------------------
#ពន្លឺព្រះធម៌
#អប់រំចិត្ត
#បញ្ហាជីវិត
#មាងដារ៉ា

ក្នុងឆាកជីវិតបានជួបប្រទះនឹងបញ្ហាជាច្រើនដែលធ្វើឲ្យមនុស្សមានការ នឿយហត់ មានភាពទន់ខ្សោយ ធុនទ្រាន់ និងព្យាយាមគេចវេះអំពីវា។

បញ្ហាទាំងនោះជួនកាលក៏នាំមកនូវភាពរឹងមាំដល់មនុស្សមួយចំនួន ប្រសិនបើពួកគេអាចជម្នះពុះពារជាមួយវាបាន

ប៉ុន្ដែវាក៏នាំមកនូវក្ដីកង្វល់ ការបាក់ទឹកចិត្តចំពោះមនុស្សមួយចំនួនដែលទន់ខ្សោយផងដែរ ។
_______________________________________
#បញ្ហាជីវិត

ការទទួលស្គាល់៖
ការទទួលស្គាល់មានន័យថា ការមើលឃើញយ៉ាងច្បាស់ និងដោយការទទួលស្គាល់ទាំងស្រុងនូវចំណុចល្អ និងចំណុចមិនល្អ ទាំងការឈឺចាប់ និង ភាពរីករាយ ដោយចាត់ទុកពួកវាប្រៀបដូចជាផ្នែកមួយនៃជីវិត ហើយត្រូវប្រឈមមុខនិងជីវិតដោយមិនមានៈ ឬក៏មិនព្យាយាមគេចវេះពីសេចក្ដីសៅហ្មងទាំងឡាយដែលកំពុងកើតមានឡើងក្នុងពេលបច្ចុប្បន្ននេះ។
បើទោះបីជាយើងមិនទាន់ដឹងថាត្រូវធ្វើអ្វីខ្លះចំពោះវាក៏ដោយ យើងគ្រាន់តែពិនិត្យមើលដោយភក្ដីភាពថា ទាំងនេះគឺជារបៀបដែលគ្រប់យ៉ាងវាកំពុងកើតមានឡើងក្នុងពេលនេះ។
នៅពេលដែលយើងអាចមើលឃើញស្ថានភាពពិតជាក់ស្ដែងយ៉ាងច្បាស់លាស់ នោះយើងមានសិទ្ធជ្រើសរើសក្នុងការសម្រេចចិត្តថា តើគួរធ្វើបែបណា តើគួរចាត់វិធានការណ៍ដោយសកម្មភាពវិជ្ជមាន ឬក៏បណ្ដោយឲ្យស្ថានភាពដំណើរការទៅតាមលក្ខណៈធម្មជាតិរបស់វា
ដោយមិនប្រឆាំងនឹងវា ។

(អត្ថបទនេះដកស្រង់ចេញពីសៀវភៅ កសាងតម្លៃក្នុងខ្លួន)
--------------------------------------------------------
#អត្ថបទជីវិត
#គិតវិជ្ជមាន
#អប់រំចិត្ត

ដើម្បីមើលថ្ងៃលិច យើងត្រូវរង់ចាំរហូតដល់ពេលល្ងាចទើបដឹងថាវាស្អាតប៉ុណ្ណា!

ដូចគ្នានេះដែរដើម្បីទទួលបានលទ្ធផលអីមួយយើងត្រូវប្រឹងប្រែងឲ្យអស់ពីសមត្ថភាព ហើយរង់ចាំពេលវេលាដែលសាកសមមកដល់ !
---------------------------------------------------------
#អត្ថបទជីវិត
#អប់រំចិត្ត
#គិតវិជ្ជមាន

រឿងរ៉ាវខាងក្រៅប្រៀបដូចជាងភ្លៀង ហើយចិត្តដែលមិនបានអប់រំឲ្យល្អប្រៀបដូចជាផ្ទះដែលមានដំបូលធ្លុះ ។

យើងគ្មានសមត្ថភាពទប់មេឃមិនឲ្យភ្លៀងបានទេ
តែយើងមានតួនាទីប្រក់ដំបូលផ្ទះរបស់យើងឲ្យជិត។

ដូច្នេះហើយនៅពេលដែលចិត្តអប់រំបានល្អហើយ រឿងខាងក្រៅក៏មិនមានឥទ្ធិពលអ្វីដែរចំពោះយើង ។
(លោកគ្រូ សាន សុជា)🙏

______________________________________________
#ពន្លឺព្រះធម៌
#អត្ថបទជីវិត
#អប់រំចិត្ត
#គិតវិជ្ជមាន

នៅពេលដែលយើងព្រមឲ្យអ្វីគ្រប់យ៉ាងនៅជុំវិញខ្លួនយើងកើតឡើងទៅតាមដំណើរធម្មជាតិរបស់វា ពេលនោះចិត្តរបស់យើងនិងបានធូរមួយកំរិត !

ប៉ុន្ដែបើយើងមិនព្រម ចេះតែចង់ឲ្យវាយ៉ាងនេះឲ្យវាយ៉ាងនោះតាមចិត្តរបស់យើង ខ្លួនឯងនេះហើយនិងកាន់តែតានតឹងឡើងៗមិនខាន !

ព្រះពុទ្ធសម្ដែងថា ធម្មជាតិណាកើតជាធម្មតា ធម្មជាតិនោះក៏រលត់ទៅវិញជាធម្មតា🙏 !

------------------------------------------------------------------------
#ពន្លឺព្រះធម៌
#អត្ថបទជីវិត
#អប់រំចិត្ត
#គិតវិជ្ជមាន

»មានច្បាប់សាមញ្ញ៣នៃជីវិត
១.បើអ្នកមិនធ្វើតាមអ្វីដែលអ្នកចង់បានទេ អ្នកនឹងមិនបានវាទេ ។
២.បើអ្នកមិនសួរទេ ចម្លើយក៏មិនមានដែរ ។
៣.បើអ្នកមិនបោះជំហ៊ានទៅមុខទេ អ្នកមិនអាចសូម្បីតែនៅកន្លែងដដែល ។
--------------------------------------------------------------------
#អត្ថបទជីវិត
#គិតវិជ្ជមាន
#អប់រំចិត្ត
#ហ៊ុនវាសនា