Dr. Karima Elgimmi

متابعاتي القدم من 2018 تعرفوني قدااش نحب منتجات التفتيح خاصة ف الشتاء روتيني تلقائياً يتغير لروتين تفتيح ونضاره اليوم جايبتلكم زوز سيرومات فيهم اقوى تركيبات التفتيـح يخلو البشره مرايـاا تلقّ لق 🌟 وحتدعولي بالخير 😉

سيرومات يغنوك عن هلبـاا منتجات ثانيه تكتفي بيهم فقط بعد الغسول متاعك وبعدهم ترطبي فقط ووقت بتطلعي واقي شمس 🌞 طبعاً ماننسوشي

نجو نحكو ع كل سيروم بروحه وتركيبته وفعاليته
📍GLUTA White Plus Serum 🌟
السيروم هذا جامع بين تركيبتين نـاادر جداً مانلقوهم مع بعض ف سيروم واحد فيه :-
الجلوثاتيون الي بيخفف tyrosine activity المسؤوله عن تصبغات الجلد و يعمل كمضاد اكسده يحمي البشره من الجذور الحرة ، ويعزز إشراقة البشرة ونضارتها، ويحميها من الأضرار الناتجة عن التلوث وأشعة الشمس، ويقلل الالتهابات الجلدية مثل حب الشباب والأكزيما

والريتيـنول يعالج الخطوط الدقيقة والتجاعيد لأنه يحفز زيادة إنتاج الكولاجين ، يحسّن ملمس البشرة ولونها عن طريق تقشيرها وتوحيد لون البشره ويخفف هلبـاا من التصبغات

يعني مع بعض جلوثـاتيون وريتيـنول حيديرو شغل هلباا جميل للبشره ✔️👍🏻

تستعمليه مرتين ف اليوم بعد الغسول ع بشرة نظيفه ولو بتطلعي للشمس فوقه ضروري تحطي حماية قوية من الشمس SunScreen 🌞

📍Whiten advanced whitening serum
‎ هذا السيروم السحري فيه اربعه مواد تفتيح مش مادة ولا اثنين 😨✔️
يعني حيطعي نتايج جبـاارة ف تفتيح البشره والقضاء ع تصبغاتها👌🏻
تركيبته عبارة عن:-

- ألفا اربيوتين اقوى تركيبة للتفتيح يفتح البقع الداكنه بشكل آمن جداً وفعّال ، يتحكم ف إنتاج الميلانين ، يقلل من ظهور النمش الشيخوخي والتجاعيد، ويساهم في الحفاظ على نضارة البشرة وحيويتها

- ازيلوغلايسين عبارة عن حمض الآزيلك والجلايسين يعملو ع تقليل الإحمرار وتنظيم إفراز الدهون، بالإضافة إلى دعم إنتاج الكولاجين وتحسين صحة البشره بشكل عام

- رباعي البيبتايد يعزز تبييض وتفتيح البشره ويحفز إنتاج الكولاجين والايلاستين ، تحسين ملمس البشره ، يزيد ترطيبها

- ڤايتمن سي يحفز انتاج الكولاجين ، يعمل كمضاد اكسده يحمي من الجذور الحره يقلل من مظهر الخطوط التعبيريه والتجاعيد

يعني سيروم واحد يغنيك عن هلبااا خطوات وهلبا سيرومات ، وفيه كل تركيبات التفتيح والترطيب والشد والنضارة

يستعمل مرتين ف اليوم مع روتين الصبح ☀️ و اللـيل 🌚

السيرومات الزوز ممنوعات للحامل 🤰🏻 والمرضعه👩🏻‍🍼

الزِنك 💊وما ادراك مالزِنك وفوائده لصحة وخصوبة المرأة 💁🏻‍♀️ وللبشره والشعر ولتعزيز المناعه

خليكم متابعين حـ انزل منشور تفصيلي بفوائده وجرعاته اليومية والكورس متاعه كم يكون 🫶🏻

تفتيحه ونتيجته رهيـبة 👌🏻🤗🌟

Perfect perfect perfectttt 💕🌟

👩🏻البنوتات الي يعانو من تصبغات وضربات شمس😔وحرقات بحر 🌞🕶️جايبتلكم غسول تحفة تحفة 👍🏻👌🏻خاص للتصبغات تفتيحي 🌟يخدم عالتفتيح والنضاره

الغسول قوامه كريمي رغوته خفيـفة اجمل مافيه تركيبته الي هي عباره عن عرق سوس الي بيعتبر مضاد اكسده ومضاد إلتهاب يحارب حب الشباب ويقلل التصبغات ، يهدي ويرطب البشره ، وڤايتمن سي ونياسيناميد مواد كلها تخدم ع التفتيح والتقليل من إنتاج صبغة الميلانين

طبعا لطيف عالبشره من سابع المستحيلات انه يسببلك جفاف ولااا يمكن نحكي من تجربة نص عام وانا مداومة عليه ومعاش قادره نغيره لأنه حرفياً ممتاز ممتاز مناسب لكل أنواع البشره حتى الحساسه من اول اسبوع تحسي بتحسن ف البشره تفتيح ونضاره ومُشرقة ومترطبه وصافيه

جداً ننصح بيه ، ومزال في باقي روتين معاه للتفتيح خليكم متابعين حـ انزل عن باقي الروتين التفتيحي من ديرميـنا 🌟

الشتاء عالأبواب ❄️🥶❄️يعني نمشو نشرو الكريمة هذه ونداومو عليها 🥹 لأنها حرفيـاً سحررررر ، ترطيبها جبـار 👌🏻

هي عبارة عن بلسم وهي فعلاً بلسم اكثر من كريمة قوامها بلسم وبعدين يتغير لزيتي لكن تمتصه البشره بشكل سريع ويكوّن طبقة واقيه عالجلد

تركيبته زيـوت مغذيه وزبدة شيّـا وحمض الهيالورونيك ومضادات اكسده 👌🏻ممتاز جداً ننصح بيه بشدة فـ الشتاء للجسم بالكامل بعد الدوش للكبار والأطفال وحتى الرضّع آمن وطبي وفعّـال لمعالجة جفاف الجلد والترطيب العميـق

متوفر ف معظم الصيدليات 🫶🏻

شعرك ماتهمليشي سومه بسوم بشرتك 🩵

جمال شعرك نصف جمالك 👩🏻‍🦱👩🏼‍🦰💇🏻‍♀️
يعني ضروري مانهملوش شعرنا ونهتمو بيه زي إهتمامنا ببشرتنا واكثر حبتين

الشعر مايبيش غسل 🧴 كل يوم لانه حيجف ويتقطع ديما من مرتين لثلاثه وديما تركيزك يكون عالبلسم والماسك اهم حاجتين بعد الشامبو

بالنسبه للشامبو 🧴كل وحده وميزانيتها اي شامبو تنظفي بيه فروة راسك لكن الأهم هو استعمال البلسم المغذي والمرطب لأطراف الشعر والماسك لي بيغذي الشعره ويرممها خاصة الي ديما يصبغو ويغيرو ف لون وطبعاً ماننسوش السيرومات والزيوت المغذيه زي زيت الآرغان

اهم شي احرصو ان المنتجات لي تحطوها ع شعركم تكون اصليه ومضمونه ومن مكانات صح ✅

ف المنشور الجاي حـ انزل افضل المكملات الغذائيه لي تعالج مشاكل الشعر

تبو تخفيض ولالا 🤔

من غير ماتفكرو تعرفوني ديما مدلعتكم بتخفيضات حلوة ف كل مناسبه وتوا جيتكم بتخفيضات بمناسبة المولد النبوي لعرايس 👰🏻‍♀️👰🏼‍♀️شهر سبتمبر 🤩🤩🤍🥹

📣📣عروض الهيدرا ( تنظيف البشرة ) الي تحبوهم رجعو من جديد 🌸🔥🏃🏻‍♀️

باقات الـHydraFacial ❤️‍🔥

- الهيدرا الكلاسيكية Classic Hydra بـ150 تشمل البخار وإزالة كل دهون الوجه مع غسول وتونر وسكرابات مقشره +التقشير المـائي +ماسكات النضارة والترطيب

- هيدرا عنايه اكثر Extra Care Hydra بـ200 بمنتجات كلاريـنا الطبيه تشمل تنظيف عميـق جداً بالبخار مع إزالة كل الرؤوس السـوداء بالبخار مع سيرومات تنظم إفراز الدهون وسكرابات مقشره وماسكات مغذية للبشره مع الهيـدروجيلي 🧖🏻‍♀️💆🏻 والماسك الضوئي العلاجي

مع اخصائية الهيدرافيشيال 👩🏻‍⚕️د/كريمة القِمّي

📝متواجدة يومياً فـGlow &Go Center من الساعه 11صباحاً للساعه 2ظهراً

📍العنوان : الجرابه شارع المطاعم زنقة Guns&buns

📋 للحجز تبعتي اسمك عالخاص او تتصلي ع رقم المركز ☎️ 0916648988