Queen Beauty

ម៉ាក់ជាច្រើនចង់បំបៅកូនដោយទឹកដោះ ព្រោះឃើញគេបូមទឹកដោះដាក់ដបអោយកូនមឹមឡើងស្រួល ហើយចំនេញលុយកាកដោយអត់ចាំបាច់ទិញទឹកដោះគោអោយកូន ខ្ញុំលឺចឹងហើយចង់ហិតប្រេងកូឡារកខ្យល់ចាប់ ការបូមទឹកដោះវាមិនងាយស្រួលដូចការគិតទេ ទាមទាការអត់ធ្មត់តស៑ូណាស់ មិនមែនឃើញគេបូម បូមដែរទេ មិនបានងាយៗទេ អត់ធ្មត់ទាំងផ្លូវកាយ ផ្លូវចិត្ត តស៑ូបូមអោយទៀងម៉ោងទៀងពេល មួយថ្ងៃបូម4-12ដងក្នុង១ថ្ងៃ បូមម្តងយ៉ាងតិច30-60នាទី ទៅធ្វើការវិចម៉ាសុីនបូម ដបទឹកដោះតាមខ្លួន នៅផ្ទះមិនសូវបានស្លៀកពាក់ស្អាតបាតទេ មួយថ្ងៃលាងម៉ាសុីនបូមមិនក្រោម3ដងទេ ខ្លះលាងដល់ចង់10ដងក៏មាន ត្រូវរក្សាអនាម័យខ្ពស់ ហើយងើបបូមយប់ទៀត នៅមានចំនីអាហារបូមចុក ទឹក វិតាមីន អាហារសម្រន់ផ្សេងដើម្បីថែទាំនិងបំប៉នសុខភាព.... ចឹងមុនសម្រេចចិត្តបូមទឹកដោះត្រូវចំបាច់រៀនស្វែងយល់អោយច្បាស់សិន រៀនត្រៀមចិត្តត្រៀមកាយអោយហើយសិន វាពិបាកតែដំបូងទេ យូទៅយើងនៅស្ទាត់លែងសូវពិបាកហើយ ហើយពេលម៉ាក់មានចំងល់ត្រូវរកអ្នកពិភាក្សារ ដោះស្រាយ លើកទឹកចិត្តគ្នាទៅវិញទៅមក ហើយចំងល់របស់ម៉ាក់ទាំងអស់ខ្ញុំនឹងព្យាយាមឆ្លើយតបនិងពន្យល់អោយអស់ពីសមត្ថភាព។ សរុបមកវិញ ចំនុចដែលពិបាកខាងលើក មានម៉ាក់ច្រើនអាចឆ្លងកាត់បាន រួមទាំងខ្ញុំ វាពិបាកមែន តែយើងនៅតែអាចឆ្លងកាត់រួចបាន បើម៉ាក់សម្រេចចិត្តបូមទឹកដោះអោយកូនហើយ ម៉ាក់ត្រូវតស៑ូ មូសមុត ទៅមុខ កុំរាថយ ខ្ញុំជូនពរអោយម៉ាក់ទាំងអស់គ្នាមានទឹកចិត្តរឹងមាំ និងបូមទឹកដោះបានជោគជ័យទាំងអស់គ្នា។ អរគុណ❤️

វិធីធ្វើទឹកត្រយ៉ូងចេក សំរាប់ជំនួយអោយសំបូរទឹកដោះ និងបាយឆ្ងាញ់ :
យកត្រយ៉ូងចេក១, ពុទ្រាក្រហម តាមចំណូលចិត្ត, ស្ករក្រាមតាមចំណូលចិត្ត, អំបិលកន្លះស្លាព្រាកាហ្វេ និងដាក់ទឹក4-5លីត្រ យកគ្រឿងទាំងអស់ដាក់ចូលគ្នារំងាស់ភ្លើងតិចៗ2-3ម៉ោង(ហាមបើកភ្លើងខ្លាំង មិនចឹងរីងទឹកហើយល្អក់ អត់ចេញជាតិល្អទេ) ពេលរំងាស់រួចរាល់ទឹកនឹងឡើងចាស់ល្អដូចក្នុងរូប ដាក់ក្លាសេសត្រជាក់ៗទុកបាន3-4ថ្ងៃ។
បញ្ជាក់ : ត្រយ៉ូងចេកអាចស្រុះចេញ១ទឹកដើម្បីកុំអោយមាមជ័រពេក។

អត់ស្រួលខ្លួនប៉ុន្មានថ្ងៃថយទឹកដោះ60-70% ទាក់តែ២មុខនេះជួយទើបកើនទឹកដោះមកវិញ មិនចឹងទេដោះអត់ឡើងបូមបានតែ10-12លេខ មិនលេងសើចទេ ខំណាស់

កំពុងហុតស៑ុបក្រលានជ្រូកក្តៅៗនឹកឃើញបងប្អូនក្នុងគ្រុប ចេះតែសួរថាធ្វើម៉េចសំបូរទឹកដោះ? ខ្ញុំពិបាកឆ្លើយណាស់ តែនេះជាចំនែកមួយនៃចំលើយរបស់ខ្ញុំ គឺខ្ញុំឧស្សាហ៍ហុតស៑ុបទាំងចានៗបែបនេះសឹងរាល់ថ្ងៃ ឬសម្លរទឹកៗ។ នេះហៅថាស៑ុបក្រលានជ្រូក ប៉ូវណាស់សំរាប់អ្នកម្តាយកូនខ្ចី ជួយអោយក្តៅសរសៃល្អ ព្រោះស៑ុបនេះត្រូវដាក់ទាំងម្រេចគ្រាប់ និងម្រេចម៉ត់ច្រើន ហើយថែមខ្ញីទៀត តែខ្ញុំភ្លេចដាក់ខ្ញីបាត់ហើយ😂 រំងាស់ចោលដោយភ្លើងតិចៗ2ម៉ោង អូ! និយាយពីថាជាតិៗ ម្យ៉ាងម្នាក់ពីស៑ុបខួរជ្រូកដែរ សំខាន់ជួយអោយម៉ាក់សរសៃខ្ចី មិនងាយឈឺចង្កេះឈឺខ្នងទេ💪👍

មកដល់ពេលនេះកូនខ្ញុំមានអាយុ 6ខែហើយ គាត់មឹមទឹកដោះបង្កកសុទ្ធរាល់ថ្ងៃ ពីដំបូងក៏គាត់មិនព្រមមឹមដែរ តែយើងត្រូវលាយទឹកដោះបង្កកបន្តិចបន្តួចជាមួយទឹកដោះថ្មី ដើម្បីផ្សំគាត់ យូរៗទៅលួចបង្កើនទឹកដោះបង្កកច្រើនឡើងៗបន្ថយទឹកដោះថ្មីម្តងបន្តិចៗ បង្កើនទឹកដោះបង្កក ហើយបន្ថយទឹកដោះថ្មី រហូតដល់ដាក់ទឹកដោះបង្កកសុទ្ធ។ ធ្វើបែបនេះការពាររឿងចោលទឹកដោះបង្កកទាំងទូរៗណាម៉ាក់។
👉បញ្ជាក់ : ទឹកដោះទាំង២ត្រូវមានសីតុណ្ហភាពត្រជាក់ប្រហាក់ប្រហែលគ្នា។
👉បញ្ជាក់ : ទឹកដោះបង្កក ក្រោយរំលាយហើយអាចទុកក្នុងទូរក្លាសេត្រជាក់បាន24ម៉ោង។

ទឹកដោះបូមថ្មីៗ និងទឹកដោះយកចេញពីទូកក្លាសេស ទុកក្រៅបាន3-4ម៉ោង(ទុកក្នុងបន្ទប់មានសីតុណ្ហភាពក្រោម26c°)
🍼🔥តែបើកម្តៅរួចទុកបានត្រឹមតែ2ម៉ោងប៉ុណ្ណោះ(កូនមិនទាន់មឹម) បើកូនមឹមសល់ទុកបានតែ1ម៉ោងតែប៉ុណ្ណោះ ព្រោះទឹកដោះនោះប្រលាក់ទឹកមាត់កូនរួចហើយ វាងាយនឹងឆ្លងមេរោគណាស់ ប្រយ័ត្នកូនឈឺពោះដោយមិនដឹងមូលហេតុណាម៉ាក់។

កូនងើបមឹមយប់ តើគួរប្រើវិធីបែបណាទើបកម្តៅទឹកដោះអោយកូនមឹមបានឆាប់រហ័ស?
សំរាប់ខ្ញុំ ខ្ញុំយកទឹកដោះដែលត្រៀមអោយកូនមឹមដាក់ក្លាសេក្នុងទូរទឹកកកអោយត្រជាក់ ទើបយកធុងទឹកកកតូចល្មម ឬកាបូបក្លាសេតូចល្មមអាចដាក់ដុំជែលទឹកកក2ដុំបាន យកទឹកដោះដែលត្រៀមអោយកូនមឹម១យប់មកដាក់ក្លាសេក្នុងនោះ រួចហើយដក១ដបទុកចេញក្រៅ(ដបដែលត្រូវកូនមឹមម៉ោងបន្ទាប់)ពេលកូនងើបយកទឹកដោះនៅក្រៅនោះដាក់កម្តៅតែបន្តិចគឺបានកូនមឹមហើយ ឬមិនចាំបាច់កម្តៅក៏បាន។ ក្រោយកូនមឹមចប់ ខ្ញុំយក១ដបទៀតដាក់ចេញមកក្រៅបន្តទៀត ដើម្បីត្រៀមអោយកូនមឹមម៉ោងបន្ទាប់។ ចុះម៉ាក់ៗវិញត្រៀមទឹកដោះអោយកូនមឹមពេលយប់យ៉ាងណាដែរ? ខំមិនចែកគ្នាដឹងផង👇👇អរគុណ!
បញ្ជាក់: ទឹកដោះក្លាសេត្រជាក់ទុកក្នុងបន្ទប់បាន 2-4ម៉ោង

ព្រឹកនេះបានតែប៉ុណ្ណឹងទេ ព្រោះថាប៉ុន្មានថ្ងៃនេះកូនពៅខ្ញុំចេះចំណាប់ណាស់ កូរថ្ងៃមិនគ្រប់យប់កូរបន្ថែម ម៉ែដើរចង់ដួលហើយ ម៉ោង8ព្រឹកមិនទាន់គាត់សម្រាកលក់ធ្វើមិនដឹង យើងនេះបន្តការងារផ្ទះទៀត😂 សប្បាយអរមាំណាស់ខ្ញុំរាល់ថ្ងៃនេះ បើថ្ងៃណាបាត់ខ្ញុំមិនឃើញផុសថ្ងៃនឹងជាថ្ងៃលោកកូនកូរហើយ😂😂

ម៉ាក់គ្រប់គ្នាតែងឃើញខ្ញុំផុសលើកទឹកចិត្តអំពីការបូមទឹកដោះរហូត តែមិនមែនបានន័យថាមានតែអ្នកម្តាយបំបៅដោះកូនទេទើបជាម្តាយអស្ចារ្យ។ អ្នកម្តាយគ្រប់គ្នាសុទ្ធតែអស្ចារ្យ សុទ្ធតែលះបង់ឈាមស្រស់សាច់ស្រស់ដើម្បីកូនៗ គ្រាន់តែថាកាលៈទេសៈពេលវេលា ម៉ាក់ខ្លះត្រូវបំពេញការងារ មុខរបររកសុីជួញដូរចិញ្ចឹមកូនៗ ខ្លះក៏ធ្វើការឆ្ងាយផ្ទះឆ្ងាយកូន ខ្លះក៏គាត់អត់មានទឹកដោះអោយកូនជាដើម តែទាំងអស់នេះក៏មិនមែនមានន័យថាគាត់ជាម្តាយមិនល្អដែរ ព្រោះថាគាត់ត្រូវរ៉ាប់រងបន្ទុក ការងារថែទាំគ្រួសារផ្សេងៗជាដើម។ សរុបមកម្តាយទាំងអស់សុទ្ធតែជាម្តាយអស្ចារ្យ មានព្រហ្មវិហាធម៌និងក្តីស្រលាញ់ចំពោះកូនគ្រប់ៗគ្នា❤️ ការស្រលាញ់ម្តាយមិនបានវាស់ដោយការអោយមឹមទឹកដោះ ឬមឹមទឹកដោះគោទេ ។

កត្តាជំរុញ២ធំៗសំរាប់ខ្ញុំ គឺ
1. ការញុាំអាហារ, ទឹក(3-5លីត្រ), វិតាមីនគ្រប់គ្រាន់ បើកាលណាម៉ាក់ញុាំមិនបានគ្រប់គ្រាន់នូវចំនុចណាមួយទឹកដោះនឹងមិនសូវមានចេញទេ ហើយក៏អាចថយទៅៗដែរ។ ម្តាយខ្ញុំជាពេទ្យឆ្មបកាលជំនាន់ពលពត ហើយពេលគាត់ឃើញខ្ញុំសំបូរទឹកដោះគាត់និយាយថា "រឿងអីមិនសម្បូរទឹកដោះ បើម៉ែវាសុីច្រើន សុីគ្មានតមអីផង សុីអីក៏ឆ្ងាញ់ៗ ទឹកដោះវាសម្បូរចឹងហើយ" ខ្ញុំលួចគិតក្នុងចិត្តថា ការសុីរបស់ខ្ញីពិតជាមានប្រយោជន៍មែន😂 ព្រោះខ្ញុំជាមនុស្សចូលចិត្តញុាំៗៗ។
2. ការជ្រើសរើស ម៉ាសុីនបូមអោយត្រូវ ខ្ញុំជឿថាម៉ាក់ដែលបូមទឹកដោះអោយកូនដំបូងៗអាចនឹងរើសម៉ាសុីនបូមខុស តែម៉ាក់គួរសាកសួរពត៌មានពីអ្នកប្រើប្រាស់ផ្ទាល់ៗ កុំទៅសួរអ្នកលក់ ព្រោះអ្នកលក់ប្រាកដជាឆ្លើយថារបស់គេលក់ល្អចេះចុះហើយ តែដើម្បីប្រាកដចិត្តថារបស់នោះល្អ ម៉ាក់ត្រូវសួរអ្នកធ្លាប់ប្រើ ធ្លាប់ឆ្លងកាត់មុន ទោះបីជាខ្ញុំជាអ្នកលក់មែនតែពីដំបូងខ្ញុំគ្មានបំណងនឹងលក់អីទេ ពោលខ្ជិលលក់តែម្តង តែខ្ញុំគ្រាន់តែចង់បង្ហាញពីការបូមទឹកដោះអោយត្រឹមត្រូវ ការរក្សាទុកទឹកដោះ និងរបៀបបូមទឹកដោះអោយបានជោគជ័យប៉ុណ្ណោះ តែដោយសារមានម៉ាក់ច្រើនសួរចង់បានម៉ាសុីនបូម ក៏សម្រេចចិត្តយកមកលក់ តែក៏មិនយកមកចំនួនច្រើនអីទេ គ្រាន់តែជួយសម្រួលដល់ម៉ាក់ដែរចង់បានម៉ាសុីនល្អ ទាំងគុណភាព ទាំងចង្វាក់បូមតែប៉ុណ្ណោះ ព្រោះថាម៉ាសុីនខ្ញុំក៏យកចូលមកថ្លៃ តែលក់អោយអោយម៉ាក់ៗធូរៗចំនេញតិចតួចគ្រាន់រួចថ្លៃកាតទូរស័ព្ទ ព្រោះសេដ្ឋកិច្ចលូវតឹងណាស់ កុំលក់ចាក់ករយកធ្វើមានអី ម្យ៉ាងរបស់ដែរខ្ញុំយកមកលក់ទាំងប៉ុន្មាន សុទ្ធតែរបស់ប្រើខ្លួនឯងទាំងអស់ ហើយបើខ្ញុំប្រើមិនល្អ ខ្ញុំសុខចិត្តអត់មានអីលក់😂 សូមអរគុណ😂
សំរាប់ម៉ាក់មានចំងល់អាចសាកសួរបាន មិនចាំបាច់ទិញទើបឆាតសួរទេ ខ្ញុំមិនចិត្តចង្អៀតប្រកាន់អ្វីទេ😂 ព្រោះមានម៉ាក់ផ្សេងៗឆាតសួរខ្ញុំច្រើនដែរ ខ្ញុំរីករាយនឹងឆ្លើយគ្រប់គ្នា។ សូមអរគុណ🙏

មិនមែនហូរហៀររាល់ថ្ងៃទេម៉ាក់អើយ ទោះបីជាដឹងថាខ្លួនត្រូវថែក្សាសុខភាពខ្លួនឯងដើម្បីបូមទឹកដោះអោយកូនមឹមក៏ដោយ តែបើហ៑ានតាសស្ត្រេស អត់ងងុយខ្លាំង ដឹងតែ👎👎 ចឹងម៉ាក់ៗគួររៀនស្រលាញ់ខ្លួនឯង និងថែក្សារសុខភាពផ្លូវកាយផ្លូវចិត្តអោយល្អ ដើម្បីកូនយើង🤱

Mommy in ដើមខែ vs ចុងខែ 😂😂