Rakiyush herbal product

නීරෝගීව ඉන්න මේ දේවල් කරන්න
•••••••••••••••••••••••••••••••••••••••••••••••••

🌻ආහාර පිසීමට, ආහාර ගැනීමට, ආහාර පිළිගැන්වීමට සහ වැසිකිළි යෑමෙන් පසුව අත් සබන් යොදා හොදින් සෝදන්න.

🌻කෙදි සහිත ආහාර, අළුත් එළවළු, පළා වර්ග පමණක් ආහාරයට ගන්න.

🌻අධික මේදය සහිත ආහාර සහ පැණි රසයෙන් යුතු ආහාර සීමා සහිතව ලබා ගන්න.

🌻උණුසුම්ව ආහාර කෑමට ගන්න.

🌻ශීතාධික ආහාර ගැනීමෙන් වළකින්න.

🌻ප්‍රධාන ආහාර වේලවලට අමතරව වරින් වර ආහාර ගැනීමෙන් වළකින්න.

🌻උණුකොට නිවාගත් ජලය බීමට ගන්න.

🌻ආහාරගත් විගස නින්දට යාමෙන් වළකින්න.

🌻මැස්සන්, කැරපොත්තන්, හූනන්, මීයන්, බලු, බළල් යන සතුන්ගෙන් ආහාර ආරක්ෂාකාරීව තබා ගන්න.

🌻මත්පැන් පානය සහ දුම් පානයෙන් වළකින්න.

🌻සෑම ආහාර වේලකින් පසුවම හොදින් මුව සෝදන්න.

🌻උදේ රාත්‍රී ආහාරයට පසු හොදින් දත් මැද පිරිසිදු කරන්න.

🌻හොදින් දහඩිය පිටවන තුරු දිනපතා ව්‍යායාම කරන්න.

🌻දිනපතා ඉතා පිරිසුදු ජලය වැඩි ප්‍රමාණයක් බීමට ගන්න.

🌻විශ්වාසවන්ත එක් සහකරුවෙකුට හෝ සහකාරියකට පමණක් ඔබගේ ලිංගික සබදතා සීමා කරන්න.

🌻ඉදිකටු, එන්නත් කටු, රැවුල බෑමට ගන්නා උපකරණ විෂබීජයෙන් තොර බවට සහතික කරගන්න.

🌻අව්වෙන්, වැස්සෙන්, පින්නෙන් ආරක්ෂා වෙන්න.

🌻වස, විෂ බෙහෙත් වර්ග වෙනමම ගබඩා කර තබන්න.

🌻දිනපතා පැය 6 - 8 ක් පමණ කාලයක් සුවසේ නිදන්න.

🌻හොදින් හිරු එළිය, වාතාශ්‍රය ලැබෙන සේ දොර ජනෙල් විවෘත කර තබන්න.

🌻කොට්ට මෙට්ට, ඇද ඇතිරිලි දැඩි අව්රශ්මියෙන් දිනපතා වියළා ගන්න.

🌻තමන් අදින වස්ත්‍ර, යට ඇදුම් ආදිය ඉතා පිරිසිදුව තබා ගන්න.

🌻වෛද්‍ය උපදෙස් හා ඖෂධ නිසිපරිදි භාවිතා කරන්න.

🌻තම් ශරීර සෞඛ්‍ය තත්ත්වය අනූව දිනපතා ස්නානය කරන්න.

🌻නිතර ධාර්මිකව කටයුතු කරන්න. භාවනා වඩන්න.

✍️ ඔබට නීරෝගී ජීවිතයක් උදෙසා රකියුෂ් හර්බල් ප්‍රොඩක්ට්..

🔴"රකියුෂ්" නාමයේ අරුත "හෙළදීපය" යන්නයි....

අතීතයේ ශ්‍රී ලංකාව තුළ බෙදුණු කොටස් කිහිපයක් පමණක් ප්‍රදේශයන් ලෙස පැවතුණු අතරම රකියුෂ් යන නාමය අතීතයේ ලක්දිව හැදින්වීමට පැරැන්නන් විසින් භාවිතා කලා යැයි පැරණි හෙළ මිනිසුන්ගේම මතයකි...

🪴️ඉතින් සමහරවිට රකින ආයුෂ වැනි අදහසක් මත එම නාමය ගොඩනැගෙන්නට ඇති යැයි සිතමි...

🪴ලක්දිවේ පැවති ඉපැරණි වෛද්‍ය ශාස්ත්‍රයත්, හෙළ අතීතයේ පුලතිසි ඍෂිතුමන්ගේ රාවණ රජුගේ වෙදකමේ තිබූ තේජමාන සුව ශක්තියත් ලක්දිව ඇතුළු රටවල් දහයක් ආධිපත්‍ය හෙබවූ රාවණා රජුගෙන් විසිරී පවතින්නට ඇති...

🪴ඉතින් හෙළයේ මහා රජුගේ හැකියාවන් සේම ලක්දිව හෙළ භූමියේ පැවති සරුසාර ඔසු පැළෑටිත් මෙම නාමය ඇති වීමට හේතුවන්නට ඇති...

🪴ඔසු නොවන ශාකයක් සොයා ගැනීමට තරම් අසීරු ලක්බිමේ සියලු ගහකොළ මහා ඖෂධීය ගුණයන් දරා සිටියි....

ඉතින් ඒ පින් බිම ආයුෂ රකින භූමියක් නිසාවෙන්ම "රකියුෂ්" නාමය පට බැදෙන්නට ඇති යැයි සිතමි...... 🙏🌍🪴🙏

මෙය මෙම නාමය සම්බන්ද මා හැගි අදහස පමණයි..... 🙏💖

සෞභාග්‍යය වර්ධනයට
°°°°°°°°°°°°°°°°°°°°°°°°°°°°°°
🪴දුටු සතුටු නම් පැළෑටියෙන් හතරක් සොයාගන්න.

🪴පොලිතින් උර හතරක එම පැළෑටි හතර පැළකර තබාගන්න.

🪴පුර පක්ෂයේ සුබ දිනක එනම් පුර පෝය ගෙවීමට පෙර ඇති ශුභ දිනක අළුයම 4.15 ත් 5.15 ත් අතර ගෙදර හතර කොන රෝපණය කර සාත්තු කරන්න.

🪴සතුරු උපද්‍රව හා සොරබිය සදහාද මෙම ක්‍රමය ඉතා යෝග්‍යය වේ.

076 458 5598

කෙසෙල් ශාකයේ ඔසු ගුණ
••••••••••••••••••••••••••••••••••••••

🌱විෂ නාශක ශක්තිය හා ඕනෑම දැවිල්ලක්, තදබල උෂ්ණයක් මැඩපවත්වා ගැනීමේ ශක්තිය කෙසෙල් ගස සතුව පවතී.

🌱කැවුම් බැදීමෙන් අනතුරුව ලිපෙන් බාගත් උතුරන තෙල් හැළියට කෙසෙල් කොළ කෑල්ලක් දමයි. මෙයින් බලාපොරොත්තු වන්නේ පැසුණු තෙල් භාජනය ඉක්මනින් සිසිල් කිරීමයි.

🌱කෙසෙල් කොළයට තෙල් භාජනයේ ඇති තදබල රස්නය ඉක්මනින් උරා ගනී. ඒ නිසා රත් වූ තෙල් ඉක්මනින් සිසිල් වේ. මෙම ගුණය නිසා කෙසෙල් ගසේ යුෂ පිලිස්සීමට ප්‍රතිකාර සදහා යොදා ගනී.

ප්‍රතිකාර •••••••••••

🌱පිළිස්සුන අවස්ථාවකදී භාජනයකට පොල්තෙල් ගෙන එම කොටස පොල්තෙල්වලින් තෙමන්න.

🌱 ඉන්පසු කෙසෙල් ගසේ පතුරු ගලවා දිය මුසු නොකොට මිරිකාගත් ඉස්මට විටට කන හුනු තේ හැදි 01 ක් මිශ්‍ර කර ඇග ගල්වන්න. දිය පට්ට ඒම වළකී.

🌱කෙසෙල් කදේ කුරුට්ට පිහියකින් සූරා තෙත ගතිය පිටින් සුළු කැපුම් තුවාලයේ තබා බදින්න. ලේ නවතී.

🌱යටි පතුලට යමක් වැදී රිදෙනා විට, තැල්ම නිසා හටගත් කල්ගිය රිදීමට..... ඇඹුල් කෙසෙල් ගසේ අත්තක් කපා කොළය සූරා ඉවත් කර ගින්නට දමා හොදින් කෙසෙල් පිත්ත තවා මද රස්නය පිටින්ම සමතලා තැනක තබා රිදීම ඇති පාදයේ යටිපතුලෙන් කෙසෙල් පිත්ත ක්‍රමයෙන් අඩිය තබා තළාගෙන යන්න. මෙය උදය සවස තුන් දිනක් සිදුකරන්න සුව වේ...

✍️ : ඔබට නීරෝගී ජීවිතයක් උදෙසා රකියුෂ් හර්බල් ප්‍රොඩක්ට්

076 458 5598

කිලි නොවැදීමට****

කිල්ල යනු විෂ බීජයකි. කිල්ල ඇති ස්ථානයට යාමටද අවශ්‍ය වේ. නමුත් කිල්ලට බියක්ද පවතී. ඔබ එවැනි අවස්ථාවක පහත ක්‍රමය භාවිතා කරන්න.

🦚මොනරපිළක් ගෙන එහි ඇස කොටසේ රවුම් කොටස කපා ගන්න.

🦚කපු නූල් පොටවල් හතක් ගෙන තනි නූලක් ලෙස අඹරා ගන්න.

🦚එම අඹරාගත් නූලෙහි මොණරපිළේ කපාගත් කොටස දවටා දකුණු පාදයේ දණහිසට පහළින් බැදගන්න.

🦚එවිට කිලි දෝෂ නොවදී. රෝග අවස්ථාවකදී වුවද කිලි දෝෂවලින් ආරක්ෂා වීමට මෙම ක්‍රමය භාවිතා කළ හැක.

✍️ : ඔබට නීරෝගී ජීවිතයක් උදෙසා රකියුෂ් හර්බල් ප්‍රොඩක්ට්....

වස්දොස් දුරු කිරීමට+++++

මෙලොව ජීවත්වන මිනිසාට නොයෙකුත් දුක් පීඩා ඇතිවේ. මිනිසාට පමණක් නොව වාසස්ථානවලට, භූමියට, යානවාහන, බඩු බාහිරාදියටද පීඩා ඇතිවේ. තවද නොයෙකුත් වර්ගයේ විෂ සතුන් නිවසට, ගෙවත්තට ඒමෙන් ඇතිවන නොසිතූ විරූ දුක්පීඩාවලදී භාවිතා කළ හැකි ක්‍රමයකි..... 🔮🔮🔮

📌️තල ඇට, මුං ඇට, උදු ඇට එක් වර්ගයක් කලං 07 බැගින් ගෙන වෙන වෙනම පොට්ටනි තුනක් බැදගන්න.

📌️මෙම පොට්ටනියේ රෙදිකඩ තරමක් ඉහළට ඒමට රෙදිකඩ ලොකුවට ගන්න.

📌️කලින් වේලාගත් මුහුදු වැලි මැටි භාජනයකට (හට්ටියකට) දමා සමතලා කර පොට්ටනි ඒ මත තබන්න.

📌️මී පැණි, එළගිතෙල්, තල තෙල් අවුන්ස 01 බැගින් සපයාගෙන පොට්ටනියේ ඉහළ කොටසට වත්කරන්න.

📌️තෙල් හොදින් උරාගත් පසු එම පොට්ටනිවල ඉහළ රෙදි කොනට ගිනි දල්වන්න.

📌️පොට්ටනියේ ඇට වර්ගවලට ආසන්නවන විට ගිනි දැල් නිවා ගෙදර ප්‍රධානියා ප්‍රමුඛ සියලු දෙනාම දෑතට දුම් අල්ලා මුහුණ පිසදා ගන්න.

📌️පසුව ගෙටද එම දුම අල්ලන්න.

📌️සෙනසුරාදා දිනක, ඇදිරි වැටෙන වෙලාවක පටන් ගන්න. තුන්වරුවක් මෙසේ කරන්න.

📌️ශාන්තිය උදා වේ. පවුලේ අය පමණක් රහසේ එකතු වී කළ යුතුයි.

✍️ ඔබට යහපත් හෙට දවසක් වෙනුවෙන් රකියුෂ් හර්බල් ප්‍රොඩක්ට්

ඔබටත් රාත්‍රියට සුව නින්දක් නොමැති නම්..... ⏰

නොයෙකුත් ශාරීරික ආබාධ නිසා, මානසික ව්‍යාකූල තත්ත්වයන් නිසාද නින්ද නොයාම ඇති වේ. ඒ සදහා ප්‍රත්‍යක්ෂ ප්‍රතිකර්ම...

💚 නින්ද යාමට වෙලාව පැමිණි විට තරමක උණු වතුරින් දණහිසේ සිට පහළ කොටස සෝදාගෙන ඉතා ඉක්මනින් තෙත මාත්තු කරගන්න... දෙපා හොදින් වියළුණු පසු ඇදහි සැතපී තමා දන්නා ගාථාවක් හෝ කවියක් තමනට පමණක් ඇසෙන තරමට මුමුණමින් වළලුකර හා ඊට පහළ කොටස (දෙපාවල ඇගිලිද සමග )අතේ ඇගිලි තුඩුවලින් සෙමින් පිරිමැදගෙන යන්න.. එකම තැනක නොනැවති පාදයේ වළලුකර සිට පහළ ඇගිලි දක්වා කොටස මෙසේ පිරිමදින්න.. ඉතා ඉක්මනින් නිදිමත ඇති වී නින්ද ලැබේ.

💚 නිදි යහනේදී දෑස් පියාගනිමින් ළපටි ගොයම් සහිත කුඹුරු යායක ගොයම් පැළ එක ලතාවකට සෙලවෙන සුන්දර දර්ශනයක් සිතේ ඇදගන්න... එවිටද සුවබර නින්දක් ඉක්මනින් ලැබේ.

⏰ ඒ සමග මෙම පිළිවෙත් පුරුදු කරගන්න....

🧘‍♀️ සෙම් අමාරු නැතිනම් දිනපතා ස්නානය කරන්න..

🧘‍♀️ සෙම් අමාරු ඇත්නම් මද උණුසුම් වතුරෙන් ස්නානය කරන්න..

🧘‍♀️හැකිතාක් ජලය පානය කරන්න..

🧘‍♀️දිවා කාලයේ ඖෂධීය තෙලක් හිස ගල්වන්න. වරුවකට පමණ පසු හොදින් ස්නානය කළ යුතුයි..

🧘‍♀️ ශ්‍රද්ධාවකින් හා භක්තියකින් දිනපතාම තමාගේ ආගමික කටයුතුවල යෙදෙන්න..

🧘‍♀️ ඇදෙහි කොට්ට මෙට්ට අව්වේ දමා වියළා පිරිසිදුව තබා ගන්න..

✍️ ඔබට නීරෝගී හෙට දවසක් වෙනුවෙන් රකියුෂ් හර්බල් ප්‍රොඩක්ට්

ඔබේ ජීවිතයේ සතුට සෞභාග්‍ය උදෙසා ගෙමිදුලෙහි වැවිය යුතු දිව්‍යමය ශාක 🌴💚🌴

🌴කොස් ගස ••• ඉතාම යෝග්‍ය වේ.

🌴අඹ ගස ••• ඉතා ශුභයි. විෂබීජ නාශකයි. දේවාකර්ෂණය ඇතිවේ.

🌴පොල් ගස ••• යහපත් වේ.

🌴සේපාලිකා ••• අලංකාරයටත්, ශ්‍රියාවටත් ඉතාම සුදුසුයි. එසේම එහි සුග්න්ධය දෙවියන් ප්‍රිය කරයි. ඖෂධීය වශයෙන් ශ්‍රේෂ්ට පැළෑටියකි.

🌴ඇට්ටේරියා ••• එයද අලංකාරයටත්, ශ්‍රියාවටත් සුදුසු වේ. එහි සුගන්ධය දෙවියන් ප්‍රිය කරයි. ඖෂධීය වශයෙන් ඉහළ ශාකයකි.

🌴 බෙලි ••• ශ්‍රියාව වඩයි.

🌴 කොහොඹ ••• නීරෝගී සුව ඇතිවේ.

🌴 අශෝක ••• දුක් දුරු වේ.

🌴 බුලු ••• මෙහෙකරුවන් ලබයි. අදහස් සඵල වේ.

🌴 ඇට්ටේරියා ••• දේවාකර්ෂණය ලැබේ.

මෙහි සදහන් කර ඇත්තේ වෘක්ෂ කීපයකි. මෙවැනි වටිනා බොහෝ ශාකයන් පවතී. මෙවැනි ශාකයන් ඔබේ නිවසේ ගෙවත්තෙහි සිටුවන්න.. ඒ තුළින් මානසික වශයෙන් ඔබට ලැබෙන අස්වැසිල්ලද, සොබාදහමේ ශක්ති ගැබ්වූ ශාකයන්ගෙන් ලැබෙන ආකර්ෂණයද, ඔබට සෙතක් උදා කරයි. සුවය, සිසිල, සෙවණ, ගුණය, අලංකාරයද ඔබට හිමි වේ.

✍️ : රකියුෂ් හර්බල් ප්‍රොඩක්ට්...

සියලුම දද කුෂ්ට සදහා....

දද කුෂ්ට ඇතිව සුවයක් නොමැතිව පීඩා විදින ඔබ වෙනුවෙන්...

🌿 පාරම්පරික වට්ටෝරුවකට අනූව රකියුෂ් හර්බල් ප්‍රඩක්ට් වෙතින් සකසන ලද දද කුෂ්ට තෛලය...

🌿 ඔබට දැන් ලබා ගැනීමට හැකි වේ.

බොහොමයක් ප්‍රතිකාර කළ නමුත් සුවය නොලද ඔබ සදහා මෙය දිව්‍ය ඖෂධයක් වේ...

විමසන්න...
076 458 5598

ජ්‍යෝතිෂ විද්‍යාවේ අංග පහේ අරුත
===============================

⚡සමුදුරක් වන් ජ්‍යෝතිෂ විද්‍යාවේ ප්‍රධාන අංග පහක් දැකිය හැකි වෙයි. එම අංග පහ අපට සරල ලෙස මේ අයුරින් දැක්විය හැකියි.

🌟ජන්ම කේන්ද්‍ර ජ්‍යෝතිෂ විද්‍යාව

🌟වෛද්‍ය ජ්‍යෝතිෂ විද්‍යාව

🌟නක්ෂත්‍ර ජ්‍යෝතිෂ විද්‍යාව

🌟ලෝකායතන ජ්‍යෝතිෂ විද්‍යාව

🌟තත්කාල ජ්‍යෝතිෂ විද්‍යාව



ජන්ම කේන්ද්‍ර ජ්‍යෝතිෂ විද්‍යාව
---------------------------------------------------*

☄️කිසියම් ජන්මියෙකුගේ ජන්ම පත්‍රය අනූව පලාපල කථනය කෙරෙන ජ්‍යෝතිෂ විද්‍යාව ජන්ම කේන්ද්‍ර ජ්‍යෝතිෂය ලෙස හැදින්වෙයි. උපතේ සිට මරණය දක්වා දසා අනුදසා ග්‍රහ ගෝචරාදිය පරීක්ෂා කරමින් කෙරෙන මෙම අනාවැකි කථනය සාමාන්‍ය ජන ජීවිතයට අත්‍යවශ්‍ය වන ඉතා පුළුල් ක්ෂේත්‍රයකි.

වෛද්‍ය ජ්‍යෝතිෂ විද්‍යාව
----------------------------------------*

☄️වෛද්‍ය ජ්‍යෝතිෂ විද්‍යාව අනූව කෙරෙන්නේ මිනිස් සිරුරේ විවිධ අවයවයන්වලට බලපානු ලබන ග්‍රහ බලපෑම් සියුම් ලෙස විවරණය කරමින් ඒ ඒ සිරුරු ප්‍රදේශවල දැනට පවතින හෝ අනාගතයේදී පැවතිය හැකි රෝගාබාධ පිළිබද අනාවැකි කථනය කිරීමයි. වෛද්‍යවරයෙකුට සොයා ගත නොහැකි බොහෝ රෝගාබාධ වෛද්‍ය ජ්‍යෝතිෂය නිවැරදි ලෙස ප්‍රගුණ කළ ජ්‍යෝතිෂ වේදියෙකුට ඉතා පහසුවෙන් සොයාගත හැකි වෙයි.

නක්ෂත්‍ර ජ්‍යෝතිෂ විද්‍යාව
-----------------------------------------*

☄️ශුභ නැකැත් තෝරා දීමත්, අශුභ නැකැත් හෝරා හදුන්වා දී අනිසි ඵලයන්ගෙන් ජනතාව බේරා ගැනීමත්, නක්ෂත්‍ර ජ්‍යෝතිෂය හෙවත් මුහුර්තකරණයට අදාළවන ක්ෂේත්‍රයයි. සාමාන්‍ය ජන ජීවිතය සදහා නිබදවම අවැසිවන මෙම ක්ෂේත්‍රය අද යුගයේ බහුලව භාවිත වන්නකි.

ලෝකායතන ජ්‍යෝතිෂ විද්‍යාව
--------------------------------------------------*

☄️ගිනි කදු, භූමිකම්පා, සුනාමි තත්ත්වයන් වැනි පරිසර ආපදා පිළිබද පරීක්ෂා කොට අනාවැකි පළ කිරීම ලෝකායතන ජ්‍යෝතිෂ විද්‍යාවට අදාළ වෙයි. එමෙන්ම ලෝකයේ ඇතිවන විවිධ පෙරළි පිළිබදවද, දින වකවානු සදහන් කරමින් ලෝකයටම පොදුවන අනාවැකි පැවසිය හැක්කේ ලෝකායතන ජ්‍යෝතිෂ විද්‍යාව මනා ලෙස ප්‍රගුණ කළ ජ්‍යෝතිෂ වීදියෙකුට පමණි.

තත්කාල ජ්‍යෝතිෂ විද්‍යාව
-------------------------------------------*

☄️තත්කාල ජ්‍යෝතිෂය මගින් කෙරෙන්නේ එම මොහොතේ පවතින ග්‍රහ තත්තවයන් විග්‍රහ කොට කිසියම් අයෙකුගේ ප්‍රශ්නවලට පිළිතුරු දීමයි. මෙම ජ්‍යෝතිෂ විද්‍යාවේදී විවිධ ගුරුකුල විසින් විවිධාකාර ජ්‍යෝතිෂ ක්‍රම භාවිතා කරන බව කිව යුතුය. එමෙන්ම මෙය විශේෂයෙන් ප්‍රගුණ කළ යුතු ජ්‍යෝතිෂාංගයක් බව සෘෂිවරුන්ගේ භාෂිතයයි.

✍️ අපි රකියුෂ් හර්බල් ප්‍රොඩක්ට්.

සෙම්ප්‍රතිශ්‍යාවට ඔසු
•••••••••••••••••••••••••••••••

☕කබලෙන් බැදගත් කොත්තමල්ලි හා ඉගුරු තම්බා බොන්න.

☕කොත්තමල්ලි උණුසුමෙන් යුතුව පානය කළ යුතුය.

☕එසේ පානය කිරීමේදී එහි වාෂ්ප නාසය තුළින් ඇතුල් වීමට ඉඩ හරින්න.

☕එවිට ශ්වසන පද්ධතියේ සෙම අවහිරතා ලිහිල් වී සහනය දැනෙයි.

🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿🌿

🍂සෙම්ප්‍රතිශ්‍යාවේ මුල් රෝගී ලක්ෂණ දැනෙන විටම ( යන්තමින් උගුර කැසීම, මද ලෙස කිවිසුම් යාම වැනි අවස්ථාවේදී ) රතු ලූනු බික් හතරක් පමණ ගෙන ඒ එක එක කටේ දමා කට වසාගෙන විකා කෙළ ගිලින්න.

🍂වාතය ඇතුළු වීමටවත් පිටවීමටවත් ඉඩ නොදී අඩු වශයෙන් විනාඩි විස්සක් පමණ කට වසාගෙන සිටින්න.

🍂ඒ කාලය ගෙවී ගිය පසු උණු වතුර පානය කරන්න.

☘️☘️☘️☘️☘️☘️☘️☘️☘️☘️☘️☘️☘️☘️☘️☘️☘️☘️

▫️️සෙම්ප්‍රතිශ්‍යාවේ මුල් ලකුණු දැනීගෙන එනවිටම හැකියාවක් ඇත්නම් අඩු වශයෙන් දවසක් පමණ විවේකීව සිටින්න.

▫️️එවිට වේදනාවන් අඩු වෙනවා පමණක් නොව සෙම්ප්‍රතිශ්‍යාව ඉතා ඉක්මනින් සුව වීමද සිදු වේ.

🌱ඉගුරු, කොත්තමල්ලි, පාවට්ටා තම්බා දුම් ( වාෂ්ප ) ඇල්ලීමෙන් සහනයක් දැනෙයි.

🌱අවු, වැසි, සුළං, පිනි ආදියෙන් ප්‍රවේසම් වීම සෙම්ප්‍රතිශ්‍යාව ඉක්මනින් සුවවීමට මෙන්ම පසුව ඇතිවිය හැකි අතුරු සෙම් ආබාධ වළක්වා ගැනීමටද උපකාරී වෙයි.

✍️අපි රකියුෂ් හර්බල් ප්‍රොඩක්ට්.

විනාඩි දෙකකට මොහොතක් නවතිමු...

❤️මා ඔබෙන් විමසනවා.. මොනවද ඔබ මේ දුවදුවා හොයන්නේ...

❤️ඔබට අද දවස මතකද? ඔබ මෙය කියවන විට වෙලාව ගැන ඔබට කිව හැකිද?

❤️ඔබ අද දවස තුළ අවධි වූ මොහොතේ සිට කළ සියලු දේ මතකද?

❤️අද දින ඔබට හමු වූවන්, ඔබ කතා බස් කළ දෑ මේ සියල්ල මතකද?

❤️මේ මොහොත තුළ ඔබ අතේ පවතින ජංගම දුරකතනය මගින් ඔබ කොපමණ වැඩ ප්‍රමාණයක් සිදුකළාද, ඔබට ඇමතුම් කෙටි පණිවිඩ කොපමණ ප්‍රමාණයක් ආවද?

❤️ඔබට මේ සියල්ල මතකද?

🤚🤚🤚🤚🤚🤚🤚🤚🤚🤚🤚🤚🤚🤚🤚🤚🤚

❗නවතින්න මොහොතක්... ඔබ කලබලෙන් මොනවදෝ සොයනවා.. ඔබ සොයන්නේ සතුටද... නැතිනම් ලැබුනු ජීවිතය අවසානය තෙක් ගැටගසා ගැනීමට ක්‍රමයක්ද?

❗මන් කියනවා... ඔබ හරිම කලබලයි....

❗ඔබට හිමි වෙලා තියෙනවා ඉතාම දුර්ලභ ලෙහෙසියකින් ලබා ගත නොහැකි වටිනා දෙයක්..

❗ඒ තමයි මිනිසෙක් ලෙස ඉපදීම..

❗ඒ වෙනුවෙන් එකම මොහොතක හරි ඔබ සතුටු වුණාද? නැතිනම් ඒ පිළිබදවත් කලකිරුණාද?

❗මතක තබා ගන්න.. ඔබට ප්‍රශ්න එනවා නම් එසේ ප්‍රශ්න ඒම ගැන නොවෙයි.. එම ප්‍රශ්න නිසා මේ ජීවිතෙන් කිසිම ඵලක් නැති බව සිතෙනවා නම් එයටයි ඔබ කලකිරිය යුත්තේ..

❗ප්‍රශ්න ආවත් ඔබ මනුස්සයෙක්.. එ කියන්නේ මනසින් උසස් සත්ත්වයෙක්.. ඔබ මීට පෙර යම්කිසි ඉපදීම ලැබූ ආත්ම භවයක කලා වූ අකුසලයක් ඔබට මේ ආත්මභවයෙහිදී මිනිසෙකු ලෙසින් ගෙවා දැමීමට සිදුවීම භාග්‍යයක්..

❗ඔබට හැකියාව තිබෙනා නුවණින් සිතීමට.. මොකද ඔබ මනුෂ්‍යයෙකු නිසා ඔබට බුද්ධියක් සහ මනසින් සිතීමට ඥානයක් ලැබී තිබෙනවා.

❗ඉතින් මේ ලැබුණු ජීවිතය යහපත් ලෙස ගෙවීමට හැකියාව ඔබට සාදා ගත හැකි බව මතක තබා ගන්න.

❗පළවෙනි දේ ඔබ දුවන එක නවත්වන්න.. සියලු දේට බුද්ධියෙන් පිළිතුරු සොයන්න.. ඉවසීමෙන් සියල්ල දිහා බලන්න..

❗ඔබ ගැටලු හබා යනතුරු ඒවා ඔබව පීඩාවට ලක් කරනු ලබනවා.

❗මේ ජීවිතය ඔබට ලැබුණේ යම් හෝ කුසලයකටයි. එසේ නම් එම ජීවිතයේ විදවීම අතහැර විදීම සොයන්න.

❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤❤️

✨️සිතන්න.....

ඔබට දිය හැකි හොදම උදාහරණය..

ඔබ වතුර බොන වතුර වීදුරුවේ ඉතුරුව ඇති පුංචි වතුර බිංදු කිහිපය බීමට කූඹි රෑනක් ඇවිත්......
ඔබ වතුර බීම සදහා වීදුරුවට වතුර පිරවීමට අතට ගන්නා විට එහි කූඹින් පිරී සිටිනු දැකීමට හැකියි. එවිට ඔබ කුමක් සිතනවාද?

"මේ සත්තුත් අපිට පව් පුරවන්නම හදනවා... " මෙවැනි සිතුවිල්ලක් ඔබට ආවොත්... ඔබ වටිනා අවස්ථාවක් මගහැරගෙන...

ඔබ සිතන්න.. " ජීවිත ගොඩක් මේ වීදුරුවේ, මේ හැම කෙනෙක්වම හානියක් නොවෙන්න අයින් කරානම් මට කොච්චර පිනක්ද..?" මෙයයි ඔබ සිතිය යුතු වන්නේ 😊

💛 මතක තබා ගන්න... ඔබව අයිති මේ විශ්වයට, ඒ නිසා මේ විශ්වයට අවශ්‍ය ඔබ වෙනුවෙන් යහපත උදා කරන්න, ඒ සදහා හැම මොහොතකම විශ්වය ඔබට අවස්ථා ලබා දෙනවා.

💛ඒ නිසා ඔබ හරිම සිහියෙන් මේ මොහොතෙහි කටයුතු කරන්න.. මතකයෙන් කටයුතු කරන්න. ප්‍රශ්න විශ්වයට භාර දෙන්න.

💛දෑස් හැර බලන්න... ඔබ වෙනුවෙන් බොහෝ දෙනා සිටින බව ඔබට වැටහේවී.

💛ආදරය, කරුණාව, සතුට ඔබට හිමි වේවි....ආදරණීයයන් මග නොහැරේවී... ඔබට ඒ සියලු දෙනා වෙනුවෙන් වෙන් කිරීමට කාලය ඉතිරි වේවි.....

✍️ඔබට ශ්‍රේෂ්ට නීරෝගී හෙට දවසක් වෙනුවෙන් අපි රකියුෂ් හර්බල් ප්‍රොඩක්ට්.