leakhena Pichy P-White

👉🏻បើសិនជាថ្ងៃណាមួយអ្នកមានលុយ
1. កុំប្រាប់អ្នកណាទាំងអស់ 🤫
មិនថាអ្នកផ្ទះ អ្នកជិតខាង មិត្តភក្តិ ឬ កូនៗរបស់អ្នកទេ កុំទាន់អាលប្រាប់អ្នកណាទាំងអស់ថាអ្នកមានលុយ

2. ដាក់ខ្លួន កុំបង្ហាញ 🙏
មិនមែនគ្រប់គ្នាសុទ្ធតែចង់ឃើញអ្នកមានបានទេ អ្នកខ្លះច្រណែន អ្នកខ្លះមានបំណងមិនល្អ អួតបង្ហាញមានតែនាំទុក្ខដាក់ខ្លួនប៉ុណ្ណោះ

3. កុំទាន់អាលឈប់ពីការងារ 📚
រក្សាជីវិតរបស់អ្នកនៅដដែល ធ្វើចិត្តឱ្យស្ងប់ កុំទាន់អាលឈប់ពីការងារ ក៏កុំទាន់អាលវិនិយោគ ឬ ចាប់ផ្តើមអាជីវកម្មថ្មី

4. យកលុយទៅដាក់ធនាគារ 💰
ដកប្រាក់មួយផ្នែកទៅដាក់ធនាគារ ដើម្បីរក្សាសុវត្ថិភាព និងមានប្រាក់បម្រុងសម្រាប់រស់នៅរយៈពេល 18ខែ បើអ្នកគ្មានការងារក៏នៅតែអាចរក្សាជីវភាពបានដែរ

5. ធ្វើគម្រោងទៅថ្ងៃអនាគត ✍️
លុយដែលចូលមកហើយត្រូវរក្សាឱ្យគង់ រៀបចំចាត់ចែងវាឱ្យបានល្អ មានផែនការចំណាយត្រឹមត្រូវ

6. កុំឱ្យគេខ្ចី ❌
លុយ និងមនោសញ្ចេតនាមិនត្រូវធាតុគ្នាទេ ពេលខ្លះរាប់អានគ្នាសុខៗ ពេលឱ្យលុយគេខ្ចី អាចបាត់ទាំងលុយ បាត់ទាំងមិត្តភាព

7. កុំរងគ្រោះដោយសារលុយ 🛑
ទ្រព្យដែលអ្នកមានមិនប្រាកដថាបានមកដោយសារសមត្ថភាពយើងទាំងស្រុងទេ វាអាចបានមកដោយសារសំណាង ដោយសារលាភ និងឱកាសដែលហុចឱ្យយើង កុំយកវាទៅលេងល្បែង ធ្វើរឿងដែលនាំទុក្ខដល់ខ្លួនឱ្យសោះ។

-WERead
#សៀវភៅសន្សំលុយ #ចាប់ផ្តើមសន្សំថ្ងៃនេះ #កំប៉ុងសន្សំលុយ #សន្សំសំចៃថវិកា #ហិរញ្ញវត្ថុ ゚viralシfypシ゚viralシ

"សុវត្ថិភាពមួយរបស់យុវវ័យ ត្រូវចេះសន្សំលុយខ្លះ "

មនុស្សវ័យក្មេងជាច្រើន ងាយនឹងធ្លាក់ក្នុងអន្ទាក់ ដ៏គ្រោះថ្នាក់មួយ គឺរកលុយបានច្រើននៅពេលបច្ចុប្បន្ន ប៉ុន្តែបែរជាភ្លេចនូវ សារៈសំខាន់នៃការសន្សំ ទៅវិញ។

នៅពេលដែលទើបតែឈានជើងចូលសង្គមការងារថ្មីៗ ចំណូលក៏កើនឡើងខ្ពស់ជាងមុន ធ្វើឲ្យពួកគេចាប់ផ្តើមស្វែងរកភាពរីករាយតាមរយៈការចំណាយដោយមិនដឹងខ្លួន។

_ទូរស័ព្ទត្រូវតែម៉ូដែលចុងក្រោយបង្អស់

_សម្លៀកបំពាក់ត្រូវតែយីហោល្បី

_មិនដែលបដិសេធរាល់ការណាត់ជួបញ៉ាំអាហារ ឬកម្សាន្តឡើយ

_ថែមទាំងគិតថាការបង់រំលស់គឺជារឿងងាយស្រួលទៀតផង។

ប៉ុន្តែការពិតគឺថា លុយដែលរកបានលឿន វានឹងអស់លឿនដូចគ្នា។

នៅពេលដែលអ្នកមិនបានបង្កើត ទម្លាប់សន្សំ ទុកទេ! នៅពេលការងារមានការប្រែប្រួល សុខភាពមានបញ្ហា ឬគ្រួសារមានភាពអាសន្នភ្លាមៗ ទើបដឹងថាខ្លួនឯងពិតជាគ្មានអ្វីសោះ។ ភាពរឹងមាំពិតប្រាកដ មិនមែនស្ថិតនៅលើចំនួនដែលអ្នករកបាននៅពេលនេះទេ! តែស្ថិតនៅលើចំនួនដែលអ្នកបាន សន្សំ និងបានរក្សាទុក។

ទ្រព្យសម្បត្តិមិនមែនមើលលើតួលេខប្រាក់ខែថ្ងៃនេះទេ! តែមើលលើថាតើអ្នកមាន កញ្ចប់ទ្រនាប់គ្រប់គ្រាន់សម្រាប់អនាគត ដែរឬទេ? តើអ្នកអាចឈរជើងបាននឹងនរក្នុងព្យុះសង្ឃរាបានទេ? រកលុយគ្រាន់តែជាជំហានដំបូងប៉ុណ្ណោះ រៀនសន្សំលុយទៅវិញទេគឺជាសុវត្ថិភាពធំបំផុតរបស់យុវវ័យ។

"ចាប់ផ្តើមពីជំហានតូចៗ ដើម្បីកសាងទម្លាប់ល្អ"

ប្រសិនបើអ្នកគិតថាខ្លួនឯងមិនសល់លុយទេ! សូមកុំបាក់ទឹកចិត្តអី។ អ្វីៗអាចចាប់ផ្តើមពីតូចបានតើស!៖

1. ចាប់ផ្តើមសន្សំ ៥ ដុល្លារសិន នៅដើមខែនេះភ្លាមៗ។
2. បើនៅរស់បានធម្មតា ខែក្រោយសាក បង្កើនវាឡើងដល់ ១០ ដុល្លារ។
3. មួយមួយរយៈក្រោយមក ស៊ាំហើយ ចាប់ផ្តើមបង្កើនតម្លៃទៅ ២០ឬ៣០ ដុល្លារ។

យូរៗទៅ យើងនឹងបង្កើតបាននូវ ទម្លាប់សន្សំ ដ៏មានប្រសិទ្ធភាព យើងនឹងសល់លុយ ហើយយល់ច្បាស់ពី តម្លៃពិតរបស់ប្រាក់។ នៅពេលឃើញលុយសល់នៅក្នុងគណនីធនាគារ យើងនឹងមានអារម្មណ៍សប្បាយចិត្ត និងកាន់តែចង់សន្សំថែមទៀត។

ដើម្បីសន្សំបាន យើងត្រូវតែ ធ្វើរឿងមួយចំនួន៖

_កាត់បន្ថយការផឹកគ្រឿងស្រវឹង និងភេសជ្ជៈផ្អែមៗឲ្យបានច្រើនបំផុត។

_កាត់បន្ថយការញ៉ាំអាហារក្រៅផ្ទះសាកមើល!។

_មួយទៀត បញ្ឈប់ការទិញរបស់ដែលមិនចាំបាច់ឲ្យបានច្រើនបំផុត។

_នៅពេលទំនេរ អាចយកពេលកម្សាន្តដែលមិនអស់លុយ ដូចជា អានសៀវភៅ សរសេរ ឬដើរហាត់ប្រាណ ជាដើម។

ចាំ! ជីវិតយើងនេះ សល់លុយ សប្បាយចិត្ត សុខភាពល្អ ជាខ្សែសង្វាក់នៃទម្លាប់ល្អ ដែលមនុស្សគ្រប់រូប ជាពិសេសយុវវ័យ គួរតែបណ្តុះបណ្តាលឲ្យបានរឹងមាំ។

Ⓒ រក្សាសិទ្ធដោយ #ផ្នត់គំនិត

💰រឿង "លុយ"​ មនុស្សភាគច្រើនគិតថា​ លុយជារឿងដែលគួរឲ្យ​ស្មុគស្មាញ​ ប៉ុន្តែតាមពិតទៅការគ្រប់គ្រងលុយគឺជាជំនាញដ៏សំខាន់បំផុតមួយក្នុងជីវិត។ បើអ្នកធ្វេសប្រហែសរឿងលុយកាក់ អ្នកអាចជួបបញ្ហាជាច្រើនដែលធ្វើឲ្យជីវិតអ្នកលំបាក។

កុំបណ្តោយឲ្យខ្លួនឯងស្ថិតក្នុងស្ថានភាពនោះ។ សូមចាប់ផ្តើមរៀនពីរបៀបគ្រប់គ្រងលុយកាក់ពីថ្ងៃនេះតទៅ។​ ឧទាហរណ៍ជាក់ស្តែង៖
📍 បុគ្គលិកក្រុមហ៊ុនម្នាក់ដែលមានប្រាក់ខែ ៨០០$ បានអនុវត្តគំនិត "Pay Yourself First" ដោយដកលុយ ១០% (៨០$) ពីប្រាក់ខែរាល់ខែដើម្បីសន្សំទុក។ លុយដែលនៅសល់ ៧២០$ គាត់យកទៅចាយវាយលើការរស់នៅប្រចាំថ្ងៃ។ នៅពេលដែលគាត់មានលុយសន្សំគ្រប់គ្រាន់ គាត់បានយកទៅវិនិយោគលើអាជីវកម្មតូចមួយ។

ដោយសារវិន័យនេះ ក្នុងរយៈពេលប៉ុន្មានឆ្នាំក្រោយមក គាត់អាចមានលុយសន្សំ និងប្រភពចំណូលបន្ថែមពីអាជីវកម្មរបស់គាត់។ គាត់លែងមានការបារម្ភពីរឿងលុយកាក់ទៀតហើយ ហើយអាចរស់នៅដោយមានសេរីភាព។

❌គុណវិបត្តិ​នៃការ​ធ្វេសប្រហែស​រឿង​ហិរញ្ញវត្ថុ​!
អ្នកនឹងមានជីវិតដែលគ្មានសេរីភាព៖
ពេលដែលអ្នកមានលុយ អ្នកមានជម្រើស អ្នកអាចសម្រេចចិត្តចង់ទៅណា ឬចង់ធ្វើអ្វីបានដោយសេរ​ តែពេលអត់លុយ អ្នកនឹងជាប់គាំង ហើយត្រូវតែធ្វើតាមអ្វីដែលស្ថានភាពបង្ខំ។

អ្នកនឹងបាត់បង់ឱកាស៖
ឱកាសល្អៗក្នុងជីវិតដូចជា ការបន្តការសិក្សា ឬការចាប់ផ្តើមអាជីវកម្ម តែងតែទាមទារលុយ។ បើអ្នកធ្វេសប្រហែសរឿងលុយ អ្នកនឹងបាត់បង់ឱកាសទាំងនោះ។

អ្នកនឹងមានបញ្ហាក្នុងទំនាក់ទំនង៖
បញ្ហាលុយកាក់ គឺជាមូលហេតុចម្បងនៃជម្លោះក្នុងគ្រួសារ ឬទំនាក់ទំនង។

ដូច្នេះ​ហើយ​ការគ្រប់គ្រងលុយកាក់មិនមែនជារឿងដែលត្រូវធ្វើនៅពេលមានបញ្ហានោះទេ តែវាជារឿងដែលយើងត្រូវធ្វើ រាល់ថ្ងៃ។

💬 សូមជួយ Like, Follow និង Share ជា​សាធារណៈ​ ដើម្បីចែក​រំលែក​ចំណេះដឹង​ ហិរញ្ញវត្ថុ​ដល់បងប្អូន​កម្ពុជា​ទាំងអស់​គ្នា​!
📌 បេីអ្នកមានចម្ងល់ ឬចង់ពិភាក្សាពីរឿងហិរញ្ញវត្ថុ អាចសួរតាមខមមិន ឬប្រអប់សារមកកាន់ផេកបានគ្រប់ពេលណា! ពួកយើងរីករាយជួយអ្នក! 🙌🏻

❕ពួកយើងអានរាល់មតិយោបល់របស់បងប្អូនជានិច្ច ចូលរួមចែករំលែកគំនិត និងបទពិសោធន៍របស់បងប្អូននៅក្នុង Comment រាល់ការចូលរួមសុទ្ធតែជាកម្លាំងជម្រុញទឹកចិត្តដ៏សំខាន់ដែលធ្វើឲ្យពួកយើងមានកម្លាំងចិត្តបន្តបង្កើតមាតិកាល្អៗជាច្រើនទៀត។

#ចំណេះដឹងទូទៅ #កម្ពុជា #ហិរញ្ញវត្ថុ​

🌿ផុតភ្ជុំហើយ បាំងតែប៉ុន្មានខែទៀត ដាច់ឆ្នាំហើយ បើមិនទាន់មានអ្វីជាប់ខ្លួនទេ ដាច់ខាតគួរតែដាក់កំហិតខ្លួនឯងបន្តិច ព្រោះថាពេលវេលារបស់យើងគឺមានតំលៃណាស់ គ្មានមហាសេដ្ឋីណាគេទិញពេលវេលាបានទេ ក្នុងនាមជាកូនខ្មែរក្នុងសម័យនេះ ក៏ត្រូវតែជួយគ្នាក្នុងការចូលរូមអភិវឌ្ឍន និងអភិរក្សដល់អ្នកជំនាន់ក្រោយដូចគ្នា។

👉ផ្លាស់ប្តូរការគិត បង្កើតទម្លាប់ល្អ អប់រំគំនិត និងបើកចិត្ត ជីវិតអ្នកនិងមានភាពល្អប្រសើរឡើង។​

#សង្គមថ្មី #សង្គមសុីវិល័យ​ #ទ្រនំសុភមង្គល
#អប់រំចិត្ត #អប់រំគំនិត #បើកចិត្ត

ដកសន្សំតិចឬច្រើនឲ្យតែបានសន្សំនៅខ្លួន❤️

💰💸 ចាយលុយម៉េចកុំឱ្យស្តាយក្រោយ៖
1- រៀបចំផែនការចំណូល និងផែនការចំណាយ៖
គួរដឹងថាក្នុងខែនីមួយៗមានចំណូលសរុបចំនួនប៉ុន្មាន ហើយចំណាយលើអ្វីខ្លះ ដោយអាចបែងចែកចំណាយ 3 ដូចជា ចំណាយចាំបាច់ ចំណាយមិនចាំបាច់ និងការសន្សំ ឬការវិនិយោគ។ បញ្ជាក់៖ លុយសន្សំត្រូវតែមាន!

2- ប្រើវិធី “24-Hour Rule”៖
ពេលចង់ទិញអ្វីមួយ ពិសេសរបស់ថ្លៃៗ សូមរង់ចាំរយៈពេល 24 ម៉ោង សិនចាំសម្រេចចិត្តទិញ ហើយគួរផ្តល់អាទិភាពលើអ្វីដែលមានតម្លៃពិតប្រាកដ ព្រោះពេលខ្លះអ្វីដែលចង់ទិញមិនប្រាកដថាជាតម្រូវការនោះទេ អាចថាគ្រាន់តែអារម្មណ៍មួយឆាវ។

3- ចំណាយលើអ្វីដែលបង្កើនគុណភាពជីវិត៖
ការចំណាយលើការសិក្សា ចំណេះដឹង និងសុខភាព អាចថាជាការចំណាយមួយដែលអ្នកនឹងមិនស្តាយក្រោយដែលធ្វើវានោះទេ។

4- សន្សំមុន ចំណាយតាមក្រោយ៖
ការសន្សំលុយជារឿងមួយដែលគ្រប់គ្នាគួរតែមាន ហើយវាក៏ជារឿងមួយដែលអ្នកធ្វើហើយនឹងមិនស្តាយក្រោយដែរ។ សន្សំតិចតួចតាមលទ្ធភាព កុំបង្ខំខ្លួនឯងពេក ពេលមានចំណូលច្រើនចាំបង្កើនលុយសន្សំ។ លុយចូលភ្លាមដកសន្សំ 10% 20% ឬ 30% មុន ចាំចំណាយតាមក្រោយ។

5- កុំយកបំណុលមកចំណាយ បើមិនចាំបាច់៖ បើមិនចង់ស្តាយក្រោយ កុំយកបំណុលអាក្រក់ដាក់ខ្លួន ហើយកុំខ្ចីបើមិនមានគោលដៅច្បាស់លាស់៕

ប្រភព : FB 🍀🍀

ចំណូលតិចចាត់ចែងម៉េចឱ្យសល់សន្សំ?
[ចំណូលតិចមិនមែនជាបញ្ហា បើចេះចាត់ចែង]

2- បែងចែកឱ្យដាច់ កុងមួយណាសម្រាប់ចំណាយ មួយណាសម្រាប់សន្សំ៖ កុំដាក់លុយសន្សំចូលលាយឡំនឹងកុងចំណាយប្រចាំថ្ងៃការពារកុំឱ្យភ្លេចខ្លួនយកលុយសន្សំទៅប្រើ។ សម្រាប់ការបែងចែកកុងធនាគារ អាចសាកប្រើកុង ABA បាន គេមានមុខងារតាមដានចំណាយ។
គួរធ្វើ៖
> កុងចំណាយចាំបាច់៖ ចំណាយទាំងនោះអាចជា ម្ហូបអាហារ បង់ផ្ទះ ធនាគារ ស៊ាំង ថ្លៃទឹកភ្លើង...។ គួធ្វើតារាងសរុបទៅថាមួយខែៗចាយអស់ប៉ុន្មាន បើលុយចូលភ្លាមបាញ់ចូលកុងនោះឱ្យគ្រប់ចំនួន។
> កុងសន្សំ៖ សម្រាប់អ្នកមិនដែលសន្សំពីមុន គួរតែសន្សំសម្រាប់ចំណាយបន្ទាន់មុនគេ ហើយដាក់សន្សំក្នុងកុងដែលអាចដកចាយបានគ្រប់ពេល កុំដាក់សន្សំជាមួយគណនីមានកាលកំណត់។
> កុងចំណង់៖ បើចាត់ចែងអស់ហើយទាំងសន្សំ ទាំងចំណាយចាំបាច់ លុយក្នុងកុងនេះចង់ចាយអីចាយទៅ តែហាមដាច់ខាតយកលុយសន្សំ និងចំណាយចាំបាច់មកចាយផ្តេសផ្តាស។

Credit Facebook

🙏🙏

[ ក្បួនសន្សំលុយឱ្យបាន 10,000$ ក្នុងរយៈពេល 5ឆ្នាំ] 💰💰
សន្សំតែ 5ឆ្នាំ វាអត់យូរទេ ហើយបើនៅសុខៗ ចាយវាយមិនសន្សំ ទោះ10ឆ្នាំ 20ឆ្នាំ ក៏មិនសល់អ្វីដែរ។
1. ចាប់ផ្តើមដោយការកំណត់គោលដៅច្បាស់លាស់ (សន្សំធ្វីអី?)។ ឧ: 10,000$/5ឆ្នាំ= 2,000$ លុយសន្សំ/ឆ្នាំ តែបើគិតជាខែយើងសន្សំតែ 2,000$/12ខែ=166$/ខែ (បើអ្នកប្រាក់ខែ 500$ អាចថាសន្សំប្រហែលតែ 30% នៃប្រាក់ខែក្នុងមួយខែទេ)។ នៅពេលគោលដៅច្បាស់លាស់ ហើយបែងចែកចំនួនសន្សំប្រចាំខែចឹងទៅយើងនឹងមានកម្លាំងចិត្តសន្សំ។
2. គ្រប់កាក់ គ្រប់សេន ចេញចូលត្រូវដឹង៖ ចំណូលមិនសូវជាបញ្ហាប៉ុន្មានទេសម្រាប់អ្នកដែលចូលថេរ តែបើអ្នកចំណូលមិនថេរ គឺគួរតែកត់ត្រាឱ្យបានច្បាស់លាស់។ ទាំងចំណូលនិងចំណាយប្រចាំថ្ងៃត្រូវកត់ទុក ទោះបីចំណាយបន្តិចបន្តួចក៏ដោយ ដូចជាថ្លៃកាហ្វេ ម្ហូបអាហារ ទិញអនឡាញ សម្ភារៈប្រើប្រាស់។ ហើយចាំបាច់ត្រូវកាត់បន្ថយចំណាយមិនចាំបាច់បើលុយសន្សំមិនគ្រប់ 166$/ខែ (កុំកាត់បន្ថយលុយសន្សំមកបង្គ្រប់ចំណាយ បើចង់សន្សំបានជោគជ័យ លុយសន្សំគឺលុយសម្រាប់សន្សំកុំប៉ះពាល់វា)។
3. ចាំបាច់ត្រូវដកសន្សំមុនចំណាយ៖ ពេលបើកប្រាក់ខែ ឬរកចំណូលបានចាំបាច់ត្រូវដក 166$ ចូលកុងសន្សំ ឬញាត់កូនជ្រូកភ្លាមៗ បើមិនអ៊ីចឹងទេគ្មានថ្ងៃនឹងអាចសន្សំបានទេ។ ហើយហាមដាច់ខាត យកលុយសន្សំនោះទៅចាយលាយឡំជាមួយចំណាយផ្សេងៗទៀត។ សម្រាប់អ្នកមិនដែលចាប់ផ្តើមសន្សំពីមុនមក អាចចាប់ផ្តើមដោយការសន្សំងាយៗដូចជាញាត់កូនជ្រូក ទិញប្រអប់សន្សំលុយ ឬអាចបើកកុងសន្សំជាមួយធនាគារដែលបានការប្រាក់ខ្ពស់។
4. រកវិធីបង្កើនចំណូល៖ បើចំណូលរាល់ថ្ងៃទប់ចំណាយចាំបាច់មិនគ្រប់វាពិបាកនឹងសន្សំណាស់ (បែងចែកឱ្យដាច់អ្វីជាចំណង់ អ្វីជាចំណាយចាំបាច់) អ៊ីចឹងហើយអ្វីដែលយើងអាចធ្វើបានគឺព្យាយាមរកចំណូលបន្ថែម និយាយទៅធ្វើអ្វីក៏បានឱ្យតែបានចំណូល។ ការងារមានច្រើនដូចជា លក់ឥវ៉ាន់អនឡាញ ទទួលការងារក្រៅម៉ោង បើនៅផ្ទះមានសម្ភារៈឬឥវ៉ាន់មិនប្រើដូចជា ខោអាវ តុ ទូ អាចដាក់លក់ឡៃឡុងបានដើម្បីមានចំណូល។
5.ដើរជាមួយអ្នកដែលយកចិត្តទុកដាក់រឿងលុយកាស ហើយចៀសវាងដើរជាមួយអ្នកចាយធំ ដើរលេងចាយវាយច្រើន ព្រោះថាសង្គម និងបរិយាកាសដែលយើងរស់នៅដើរជាមួយរាល់ថ្ងៃអាចជះឥទ្ធិពលដល់យើង (ទាំងល្អនិងអាក្រក់) បើយើងនៅក្នុងចំណោមអ្នកគិតគូររឿងលុយ ចាយវាយសន្សំសំចៃ វានឹងធ្វើឱ្យយើងចេះគិតគូរដូចគេ តែបើយើងដើរជាមួយអ្នកចាយធំ មិនយូរទេយើងនឹងរងឥទ្ធិពលពីគេ។
💸💸 ខ្លីៗ៖ បើចង់សន្សំលុយ 10,000$ ក្នុងរយៈពេល 5 ឆ្នាំឱ្យជោគជ័យត្រូវមាន 1/. វិន័យ (សន្សំឱ្យបានទៀងទាត់ កំណត់ចំនួនសន្សំហើយត្រូវតែធ្វើវា), 2/. មានគោលដៅសន្សំច្បាស់លាស់ និងអាចទៅរួចមិនតូចពេក មិនធំពេក 3/. ការតាំងចិត្ត បើតាំងចិត្តថានឹងសន្សំលុយឱ្យបាន 10,000$ ត្រូវធ្វើវាឱ្យបាន 4/. ការអត់ធ្មត់ (ស៊ូចាយវាយសន្សំសំចៃបន្តិច កាត់បន្ថយភាពហ៊ឺហារ និងមិនចាយលើរបស់មិនចាំបាច់) 5/. ចាប់ផ្តើមសន្សំថ្ងៃនេះទៅ កុំរងចាំទាល់តែមានចំណូលច្រើន ចាំអស់បំណុល ។ល។ ថ្ងៃមួយយើងនឹងសម្រេចវាបាន។
Credit លុយខ្ញុំ
Credit