Sovann Nimol

កុំបណ្ដោយឱ្យការរិះគន់ ឬសម្ដីរបស់អ្នកដទៃមានឥទ្ធិពលមកលើជីវិតរបស់យើង។ ជីវិតមួយនេះវាមិនវែងពេកទេ ដូច្នេះបើយើងរស់ដោយខ្វល់ថានរណាគិតបែបនេះឬបែបនោះមកលើយើង នោះយើងនឹងលែងមានពេលសម្រាប់ធ្វើរឿងដែលយើងចង់ធ្វើហើយ។ បើគង់តែស្លាប់ដូចតែគ្នា តើយើងចង់ធ្វើអ្វីខ្លះដើម្បីខ្លួនឯង​និងពិភពលោកមួយនេះ។

#ជួបស្នេហ៍មាត់ឆ្នេរប៉ាក់ខ្លង

I.ជួនជាចៃដន្យជួបតូចតន់ថ្លៃ
បុណ្យចូលឆ្នាំថ្មីប្រពៃណីខ្មែរ
សម្រស់ផូរផង់ភក្រ្គមានមន្តស្នេហ៍
ចិត្តកួចលួចស្នេហ៍លើបុប្ផាស្រី។​

II.សមុទ្ធារាមក្តាមថ្មទល់មុខ
ធ្វើបុណ្យសុំសុខសុំលាភសុំជ័យ
ហើយសុំបេះដូងស្មោះមួយពីស្រី
ពៅអើយប្រណីដល់ចិត្តរៀមរ៉ា។​

R.ឱ​ឆ្នេរប៉ាក់ខ្លងផ្សងស្នេហ៍ភក្តី
​ឱ្យបងនិងស្រីជាគូនឹងគ្នា
បារមីតាហ្មឹកសូមជួយគ្រប់គ្រា
តាមថែការពារដល់កូនចៅផង។​

III.ក្តាមថ្មមាត់ឆ្នេរសាក្សីស្នេហ៍ខ្ញុំ
សន្យាស្មោះមុំមិនប្រែបែរខ្នង
ដល់ចាស់ជរាស្មោះឥតមានហ្មង
ជឿចុះនួនល្អងបងវាចាពិត។​

និពន្ធដោយ សុវណ្ណនិមល

ពួកគេតែងតែមើលយើងច្រលំ ប៉ុន្តែយើងនៅតែជាយើង ហើយយើងតែងតែដឹងខ្លួនឯងច្បាស់ថា យើងជាអ្នកណា។

ប្រសិនបើអ្នកពិតជាច្បាស់ថា សុភមង្គលដែលអ្នកស្វែងរកគឺជាទ្រព្យសម្បត្តិ បុណ្យសក្តិ កិត្តិយស ដូចច្នោះចូរបន្តស្វែងរកតាមក្ដីស្រមៃចុះ។ ប៉ុន្តែអ្វីទាំងអស់នោះ គ្រាន់តែជារបស់ក្រៅខ្លួន និងដើម្បីបង្អួតគ្នាសោះហ្នឹង។ ប្រហែលជាអាចនឹងមានមនុស្សរស់មានក្ដីសុខនឹងការបង្អួតសំញែងគ្នា ប៉ុន្តែនេះមិនមែនជាកិច្ចការធ្វើដើម្បីខ្លួនឯងឯណា នេះគ្រាន់តែការរស់ដើម្បីផ្គាប់អារម្មណ៍របស់គេ ឬរស់នៅក្នុងភ្នែករបស់គេសុទ្ធសាធ។ សុភមង្គលពិតប្រាកដកំណត់ដឹងដោយខ្លួនឯង និងសាមញ្ញបំផុត។ សុភមង្គលគឺជាអារម្មណ៍អស់មន្ទិល និងមានចិត្តស្កប់ស្កល់ ឬក៏ជាអារម្មណ៍ដ៏ល្ហែល្ហើយ។ កាលពីក្មេង ពួកយើងសុទ្ធតែធ្លាប់ស្គាល់វា ប៉ុន្តែពេលវេលាកន្លងទៅ ដំណើរជីវិតតម្រូវឱ្យយើងរៀនរស់នៅតាមគេតាមឯង ក៏បណ្ដាលឱ្យវង្វេង និងភ្លេចខ្លួនឯងអស់រលីង។ នឹកឃើញហើយឬនៅ តើអ្វីទៅជាសុភមង្គលដែលអ្នកស្វែងរក?

ដកស្រង់ពីសៀវភៅ #ម្នាក់ឯងតែមិនឯកា — សុខ ចាន់ផល 📖

Hi all guy

បទថ្មី
😥😥ឆ្នេរឯកា😥😥
I.សាយ័ន្តពណ៌មាស​ចែងជះរស្មី​
ជំនោរនិរតីមណ្ឌលសីម៉ា
ឆ្នេរខ្សាច់រីករាយសាងអនុស្សារ
​អូននឹងរៀមរ៉ាចាំទេពុំងា​។​

II.ព្រះអង្គ​គោកធ្លក​ជម្រកបេះដូង
យើងអុជធូបផ្សងក្នុងចិត្តសច្ចា
ចាំយាម ប៉ាក់ខ្លងបងបានសន្យា
ចប់បរិញ្ញារៀបការនិងគ្នា។​

R.ពេលនេះប្រែប្រួលបងលែងខ្វល់ហើយ​
សួរធ្វើប្រងើយមិ​នឆ្លើយតបសារ
បងមានអ្នកថ្មីក្បត់ចិត្តសង្សារ
ភ្លេចឆ្នេរស្នេហាធ្លាប់សាងនិស្ស័យ។​

III.ទឹកភ្នែកអូនស្រក់ធ្លាក់ក្នុងជលសា
ស្តាយក្តីប្រាថ្នាមិនបានជោគជ័យ
ខ្លាចហើយមនុស្សប្រុសផ្អែមពាក្យសម្តី
ចុងក្រោយចោលស្រីឱ្យរស់ឯកា។​

២៨ មករា ២០២៣