Diary__of__Nima

ඔයා නිසා පුංචි පුංචි දේවල් වලට
හිත රි|ද්දගන්න කෙනෙක් දැක්කාම ඔයාට හිතිලා තියෙනවද එයා හරි දුර්වල මනුස්සයෙක් කියලා ?

ඒත් දන්නවද ඇත්තටම එහෙම වෙන්නේ ඒ මනුස්සයා දුර්වල නිසා නෙවෙයි, ඒ මනුස්සයා තමන්ගේ උපරිමෙනුත් චුට්ටක් එහාට ඔයාට ආදරේ නිසයි...

හුඟාක් ශක්තිමත් මිනිස්සු ආදරේ ඉස්සරහා දිය වෙලා යනවා.

ඒක ඒ මනුස්සයගේ දුර්වලකමක් විදිහට විතරක්ම අපි තේරුම් ගත්තොත්, අපි නොදැනිම හුඟාක් ආදරේ මනුස්සයෙක් මිස් වෙලා යනවා.

ජීවිතේ මිනිස්සුන්ට දෙවෙනි අවස්තාවක් දෙන්නේ හරිම කලාතුරකින්. ඒ නිසා සමහර දේවල් මගෑරගන්න එපා ❤️
nimsara ✍🏻🤍

මලගම් ගියත් නුඹගේ ප්‍රේමය

උඩුගම් බලා පිහිනම්

මා

නුබේ මතක වල
🥺💔

✍️___________NIMSARA 💜

ජීවිතේ හමු වූ වෙන් වූ මිනිසුන් අතරින්
මට වැඩිපුරම දැනුන කෙනා ඔයා

ඒ හැඟීම කෙතරම්ද කියනවනම්
ඔයාගෙ එක බැල්මකින් පුලුවන් මගේ මුලු ආත්මයම නිවන්න

ඔව්, ආදරේට පුලුවන් මනුස්සයෙක් ගෙ මුලු ආත්මයම සනසන්න.

හරියටම කිව්වොත්
නුඹයි මගේ ප්‍රේමයේ අධිමාත්‍රායික ඇබ්බැහියයි.

ආදරෙන් පාට කරපු හීන වල තවමත් මං අයිතිකාරිනියක් නම්
ඔයා දවසක ඒව් කියල මං බලන් ඉන්නවා.

ඒ නුඹේ ආදරේ ළඟ මට නිවෙන්නට.

ඉතින් එදාටත්

" මං ඔයාට ආදරෙයි"

කියල කියනව ද ගැනු ළමයො ?

👀 ❤️

✍️_________NIMSARA 💜

මං අහන්නෙ නැ ඇයි ඔයා මගෙන් වෙන් වුනේ කියල ,

ඒත්
මගේ හිතේ තිබුණු හැගීම් සියල්ල
මා නුඹට ආදරයෙන් මුමුනා කීවෙම්
වේදනාවෙන් හඩා කීවෙම්
තරහින් පුපුරා කීවෙම්
වෛරයෙන් කෑ ගසා කීවෙම්

ඒ අතර වූ කිසිදු හැගීමක් නුඹේ හදවතට නොදැනුනේ කෙසේ දැයි
මා තවමත් කල්පනා කරම්.

වේදනාව දරා ගත නොහැකිව
මා ඉකිගසා හැඩුවෙම්
ඒත්
අවසානයේදී
කඳුළු පිසදා තනිවම සිනාසෙන්නට මා පුරුදු වුනෙම්.

ඉතින් මං ව්ශ්වාස කරනවා

වැඩිපුරම අඩපු ඇස් වලට තමයි
මේ ලෝකෙ වැඩිපුරම
හිනාවෙන්න පුලුවන් කියල .
♥️😌

✍️______________NIMSARA 💗💨

කෙනෙක් ගැන ආදරේ හිතෙන්නෙ
ආදරේ දැනෙන්නෙ
මොන මොහොතක ද කියල කියන්න බෑ

ඇත්තටම ඒක හරි අහඹු සිදුවීමක්

සංසාරේ පතාගෙන ආව වගේ දැනෙන සුන්දර හැගීමක්

සීරුවට හිතේ සියුම් තැන් රිද්දන, ආයෙත් පිරිමදින අමුතුම හැගීමක්

ඉතින් කාටමහරි ආදරේ නම් එයාට කියන්න

මොකද ඒ ආදරේට වටිනාකමක් ලැබෙන්නෙ
ඒ ආදරේ උරුමක්කාරයාට කිව්වොත් විතරයි

ආයේ එහෙම අවස්ථාවක් නොලැබෙන්නත් පුලුවන්

ඉතින්,

පමානොවී දැන්ම
ආදරෙයි කියන්න

ප්‍රේමයෙන් දැවුනු හිත්
ප්‍රේමයෙන් නිවාලිය යුතුමයි

ආදරෙයි ...
❤️

✍️_________________NIMSARA 💗💨

ලබන පෝයට
කැළණි යමුදැයි
ඇහුවෙ කීවෙනිවරද
මන්දා..
වෙනද වාගෙම
" බලමු " කීවෙම
ඉවරයක් නැති
සූමෙ හින්දා..
කතා නැතුවම
වැතිරිලා උඹ
උඩුබැල්ලෙ
පෙට්ටියක රන්දා...
අප්පච්චි දැං
කොහේ යන්නද
කදුලු මගෙ
ඇළ වේළි බින්දා..

වැටෙන වැටෙනා
වාරෙ ගානේ
වාරුවක් උනු
උබේ හිනහව...
ඉරිතැලුණු හිත
සිහිල් දිය ඉස
පාස්සන රග
අරුමයකි මට..
කල නොහැක්කක්
නොමැති බව
මතුරනා උඹෙ ඒ
ගැඹුරු කටහඩ..
යන අහක උඹ
අරන් නොගියේ
වාරු දෙන්නද
උබ නැතිවු හෙට..

නොකියාපු
කප්පරක් දුක්
උහුලන්න ඇති
කෝ කාට නිච්චී..
දරුවො හිනැහෙන
හැටි බලන්නට
නැහුන හැටි උඹ
පිච්චි පිච්චී...
අපිත් එක්කම
හැප්පි හැප්පී
ගෙවුනු කාළය
ඉවරවෙච්චී...
අම්ම එක්කම
උඹත් දවසක
බුදු වෙනවමයි
ම' අප්පච්චී..

✍🏻__________🍃💗Nimsara

ජීවිතේ කියන්නෙම
හමුවීම්
වෙන්වීම් වලට

ඇස් අස්සෙ කඳුළු පුරවන්
හිනාවෙන එකට

දෙතොල් නොකියන රහස්
අඩවන් ඇස් අතරින්
මුමුනන එකට

එකට හිනාවෙන්නට
බැරි ම දවසට
නොකියාම යන්න යන එකට

නොකියාම ගිය ඒ ප්‍රේමනීය මිනිසුන්
අවාරයේ මුනගැහුනොත්
ආදරෙන් සමු දෙන එකට

ඉතින්
මං විශ්වාස කරනවා

හදවතෙහි සියුම් තැන්
රිදෙන්න නම්
ප්‍රේමයක් අත්හැරෙන්නම ඕන

එහෙම අත්හැරුනු ප්‍රේමයන්
සදාකාලික

වෙනවාම යි.

🙂❤️

✍️_____________Nimsara 💜