Mphe motho

O PHELA NTLONG EA MOTHO E NCHA LE PELE HO MONG’A EONA

Makhaiso Phuthi - Quthing

'Matšabisa Ramokhathali (20) oa Matebeleng Ha Madona, Quthing o ahlotsoe ke Lekhotla la 'Maseterata Quthing, ka la 10 Phuptjane 2026; moo a qosoang ka ho qheketsa ntlo le tšenyo ea thepa.

O ahlotsoe ho hoehla lilemo tse tharo a le ka Setsing sa Tlhabollo ea Batšoaruoa kapa ho itefella M3, 000.00, moo halofo ea kahlolo e ileng ea fanyehoa, ka pehelo ea h**e a se etse tlolo e tšoanang ea molao nako ea lilemo tse tharo.

O hlolehile ho itefella, eaba o theohela ka Setsing.

Woman Police Constable (W/P/C) Mantebohiseng Lebona ho tsoa Ofising ea Lipatlisiso Quthing o re ba fumane tlaleho ka monna (59) ka la 29 'Mesa 2026, a re ho na le motho ea bonahalang a lula ha hae, e bile a mo senyelitse mamati, lifensetere le ho nka linotlolo, 'me boleng ba thepa eo kaofela bo hakanyelitsoe ho M18, 000.00.

A re lipatlisisong tsa bona, ba fumane h**e ka la 'Mesa 2026, lehlatsipa le ne le tlohe ha lona la leba ntlong e ’ngoe ea lona e ncha ho hloela.

O re ho fihleng hoa lona moo, le ile la makala ha le bona fensetere e choatiloe, mamati a se a fasitsoe ka liropo, linotlolo li le sieo, eaba le fumana kobo e ileng ea tsejoa e le ea moqosuoa.

A re ba boetse ba fumane h**e ho na le ba ileng ba bona moqosuoa moo empa ba hopola h**e o moo ka tumello.

Moqosuoa o ile a tsongoa ka lintja le likatse ke sechaba le mahokela, eaba ba mo tšoara ka la 1 Motšeanong 2026, ba nehelana ka eena Sepoleseng.

O ne a ile a hlaha Lekhotleng lekhetlo la pele ka la 8 Motšeanong 2026, eaba o fuoa beile ea M1, 000.00 ea neng a hlolehe ho e lefa.

Sergeant (Sgt) ‘Makopano Moshapane o elelitse batho ho tlohella ho ikhapela moo e seng ha bona. A eketsa ka h**e le beng ba matlo, ba kope bahaisane ba bona ho lahlela leihlo bosieong ba bona.

Lerato la monga kobo e thokoa le monketse 'Milikane🤣🤣🙈

𝗠𝗢𝗡𝗡𝗔 𝗢 𝗜𝗞𝗘𝗡𝗬𝗔 𝗞𝗔 𝗛𝗔𝗥𝗔 𝗞𝗔 𝗛𝗢 𝗣𝗛𝗨𝗡𝗬𝗔 𝗠𝗔𝗞𝗨𝗡𝗨𝗧𝗨 𝗞𝗔 𝗟𝗘𝗕𝗔𝗞𝗔 𝗟𝗔 𝗝𝗢𝗔𝗟𝗔

Monna ea ipitsang Moqolisi K'honk'hotha, likamano tsa lilemo tse 3 tsa lerato le kharebe ea hae li butu, se na se tla kamar'a h**e monna enoa a phunye makunutu a bua video e ileng ea matha ho marangrang a facebook. Monna enoa o ne a botsoa lipotso ke monna ea tsamaisang lebota la "Campus talk", a le ho e ngoe ea litapo-tapo tsa joala Maseru.

Motsamaisi oa lebota o ile a re monna enoa Moqolisi a itlhalose na ke mang? o tumme kae, o ho kae? o tlo etsang sebakeng seo sa joala? Na oa jola? Kharebe ea hae e ho kae?. Monna enoa Moqolisi o ne a inoelletse haholo, ebile a its'oaretse sematlana sa hae ka letsoho.

Ke moo Abuti a ileng a t**a joalo ka tsela e eang ntloaneng. A ipolela mabitso a hae h**e ke Moqolisi K'honk'hotha, o tlile sebakeng seo o tlo foka sabole hobane ho jola le ngoanana ea le mong hase ntho e nepahetseng. A bolela h**e o jola le motho ea le mong, joale o mosiile moo ba lulang ena o tlile sebakeng seo a tlo foka sebole. A bolela h**e o se a thotse motho eo a tlo potela le eena, ebile o se a mots'episitse double.

Monna enoa o ile a bua le litaba tse ling tse ngata, eka motho oa hae o ile a bona Video ha e ntse e matha ho marangrang ke moo khang le khathatso li ileng tsa qala teng.

Na ho nepahetseng ho botsa motho lipotso a noele?

𝗦𝗘𝗟𝗘𝗧𝗦𝗜 𝗦𝗔 𝗟𝗜𝗞𝗔𝗧𝗔𝗥𝗔 𝗧𝗦𝗔 '𝗠𝗜𝗡𝗢 𝗢𝗔 𝗙𝗔𝗠𝗢 𝗦𝗘 𝗟𝗟𝗔 𝗞𝗔 𝗠𝗔𝗞𝗛𝗢𝗠𝗢𝗦𝗛𝗔

Seletsi sa likatara tsa 'mino oa Koriana, Molise Maqache oa Ha Lesiamo Leribe. O supa ha a nahana ho e supa ka monkhoane a tlohelle ho letsetsa libini tsa Koriana katara, a khutlele 'minong oa Jazz moo a qalileng ho letsa katara teng.

Sena se tlile ka morao h**e makhomosha, a mojarise lekoko la nku eo a sa e jang. Ntate Molise o sebetsa khauteng ntlong ea khatiso le Ntate Sthembele, a sebetsa le libini le lihlopha tsa makhotla a fapaneng. Moo a bolelang ele mosebetsi o kenyang papa ea lelapa la hae.
Ho sa joalo, mongahali Molise o supa khoeling e fetileng ba le mosebetsing, ba qeta ho hatisa mino oa libini tsa lekhotla le leng le ne le tlile moo, ba ile ba tsamaea eaba banna bao ba sala le setsibi sa molumo a tse a hlatsoa melumo.

Ke moo ha ba qeta ho tsaa maea, ho ile hoa fihla banna ba bang ba lekhotla le leng ba tlo hatisa le bona. E ne ele banna bao ba sa isaneng 'moho le libini tse ne li le ka ntlo ea khatiso, empa ntate Molise o supa ha banna bao ba saka ba loana eleng ntho eo a supileng ele kholo. Kamor'a nako e se kae eka mapolesa a ile a fihla sebakeng seo, 'me a hlekefetsa banna bao ba libini ba neng ba le moo leho senya thepa ea ntlo ea khatiso.

Makhomosha a ile a koata haholo ba re mongaka ntlo ea khatiso le Ntate Molise ba ba rekisitse. Mongahali Molise o supa a koatile haholo a keke a etsa seo, kaha a sebelitse 'minong oa famo khale a letsetsa makhotla a fapaneng katara. A supa h**e lethathamong la bona la libini tse tlo hatisa haba ngole mabitso a bona empa ba ngola ntho e tla ba hopotsa, hape Ntlong ea khatiso ea ntate Sthembele mapolesa a lula a paterola sebakeng seo.

O supile a ka li etsa liphoso, empa e seng a siteloe makhomosha leho senya mosebetsi oa hae o mophelisang. O supa ha bophelo ba hae bole tlokotsing ke batho ba mo etseletsang haba fihla ho makhomosha, a re makhomosha a ts'ajoa ke mapolesa le masole a Afrika boroa joale ena aka etsang.

Ka nnete o re o khutlela minong oa Jazz moo a tla sebetsa a sa ts'oha sethunya, hape makhomosha ha a khotsofale. O re o kene sekolo eena, empa bothata ele tlhokahalo ea mesebetsi Lesotho, Ebile o nahana ho tla lipolotiking a tlo haila.