MOH office- Kelaniya

🌸නව දිවි සුව සායනය ගැන තමයි අද කතාව.🌸

✨❤️"ආදරයෙන් බැඳෙන සිත් දෙකකට, නීරෝගී හෙටක් තිළිණ කරන — නවදිවිසුව."✨❤️

විවාහක හෝ විවාහ වීමට අපේක්ෂා කරන යුවළකගේ ජීවිතයට ආදරය, සෞඛ්‍යය සහ සතුට ළඟා කර දෙන ඉතා වැදගත් නවාතැනකි.

නව දිවි සුව සායනය ශ්‍රී ලංකාවේ සෑම සෞඛ්‍ය වෛද්‍ය නිලධාරී කාර්යාලයකම පැවැත්වූවත් තවමත් මේ පිළිබඳව නොදැනුවත් පිරිසක් ඉන්නවා ඒ හැමෝටම තමයි අද ලිපිය.

👉නව දිවි සුව සායනය කියන්නේ මොකක්ද ?

ශ්‍රී ලංකාව තුල අලුත විවාපත් වූ යුවල් සඳහා සෞඛ්‍ය වෛද්‍ය නිළධාරී කාර්යාලය හරහා සිදුකරනු ලබන වැඩසටහනකි.

👉 නව දිවි සුව සායනයට සම්බන්ධ වෙන්නෙ කොහොමද ?

විවාහ දිවියට ඇතුලත් වූ විගස, ඔබ ප්‍රදේශයේ පවුල් සෞඛ්‍ය සේවා නිලධාරිනිය හමු වී අදාල ලියාපදිංචි වීම සිදු කරගන්න .පසුව මෙම සායනය වෙත ඔබ යොමු කරනු ඇත.

👉සහභාගී වෙන්න ඕන කවුද?

ශ්‍රී ලංකාව තුල වෙසෙන අලුතින් විවාහ වූ සෑම යුවලක්ම සහභාගී වීම වැදගත්ය.

👉නව දිවි සුව සායනයට සම්බන්ධ වෙන්න ඕන ඇයි?

අලුත විවාහ වූ ඔබ දෙපලට විවිධ වූ ගැටලු රාශියක් ඇති බව පවතින අතර එයින් මූලික තැනක් ගන්නේ දරුවෙකු ලබා ගැනීමට අදාල කරුණු ය .

ඒ සඳහා අවශ්‍ය උපදෙස් සහ ඔබ දෙපලගේ සෞඛ්‍ය තත්ත්වය පිළිබඳව ද පරීක්ෂා කර බැලීමද සිදු කෙරේ.

👉නව දිවි සුව සායනය මඟින් ලබාදෙන සේවාවන් මොනවාද?

● ලිංගික ජීවිතය සාර්ථක කරගැනීම සදහා උපදෙස් ලබා දීම.
● විවාහ දිවිය ප්‍රීතිමත්ව පවත්වාගෙන යාමට අවශ්‍ය උපදෙස් ලබා දීම.
● දරුවෙකු සෑදීම සහ ඒ සඳහා ඔබ සූදානම් විය යුතු ආකාරය පිළිබඳව දැනුවත් කිරීම.
● දරුවෙකු බලාපොරොත්තු නොවන්නේ නම්, ඒ සඳහා පවුල් සංවිධාන භාවිතා කිරීම පිළිබඳව දැනුවත් කිරීම.
● කාන්තාවගේ පියයුරු පරීක්ෂා කිරීම.
● කාන්තාව සහ පුරුෂයාගේ සෞඛ්‍ය තත්ත්වය පරීක්ෂා කිරීම. (BP, BMI, රුධිර සීනී ප්‍රමාණය, Hb මට්ටම)

👉ගෙන යා යුතු ලිපි ලේඛන මොනවාද?

● පවුල් සෞඛ්‍ය සේවා නිලධාරිනිය විසින් ලබාදෙන නව දිවි සුව සායන ප්‍රශ්නාවලිය සහිත පොත
● හැකිනම් සිදුකර ගත යුතු රුධිර පරීක්ෂණ වාර්තා
● වෙනත් සෞඛ්‍ය වාර්තා ඇත්නම් ඒවා

යුග දිවියේ සිහින මාලිගා
තනන්නට පෙර,
අත්තිවාරම ශක්තිමත් දැයි
විමසා බැලිය යුතුමයි...

නොදන්නාකම නිසා
මඟ වැරදෙන්නට නොදී,
ආදරයේ නාමයෙන්
දිවි මඟ සුවපත් කරන,
ඔබේ පවුලේ නිහඬ සෙවනැල්ල...
"නවදිවිසුව" සායනයයි 👰‍♀💫💍

゚viralシ

පෝෂණ මාසය වෙනුවෙන් කළ තවත් පෝෂණීය වැඩක්
සෞඛ්‍යමත් දරුවන් රටට දැයට දායාද කිරීම වෙනුවෙන්
2026/6/24 දින මානෙල්ගම සායනයේ පැවති පෝෂණ සැසිය...
සහභාගි වූ සැමට ස්තූතියි...🌼❤️