Hatim hatim

هادي واحد النصيحة لوجه الله فقط ...💎

هاد الأيام تنشر هاد الفيلم لي الإسم دياله sijjin ولي داير ضجة على مستوى وسائل التواصل الاجتماعي.
لي كايتكلم عن قصص حقيقية لناس أستعملت السحر كوسيلة لبلوغ الغايات ديالها، ولي بالطبع دائما ماكانت كاتكون نهايتهم مأساوية حيث وببساطة لايفلح الساحر حيث أتى .
النقطة المهمة فالموضوع هو أن هاد الفيلم او بالأحرى هاد السلسلة هي عبارة عن أجزاء لي عددها 7 تنشروا منها 6 لحدود اللحظة وهنا كنتكلم على النسخة التركية لي مافيها حتى نقطة سوداء ويمكن لأي واحد يتفرج فيها وهنا أخص بالذكر عشاق أفلام الرعب طبعا...
لكن الموشكيلة هي انه كاينة نسخة طبق الأصل لهاد السلسلة وهي النسخة الأندنيسية وهي لي كتشكل خطر على المشاهد ولا أنصح مشاهدتها.
وقصة هاد الفيلم لي عبارة عن حلقة واحدة كتدور أحداثها حول واحد البنت أحبة إبن عمها مع انه مزوج وعندوا بنت فقررات تسحر لمراته باش تقتلها ويبقا ليها وحدها.
لكن أنا علاش قولت لكم ماخاصكمش تفرجوا فيه ياترى...؟

الجواب هو انه فهاد النسخة بغض النظر على أنها فيها أيات قرآنية مقلوبة وهادشي طبعا كايتعارض مع الدين الاسلامي ديالنا فكاين ما هو أخطر وهو أنهم أستاعنوا فيه بواحد من أشهر السحرة الحقيقيين ف أسيا.
والطلاسم لي كايقولوهم فالفيلم حقيقية + حتى الناس لي مثلات فالفيلم فهم أناس متلبسين بالجن حقا يعني وببساطة الى تفرجتي فهاد الفيلم فكأنك كدير دوك الطقوس لغرض تحضير الجن وهادشي مافيهش اللعب ويقدر يشكل عليك خطر ويأديك بزااف عاجلا أو أجلا خصوصا وانه السحر لي تستعمل ولي كايدووا عليه فهاد الفيلم هو اخطر انواع السحر في العالم وهو السحر_الأسود .

وفي الأخير ماعلى الرسول إلا البلاغ والسلام عليكم ورحمة الله تعالى وبركاته.



#سِجين