Ranu Health & Beautu product

💠නිරෝගී දරුවකු පතන ඔබට...!

✒️නිරෝගී දරුවකු බිහිකරගැනීමට මනා පෝෂණ තත්ත්වයක් හා යහපත් මානසික තත්ත්වයක් පවත්වා ගැනීම ඉතා වැදගත් වේ.

✒️ඒ සදහා මවගේ ආහාර පාන ,ඇවතුම් පැවතුම් හා අවට පරිසරය ගැන සැලකිය විය යුතුය.

✒️ගැබ තුළ වැඩෙන දරුවා මවගේ මානසික ස්වභාවයන්හි වෙනස්වීම් වලට ,ආහාර පාන වලට ,ශබ්ද තරංග වලට ,තද ආලෝකය වැනි අවට පරිසර වෙනස් වීම් වලට ද ප්‍රතිචාර දක්වයි.

✒️එම ප්‍රතිචාර මත දරුවාගේ බුද්ධිය ,අධ්‍යාත්මය හා ශාරීරික නිරෝගීතාව ගොඩනැගෙන බව පිළිගත් සත්‍යයකි .

✒️ඒ නිසා ගැබිනි මවගේ මානසික තත්ත්වය ප්‍රසන්නව පවත්වා ගැනීම ,හිතකර ආහාර පාන මගින් හොද පෝෂණයක් ලබාදීමත් පවුලේ සියලු දෙනාගේ වගකීම මේ සදහා ආයුර්වේද උපදෙස් සෑම මවකම පිළිපැදීම යෝග්‍ය වේ.

🔶ගැබිනි මව තුල ප්‍රසන්න මානසික තත්ත්වයක් ඇති කර ගැනීම සදහා...

🔹ගැබිනි මව වෙත ආදරය හා රැකවරණය ස්වාමිපුරුෂයා වෙතින් හා පවුලේ අනෙකුත් සාමාජිකයන් විසින් නිරතුරුවම ලබා දෙන්න.

🔹පවුලේ සාමාජිකයන් අතර ප්‍රිය මනාප,සුහදශීලී පරිසරයක් ඇති කරගන්න.

🔹තම ආගමික වතාවත් වල දෛනික ව නිරත වන්න.

🔹ගැබට හානිනොවන පරිදි ඇය කැමති දේවල් ලබා දෙන්න.

🔹මෙම කාලය තුල මව ලා පැහැති පිරිසිදු ඇදුම් අදින්න.

🔹ඝෝෂාකාරී හා දැඩි ආලෝකය සහිත පරිසර වලින් ඈත් වී නිසල පෙදෙසක වාසය කිරීම සුදුසු වේ.

✒️දරුවාගේ මානසික,ආධ්‍යාත්මික හා කායික වර්ධනය සදහා මවගේ සිරුරේ පෝෂණය ද ඉතා වැදගත්ය .
එහෙයින් ගර්භනීභාවයට හිතකර පෝෂණයෙන් යුත් ආහාරපාන මවට ලබාදීමට පවුලේ සාමාජිකයන් සැළකිලිමත් විය යුතුය .
මව ගනු ලබන ආහාරයෙන් කරුණු 03ක් ඉටුවේ.

🔹මවගේ පෝෂණය
🔹ගැබ තුළ දරුවාගේ වර්ධනය
🔹මව් කිරි නිපදවීම
එබැවින් ,මෙම අවශ්‍යතාව ඉටුවන පරිදි මවගේ දෛනික ආහාර වේල සකස් විය යුතුය.

🔶ගැබිනි මව සදහා දෛනික ආහාර

🔸උදෑසන වේල..

🔹කොළකැද..(වීදුරු 1ක්)
(හාතාවාරිය ,ඉරමුසු,ගොටුකොළ හා මුකුනුවැන්න යන ඒවායින් එක් වර්ගයක් හෝ මිශ්‍ර කිරීම සුදුසු වේ)

🔹එළකිරි..(වීදුරු 1ක්)

🔹තැම්බූ ධාන්‍ය වර්ගයක් ..(පීරිසි 2ක්)
(මුංඇට ,කව්පි ,කඩල යන ඒවායින් එකක් ලුනුමිරිස් උම්මලකඩ හා පොල් සමග සුදුසු වේ)

🔹ධාන්‍ය පිටි වලින් සෑදූ ආප්ප ,පිට්ටු,ඉදිආප්ප වැනි සුදුසු ආහාරයක් සුදුසු ව්‍යංජන 1ක් හෝ 2ක් සමග.
(හාල් පිටි,කුරක්කන් පිටි ,උදුපිටි සුදුසු වේ)

▪️උදෑසන 10.00 ට
🔹පලතුරු යුෂ ,ඉරමුසු වැනි ඔසුපැන් වීදුරු 1ක්.

🔶දිවා වේල:

🔹බත් පීරිසි 2ක්
🔹එළවළු වර්ග 2ක්
🔹පළා වර්ගයක්
🔹මාලු හෝ මස් හෝ බිත්තර වර්ග 1ක් සමග

🔶අතුරු පස සදහා ..

🔹පලතුරු වර්ග 01ක් හෝ (වැඩිපුර ) හෝ පලතුරු සලාදයක් හෝ මිදුනු කිරි හෝ යෝගට් වැනි ආහාරයක්

🔶සවස තේ වේල..

🔹දේශිය ධාන්‍ය පිටි වලින් සැකසූ පැනිරස ආහාරයක් .
(හැලප,අග්ගලා,වැලිතලප වැනි) සමග කිරි තේ එකක්.

🔶රාත්‍රී ආහාර වේල..

🔹මවගේ බඩගිනි ස්වභාවය අනුව ,දිවා ආහාර වේල පරිදිම සැහැල්ලු ආහාරයක් ගැනීම සුදුසු වේ.

🔺ඔබ දන්නවා ද?

✒️ ගැබිනි සමයේ පළමු මාස තුන තුළ බිළිඳකු ගේ මූලික අංග නිර්මාණය වීම සිදුවේ.
එමනිසා බොහෝ පෝෂ්‍ය පදාර්ථ අවශ්‍ය වේ
එබැවින් මවගේ ආහාර වේල ,රස හයම සපිරි ,ගුණාත්මක බවින් වැඩි,පෝෂණය අවශ්‍යතාවට සරිලන පරිදි ප්‍රමාණාත්මක එකක් වීම ඉතා වැදගත් වේ.

🔶මාසානු මාසික ආහාර විධි..

🔸පළමු මාස තුන (01 - 03)
දෛනික ආහාර වේලට අමතරව ,
🔹එළකිරි
🔹පළතුරු යුෂ (දොඩම්,නාරං,අඹ)
🔹කොළ කැද වර්ග(ඉරමුසු,හාතාවාරිය)
🔹ධාන්‍ය කැද වර්ග (බාර්ලි,සහල්,මුංඇට ,උදු ,කජු ,
මුද්දරප්පලම් පොල්කිරි මිශ්‍ර කර)
කෑම අප්‍රියතාව ඇති මවකට ඉහත පාන වර්ග ගැනීම සුදුසු වේ.
🔹තෙවන මාසය සදහා එළකිරි හා ගිතෙල් මිශ්‍ර ආහාර වැඩිපුර ගැනීම යෝග්‍ය වේ.
▪️උදා:- තණ හාලින් සකස් කල ගිතෙල් මිශ්‍ර කිරිබත් හෝ කැද

🔶දෙවන මාස තුන (04 - 06)

🔹ඉහත ආහාර පාන ඇතුළුව
එළකිරි වලින් සකස් කරන ලද වෙඩරු(බටර්)
ගිතෙල් ආහාරයට එක් කර ගැනීම .
🔹මස් හෝ මාළු වර්ග මිශ්‍ර කර සාදාගත් සුප් වර්ග
🔹ඖෂධීය පාන ලෙස සාරණ මුල් හෝ ඉරමුසු තැම්බූ වතුර බීම.(මවගේ පාද ඉදිමුම වළකයි)

🔶අවසන් මාස තුන (07 - 09)
🔹ඉහත ආහාර වැඩිපුර ගැනීම.
🔹ඉරමුසු ,හාතාවාරිය අල ,සාරණ මුල් කිරිබදු අල, යොදා සකස් කල කැද වර්ග (මවගේ ප්‍රසව ක්‍රියාවලිය පහසු කරයි)

"මෙලෙස ආහාර පාන ගැනීම නිරෝගී බිළිඳකු මෙලොවට බිහි කිරීම සදහා මව සවිමත් කරයි"

#අපේසිංහලවෙදකම #සිංහලවෙදකම #දරුවන් #නිරෝගී #ගැබිනිමව #ගර්භණී #ආහාර

#නව්‍යාජීව #ආයුර්වේද

✨️මිතුරන් දැනුවත් වීම සදහා share කරන්න.

🔆 අපගේ facebook යට කරන්න.අපගේ එකට එකතු වන්න.

*** තෙරුවන් සරණයි ***