Moe Myint kyel

Knowledge and awareness 1and0

TikTok · ဦးသုမန သင်ခရိုင်ပရဟိတကျောင်း 545.3K likes, 13.5K comments. Check out ဦးသုမန သင်ခရိုင်ပရဟိတကျောင်း's video.

TikTok · Mel Lone Vocalist 77 likes, 9 comments. Check out Mel Lone Vocalist's video.

40000mmk

ပြည်ပ

Skip to content

Toggle Navigation

Artificial Intelligence (AI)နည်းပညာအကြောင်း
Artificial Intelligence(AI) နည်းပညာဆိုတာ ဘာလဲ?

AI ရဲ့ အရှည်ကောက်က Artificial Intelligence ပါ။ တိုက်ရိုက်ဘာသာပြန်ရင် ဖန်တီးပြုလုပ်ထားတဲ့ အသိဉာဏ်လို့ အဓိပ္ပာယ်ရပါတယ်။ AI ဆိုတာ အလိုအလျှောက်သင်ယူလေ့လာနိုင်အောင် ရေးဆွဲထားတဲ့ကွန်ပျူတာ ပရိုဂရမ်တစ်ခုဖြစ်ပါတယ်။ AI ကို Machine-learning Algorithm တွေသုံးပြီး deep learning စနစ်နဲ့ သင်ယူနိုင်အောင်ရေးဆွဲထားတယ်လို့ ပြောနိုင်ပါတယ်။ လူသားတွေက စဉ်းစာတွေးခေါ်သင်ယူနိုင်သလို AI ကလည်း ကွန်ပျူတာရဲ့ ဦးနှောက်လို့ ပြောရမှာပါ။ Artificial Intelligence (AI) ကအလိုအလျောက် သင်ယူနိုင်တယ် လို့ဆိုပေမယ့် အချို့အရာတွေကို (ဥပမာ – စစ်တုရင် ထိုးခြင်း ဂိမ်းကစားခြင်းစတဲ့အရာတွေကို) လူသားတွေက လေ့ကျင့်ပေးရပါသေးတယ်။ ဒါပေမယ့် AI က လေ့ကျင့်သင်ကြားပြီးသွားရင်တော့ လူသားတွေ လုပ်တာထက် အလွန်ကောင်းမွန်တဲ့ result တွေကို ထုတ်ပေးနိုင်ပါတယ်။

AI နည်းပညာကို ဘယ်နေရာမှာ အသုံးပြုကြလဲ?
ယနေ့ခေတ်မှာ Artificial Intelligence(AI)ကို နယ်ပယ်တော်တော်များများ အထူးသဖြင့် နည်းပညာနယ်ပယ်တွေမှာ အသုံးပြုနေကြပါတယ်။ Artificial Intelligence(AI)အသုံးပြုမှုကို အနီးစပ်ဆုံး ဥပမာပေးရမယ်ဆိုရင် Google ပဲဖြစ်ပါတယ်။ ဘာလို့လဲဆိုတော့ Google ကုမ္မဏီဟာ သူ့ရဲ့ဆော့ဝဲတွေအကုန်လုံးလိုလိုမှာ Artificial Intelligence(AI)ကို အသုံးပြုထားပါတယ်။ Example အနေနဲ့ သင်က ကင်မရာအကြောင်းတွေကို စိတ်ဝင်စားတဲ့ လူဆိုပါတော့။ သင်က Google search မှာ ကင်မရာတွေ အကြောင်းကို မကြာခဏရှာဖွေနေတဲ့အခါ Google က သင်ဟာ ကင်မရာတွေကို စိတ်ဝင်စားကြောင်း အလိုအလျောက်မှတ်သားထားလိုက်ပြီဖြစ်ပါတယ်။ သင် ကင်မရာစိတ်ဝင်စားမှန်း သိတဲ့ Google က ကင်မရာအကြောင်းကို ထိပ်ဆုံးမှာ ပြပေးပါ လိမ့်မယ်။ အဲဒီလိုနည်းနဲ့ Google ဟာ ကျွန်တော်တို့ လိုချင်တဲ့အရာတွေကို မြန်မြန်ဆန်ဆန်နဲ့ မှန်မှန်ကန်ကန်ရှာဖွေပေးနိုင် တာဖြစ်ပါတယ်။ Google search ကို အထောက်အကူပြုပေးထားတဲ့ AI စနစ်က ဟိုးအောက်ခြေက သာမန် Artificial Intelligence(AI)အဆင့်လေးပဲ ရှိပါသေးတယ်။ အင်တာနက်ကနေ အချက်အလက်တွေ ရှာဖွေဖတ်ရှုချင်လို့ဘဲ ဖြစ်စေ ၊ You Tube တို့ Netflix တို့ကနေ ရုပ်ရှင်တွေ ကြည့်ရှုတာဘဲ ဖြစ်စေ ၊ Amazon လိုမျိုး အွန်လိုင်းကနေ စျေးဝယ်ယူတာမျိုး ဖြစ်စေ အစရှိတဲ့ ကျွန်ုပ်တို့ရဲ့ နေ့စဉ်လုပ်ဆောင်ချက်တွေရဲ့ နောက်ကွယ်မှာ AI ရှိနေပါတယ်။ Therefore ပစ်မှတ်ထားကြော်ငြာခြင်း (Targeted Advertising) တို့ ၊ Recommended Videos ဆိုတာတွေပေါ်လာပြီး အစီအစဉ်ကျတဲ့ အင်တာနက်ဝက်ဘ်ဆိုက်ဒ်တွေ ဖြစ်လာတာပါ။

AI Technology ရဲ့ အကျိုးကျေးဇူးများ

Artificial Intelligence(AI) ကို အဓိကအသုံးပြုနေတဲ့နေရာကတော့ အားလုံးသိကြတဲ့အတိုင်း စက်ရုပ် တွေမှာပါ။ နောက်ပိုင်းစက်ရုပ်တွေ ဟာ ဟိုးအရင်က စက်ရုပ်တွေ လို သတ်မှတ်ထားတဲ့အတိုင်းပဲ အလုပ်တစ်ခုခုကိုပဲ လုပ်နေတာမျိုး မဟုတ်တော့ပါဘူး။ အခုနောက်ပိုင်းစက်ရုပ်တွေဟာ ကျွန်တော်တို့မျက်နှာပေါ်က စိတ်ခံစားမှုများတွေကိုသိရှိနိုင်ပြီး စားသောက်ဆိုင်မှာ စားပွဲထိုးလုပ်ပေးတဲ့ စက်ရုပ်လေးတွေ ၊ ဧည့်ကြိုလုပ်ပေးတဲ့ စက်ရုပ်လေးတွေ ၊ ကျွန်တော်တို့နဲ့ အတူတူ Chess ထိုးမယ်။ ဒါမှမဟုတ် တူတူစာဖတ်မယ့် အဖော်ပြုဖို့ စက်ရုပ်တွေ ထွက်ပေါ်နေပါပြီ။ ဒီလိုမျိုး စက်ရုပ်တွေက ကျွန်တော်တို့ရဲ့ သူငယ်ချင်း စက်ရုပ်လေးတွေ ဖြစ်လာမှာပါ။ အိမ်သုံး စက်ရုပ်အနေနဲ့ဆိုရင်လည်း တံမြက်စည်း လှည်းမယ်၊ ဖုန်သုတ်မယ်၊ ဒါ့အပြင် ကိုယ်မအားတဲ့ အချိန် ကိုယ့်သားသမီးတွေကိုလည်း ကူထိန်းပေးခိုင်းလို့ရပါတယ်။ ဒါဟာ ထွန်းကားလာတဲ့ Artificial Intelligence(AI) နည်းပညာရဲ့ အကျိုးကျေးဇူးတွေပါ။

In addition, လက်ရှိမှာ Artificial Intelligence (AI) နည်းပညာနဲ့ တီထွင်ထားတဲ့ စက်တွေကိုဘယ်နေရာတွေမှာ သုံးနေပါသလဲဆိုရင် ဖွံ့ဖြိုးတဲ့ နိုင်ငံတွေမှာ သုံးနေတဲ့ မောင်းသူမဲ့ ကားတွေ၊ ဒရုံးယာဉ်တွေဟာ Artificial Intelligence ကို သုံးထားတာ ဖြစ်ပါတယ်။ကားထုတ်တဲ့စက်ရုံတွေမှာ ထောင်ချီထုတ်လုပ်နေတဲ့ ကားတွေအတွက် ဂဟေဆော်တာ၊ စက်တွေ ဆင်တာ၊ အင်ဂျင်တင်တာတွေကို စက်ရုပ်တွေနဲ့ လုပ်ပေးနေပါ။ ဒါ့အပြင် နာမကျန်း ဖြစ်နေသူတွေ၊ သက်ကြီး ရွယ်အိုတွေ နေ့စဉ်သွားလာ လှုပ်ရှားရေးမှာ လိုအပ်တာကို အဆင်ပြေအောင် လုပ်ပေးနိုင်မယ့် သူနာပြု စက်ရုပ်တွေကို စသုံးနေပါပြီ။ တကယ်လို့ အိမ်မီးလောင်နေချိန်မှာ မီးသတ်သမား ဝင်လို့မရဖြစ်နေမယ်ဆိုရင် အထဲမှာ လူနဲ့ အိမ်မွေးတိရိစ္ဆာန်တွေ ဘယ်နေရာမှာ ကျန်နေတယ် ဆိုတာကို စက်ရုပ်တွေ လွှတ်ပြီး ရှာဖွေ ကယ်တင်ပေးနိုင်ပါပြီ။ ဒါဟာ အရမ်းကို ကောင်းမွန်လှတဲ့ နည်းပညာတိုးတက်မှုပါ။

အခုခေတ်မှာ Artificial Intelligence(AI) ကြောင့် တိုးတက်လာတဲ့ နောက်တခုက ဘာသာပြန်တဲ့နေရာမှာ ဖြစ်ပါတယ်။ အင်္ဂလိပ်လို ရေးထားတာကို ခလုပ်နှိပ်လိုက်တာနဲ့ မြန်မာလို ပြန်ပြီးသား ဖြစ်သွားတာဟာ Artificial Intelligence(AI) နည်းပညာကို သုံးထားတာပါ။ Moreover ကယ်ဆယ်ကူညီရေး လုပ်ငန်းတွေ ၊ စူးစမ်းရှာဖွေရေး လုပ်ငန်းတွေမှာလည်း ဒီနည်းပညာ ဟာ သိပ်ကို အရေးပါပါတယ်။

In conclusion: နိဂုံးချုပ်အနေနဲ့ပြောရရင် AI နည်းပညာက နှစ်ဖက်သွား ဓားတစ်ချောင်းလိုပါဘဲ။ သေချာကိုင်တွယ်ထိန်းချုပ်တတ်မယ်ဆိုရင် လူသားတို့အတွက် အနာဂတ်မှာ အားကိုးအားထားပြုနိုင်မယ့် ကယ်တင်ရှင်တစ်ယောက် ဖြစ်လာနိုင်သလို အခြားတစ်ဖက်မှာတော့ လူသားမျိုးနွယ် တစ်စုလုံးကို မျိုးတုန်းသွားနိုင်စေမယ့် အကြီးမားဆုံးသော ခြိမ်းခြောက်မှုကြီးလည်း ဖြစ်သွားနိုင်ပါတယ်။

အခြားစိတ်ဝင်စားဖွယ်ရာ ဆောင်းပါးများကို ဖတ်ရှုလိုပါက Jarvizapp.com (သို့) Jarviz Myanmar facebook Page တွင်သွားရောက်ဖတ်ရှုနိုင်ပါတယ်။



Related Posts

ဝန်ထမ်းများရဲ့ ရုံးတက်၊ရုံးဆင်းချိန် နဲ့ လုပ်ဆောင်ချက်များကို Jarviz App ဖြင့် စစ်ဆေးနိုင်ပါပြီ။

Jarviz ၏ လုပ်ဆောင်ချက်များ

Jarviz App ကို အသုံးပြုခြင်းဖြင့် ရရှိနိုင်သော အကျိုးကျေးဇူးများ

Fingerprint Machine နဲ့ Jarviz App (Online Time Attendance System) ဘယ်ဟာပိုကောင်းလဲ ?
Jarviz App is proudly powered by WordPress