P&V onlineshop

ក្រសួង​សុខាភិបាល​ប្រកាសថា​ នារី​ឈ្មោះ​ ឆែម​ សុនីតា​ និង​ បុរស​ឈ្មោះ​តាំង​ សេវិនអាប់​គឺជា​ប្រភព​ដើម​ទីមួយនៃការ​ឆ្លង​ខូវិដ​ ក្នុងសហគមន៍។

ក្រសួង​អំពាវនាវ​ឱ្យ​អ្នកដែលជាប់ពាក់ព័ន្ធ​នឹងបុរស​ ស្ត្រី​ ទាំង​ពីរចា​ប់ពីថ្ងៃទី​១៤​ ខែតុលា​ ដល់​ថ្ងៃ​ទី​ ១៧​ ខែវិច្ឆិកា​ ត្រូវ​ទៅធ្វើ​តេស្ត​និង​ធ្វើ​ចត្តាឡីស័ក​ ។

ក្រសួង​បញ្ជាក់ថា​ បុរស​ ស្ត្រី​ ទាំង​ពី​រអាចឆ្លង​បន្ត​មកពីករណីនាំចូលពីក្រៅប្រទេស​ដែល​មិន​ដឹង​ប្រភព​ពិត​ប្រាកដ​នៅឡើយទេ​ ។

Supper hot

អ្នកធ្វើការនៅក្នុងហាងកាបូប Brand 5ឆ្នាំម្នាក់ ដាស់តឿនដល់ភរិយាទាំងអស់ សូមឲ្យរស់នៅប្រៀបដូចជាប្រពន្ធចុងដែរ

Wendy គឺជាមិត្តខ្ញុំម្នាក់ដែលធ្វើការនៅក្នុងហាងកាបូប Brandមួយ។ នាងចូលចិត្តអានអត្ថបទខ្ញុំណាស់ ហើយក៏បានរៀបរាប់រឿងរ៉ាវជាច្រើនឲ្យខ្ញុំស្តាប់។
ក្រោយបានទទួលការអនុញាតិពីនាងហើយ ខ្ញុំក៏បានចងក្រងអត្ថបទនេះឡើង។

មនុស្សស្រីស្រឡាញ់ខ្លួនឯង គឺជាប្រធានបទនិយាយរៀងរហូតទៅហើយ ប៉ុន្តែឲ្យស្រឡាញ់ខ្លួនឯងរហូតពិតប្រាកដនោះ វាជារឿងដែលពិបាក។ មាត់តែងនិយាយថាឯករាជ្យៗ តែនៅក្នុងចិត្តតែងមានដក់ជាប់គំនិតចាស់កំរឹលដែលសង្គមមនុស្សប្រុសបានតាក់តែងមកជាយូរ សូម្បីតែខ្លួនយើងក៏មិនដែលចាប់អារម្មណ៍។
នៅពេលដែលយើងក្លាយជាម្តាយគេ ប្រពន្ធគេ រាល់តួនាទីភារៈកិច្ចគោរពប្រតិបត្តិប្តីមើលថែរគ្រួសារសាច់ញាតិប្តី នោះហើយជាគំនិតសង្គមមនុស្សប្រុសតាក់តែងដាក់គំនាប់។

ខ្ញុំចូលធ្វើការ5ឆ្នាំហើយ ពេលទើបចូលដំបូងក៏បានធ្វើរឿងល្ងង់ខ្លៅមួយ។ ថ្ងៃនោះមានប្តីប្រពន្ធវ័យកណ្តាលមួយគូបានចូលមកក្នុងហាង ជាថ្ងៃកំណើតប្រពន្ធ ប្តីចង់ទិញកាបូបជូនជាកាដូដល់ប្រពន្ធគាត់ នាងបានរើសចុះរើសឡើងយ៉ាងយូរក៏សំរេចចិត្តយកកាបូបដែលមានតម្លៃថោកជាងគេ។ ពេលគិតប្រាក់ប្រពន្ធគាត់ក៏និយាយថា ៖" ថ្ងៃមុនប្តីខ្ញុំបានទិញអាវធំមួយឆុតដែរ ជួយឆែកឲ្យខ្ញុំបន្តិចតើពួកយើងបានចំណាយអស់ប៉ុន្មានហើយ?" ខ្ញុំក៏ឆែកឲ្យគាត់ភ្លាម។ ក្រោយមកមិត្តរួមការងារប្រាប់ខ្ញុំថា ម្នាក់ប្រុសនោះក្អកហើយស៊ីញ៉ូដាក់ខ្ញុំកុំឲ្យឆែក ប៉ុន្តែខ្ញុំមិនបានចាប់អារម្មណ៍នឹងគាត់សោះ ពេលនោះគាត់ទាំង2នាក់បានឈ្លោះគ្នាខ្លាំងណាស់។
ក្រោយមក បុគ្គលិកថ្មីត្រូវបានបង្វឹកមួយផ្នែកទៀត ហាមប្រាប់ពត៌មានការចំណាយរបស់ភ្ញៀវ។ ប្រធានផ្នែកលក់ប្រាប់ខ្ញុំថា ៖" អ្នកមាន មានរឿងរ៉ាវច្រើន ថ្ងៃក្រោយអ្នកនឹងដឹងដោយខ្លួនឯងហើយ។" កាលណោះខ្ញុំទើបតែអាយុ25ឆ្នាំ គឺមានក្តីស្រម៉ៃដូចក្មេងស្រីទូទៅដែរ ស្រម៉ៃចង់ក្លាយជាជំទាវតូច ប៉ុន្តែក្រោយពេលបានស្គាល់អ្នកមានកាន់តែច្រើន ខ្ញុំកាន់តែយល់ថា មនុស្សស្រីយើងត្រូវខំប្រឹងរកលុយដោយខ្លួនឯងទើបប្រសើរ។

ភ្ញៀវដែលមានទំនាក់ទំនងល្អជាមួយយើងមាន2ប្រភេទ
ជាថៅកែស្រីដែលមានលុយទិញដោយខ្លួនឯង និងជាស្រីកំណាន់ដែលគេចិញ្ចឹមក្នុងទ្រុងមាស។
ថៅកែស្រីដែលមកទិញម្តងជា2ដងហើយ យល់ចិត្តហើយ ពួកគាត់តែងទាក់ទងមកតាមឆាត ឲ្យយើងជាអ្នករើសម៉ូតឲ្យហើយផ្ញើទៅឲ្យពួកគាត់តែម្តង។ ពួកនាងវៀងវៃ លម្អិត ស្គាល់ច្បាស់ពីរបស់ អ្នកត្រូវតែណែនាំរបស់ល្អត្រឹមត្រូវ ម៉ូតដែលអាចឡើងថ្លៃនឹងក្លាយជាclassicឲ្យពួកគាត់។ ហើយប្រសិនបើអ្នកហ៊ានណែនាំម៉ូតដែលឆើត ទាន់សម័យតែល្បីបានពីរបីឆ្នាំក៏ហួសសម័យអី ពួកគាត់នឹងខឹងហើយយល់ថាអ្នកគិតថាគាត់ជាមនុស្សល្ងង់មិនខាន។ ដំបូងឡើងទាក់ទងភ្ញៀវដែលខ្លាំងបែបនេះខ្ញុំក៏មិនសូវជាទម្លាប់ប៉ុន្មានដែរ ពួកគាត់ទាមទារតម្រូវការខ្ពស់ ហើយនិយាយត្រង់ៗប្រាប់យើងតែម្តង "កុំគិតថាខ្ញុំល្ងង់ហើយមិនដែលស្គាល់សង្គមឲ្យសោះ បើនៅតែណែនាំរបស់អត់តម្លៃបែបនេះទៀតខ្ញុំនឹងលែងរកអ្នកហើយ!" ប៉ុន្តែបានស្គាល់ភ្ញៀវបែបនេះប៉ុន្មាននាក់ យើងរីកចម្រើនលឿន ពួកនាងបង្ខំឲ្យយើងចេះស្វែងយល់ ស្រាវជ្រាវពីម៉ាក អ្នកឆ្នៃម៉ូត យល់ពីផលិតផលលម្អិតច្បាស់ ហើយកាត់សេចក្តីថាវាអាចជាម៉ូតដែលល្បីយូរ មានតម្លៃគួរវិនិយោគបាន។ នៅពេលដែលអ្នកមានជំនាញឯកទេសច្បាស់បែបនេះហើយ ភ្ញៀវនឹងកាន់តែជឿជាក់លើអ្នកមិនខាន។
មានមនុស្សជាច្រើនសួរខ្ញុំថា អាចរកលុយបានដែរ?បើមួយថ្ងៃលក់កាបូបមួយមិនចេញផង? របរដូចពួកខ្ញុំនេះគឺពឹងលើភ្ញៀវVIPទេ ខ្ញុំមានភ្ញៀវម្នាក់ជាសហក្រិនក្នុងស្រុក មួយឆ្នាំៗគាត់ចំណាយទិញរបស់ពីខ្ញុំរាប់រយម៉ឺន រក្សាភ្ញៀវបែបនេះបាន មិនមែនដោយសារអ្នកស្អាត សម្តីប៉ិនយកចិត្ត តែលើខ្សែរភ្នែកយើង ភាពជំនាញរបស់យើង ពួកគាត់រស់នៅស៊ីវីល័យ ប្រគល់រឿងជំនាញឲ្យអ្នកមានជំនាញ់ពិតប្រាកដធ្វើការឲ្យគាត់ ហើយស្របនឹងគាត់មានខ្សែរភ្នែកមុត ច្បាស់ អ្នកជំនាញឬមិនជំនាញគាត់សាកម្តងពីរដងនឹងដឹងច្បាស់ហើយ។

ភ្ញៀវVIPម្យ៉ាងទៀតគឺ បក្សីក្នុងទ្រុងមាស ទាក់ទងជាមួយពួកនាងគឺងាយស្រួលបំផុត អ្វីដែលទាន់សម័យ ឡូយឆើត តួកុនណាៗកំពុងប្រើ ណែនាំឲ្យពួកនាងទៅមិនខុសទេ ហើយការចំណាយរបស់ពួកនាងគឺខ្លាំងណាស់ ជួនកាល កាបូប ស្បែកជើងម៉ាកដូចគ្នាម៉ូតដូចគ្នា យកម្តងគ្រប់ពណ៌។ ប៉ុន្តែភ្ញៀវបែបនេះយើងត្រូវចំណាយពេលកំដរពួកនាងច្រើន។ ខ្ញុំតែងតែត្រូវបានភ្ញៀវម្នាក់ហៅឲ្យកំដរនាងផឹកតែនៅផ្ទះរបស់នាង ពីមុននាងជាពិធីករប៉ុស៍ទូរទស្ស៍ក្រោយមកត្រូវបានអ្នកធំចិញ្ចឹម រស់នៅក្នុងភូមិគ្រឹះធំតែម្នាក់ឯង មានចិញ្ចឹមឆ្មាSphinxធំពីរ រាល់ពេលដែលទៅផ្ទះនាងម្តងៗ នាងតែងបើកទូរខោអាវយករបស់ថ្មីៗដែលនាងទើបដណ្តើមទិញបានយកមកបង្ហាញខ្ញុំ ពាក់ឲ្យខ្ញុំមើលដើម្បីចង់បានការសរសើរពីអ្នកជំនាញដូចជាខ្ញុំ ប៉ុន្តែមានរបស់ច្រើនណាស់ដែលនាងគ្មានឱកាសពាក់ចេញក្រៅបង្ហាញគេឡើយ ពីព្រោះរាល់ពេលចេញទៅណានាងត្រូវសុំការអនុញាតិពីលោកធំម្នាក់នោះ នាងនៅក្មេងហើយស្អាតខ្លាំងណាស់ រស់នៅក្នុងភាពឆើតឆាយស៊ីវីល័យទាន់សម័យ ប៉ុន្តែនាងឯកោពេកហើយ នាងចំណាយលុយទិញរបស់ពីខ្ញុំ ខ្ញុំចំណាយពេលនៅកំដរនាងនិយាយលេង សម្តែងការគោរពដល់នាង បើប្រៀបនិងការរាប់អានរវាងយើង នាងគឺចង់បានការគោរពបែបនេះពីខ្ញុំ ប៉ុន្តែនៅគ្រប់ពេលដែលខ្ញុំដើរចេញពីផ្ទះរបស់នាង ខ្ញុំមានអារម្មណ៍ថាខ្យល់អាកាសនៅខាងក្រៅបរិសុទ្ធណាស់ ស្រួលខ្លួនណាស់។

មានមនុស្សជាច្រើនសួរខ្ញុំថា ធ្វើការដូចខ្ញុំយូរទៅ ប្រហែលក្លាយជាមនុស្សសម្ភារៈយមហើយ ប៉ុន្តែវាផ្ទុយស្រលះទៅវិញទេ ពេលណាដែលយើងមើលឃើញជីវិតអ្នក hight show យូរទៅ នឹងប្រាកដជាយល់ច្បាស់ថា ពេលដែលឃើញមនុស្សស្រីម្នាក់កាន់កាបូប Hermes ដែលមានតម្លៃរាប់ម៉ឺន អ្នកនឹងមិនយល់ថា wow នាងពិតជាមានសុភមង្គលខ្លាំងណាស់! តែបែរជាគិតថា តើនៅពីក្រោយកាបូបមានរឿងច្រើនយ៉ាងណា? ប្តូរញើសឈាម ទឹកភ្នែក និងការអត់ទ្រាំគាបសង្កត់ផ្លូវចិត្តយ៉ាងណា? ធ្វើការងារនេះយូរទៅ ក៏យល់ថា សុភមង្គលគឺវាមិនមានពិតប្រាកដឡើយ ជាពិសេសគឺជីវិតគូ ខ្ញុំមើលឃើញថា ភរិយាទាំងអស់រស់នៅគឺសុទ្ធតែប្រយ័ត្នខ្លាំងណាស់ ឯស្រីកំណានគេរស់នៅបែបពុះកញ្ជ្រោល មានភ្ញៀវខ្លះនៅចេះប្រយ័ត្នខ្លាច នាំភរិយានិងស្រីកំណានទិញរបស់នៅហាងផ្សេងគ្នា ប៉ុន្តែភ្ញៀវខ្លះទៀត មិនញញើតខ្លាចរអាបន្តិចសោះឡើយ ខ្ញុំមានភ្ញៀវ VIP ម្នាក់ គាត់ផ្ញើរូបម៉ូតកាបូបឲ្យខ្ញុំរើស នោះខ្ញុំដឹងថាគាត់ទិញឲ្យស្រីកំណាន តែបើគាត់និយាយថារើសម៉ូតណាក៏បានឲ្យតែថោកបន្តិច ខ្ញុំគឺដឹងថាគាត់ទិញឲ្យប្រពន្ធគាត់។ មានខ្លះទៀតគឺនាំប្រពន្ធនិងស្រីកំណានមករើសផ្ទាល់ ពេលនៅជាមួយស្រីកំណានគឺមានចិត្តអំណត់ណាស់ ជួយរើសម៉ូត បើពីរម៉ូតនាងមិនដឹងយកមួយណា ឲ្យតែនាងមាយាដាក់តែបន្តិច គឺទិញទាំង2។ បើនៅជាមួយប្រពន្ធវិញ គឺថារវល់ខ្លាំងណាស់ រអ៊ូផងតឿនផងបង្ខំផង ប្រសិនបើប្រពន្ធមិនចង់ហ៊ានទិញ គឺឈប់ទិញដើរចេញភ្លាម រឿងបែបនេះគឺជួបច្រើនណាស់។
ខ្ញុំតែងឆ្ងល់ថាតើមនុស្សស្រីម្នាក់ អាចធ្វើយ៉ាងណាបានក្លាយជាប្រពន្ធគេបាន ពួកនាងសុទ្ធតែជាមនុស្សស្រីដែលមានការស្រម៉ៃ ចង់ស្អាត ចង់បានរបស់Brand Brand ដូចជាស្រីទូទៅដែរ តែពួកនាងបែជាប្រែក្លាយមកជារស់នៅសន្សំសំចៃ មិនហ៊ានប្រើរបស់ថ្លៃៗ ពេលទិញម្តងៗប្រៀបដូចជាខ្លួនបានធ្វើខុសថាជាប្រពន្ធកញ្ជើធ្លុះ! មិត្តរួមការងារប្រុសម្នាក់និយាយថា ភាពខុសគ្នារវាងប្រពន្ធនិងស្រីកំណានគឺខុសគ្នាដូចនេះ ៖
ស្រីកំណានខំយកចិត្តយកថ្លើមមនុស្សប្រុសទូទៅ
ឯប្រពន្ធគឺខំយកចិត្តយកថ្លើមមនុស្សប្រុសតែម្នាក់ប៉ុណ្ណោះ
ស្រីកំណាន ប្រើរបៀបយកចិត្តបែបធ្វើជំនួញប្រៀបដូចជាបើកក្រុមហ៊ុនមួយ គំរោងមួយនេះធ្វើជាមួយខ្ញុំមិនចំណេញលុយ ទៅធ្វើគំរោងមួយទៀតជាមួយអ្នកផ្សេងនៅក៏តែចំណេញលុយបាន គ្រាន់តែថាតើគំរោងមួយណាអាចកាត់បន្ថយគ្រោះថ្នាក់និងផលប៉ះពាល់បាន។
ឯប្រពន្ធគឺមិនដូចគ្នាទេ ពួកនាងយកជីវិតមកបណ្តាក់ទុន ហើយប្រើពេលពាក់កណ្តាលជីវិតមកធ្វើគំរោងការតែមួយប៉ុណ្ណោះ។ ទោះបីសង្គមនេះជឿនលឿន ប៉ុន្តែពាក្យថា 《ងារជាភរិយាល្អពេញលក្ខណៈ》គឺនៅតែត្រូវកំណត់ដោយមនុស្សប្រុសដដែល ដូចជារស់នៅចេះសន្សំសំចៃ ដាក់ខ្លួន កុំចេញមុខចេញមាត់ជាងប្តី តម្រូវការរបស់ប្តីរបស់អ្នកផ្ទះគឺសំខាន់ជាងអ្វីៗទាំងអស់។
សង្គមឥលូវគឺពិតជាជឿនលឿនមែន ប៉ុន្តែអ្នកឃើញថា សង្គមដាក់តម្លៃដាក់និយមន័យឲ្យងារជាភរិយា គឺអត់បានផ្លាល់ប្តូរទេ គេបានកំរិតឲ្យមនុស្សស្រីរស់ក្រោមគំនៀបនិងក្រសែភ្នែកការយល់ឃើញរបស់មនុស្សប្រុស ហើយវាក៏ស៊ាំក្លាយជាទម្លាប់ ជាប្រពៃណីរបស់មនុស្សប្រុសទៅហើយ ចង់ធ្វើយ៉ាងណាដាក់ប្រពន្ធក៏បាន ខ្លួនជាប្តីគឺមានសិទ្ធធំ។ ព្រោះតែសម្ពាធរស់នៅអស់ទាំងនេះហើយ ទើបធ្វើឲ្យភរិយាដែលដើរចូលមកក្នុងហាងBrand Brand មានអារម្មណ៍ថាទីនេះមិនសាកសម មិនមែនជាវេទិការបស់ខ្លួន ខុសពីស្រីកំណាន មិនថានាងនៅក្មេងឬក៏មិនសូវជាក្មេងណាស់ណា មិនថានាងស្អាតឬក៏មិនសូវជាស្អាតណាស់ណា ពេលដើរចូលមកនាងគឺជាតារា នាងគឺជាតួឯក។
ខ្ញុំធ្លាប់បានទទួលភ្ញៀវម្នាក់ គាត់រើសអ្វីក៏ប្តីគាត់មិនពេញចិត្ត គាត់លខោអាវមួយរៀងយឺតបន្តិចត្រូវប្តីស្តីឲ្យ "មុខចាស់ហើយ ចង់ស្លៀកស្អីក៏វាមិនស្អាតដែរ!"
ក្រោយមកខ្ញុំក៏លែងឃើញគាត់មកទិញទៀតដែរ ប៉ុន្តែប្តីគាត់នៅតែនាំស្រីក្មេងៗមកទិញនៅហាងដដែល។
ខ្ញុំមិនយល់សោះ ហេតុអ្វីក៏នាងមិនហ៊ានមករើសរបស់ដែលនាងស្រឡាញ់ពាក់ដោយខ្លួនឯង ទោះបីនាងជាស្ត្រីមេផ្ទះក៏ដោយចុះ ធ្វើការងារផ្ទះក៏នៅតែមានតម្លៃរបស់ខ្លួនដែរ យកលុយរបស់ប្តីមករើសកាបូបមួយដែលខ្លួនឯងស្រឡាញ់មានរឿងអ្វីមិនបាន?
តែមិត្តខ្ញុំដែលរៀបការរួចម្នាក់និយាយថា ៖" មនុស្សស្រីបើមិនចេះរកលុយទេចុងក្រោយគឺនៅតែខ្លាចប្តីស្អប់មើលងាយហើយ"
តែស្រីកំណានក៏មិនបានចាយលុយខ្លួនឯងរកដែរ ហេតុអ្វីនៅតែអាចធ្វើឫកហំបាន? ឬក៏មកពីនៅក្មេងមានតម្លៃ? ហើយម្ងៃៗប្រឹងហត់និងការងារផ្ទះវាអត់តម្លៃ?

ស្រីកំណានគឺជាភ្ញៀវដែលយើងខ្ញុំចូលចិត្ត ព្រោះគេហ៊ានចាយលុយ ប៉ុន្តែក្នុងនាមជាមនុស្សស្រី ខ្ញុំពិតជាសង្ឃឹមថាភរិយាក៏មានសិទ្ធរស់ដូចជាស្រីកំណានដែរ ដើរងើបមុខប៉ឺងទ្រូងចូលមក ដឹងថាខ្លួនឯងចង់បានអ្វីជ្រើសរើសរបស់ដែលខ្លួនឯងស្រឡាញ់ពេញចិត្ត ហើយមានអារម្មណ៍តែមួយគត់គឺ ខ្ញុំសាកសមនឹងទទួលបាន!

ប្រសិនបើសួរខ្ញុំថាថ្ងៃមួយចង់រៀបការជាមួយប្តីបែបណា?
គឺអាចទទួលយកខ្ញុំឲ្យរស់នៅមានភាពជឿជាក់ដូចស្រីកំណាន ប្រាកដណាស់គឺមិនងាយនឹងរកបានទេ។ គ្មានភាពជឿជាក់ គ្មានអារម្មណ៍មានសុវត្តិភាពគឺសាកសមនិងធ្វើជាភរិយាគេ ពីព្រោះពួកនាងងាយស្រួលនឹងគ្រប់គ្រង មនុស្សប្រុសជាច្រើនយល់ថាបើអ្នកមិនងាយនិងឲ្យគេគ្រប់គ្រងបាននោះទេ គេគឺមិនជ្រើសរើសរៀបការជាមួយអ្នកឡើយ។

Credit: FB សុខ គឹមទៀវ

សំរាប់មិត្តនារីចង់ស្អាតត្រូវតែឆ្លៀតធ្វើ!! តោះ..សាករូបមន្តម៉ាសធម្មជាតិទាំងអស់គ្នា។

អ្នកទាំងអស់គ្នាដឹងទេ ការកើតមុននៅលើផ្ទៃមុខអាចទាក់ទងនឹងបញ្ហាសុខភាពផងដែរ!