Life By Dr Mithun

අද දින ශිෂ්‍යත්ව විභාගය සදහා මුහුණ දෙන සියලු සතුටු පහේ දරැ පැටවුන්ට ධෛර්‍ය සහ ශක්තිය ලැබේවා

අද දින ශිෂ්‍යත්ව විභාගය සදහා මුහුණ දෙන පහේ හපනුන්නේ දැනුම සහ ආකල්ප වර්ධනය කිරීමේ අභිලාෂය ඇතිව රෝයල් වෙස්ට් හෙල්ත් කෙයාර් සහ එක්සත් සියනෑ පදනම ඒක්ව සංවිධානය කළ ශිෂ්‍යත්ව පුනරීක්ෂණ පාඨමාලාව 2024 සැප්තැම්බර් මස 10 වන දින බප ගම් අමුණුගොඩ කුුුුමාර කණිෂ්ට විද්‍යාලයේදී පැවැත්විය

විශේෂ ස්තුතිය - දහම් ලංකා විදේශ රැකියා ආයතනය ගණේමුල්ල; සිංහාරමුල්ල රන්මෝ ප්ලාස්ටික් ආයතනය; හුනුපිටිය වත්තල නිමෝ සර්විස් සෙන්ටර් ආයතනය

ගරැ දේශක මඩුල්ල -
ජනපිය ශිෂ්‍යත්ව දේශක ආශා සර්
ඉංගිසි දේශක හේමන්ත කුමාර ජයතිලක මහතා

සංවිධානය -
එක්සත් සියනෑ පදනම සහ සුවචාරිකා බලකාය

Darsons Laboratory



https://www.facebook.com/profile.php?id=100089343314703&__tn__=%3C

මේ දිනවල පාසල් දරුවන් අතර විශේෂයෙන් පැතිර යන වෛරස ඇස් ආසාදනය පිළිබඳව බොහෝ දෙනෙකුගේ අවධානය යොමුවී තිබෙනවා.

වෛරසයක් මගින් ඇතිවෙන මෙම බෝවෙන අක්ෂි රෝගය ( Viral Conjunctivitis) "ඇස් ලෙඩ", "ඇස් අමාරුව" වැනි වචනවලින් පොදුවේ අපි හඳුන්වනවා. ඇසේ අපිට පෙනෙන සුදු පැහැති කොටසේ පිටතින්ම පිහිටි පටලමය ස්ථරය මෙහිදී ප්‍රදාහයට ලක්වෙනවා. සාමාන්‍යයෙන් මෙය මුලින් එක් ඇසකට වැළඳී පසුව අනිත් ඇසටත් පැතිර යා හැකියි.

ඔබ දැනටමත් දන්නා පරිදි මෙම රෝගය බෝ වෙන්නේ ආසාදිත පුද්ගලයෙකුගේ වෛරස සහිත කඳුළු සහ ශ්වසන ස්‍රාවයන් කෙලින්ම ඇසෙහි තැවරීමෙන් හෝ, ආසාදිතයෙකුගෙන් පිටවූ බිඳිති තැන්පත් වී ඇති ඇති පෘෂ්ඨයක් අල්ලා අපිරිසිදු අතින් ඇස් ස්පර්ශ කිරීම මගින්.

සාමාන්‍යය ව්‍යවහාරයේ "සුදු ඉංගිරියාව" ලෙස හැදින්වෙන කොටස රතු වීම, ඉදිමීම, ඇසෙන් වැඩිපුර කඳුළු ගැලීම, ඇස තුළ බාහිර යමක් පවතිනවා වැනි අපහසුවක් දැනීම, සැරව හෝ ශ්‍රාවයන් පිටවීම, විශේෂයෙන්ම අවදි වන විට දී ඇසිපිය හා ඇස් පිහාටු ආශ්‍රිතව කබොලු දක්නට ලැබීම මෙවැනි ආසාදනයකදී සුලභව දකින්නට ලැබෙන රෝග ලක්ෂණ වෙනවා. ඇස් කාච පලඳින අයට එය භාවිතය අපහසු බව දැනීමත් මෙවැනි අවස්ථාවක සිදු විය හැකියි.

ඇතැම් අයට මේ සමඟ සෙම්ප්‍රතිශ්‍යාව උණ වැනි ස්වසන රෝග ලක්ෂණත් ඇතිවිය හැකියි.

දරුවෙකුට මෙවැනි රෝග ලක්ෂණ පවතී නම් මුලින්ම ලබාදිය යුතු උපදෙස වන්නේ ඇස් අතින් ඇල්ලීම සහ පොඩි කිරීමෙන් වැළකීමයි. සබන් යොදා තප්පර විස්සකට වඩා අතුල්ලා අත් සෝදා ගැනීමෙන් හෝ විෂබීජ නාශක ද්‍රාවණයක් යොදාගෙන නිතර අත් පිරිසුදු කර ගැනීමත් ඉතාම වැදගත්.
රෝග ලක්ෂණ ඇති වූ අවස්ථාවේ සිට සම්පූර්ණයෙන් සුව වන තුරු පාසැල් යාමෙන් වැළකී හැකිතාක් නිවසට වී සිටීම රෝග පැතිරීම වැළැක්වීමට විශාල උපකාරයක්.
මෙවැනි රෝග ලක්ෂණ වෙනත් විවිධ හේතූන් නිසාත් ඇති වීමට ඉඩ තිබෙන නිසා වෛද්‍ය උපදෙස් / අවශ්‍යතාවය අනුව ප්‍රතිකාර ලබා ගැනීමත් වැදගත්.

රෝගය ආසාදනය වීම වළක්වා ගැනීම සඳහා දරුවන් ඉහත පැහැදිලි කළ පරිදි නිරන්තරයෙන් දැන් පිරිසුදු කර ගැනීමට, රෝග ලක්ෂණ ඇති අය සමඟ ශාරිරීක දුරස්ථ භාවය පවත්වා ගැනීමට, පෑන් පැන්සල් වැනි උපකරණ කිසිවක් හුවමාරු කර ගැනීමෙන් වැළකීමට යොමු කළ යුතු වෙනවා. පොදුවේ / නිතර භාවිතා කරන පෘෂ්ඨ පසුගිය කොවිඩ් වසංගත සමයේ සිදු කළ පරිදි විශබීජ නාශක දියර භාවිතා කරමින් විශබීජහරණය කර ගැනීමත් රෝගය පැතිරීම සීමා කිරීමට උදව් වෙනවා.

මෙම ආසාදනය බොහෝ දෙනෙකුට අතුරු ආබාධයක් ඇති නොවී සුවවන රෝග තත්ත්වයක් වුවත් ඇතැම්විට ඇතිවිය හැකි සංකූලතා සහ සීග්‍රයෙන් පැතිරී යාමෙන් සිසුන්ගේ අධ්‍යාපනයට ඇතිවිය හැකි බාධාවන් පිළිබඳ දැඩි අවධානය යොමු කරමින් වහාම ක්‍රියාත්මක වන ලෙස දෙමාපිය/ වැඩිහිටි ඔබගෙන් අප ඉල්ලා සිටින අතර ඒ වෙනුවෙන් ඔබගේ දරුවන් යොමු කරනු ඇතැයි අප බලාපොරොත්තු වෙනවා.

උපුටාගැනීම Health Promotion Bureau

එලබෙන ඔක්තෝම්බර් 15 වන දින ශිෂ්‍යත්ව විභාගය සදහා සූදානම් වන ගණේමුල්ල සීලරතන ප්‍රාථමික විද්‍යාලයේ පහේ හපනුන් උදෙසා සංවිධානය කල සම්මන්ත්‍රණ මාලාවේ දරැවන්ගේ මානසික ශක්තිය නංවාලීමේ සහ දිරිමත් කිරීමේ දේශන මාලාව අද දින එම විද්‍යාලයේ ශ්‍රවණාගාරයේදී පැවැත්විණ.

විභාගයට මුහුණ දෙන 5 වසර දරැවන් 150 ක් සහ ඔවුන්ගේ දෙමාපියන් රැසක් මේ සදහා සහභාගී විය

සීලරතන ප්‍රාථමික විද්‍යාලයේ ගරැ විදුහල්පති කුමාරි මහත්මිය ඇතුලු දේශන සදහා සහභාගි වූ සියලුම ගුරැභවතුන් වෙත රෝයල් වෙස්ට් හෙල්ත් කෙයාර් ස්තුතිය පුද කර සිටිමු.

සම්පත් දායකත්වය ලබාදුන් යුනියන් බැංකුවේ කලමණාකාරතුමා ඇතුලු කාර්ය මණ්ඩලයටත් විශේෂ ස්තුතිය පුද කර සිටිමු.

පොඩ්ඩක්වත් හොද නැහැ.ඒක තමයි ඇත්ත...

By Health pomotion Bureau

මිනිස් වර්ගයා මහත් පීඩාවකට පත්කල කොවිඩ් - 19 ගෝලීය වසංගත අත්දැකීමෙන් පසු ජාත්‍යන්තර ප්‍රජාව මෙන්ම ලාංකික අපත් බෝ වෙන රෝග සම්බන්ධයෙන් පසුවන්නේ දැඩි විමසිල්ලකින්.

ඉන්දියාවේ කේළර ප්‍රාන්තයේ පැතිරෙන බවට වාර්තාවෙන නිපා (Nipah) වෛරසය පිළිබඳ විවිධාකාරයේ අදහස් පැතිරෙමින් පවත්නා මොහොතක, මේ තත්වය පිළිබඳව මේ වනවිට තහවුරුව පවත්නා විද්‍යාත්මක දැනුම ඔබ සමග බෙදාගැනීමටයි අපගේ මේ සූදානම.

මූලිකවම සතුන්ගෙන් මිනිසාට බෝවෙන (Zoonotic) බවට සොයාගෙන ඇති මෙම නිපා (Nipah) වෛරසය,1999 වසරේ දී මුල්වරට හඳුනාගැනෙන්නේ මැලේසියාවේ ඌරු ගොවිපළවල කටයුතු කල පිරිසක් අතර පැතිරගිය අවස්ථාවේ දී. වෛරසය ආසාදිත ඌරන් අනාරක්ෂිතව ස්පර්ශ කිරීමෙන් ඔවුන්ගේ පටක, ශරීර තරළ සහ මළ මූත්‍රාමගින් එවර මිනිසුන්ට රෝගය බෝවී තිබෙනවා.

ඉන් අනතුරුව මැලේසියාවෙන් නැවත රෝගීන් වාර්තා නොවුවත් 2001 දී බංග්ලාදේශයෙනුත් නැගෙනහිර ඉන්දියාවේ කලින් කලටත් මෙම රෝගය පැතිර යෑම් සිදුවී තිබෙනවා. මෙවර අවධානයට ලක්ව තිබෙන කේරළය පසුගිය වසර පහ තුළ මෙම වසංගතයට මුහුණ දෙන්නේ හතරවෙනි වතාවටයි.

ඉන්දියාව සහ බංග්ලාදේශය ආශ්‍රිතව මෙම ආසාදන පැතිරීමේ හේතුව ලෙස සැළකෙන්නේ, ස්වභාවිකවම නිපා (Nipah) වෛරසය දරා සිටීමේ හැකියාව ඇති වවුල් විශේෂයක ආසාදිත සතුන්ගේ මූත්‍රා සහ කෙළ තැවරුණ පළතුරු වර්ග / යුෂ මිනිසුන් විසින් ආහාරයට ගැනීමයි.

දැනට පවත්නා විද්‍යාත්මක දත්ත අනුව දැක්වෙන්නේ මෙම රෝගය මිනිසෙකුගෙන් මිනිසෙකුට එතරම් පහසුවෙන් පැතිර නොයන බවයි. රෝගී අයෙකුගේ ශරීර තරල සහ මළ මූත්‍රා මගින් එය බෝවීමට ඉඩ තිබෙන අතර බොහෝවිට එලෙස ආසාදනය වී තිබෙන්නේ රෝගියාට ඉතාම සමීපව කටයුතු කල අය වීම විශේෂයෙන්ම සඳහන් කල යුතුයි.

යම් හෙයකින් වෛරසය මිනිසෙකුහට ශරීරගත වුවහොත් රෝග ලක්ෂණ කිසිවක් නොපෙන්වීම, සාමාන්‍ය ශ්වසන ආසාදනයක ලක්ෂණ පෙන්වීම මෙන්ම මාරාන්තික මස්තිෂ්ක ප්‍රදාහ (encephalitis) තත්වයක් දක්වා පුලුල් පරාසයක තත්වයන් ඇතිවීමට ඉඩ කඩ තිබෙනවා. වෛරසය සිරුරට ඇතුලු වී දින 4 - 14 ත් අතර කාලයක දී උණ, හිසරදය, මස් පිඬු වේදනාව, වමනය, උගුරේ වේදනාව වැනි මූලික රෝග ලක්ෂණ ඇති වෙනවා. හඳුනාගත් රෝගීන්ට රෝග ලක්ෂණ අනුව ප්‍රතිකාර කිරීම සාමාන්‍ය ක්‍රමවේදයි.

මිනිසුන් අතර සිදුවන ආසාදන වළක්වාගැනීමට රෝගීන් සමඟ කටයුතු කිරීමේ දී ආරක්ෂිත ක්‍රමවේද මගින් ඔවුන්ගේ ශරීර තරලවලට නිරාවරණය වීම වළක්වා ගැනෙනවා. මෙය වළක්වන එන්නතක් දැනට භාවිතයේ නැහැ.

යම් ප්‍රදේශයක නිපා (Nipah) රෝගය පැතිර යන අවස්ථාවල දී ඊට අදාළව මහජන සෞඛ්‍ය උපදෙස් නිකුත් කෙරෙන අතර ලාංකික අප නිසි දැනුමෙන් සවිමත්ව සහ අවධානයෙන් යුතුව පසුවීම මේ අවස්ථාවේ දී ප්‍රමාණවත්.

ඉදිරියේදී පවත්නා තත්වයේ වෙනසක් ඇතිවුවහොත් හෝ මේ පිළිබඳව විද්‍යාත්මක දැනුම යාවත්කාලීන වීමක් සිදුවුවහොත් කඩිනමින් ඔබව දැනුවත් කිරීමට අප සූදානමෙන් සිටිනවා.

පාසල් වෛද්‍ය පරීක්ෂණ සංකල්පය ඉදිරි පියවරකට ගෙනයමින් දහම් පාසල් වෛද්‍ය පරීක්ෂණ තුලින් දහම් පාසල් දරැවන්ගේ සෞඛ්‍ය තත්ත්වය පරීක්ෂා කිරීම සහ ශාරීරික මානසික සහ සාමාජීය ගැටලු හදුනා ගෙන එම දරැවන් නිසි අංශ වලට යොමු කිරීම පෙරදැරි කරගෙන පසුගිය 17 වන දින බෙම්මුල්ල බන්ඩාරබටවල විද්‍යාකර පිරිවෙන් විහාරස්ථානයේ පැවති සෞඛ්‍ය වෛද්‍ය සායනය..
මීට සමගාමීව අඩු ආදායම් ලාභී දහම් පාසල් දරැවන්ට අධ්‍යාපන උපකරණ බෙදාදීම ද සිදු විය
ගම්පහ සෙත්මා පුද්ගලික රෝහල මේ කර්තව්‍යය සදහා රෝයල් වෙස්ට් හෙල්ත් කෙයාර් සමගින් අත්වැල් බැදගත් අතර එම රෝහලේ කාර්ය මණ්ඩලයට අපගේ හෘදයාංගම ස්තුතිය.

මේ දිනවල බොහෝ අය අතර කතාබහට ලක්වී තිබෙන මෙනින්ගොකොකල් මෙනින්ජයිටීස්, නැතිනම් මෙනින්ගොකොකල් මෙනින්ජි පටල ප්‍රදාහය නමින් හඳුන්වන රෝගය එතරම් සුලබ නොවෙන නමුත් නිසි ප්‍රතිකාර නොලැබුනහොත් දරුණු සංකූලතා හටගැනීමේ අවදානම ඇති ආසාදන තත්වයක්. බැක්ටීරියාවක් මගින් ඇතිකරන මේ නිසා හටගත් වසංගත තත්වයක් ගැන මුලින්ම වාර්තා වෙන්නේ 1805 දී ස්විට්සර්ලන්තයේ ජිනීවා ආශ්‍රිතවයි. රෝගයට වගකිවයුතු මෙනින්ගොකොකස් (Neisseria meningitidis) බැක්ටීරියාව හඳුනාගැනෙන්නේ 1887 දී. මෙහි උප ප්‍රබේධ A, B, C සහ W135 ලෙස ප්‍රධාන කාණ්ඩ 4 කට වර්ග කර තිබෙනවා.

සාමාන්‍යයෙන් සුලබව රෝගීන් වාර්තා නොවුනත් මෙය අප අවටම පැතිර පවත්නා බැක්ටීරියාවක් වන අතර මිනිස් ජනගහනයෙන් යම් ආසාදිතයින් ප්‍රතිශතයක් මේ බැක්ටීරියාව සහිතව රෝග ලක්ෂණ නොපෙන්වා ජීවත් වෙනවා.දැනට ඇති විද්‍යාත්මක තොරතුරුවලට අනුව වෙනත් සතෙකු තුල හෝ බාහිර පරිසරයේ සජිවීව පැවතීමේ හැකියාව මෙම රෝගකාරකයට නැහැ.

රෝගය බෝවීම සිදුවන්නේ මෙනින්ගොකොකල් ආසාදිතයෙකුගේ ශ්වසන බිඳිති නිරෝගී අයෙකුගේ ශ්වසන මාර්ගයට ඇතුලු වීමෙන්. කැස්ස සහ කිවිසුම් යැවීමේ දී මෙම බිඳිති විශාල වශයෙන් පිටවීම සිදු වෙනවා. ආසාදනය වීමට නම් සමීපව සහ දිගු වෙලාවක් නිරාවරණය වීම සිදු විය යුතු අතර බැක්ටීරියාව සිරුරට ඇතුලු වූ පමණින්ම සියලුම දෙනා රෝග ලක්ෂණ පෙන්වන්නේ නැහැ. එමෙන්ම එකිනෙකාට සමීපව ජීවත්වන පිරිස් අතර මේ රෝගය බෝවීම සාපේක්ෂව වේගවත් බව නිරීක්ෂණය කරන්නට පුලුවන්.

මෙයට අමතරව දුම් පානය කරන්නන් සහ ශ්වසන මාර්ගයේ වෙනත් ආසාදන ඇති පුද්ගලයින් අතර වැඩි වේගයකින් රෝගය පැතිර යන බව හඳුනාගෙන තිබෙනවා.

රෝගය ආසාදනය වෙන පිරිසෙන් වැඩි දෙනා රෝග ලක්ෂණ නොපෙන්වා මෙනින්ගොකොකල් ධාරකයින් බවට පත් වුනත් සුලු ප්‍රතිශතයකගේ ශ්වසන ශෙලේෂ්මල පටල හරහා මෙම බැක්ටීරියාව රුධිරයට ඇතුල් වෙනවා. ඔවුන් රෝග ලක්ෂණ පෙන්වන්නට ආසාදනය වූ දින සිට සාමාන්‍යෙන් දින හතරක් පමණ (දින 2 - 10) කාලයක් ගත වෙනවා.

සුලබ රෝග ලක්ෂණ ලෙස බෙල්ලේ තද ගතිය, දැඩි උණ, ආලෝකය දෙස බැලීමේ අපහසුතාවය, සිහි මඳගතිය, හිසරදය මෙන්ම වමනය දැකිය හැකියි. ඇතැම් අයට සමෙහි රතු පැහැ පැල්ලම් ද හටගැනෙනවා. මෙම රෝග ලක්ෂණ ඇරඹී දින 1 -2 වැනි ඉතා කෙටිකාලයකින් අසාධ්‍ය වීම සිදු වෙනවා. එනමුත් නිසි ප්‍රතිකාර කඩිනමින් ලබා දීමෙන් මාරාන්තික සංකූලතාවයන් වළක්වා ගැනීමේ හැකියාව තිබෙනවා.

මෙම බැක්ටීරියාව විනාශ කල හැකි ප්‍රතිජීවක රැසක් පවතින නිසා මුල් අවස්ථාවේ රෝගය හඳුනාගෙන ප්‍රතිකාර කිරීම මරණ සහ සංකූලතා වළක්වාගැනීමට ඉතාම වැදගත්. එමෙන්ම ආශ්‍රිතයින් හඳුනාගෙන රෝගය වැළඳීමේ අවදානම අඩු කිරීමේ ඖෂධ ලබා දීමේ හැකියාවත් පවතිනවා. හඳුනාගත් අධි අවධානම් කාණ්ඩ සඳහා රෝගය වලක්වන එන්නත් ලබාදීම සිදුවෙනවා .

මුල් අවස්ථාවේ මෙම රෝගය සුලබ වෛරස් ශ්වසන ආසාදයකින් වෙන්කර හඳුනාගැනීම අපහසු වන්නට පුලුවන්. ඉහත කී රෝග ලක්ෂණ එකක් හෝ කිහිපයක් ඔබට හෝ ඔබගේ සමීපතමයෙකුට ඇත්නම් කඩිනමින් වෛද්‍ය උපදෙස් ලබා ගැනීම ඉතා වැදගත්.

මේ දැනුවත්භාවය , කලබල නොවී නිසි පියවර තුලින් ඔබටත් ඔබගේ සමීපතමයන්ටත් ආරක්ෂාව සළසා ගැනීමට උපකාරී වෙනු ඇතැයි අප බලාපොරොත්තු වෙනවා.

Source- Health Promotion Bureau

ඖෂධ සහ ආහාර ඇතුලු වෙනත් සංයෝග වලට සිදුවන ආසාත්මිකතා හෙවත් ඇලර්ජි (Allergy) සම්බන්ධයෙන් ඔබ දැනගත යුතු සරල කාරණ සහ සමාජයේ ඒ පිලිබදව ඇති දුර්මත සහ වැරදි ආකල්ප පිලිබද අධිකරණ වෛද්‍ය නිලධාරී වෛද්‍ය නිර්මාල් බෝරැක්ගම මහතා විසින් දක්වන කරැණු පැහැදිලි කිරිම.

ඖෂධ ආසාත්මිකතාවය හා විෂ වීම | Allergies, Anaphylaxis and Toxicity This video describes about the false reporting and misuse of wordings t...

The new grand place of Royal West Health Care by DrMithun Best Everyday

Royal West Health Care

[email protected]

RoyalWest Healthcare
17 D,
Ja Ela Road,
Kiridiwita,
Gampaha,
Sri Lanka.

+94712953212
+94751802633