Pann Nu Young Online Business

ဝဋ်ကြွေးထက် ပိုကြောက်ဖို့ကောင်းတဲ့
မေတ္တာဆူးခြင်းအကြောင်း....

ကိုယ့်အပေါ်မေတ္တာအစစ်အမှန်
ပေးတဲ့သူကို မပြစ်မှားပါနဲ့

မေတ္တာတရား ဆိုတဲ့ စကားလုံးလေးဟာ
အင်မတန်မှ ကြားလို့ကောင်းတယ်

နာ လို့ကောင်းတယ်, ခံယူလို့ကောင်းတယ်,
သိမ်မွေ့တယ်, နူးညံ့တယ် လို့ လည်း
ခံစားရပါတယ်

ဒါပေမဲ့ အင်မတန် ထက်မြက်တဲ့
ဓားတစ်ချောင်း မိုးကြိုးတစ်စင်း
လိုလည်းဖြစ်နေတတ်ပါတယ်

မေတ္တာ တရားလို့ ရွတ်ဆိုလိုက်ရင်
သူ့နောက်မှာ စေတနာပါတယ်
စေတနာနဲ့ ကပ်လျှက် မှာ ဂရုဏာတရား ပါတယ်

ဂရုဏာ ဆိုတဲ့သဘောတရားနောက်မှာ
သနားကြင်နာမှု တွေကျန်ပါသေးတယ်
ဒါနဲ့ တင်မပြီးသေးဘူး
ကိုယ့် အတွက် ခွန်အားတစ်ချို့ကိုပါ
ဖြစ်တည်စေပါတယ်

ဒါကြောင့် ရှေး ပညာရှိတွေက ပြောကြတယ်
"မေတ္တာ မစူး စေနဲ့" တဲ့
မေတ္တာတရားကို နားမလည်တဲ့သူ
တန်ဖိုးမထားတဲ့ သူတွေဟာ ဝဋ်လည်
တဲ့အပြင်မေတ္တာတရားစူး

ရှတဲ့ဒါဏ်ကိုပါ ခံစားရတတ်ပါတယ်
လောကမှာ တစ်ချို့ သောလူတွေဟာ
မေတ္တာတရား နားမလည်ကြပါဘူး
သူတို့ အတ္တတွေအတွက်,
ကိုယ်ချင်းစာတရား နည်းပါးကြတယ်
သူတို့ မာနအတွက် တစ်ဖက်လူရဲ့
ခံစားချက်ကို မစာနာတတ်ကြပါဘူး
အဲ့ဒီလို လူတွေဟာ မေတ္တာစူးတတ်ပါတယ်

ဒါကြောင့် ကိုယ့်အပေါ်ကို
မေတ္တာ တရားထားပေးတဲ့သူ,ဝေမျှပေးတဲ့
သူတွေကိုမနာကျင်ပါ စေနဲ့, မထိခိုက် ပါစေနဲ့
မလိုချင်ရင်တောင်, မစော်ကားမိပါစေနဲ့
ဝမ်းနည်းမှုတွေ ကိုပြန်မပေး မိပါစေနဲ့

အဲဒီလူတွေမရှိတော့တဲ့အချိန်ကာလ
တစ်ခုမှာကိုယ်ပြုသမျှတွေက ဝဋ်ကြွေး
ပြန်လိုက်တတ်တဲ့အပြင်
မေတ္တာတွေက ပြန်လည်ပြီး စူးတတ်ပါတယ်
ဘဝမှာ ကိုယ့်အပေါ်ကောင်းတဲ့
သူတွေကို ထိခိုက်ကြေကွဲ ဝမ်းနည်းစေ
ခြင်းဟာကိုယ့်အတွက်ပြန်လည်ပြီး
ပေးဆပ်ရမယ့်ဝဋ်ကြွေး ကံ
ကြမ္မာတစ်ခုကို မိမိအတ္တအတွက်နဲ့
ရယူလိုက်ခြင်းပဲ လို့သတိပြု ကြရပါမယ်

#ဖားအောက်တောရဆရာတော်ဘုရားကြီး
#သတ္တာဝါအားလုံးကျန်းမာချမ်းသာကြပါစေ
#မေတ္တာဖြင့်ပြန်မျှဝေပေးပါသည်