shop oum imran
Share
بيع منتوجات صحة والجمال
باك المعالج للشعر
كيقوي شعر
كيمنع تساقط
كرطب
كطول
كيعالج تقصف
أو كيعالجو ثونية
16/06/2025
12/01/2024
منتوجات طبيعية أم عمران
20/05/2023
لي بغات الحسة الصحروية ديال بذور الأكبي وذروة الجمل مرحبا كتعالج ليك فقر الدم أو بومزوي طبيعية مفيها لا فنيد لا سيرو أو ربي شاهد عليا ثمن كيلو 240 درهم أو جوج كيلو 400 درهم توصيل فابور جميع المدن
26/04/2023
البنات لي بغاو يديرو التجرية من بعد شهر رمضان ضرووووري تقراو هذه المعلومات ❌❌👇👇👇
📌اول حاجة خصكوم تعرفو هاد الوصفة شنو هي شنو كادير ؟؟
التجرية هي وصفة اصلها صحراوي هي عبارة عن مجموعة من الاعشاب لي كاتشربيهوم بقواعد خاصة باش تخوي مصرانك
شنو كادير؟
كيما قلت هي كتخوي المصران من السموم لي عندها الحناش ولا السينتة ولا الغازات ولا الماكلة لي كتكون لاصقة فالمصران سنيين كتحيدها وكيتنقا مزيااان،
هاد تجرية لسببين هادفين و حنى كنديروها ل دوك السببين👇
1. نقيو المصران
2. يتنور لينا وجهنا ويقبل اي وصفة
🤔غاتقولولي شنو علاقة الوجه بالتجرية!❗ غانقولك اختي بان اي مشكل داخلي كياتر على الوجه ف منين كيكون عندك مشكل لداخل واخا ديري مليون وصفة ماغاتبان لك تا نتيجة يعني خصك اولا تعالجي مصارنك و نهار كديري التجرية كتكوني عالجتي مصارنك وكتولي اي حاجة حطيتيها على وجهك او كليتيها كتبان عليك و وجهك كيتنور ومع المدة والوصفات غايصفا ان شاء الله
👈لهدا البنات متربطوش التجرية بالغلض ولا الرق
🌻 خاص اي وحدة ديرها، لي غليضة دير ريجيم موراها ولي رقيقة تاكل وهكا كل وحدة غاتحكم ف فورمتها وراه تبارك الله كل وحدة عارفة شكادير
دبا ندوزو للمكونات والماكلة وشنو خاص نديرو !
👈المكونات
كتاخدي قرعة لي كتسد مزيان، ديري فيها كاس ورد بلدي+ كاس سنة حرام (فلاجيط او سنة مكي)+ كاس زبيب من الاحسن الاسود+ ملعقة كبيرة العلك لي كيدار ف اتاي + 7 تمرات بلا عظم. هادو كتخويو عليهوم لتر ديال الماء غلياااان مزياان وتسدو القرعة وتخليوها ليلة كاملة
❌نهار لي غاديري فيه التجرية ❌
👈اولا خصك تكوني فالدار بوحدك
👈ثانيا متخرجيش و ميجي عندك تاحد
👈المهم كتفيقي صباح غاتفطري ب شوية دالخبز الكامل مع اتاي بالعلك جلسي شوية و عاد شربي الوصفة غادي تصفيها وتاخدي غير الماء وتزيدي عليه عصير فيه باربا مصلوقة وكاس الليمون البرتقال مطحونين وشربيهوم مخلطين
👈 حاولي تشربيها دقة وحدة و الى ماقدرتيش شربي فضرف ساعة ولا ساعتين كاع
👈❌خصك توجدي الزريك لي هو عبارة عن مشروب لي غاتشربيه نهار كامل فبلاصة ماتشربي الماء شربيه هو والزريگ ما اكون بارد بزاف :
يتكون نصف لتر حليب+ كاس ياغورت بنكهة الموز ولا الفاني+ كاس ماء خلطيهوم وبقاي تشربيه.
📌دبا نتي فطرتي وشربتي التجرية وشربتي شوية من الزريك شنو غاديري؟
غاتنوضي تحركي حيت ممنوع تجلسي ولا تنعسي المهم تحركت مزيااان ديري شغل، طلعي مع الدروج...... من بعد غاتبداي تحسي بلي خصك تخوي صافي كتمشي تخوي كرشك كيخرج دكشي ما وغالبا كيكون حمر لانك خديتي الباربا صافي كتخرجي متنسايش الزريك لي تبقاي تشربيه كل شوية وتحركي تحركي غاتبقاي كل شوية غادا لطواليط كتخوي و ممكن يجيك وجع ولكن خفيف ماشي وجع قاصح كاينين شي بنات غاتجيهوم الترويعة حاولو ماتردوش
📌فوقت الغذاء فاش تحسي بشوية ديال الجوع صاوبي الحسوة
(كتغلي الما وتزيديلو بلبولة ولا سميدة كل واحد كيكايصاوبها وخليها تغلى شوية وزيدي شوية د الملح صافي)، كوليها ولكن بدون خبز و تا لي بغات تاخد الماء متكترش منو وما اكون بارد بزاف من الاحسن الزريك
المهم واخا يجيك الجوع استحملي وراه مكتكون لا دوخة لا سخفة لا والو❌
❌👈باش تعرفي راسك تخرطتي منين تشوفي خرجتي دكشي صفر
👈المهم تحسي براسك كملتي فليل صاوبي شعرية ولا المحمصة بالحليب وكوليها وبغيتي تاخدي اتاي بالعلك تاهو خوديه وبصحتك
👈لغد ليه كتفيقي عادي غير من رايي حاولي ماتاكليش بزاف باش معدتك مضركش حيت خاوية
👈بالنسبة لناس لي ماخصوش يديرها ؟
* الحامل 🤰🤰🤰
* المرضع 🤱🤱🤱
* الاطفال الصغار 🧒🧑👱♂️👱♀️
* لي عندو مرض الإسهال 🏃♀️🏃♀️
* ولي فيها الحيض ♥️♦️♥️
👈شكون يقدر يديرها؟❓
اي واحد ماشي من لي دكرت قبل ممكن يديرها، و بالخصوص لي كيعانيو من بومزوي ولي عندو سينتة ولا حناش ..
👈شحال من مرة خصني نديرها؟❓
كدار مرة في 6 اشهر
❌وياااكم ديروها وتعاودو مرة فقط في 6 اشهر❌
📌ديروها فاش يكون الحال سخون
👈👈فاش كاديريها فالحال بارد كترجع ليك بالزروقية فالوجه عوض مايتنور دكشي لاش ديروها فالصيف
👈بالنسبة للاعراض ممكن يختالفو من وحدة لوحدة بمعنى متلا ممكن نتي تحسي بدوخة خفيفة ولا ممكن متلا نتي تدخلي لطواليط بززاااف د المرات و وحدة اخرى تدخل غي 5 د المرات غي متلا
👈و راه ممكن مور ماتشربيها تجلسي غير ساعة وتبداي تسرسري وممكن تجلسي 4 ساعات عاد تبداي،
👈وممكن تسالي وتخرطي دغيا وممكن تعطلي واحد شوية على حسب شنو عندك فالمصران
👈❌❌ ممنوع تنقصي شي مكون ولا تزيدي من راسك
❌👈 ممنوع تزيدي المقادير خلي دكشي كما هو
😍نتمنى نكون فدتكم 😍
🌻نصيحة : السوائل الباردة ممنوع الاكل القاصح ممنوع الاكل الكثير ممنوع اتاي بالنعناع ممنوع الخروج ممنوع، النوم ممنوع، شرب الحليب الدافي واتاي بالعلك مسموح. ديروها البنات رآها زوينة بزاف.
مبغيت منكم والو غير دعوة الخير ويفرحني ربي بداكشي لتمنيت فقلبي 😘😘
06/04/2023
Click here to claim your Sponsored Listing.
Category
Website
Address
الدارالبيضاء تيط مليل حي رحمة 1
Casablanca
20000
