Meka-up Artist Ñada Shibl

🚫 بكـل وضوح ..

“حي أفريقية حي تشادية ” أو “حي مريضة” عندك ورقة تحليلها !. هذا قلة وعي وقلة احترام قبل أي شي ..

أي تعليق فيه تقليل من اي مودل بسبب لونها أو جنسيتها او شكلها او انها خادمة على وجها تجميل مرفوض تمامًا ❌

أنا نخدم باحتراف ونظافة وتعقيم كامل ، وكل الأدوات نعقم فيها بالطريقه الصحيحة ، وبضاعتي ريحتهم ديما تفحفح بـ"توري" واللي مش واثقة في شغلي بكل بساطة تتفضل ماتابعنيش وماتجينيش ♥️

وإلغو فكرة ان المرض محدود ومحصور بين بلاد وبلاد لا ومدامها مش ليبية معناها لازم ادير تحليل وتمشي بورقتها ..

المرض موجود في كل العالم ومش مربوط بـ اي بلد أو لون

الدنيا اتطورت لي مانرضوشي لي نفسنا مش حنرضوه لي غيرنا وواجب عليا نعقم وانظفف وواجب على اي وحده تفكر تفتح باب رزق بتستقبل فيه جميع انواع البشر انها تعقم ..

ارفعوا مستوى تفكيركم شوية، وخلو الكلمة الطيبة هي الأساس ♥️

وصدقوني الوسواس القهري هذا ضروري تعالجوه
لان اي شي تخافو منه يجيكم سلمو كلشي في يد اللّٰه سبحانه والحافظ ربي " مايصيبنا إلا ماكتب اللّٰه لنا " ♥️
#متابعين #اكسبلور #مشاهدات

مش مجرد ميك آب , فن يُبرز أجمل مافيك 🤎

قداش وحدة اتابع فينا كانت اطلالتها من عندنا !. 🥹🤎
شغل الارتست

الحجوزات متاحة لـِ شهر 7/8/9 🤎
جمال السودانيززز 🇸🇩

🚫ملاحظة بالنسبة لـِ نظامنا
الارتست تخدم بالحجوزات مرات تتصلي بينا في نفس اليوم او قبلها بيوم ومنقدروش ناخدوك يكون فل حجز ..
مدابيكم حاولو اول ما تعرفو موعد المناسبة راسلونا و وحنسقولكم على موعد وباذن الله نحجزولكم ..
والأسبقية للي تجي قبل مافيش كلمة اني حاجزه كلكم حاجزين لي تجي بكري حتضمن مكانها ولي بتخش مخر حتراجي دورها ..

" ماتجيش كلكم تخشو ساعه 4 وتبو تطلعو قبل الـ7 "

والاستفسار عالاسعار عالواتس 0910386465 ..
العدسات من Bahra Lenses اسمهم "شفق" 🤎

يوم التخـرج يحتاج إطلالـة تليـق بيه 🤎

فـخورة إني كنت جزء من لحظـة إنجاز وتسر الخاطر ..
الف مبروك التخرج " قسمة " شرفتينـي 🤎

وإطلالتك كانت حكاية ثانية 🔥
كل خريـجة فيكم ادير لمسات حتكـون لوحة فنية يوم تخرجها 💄


للحجز والاستفسار يرجى الاتصال على 0921169565📞
او بالتواصل على الواتس اب 0910386465 …

#اكسبلور #متابعين #طرابلس #ليبيا

السلام عليكم 🚫
هلبا يخشولي ومايعرفوش نظام الخدمة عندنا ..
تخدم بالحجوزات
الأغلب تتصلو بينا في نفس اليوم او قبلها بيوم ويومين وتلقو الحجز فل ومسكرر
حاولو اول ماتعرفو موعد المناسبة متعكم راسلونا وشوفو تاريخ مناسبتكم هل فاضي عندنا او لا واضمني حجزك قبل مايتسكر الحجز حتى قبل مناسبتك بشهر ..

بالنسبه للعرابين لما تحجزي ليك ولي خواتك وتعبيلنا اليوم ضروري ماتجي تعطي عربون وتاخدي واصل
اما لي تحجز لي روحها بس الموضوع بالثقه ♥️

واي وحده يصيرلها ظرف تتصل او تبعت رساله لان في غيرها يدور في حجز ..
بالنسبه للاستفسار عالاسعار ياريت تسهلو علينا وتبعتو رساله عالماسنجر او الواتس وحنردو عليكم بصوره فيها الباقات والأسعار ..
والحجز اتصلي عالرقم 0921169565📞

ملاحظه🚫
نفس الميك في تتوريال ضفت حاجات بسيطه وتغير لي لوك صدرة بإمتياز الله يبارك ..
البدلـة من بوتيك روسانزا ..

مكاني / الهضبة طول