Skin 101 by Dr. Kaung Myat

စိတ်မဆိုးဘဲနဲ့ အမြဲတမ်း မှုန်ကုပ်ကုပ်နဲ့ ဒေါသထွက်နေသလို ဖြစ်နေတာလား? 😠

ကိုယ့်ဘက်က စိတ်အေးချမ်းသာစွာ နေနေပေမယ့် ဘေးနားကလူတွေက "စိတ်ညစ်စရာရှိလို့လား" ဒါမှမဟုတ် "စိတ်ဆိုးနေတာလား" လို့ ခဏခဏ မေးလာပြီဆိုရင်တော့ သေချာ ပြန်စမ်းစစ်ကြည့်ဖို့လိုလာပါပြီ။ မျက်ခုံးနှစ်ခုကြားမှာ ဒေါင်လိုက်ပေါ်နေတဲ့ "11 Lines လို့တင်စားခေါ်နိုင်တဲ့ (Glabellar Lines)" တွေက သင့်ရဲ့ တကယ့်ခံစားချက်ကို ဖုံးကွယ်ပြီး မှုန်ကုပ်ကုပ် မျက်နှာထားကို အလိုအလျောက် ဖန်တီးပေးနေလို့ပါပဲ။

🔬 ဆေးပညာရှုထောင့်အရ ဘာကြောင့်ဖြစ်တာလဲ?
ဒီ Glabellar Lines တွေဟာ သာမန် အသားအရေ ခြောက်သွေ့လို့ ဖြစ်လာတဲ့ အပေါ်ယံ အရေးအကြောင်းတွေ လုံးဝ မဟုတ်ပါဘူး။ မျက်နှာအောက်ခြေက Corrugator supercilii နဲ့ Procerus လို့ခေါ်တဲ့ ကြွက်သားတွေရဲ့ အလွန်အကျွံ ကျုံ့ဆန့်မှု (Hyperactivity) ကြောင့် ဖြစ်ပေါ်လာတာပါ။

အဓိကအားဖြင့် အဆင့် (၂) ဆင့် ရှိပါတယ်-

Dynamic Phase (လှုပ်ရှားမှုကြောင့်ဖြစ်သော အဆင့်): အစပိုင်းမှာ မျက်မှောင်ကြုတ်တဲ့အခါ၊ နေပူထဲသွားလို့ မျက်စိစူးတဲ့အခါမျိုးတွေမှာသာ ပေါ်လာတတ်ပါတယ်။

Static Phase (အမြဲတမ်း ထင်ကျန်နေသော အဆင့်): အချိန်ကြာလာတာနဲ့အမျှ အရေပြားအောက်ခြေက Collagen နဲ့ Elastin တွေ ပြိုကွဲလာပါတယ်။ ကြွက်သားက အရေပြားကို အမြဲတမ်း ဆွဲချိုးထားတဲ့ဒဏ်ကြောင့် မျက်မှောင်မကြုတ်ထားချိန်မှာတောင် အမာရွတ်တစ်ခုလို နက်ရှိုင်းစွာ ထင်ကျန်ရစ်တော့တာပါ။

⚠️ ဒီလို Static အဆင့်ရောက်လာပြီဆိုရင် ဘယ်လောက်ပဲ ဈေးကြီးတဲ့ Anti-aging serum တွေ၊ Eye cream တွေ လိမ်းလိမ်း ကြွက်သားရဲ့ လှုပ်ရှားမှုကို မရပ်တန့်နိုင်သလို၊ နက်ရှိုင်းသွားတဲ့ အရေပြားအလွှာ (Dermal deficit) ကိုလည်း အပေါ်ယံလိမ်းဆေးတွေနဲ့ ပြန်လည် မဖြည့်တင်းနိုင်တော့ပါဘူး။

⚕️ ဘယ်လိုကုသဖြေရှင်းလို့ရမလဲ?
မျက်ခုံးနှစ်ခုကြား ဧရိယာ (Glabellar region) ဆိုတာ မျက်လုံးနဲ့ ဦးနှောက်ဆီကို သွားတဲ့ အရေးကြီး သွေးကြောမကြီးတွေ (Supratrochlear နဲ့ Supraorbital arteries) ယှက်နွှယ်နေတဲ့ "Danger Zone" ဖြစ်ပါတယ်။ ဒါကြောင့် ဒီနေရာကို ကုသတဲ့အခါ မျက်နှာခန္ဓာဗေဒ (Facial Anatomy) ကို မဖြစ်မနေ ကျွမ်းကျင်ပိုင်နိုင်ဖို့ လိုအပ်ပါတယ်။

ဒီအရေးအကြောင်း အတိမ်အနက်နဲ့ ကြွက်သား အခြေအနေကို အရင်ဆုံး တိတိကျကျ စစ်ဆေးစမ်းသပ်ပြီးမှ အောက်ပါ Medical Protocols တွေနဲ့ စနစ်တကျ ကုသပေးဖို့အမြဲကြိုးစားပါတယ်။

✅ Neuromodulators (Bo-tox):
အရေးအကြောင်းကို ဖြစ်စေတဲ့ သီးသန့် ကြွက်သားဆီကိုသာ တိတိကျကျ ပစ်မှတ်ထားပြီး ယာယီ အနားပေးလိုက်ပါတယ်။ ရက်ပိုင်းအတွင်းမှာတင် မှုန်ကုပ်ကုပ် မျက်နှာထားမှသည် ကြည်လင်တောက်ပတဲ့ အသွင်ကို ပြန်လည်ရရှိစေပါတယ်။

✅ Dermal Fi-llers / Biostimulators:
အကယ်၍ အရေးအကြောင်းတွေက အရမ်းနက်နေပြီး Static Phase ကို ရောက်နေပြီဆိုရင်တော့၊ ဘေးကင်းလုံခြုံမှုကို အမြင့်ဆုံး ဦးစားပေးတဲ့ Cannula (ထိပ်တုံးအပ်) ကို အသုံးပြုပြီး သွေးကြောတွေကို လုံးဝမထိခိုက်စေဘဲ ချိုင့်ဝင်နေတဲ့ နေရာတွေကို အရေပြားအောက်ခြေကနေ ပြန်လည် ပြည့်ဖြိုးလာအောင် သဘာဝကျကျ ကုသပေးလို့ရမရစမ်းစစ်ပြီး အမှန်တကယ်လိုအပ်မှသာ ကုသမှုပေးပါတယ်။

အကောင်းဆုံးနဲ့ အလုံခြုံဆုံး ကုသမှုများအတွက် အရင်ဆုံးမျက်နှာကြည့်ရှုစမ်းသပ် နားလည်နိုင်မှုက နံပါတ် ၁ အရေးပါနေမှာပဲဖြစ်ပါတယ်။

တင်းတိပ် မြန်မြန်ပျောက်ချင်ဇောနဲ့ လေဆာ (Laser) ခဏခဏပစ်ရင်း...အရင်ကထက် ပိုမဲလာလို့ စိတ်ညစ်နေပြီလား?

ခဏခဏ ကြားရတတ်တဲ့ စကားလေးက
"လေဆာသွားပစ်တာ (၁၀) ခါလောက် ရှိပြီ။ ပစ်ခါစက နည်းနည်းပါးသွားသလိုလိုနဲ့၊ အခုတော့ အရင်ကထက် ပိုမဲပြီး အကွက်တွေ ပိုကျယ်လာတယ်" ဆိုတာမျိုးပါ။

ပိုက်ဆံလည်း အများကြီးကုန်၊ အချိန်တွေလည်း ပေးရရဲ့သားနဲ့ ဘာလို့ ဆန့်ကျင်ဘက် ရလဒ်တွေ ထွက်လာရတာလဲ?

တကယ်တော့ ဒါဟာ လေဆာစက် မကောင်းလို့ မဟုတ်သလို၊ လေဆာနဲ့ မတည့်လို့လည်း မဟုတ်ပါဘူး။ စနစ်ကျကျ ရှင်းပြရရင် ဒါကို Rebound Hyperpigmentation (လေဆာဒဏ်ကြောင့် ဆဲလ်တွေ ပိုမဲလာခြင်း) လို့ ခေါ်ပါတယ်။

တင်းတိပ်ကို ဖြစ်စေတဲ့ အမဲရောင်ဆဲလ် (Melanocytes) တွေက အရမ်းကို အကဲဆတ်ပါတယ်။ လေဆာ အပူလှိုင်းတွေနဲ့ မကြာခဏ သွားပစ်ခွဲတဲ့အခါ အစပိုင်းမှာတော့ အမဲကွက်တွေ ကွဲသွားလို့ မျက်နှာလေး ဖြူလာသလို ထင်ရပါတယ်။
ဒါပေမယ့်... အသားအရေကို အနားမပေးဘဲ (၁) ပတ် တစ်ခါ၊ ခဏခဏအတင်းတွေ ဆက်တိုက်ပစ်တဲ့အခါ အရေပြားက အပူဒဏ်ကို မခံနိုင်တော့ဘဲ ပြင်းထန်စွာ ယောင်ရမ်းလာပါတော့တယ် (Inflammation) ဖြစ်လာပါတယ်။

ဒီအခါမှာ ဦးနှောက်က "အရေပြားကို အပူတွေ လာတိုက်နေပြီ၊ အကာအကွယ်ပေးမှ ရမယ်" ဆိုပြီး အမဲရောင်ဆဲလ်တွေကို အရင်ကထက် (၂) ဆ လောက် ပိုထုတ်ဖို့ အမိန့်ပေးလိုက်ပါတယ်။
ရလဒ်ကတော့... တင်းတိပ်က ပျောက်မသွားဘဲ အရင်ကထက် ပိုမဲ၊ ပိုနက်တဲ့ အကွက်ကြီးတွေအဖြစ် ပြောင်းသွားတာပါပဲ။ 🤦‍♀️

ဒါဆို တင်းတိပ်အတွက် လေဆာ လုံးဝ မပစ်သင့်ဘူးလား?

ပစ်သင့်ပါတယ်။ ဒါပေမယ့် "စနစ်ကျဖို့" လိုပါတယ်။
ကျွန်တော်တို့ ဆေးခန်း မှာတော့ တင်းတိပ်လူနာတွေကို ကုသတဲ့အခါ နိုင်ငံတကာ ဆေးပညာ စံနှုန်းတွေအတိုင်း ဒီအချက် (၃) ချက်ကို အဓိကထား ကုသပေးပါတယ်။

✅ (၁) လေဆာ အကြိမ်ရေကို ထိန်းချုပ်ခြင်း
အမဲရောင်ဆဲလ်တွေ အနားရဖို့နဲ့ Skin Barrier ပြန်ကောင်းဖို့ လေဆာ တစ်ခါနဲ့ တစ်ခါကြား အချိန်အလုံအလောက် (Interval) ပေးပြီး၊ လူနာရဲ့ အသားအရေ အခြေအနေကို သေချာတွက်ချက်ပြီးမှသာ ပစ်ပေးပါတယ်။

✅ (၂) တွဲဖက် ကုသမှု (Combination Therapy)
လေဆာ တစ်ခုထဲကို အားမကိုးဘဲ၊ အမဲရောင်ဆဲလ် ထုတ်လုပ်မှုကို တားဆီးပေးတဲ့ သောက်ဆေး၊ လိမ်းဆေးတွေနဲ့ အသားအရေ ပြန်လည်ပြုပြင်ပေးမယ့် ကုသမှုတွေကို လူနာနဲ့ ကိုက်ညီသလို သေချာ တွဲဖက်ပေးပါတယ်။

✅ (၃) Skin Barrier ပြန်လည်တည်ဆောက်ခြင်း
လေဆာပစ်ထားတဲ့ အသားအရေကို နေလောင်ခံဆေး (Sunscreen) စနစ်တကျ လိမ်းဖို့နဲ့ အစိုဓာတ် ပြည့်ဝစေမယ့် Skincare လမ်းစဉ်တွေကို တိတိကျကျ ညွှန်ကြားပေးပါတယ်။

တင်းတိပ်ဆိုတာ ချက်ချင်းပျောက်တဲ့ မှော်ဆေး မရှိပါဘူး။ ခိုင်လုံတဲ့ ဆေးပညာ အချက်အလက်တွေနဲ့ စနစ်တကျ၊ ဇွဲနဘဲကြီးစွာ ကုသမှသာ သက်သာနိုင်တာမျိုးပါ။ ✨

အခု ဖတ်နေတဲ့သူတွေထဲမှာရော တင်းတိပ် မြန်မြန်ပျောက်ချင်လို့ လေဆာတွေ ဆက်တိုက်ပစ်ရင်း အသားတွေ ပိုမဲလာတဲ့ အတွေ့အကြုံမျိုး ကြုံဖူးလား?
လက်ရှိကော ဘယ်လို ကုသမှုတွေ ခံယူနေလဲ ခံယူဖူးလဲ ရိုးရိုးသားသား ဆွေးနွေးခဲ့ကြပါဦး။

Skin 101 Clinic (ကမ္ဘာအေး)
အမှတ် ၂၁၀၊ ပထမထပ်၊ မြတ်ဆုမွန်ကွန်ဒို၊ ကမ္ဘာအေးဘုရားလမ်းမပေါ်၊ မရမ်းကုန်းမြို့နယ်၊ ရန်ကုန်၊ 09961477888
တနင်္လာနေ့တိုင်းပိတ်ပါတယ်၊ Open 10-6pm
Booking ၁ ရက်ကြိုတင်ပေးနိုင်ပါတယ်

Skin 101 Clinic (မင်္ဂလာဒုံ)
အမှတ် ၁၅၆၊ ခရေပင်လမ်းမပေါ်၊ မင်္ဂလာဒုံ၊ ရန်ကုန်
ဖုန်း - 09 255 255 089၊ 09 955 955 089
ဗုဒ္ဓဟူးနေ့တိုင်းပိတ်ပါတယ်၊ Open 10-6pm
Booking ၁ ရက်ကြိုတင်ပေးနိုင်ပါတယ်

#တင်းတိပ်ကုသမှု

ဒီ Serum လေးကောင်းတယ်ဆိုလို့ ဝယ်လိုက်၊ ဟို Moisturizer လေး ခေတ်စားနေလို့ လိုက်သုံးကြည့်လိုက်နဲ့... မျက်နှာပေါ်မှာ Skincare တွေ စုံနေအောင် လိမ်းနေပေမယ့် အသားအရေက ပိုဆိုးလာလို့ စိတ်ညစ်နေတဲ့သူတွေ ရှိလား?

တကယ်တော့ ဒါဟာ ကိုယ့်မျက်နှာကို ဓာတုပစ္စည်းမျိုးစုံနဲ့ အတင်း စမ်းသပ်နေသလိုပါပဲ။ သုတေသနတွေအရ Skincare တွေ ခဏခဏ ပြောင်းသုံးတာ၊ Active Ingredients (ဥပမာ - AHA, BHA, Retinol) တွေ အများကြီး ထပ်လိမ်းတာဟာ အရေပြားရဲ့ အပေါ်ယံ အကာအကွယ်လွှာ (Skin Barrier) ကို ထိခိုက်စေတဲ့ အဓိက တရားခံဖြစ်ပါတယ်။ အကျိုးဆက်အနေနဲ့ ဝက်ခြံတွေ ထွက်လာမယ်၊ အသားတွေ နီရဲလာမယ်၊ နောက်ဆုံး ဘာလိမ်းလိမ်း မတည့်တော့တဲ့ Sensitive အသားအရေ အဖြစ်ကို ရောက်သွားပါလိမ့်မယ်။
ဒီလို အခြေအနေမှာ အထိရောက်ဆုံးနဲ့ သိပ္ပံနည်းကျ အမှန်ကန်ဆုံး ကယ်တင်နိုင်မယ့် နည်းလမ်းကတော့ "Skin Fasting" (အရေပြားကို အနားပေးခြင်း) ပါပဲ။ 🩺

အရေပြားဆိုတာ သဘာဝအရ သူ့အလိုလို ပြန်လည်ပြုပြင်နိုင်စွမ်း (Self-healing mechanism) ရှိပါတယ်။ Skin Fasting လုပ်နည်းက ရှင်းပါတယ်...
မလိုအပ်တဲ့ Active Ingredients တွေအားလုံးကို ၂ ပတ် ကနေ ၃ ပတ်လောက် လုံးဝ ရပ်ထားလိုက်ပါ။ ပြီးရင် ဒီ အခြေခံ (၃) မျိုးတည်းကိုပဲ ပြန်စပါ👇

✅ (၁) သန့်စင်ပါ (Cleanser): အပြင်းစားတွေ မသုံးဘဲ pH Balance ညီပြီး Gentle ဖြစ်တဲ့ မျက်နှာသစ်ဆေးကိုပဲ မနက်၊ ည သုံးပါ။

✅ (၂) အစိုဓာတ်ဖြည့်ပါ (Moisturizer): Skin Barrier ကို ပြန်လည်တည်ဆောက်ပေးနိုင်တဲ့ Ceramide (သို့) Hyaluronic Acid ပါတဲ့ အရိုးရှင်းဆုံး အစိုဓာတ်ခရင်မ်လေးကိုပဲ လိမ်းပါ။

✅ (၃) ကာကွယ်ပါ (Sunscreen): ခရမ်းလွန်ရောင်ခြည်က Barrier ကို ထပ်မဖျက်ဆီးအောင် နေ့ဘက်မှာ နေလောင်ခံဆေး မဖြစ်မနေ လိမ်းပေးပါ။

💡 Special Tip:
အရာရာကို အများကြီး လိုက်လုပ်နေမယ့်အစား တကယ် လိုအပ်တဲ့ အရာ (Essentials) တွေအပေါ်မှာပဲ သေချာ Focus ထားပြီး စွဲစွဲမြဲမြဲ လုပ်သွားတာက အလှအပမှာတင် မဟုတ်ဘဲ ဘဝအတွက်ပါ အရေးကြီးတဲ့ အောင်မြင်မှု လျှို့ဝှက်ချက်တစ်ခုပါ။ မျက်နှာကို ခဏလောက် အနားပေးပြီး ကိုယ့်ရဲ့ မူလ အသားအရေကို ပြန်လည် တည်ဆောက်ကြည့်ပါ။

Skin 101 Clinic (ကမ္ဘာအေး)
အမှတ် ၂၁၀၊ ပထမထပ်၊ မြတ်ဆုမွန်ကွန်ဒို၊ ကမ္ဘာအေးဘုရားလမ်းမပေါ်၊ မရမ်းကုန်းမြို့နယ်၊ ရန်ကုန်၊ 09961477888၊ 09777360240
တနင်္လာနေ့တိုင်းပိတ်ပါတယ်၊ Open 10-6pm
Booking ၁ ရက်ကြိုတင်ပေးနိုင်ပါတယ်

Skin 101 Clinic (မင်္ဂလာဒုံ)
အမှတ် ၁၅၆၊ ခရေပင်လမ်းမပေါ်၊ မင်္ဂလာဒုံ၊ ရန်ကုန်
ဖုန်း - 09 255 255 089၊ 09 955 955 089
ဗုဒ္ဓဟူးနေ့တိုင်းပိတ်ပါတယ်၊ Open 10-6pm
Booking ၁ ရက်ကြိုတင်ပေးနိုင်ပါတယ်

မိုးရာသီမှာ မှားတတ်တဲ့ Skincare အယူအဆမှား ၃ ခုကိုပြောပြပေးချင်ပါတယ်။ ⛈️

❌ Fiction (အယူအဆအမှား ၁) - မိုးအုံ့နေရင် နေမပူလို့ Sunscreen လိမ်းစရာ မလိုဘူး။
✅ Fact (သိပ္ပံနည်းကျ အမှန်တရား) - ဒါဟာ အသားအရေအတွက် အန္တရာယ်များတဲ့ အမှားကြီးပါ။ မိုးတိမ်တွေက အလင်းရောင်ကိုသာ ကွယ်ထားနိုင်ပေမယ့်၊ အရေပြားကို အိုမင်းရင့်ရော်စေတဲ့ UVA ရောင်ခြည် ၈၀% လောက်က တိမ်တိုက်တွေကို အလွယ်တကူ ဖောက်ထွင်းပြီး ကျွန်တော်တို့ အသားအရေထဲကို တိုက်ရိုက် ဝင်ရောက်နိုင်ပါတယ်။ ဒါကြောင့် မိုးဘယ်လောက်ရွာရွာ၊ နေမပူလည်း နေ့ဘက် အပြင်ထွက်ရင် Sunscreen ကို မဖြစ်မနေ လိမ်းကို လိမ်းသင့်ပါတယ်။

❌ Fiction (အယူအဆအမှား ၂) - လေထုထဲမှာ စိုထိုင်းဆများနေလို့ Moisturizer ထပ်လိမ်းစရာ မလိုတော့ဘူး။
✅ Fact (သိပ္ပံနည်းကျ အမှန်တရား) - အသားအရေ စေးကပ်နေတာနဲ့ ရေဓာတ်ပြည့်ဝတာ မတူပါဘူး။ ချွေးထွက်များတဲ့အခါ အရေပြားထဲက ရေဓာတ်တွေ ပိုဆုံးရှုံးပါတယ်။ Moisturizer မလိမ်းဘဲ ပစ်ထားမယ်ဆိုရင် ဦးနှောက်က "အသားခြောက်နေတယ်" လို့ ယူဆပြီး အဆီ (Sebum) တွေ အလွန်အကျွံ ပိုထုတ်ပေးပါလိမ့်မယ်။ ရလဒ်ကတော့ ချွေးပေါက်ပိတ်ပြီး ဝက်ခြံတွေ ပိုထွက်လာတာပါပဲ။ မိုးတွင်းမှာ Gel-based (သို့) Oil-free ဖြစ်တဲ့ အပေါ့စား Moisturizer လေးတွေကို ပုံမှန် စွဲစွဲမြဲမြဲ လိမ်းပေးဖို့ အရေးကြီးပါတယ်။

❌ Fiction (အယူအဆအမှား ၃) - မိုးရေစိုသွားရင် မျက်နှာကို ရိုးရိုးရေနဲ့ ပြန်ဆေးချလိုက်ရင် ရပြီ။
✅ Fact (သိပ္ပံနည်းကျ အမှန်တရား) - ယနေ့ခေတ် မိုးရေထဲမှာ လေထုညစ်ညမ်းမှုတွေ၊ ဖုန်မှုန့်တွေနဲ့ အက်ဆစ်ဓာတ်တွေ အများကြီး ပါဝင်နေပါတယ်။ ဒါ့အပြင် စိုစွတ်တဲ့ ပတ်ဝန်းကျင်က မှိုပိုး (Malassezia) တွေ ပေါက်ဖွားဖို့ အကောင်းဆုံး အခြေအနေပါ။ မိုးရေစိုလာရင် ရိုးရိုးရေနဲ့ ဆေးရုံနဲ့ လုံးဝ မလုံလောက်ပါ။ Cleansing Water တစ်ခုခုနဲ့ အရင်ဖျက်ပြီးမှ မျက်နှာသစ်ဆေးနဲ့ Double Cleansing သေချာ ပြန်လုပ်ပေးမှသာ အဆီဖုနဲ့ ဝက်ခြံ အန္တရာယ်ကနေ ကင်းဝေးမှာ ဖြစ်ပါတယ်။

👇 ဒီအချက် (၃) ချက်ကဖြစ်နိုင်ချေအရှိဆုံး မိုးရာသီမှာနေ့စဉ်ကြုံတွေ့ရတတ်တဲ့ အမှားလေးတွေဖြစ်နိုင်ပါတယ်။

&Facts

အသက် ၄၀ ကျော်လာချိန်မှာ အသားအရေက ရုတ်တရက် ခြောက်သွေ့ပြီး ပါးပြင်တွေ တွဲကျလာလို့ စိတ်ဖိစီးနေပါသလား?

သွေးဆုံးခါနီး (သို့မဟုတ်) သွေးဆုံးပြီး (Menopause) အမျိုးသမီးတွေမှာ ကြုံတွေ့ရလေ့ရှိတဲ့ အကြီးမားဆုံး ပြဿနာတစ်ခုကတော့ အသားအရေ ရုတ်တရက် အိုမင်းရင့်ရော်လာခြင်းပဲ ဖြစ်ပါတယ်။ ဒါဟာ မိမိအပြစ်မဟုတ်ပါဘူး။ ခန္ဓာကိုယ်တွင်းက အမျိုးသမီးဟော်မုန်း (Estrogen) ရုတ်တရက် ထိုးကျသွားခြင်းရဲ့ နောက်ဆက်တွဲ ဆိုးကျိုးတစ်ခုသာ ဖြစ်ပါတယ်။

ဆေးပညာ သုတေသန အထောက်အထားများအရ သွေးဆုံးပြီး ပထမဆုံး (၅) နှစ်အတွင်းမှာတင် အသားအရေရဲ့ ကော်လာဂျင် (Collagen) ၃၀ ရာခိုင်နှုန်းခန့်ဟာ တစ်ဟုန်ထိုး ဆုံးရှုံးသွားတတ်ပါတယ်။ ကော်လာဂျင်နဲ့ ရေဓာတ်ကို ထိန်းပေးတဲ့ Glycosaminoglycans (GAGs) တွေ အရေပြားအောက်ခြေမှာ ခမ်းခြောက်သွားတဲ့အတွက်...

❌ ဘယ်လောက်ပဲ ဈေးကြီးတဲ့ အပေါ်ယံ cream တွေ၊ Moisturizer တွေ လိမ်းလိမ်း
❌ ဘယ်လိုပဲ Skincare တွေ အဆင့်ဆင့် သုံးသုံး

အရေပြားဟာ သိသိသာသာ ပါးလွှာလာပြီး ပါးပြင်တွေ တွဲကျကာ ဇရာလက္ခဏာတွေ အရှိန်အဟုန်နဲ့ ပေါ်လာရခြင်း ဖြစ်ပါတယ်။

💡 သာမန် Skincare တွေနဲ့ မရတော့ရင် ဘယ်လို ကုသရမလဲ?

ဟော်မုန်းအပြောင်းအလဲကြောင့် ဖြစ်ရတဲ့ အသားအရေ အတွင်းပိုင်း ဖွဲ့စည်းပုံ ပျက်စီးမှုကို အပေါ်ယံ လိမ်းဆေးတွေနဲ့ ပြုပြင်ဖို့ဆိုတာ လက်တွေ့မှာခက်ခဲပါတယ်။ အရေပြားအောက်ဆုံးအလွှာ (Dermis) အထိ ဆဲလ်အသစ်တွေ ပြန်လည်မွေးဖွားပေးမယ့် Medical-grade ကုသမှုတွေကသာ အမှန်တကယ် အလျှင်အမြန်ထိရောက်နိုင်တဲ့ အဖြေတွေဖြစ်ပါတယ်။

ဘယ်လိုကုသမှတွေကအထိရောက်ဆုံးဖြစ်နိုင်မလဲဆိုရင်

✅ ပျောက်ဆုံးသွားတဲ့ Collagen တွေကို အတွင်းပိုင်းကနေ ပြန်လည် ဆဲလ်အသစ် လှုံ့ဆော်မွေးဖွားပေးမယ့် Biostimulators ကုသမှု
✅ အသားအရေကို ရေဓာတ်အပြည့်အဝ ပြန်လည်ဖြည့်တင်းပေးမယ့် Premium Skin Boosters ကုသမှုတွေ
✅ ခွဲစိတ်စရာမလိုဘဲ တွဲကျနေတဲ့ မျက်နှာကို ပြန်လည် တင်းရင်းစေမယ့် အဆင့်မြင့် နည်းပညာများ HIFU လိုကုသမှုများ ရှိပါတယ်။

အဓိက ရည်ရွယ်ချက်ကတော့ အသက်အရွယ်ကြောင့် ယုံကြည်မှုတွေ လျော့ကျမသွားစေဘဲ နုပျိုတင်းရင်းတဲ့အသားအရေကို သဘာဝကျကျ ပြန်လည် ပိုင်ဆိုင်လာစေဖို့ပဲ ဖြစ်ပါတယ်။ ✨

Skin 101 Clinic (ကမ္ဘာအေး)
အမှတ် ၂၁၀၊ ပထမထပ်၊ မြတ်ဆုမွန်ကွန်ဒို၊ ကမ္ဘာအေးဘုရားလမ်းမပေါ်၊ မရမ်းကုန်းမြို့နယ်၊ ရန်ကုန်၊ 09961477888
တနင်္လာနေ့တိုင်းပိတ်ပါတယ်၊ Open 10-6pm
Booking ၁ ရက်ကြိုတင်ပေးနိုင်ပါတယ်

Skin 101 Clinic (မင်္ဂလာဒုံ)
အမှတ် ၁၅၆၊ ခရေပင်လမ်းမပေါ်၊ မင်္ဂလာဒုံ၊ ရန်ကုန်
ဖုန်း - 09 255 255 089၊ 09 955 955 089
ဗုဒ္ဓဟူးနေ့တိုင်းပိတ်ပါတယ်၊ Open 10-6pm
Booking ၁ ရက်ကြိုတင်ပေးနိုင်ပါတယ်

အလှအပဆိုင်ရာ Beauty Page တွေနဲ့ ဆေးခန်းတော်တော်များများမှာ "Exosomes (အိတ်ဆိုဇုမ်း)" ဆိုတဲ့ စကားလုံးကို ခဏခဏ တွေ့နေရမှာပါ။ အရေးအကြောင်းတွေ ချက်ချင်းပျောက်မယ်၊ ဝက်ခြံချိုင့်ခွက်တွေ အမြန်ဆုံး ပြည့်လာမယ် ဆိုပြီး Claim လုပ်ထားတဲ့ ကြော်ငြာတွေကြားမှာ... ပျောက်ချင်ဇောနဲ့ သေချာမသိဘဲ လုပ်ဖို့ စဉ်းစားနေတဲ့သူတွေ ရှိလား?

တချို့ဆို လိမ်းဆေး (Serum) မှာ Exosome ပါတာနဲ့ပဲ ဆေးထိုးသလိုမျိုး အာနိသင်ရမယ်လို့ အထင်မှားနေကြပါတယ်။ သုတေသန အချက်အလက် (Clinical Data) တွေအရ အမှန်တရားက အဲ့ဒီလို ချက်ချင်းလက်ငင်း အစွမ်းပြတဲ့ မှော်ဆေးတစ်ခွက် မဟုတ်ပါဘူး။

အရာရာကို ခိုင်လုံတဲ့ အထောက်အထား (Evidence-based) နဲ့မှ လက်ခံလေ့ရှိတဲ့ ဆေးပညာရှုထောင့်ကနေ Exosomes အကြောင်း ခွဲခြမ်းစိတ်ဖြာကြည့်ရအောင်။

🧬 Exosomes ဆိုတာ ဘာလဲ?
သူက ဆဲလ်တစ်ခုနဲ့တစ်ခု စကားပြောတဲ့အခါ သုံးတဲ့ 'သံတမန်' လေးတွေပါ။ အိုမင်းနေတဲ့၊ ပျက်စီးနေတဲ့ အရေပြားဆဲလ်တွေကို "ကော်လာဂျင် အသစ်ပြန်ထုတ်တော့၊ ဆဲလ်အသစ်တွေ ပြန်မွေးတော့" ဆိုပြီး သွားလှုံ့ဆော်ပေးတာပါ။ အသားအရေကို ပြန်လည်မွေးဖွား (Evolution ဖြစ်အောင်) လုပ်ပေးတဲ့ နည်းပညာတစ်ခုလို့ ပြောလို့ရပါတယ်။

📉 အမာရွတ်နဲ့ အရေးအကြောင်းအတွက် တကယ်ကောင်းလား?
သုတေသနတွေအရ Exosomes ဟာ အရေပြား ယောင်ရမ်းတာကို ကျစေဖို့နဲ့ ဒဏ်ရာမြန်မြန်ကျက်ဖို့ အသားအရေ Skin Rejuvenation အတွက်အရမ်းကောင်းပါတယ်။ ဒါပေမယ့်... ဝက်ခြံချိုင့်ခွက် အနက်ကြီးတွေကို သူချည်းသက်သက် ထိုးရုံ၊ အပေါ်ယံလိမ်းရုံနဲ့ အလွယ်ပြန်ပြည့်လာနိုင်တာမျိုးမဟုတ်ပါဘူး။ ဆေးခန်းတွေမှာ CO2 Fractional Laser သို့မဟုတ် Microneedling လို ကုသမှုမျိုးတွေနဲ့ Combination therapy စနစ်တကျ တွဲဖက်ပြုလုပ်မှသာ အမာရွတ် ပြည့်နှုန်းကို သိသိသာသာ မြင်သာစေတာပါ။

အလှအပဆိုတာ ကြော်ငြာနောက်လိုက်ဖို့ မဟုတ်ပါဘူး။ မှန်ကန်တဲ့ အချက်အလက်တွေရယ်၊ ကိုယ့်ကိုယ်ကိုယ် စည်းကမ်းထားမှု (Discipline) ကိုယ်တိုင်မှန်ကန်စွာလေ့လာပြီး ဇွဲရှိရှိ ဆက်တိုက် ဂရုစိုက်မှု (Consistency) တွေအပေါ်မှာပဲ အများကြီး မူတည်နေမှာပဲဖြစ်ပါတယ်။

မျက်နှာပေါ်က ဆဲလ်သေတွေကို ဖယ်ရှားပြီး အသားအရေ မြန်မြန်ဖြူဝင်းချင်လို့ အစေ့ကြမ်း အမှုန်ကြမ်းတွေပါတဲ့ Scrub တွေ (Physical Peels) နဲ့ ပွတ်တိုက်ဆေးကြောနေတုန်းပဲလား?

ပွတ်တိုက်ပြီးပြီးချင်းမှာ မျက်နှာလေး ချောမွေ့သွားသယောင် ချက်ချင်းလက်ငင်း ခံစားရပေမယ့်၊ ရေရှည်မှာတော့ ဒါဟာအသားအရေ ကာကွယ်မှုစနစ် (Skin Barrier) ကို ပြင်းပြင်းထန်ထန် ဖျက်ဆီးနေတဲ့ အဓိက တရားခံဖြစ်ပါတယ်။

ဘာကြောင့် Scrub တွေက အန္တရာယ်များတာလဲ? 🔬
Physical scrub တွေမှာပါတတ်တဲ့ အမှုန်ကြမ်းတွေရဲ့ မျက်နှာပြင်ဟာ မညီညာတဲ့အတွက် အရေပြားရဲ့ အပေါ်ယံလွှာ (Stratum Corneum) မှာ မျက်စိနဲ့ မမြင်နိုင်တဲ့ ပြဲရှရာသေးသေးလေးတွေ (Micro-tears) မလွဲမသွေ ဖြစ်ပေါ်စေပါတယ်။ ဒီပြဲရှရာတွေကနေတဆင့် အရေပြားတွင်း ရေဓာတ်ဆုံးရှုံးမှု အဆမတန် မြင့်တက်လာပြီး ဘက်တီးရီးယားတွေ အလွယ်တကူ ဝင်ရောက်နိုင်လို့ အသားအရေက အလွယ်တကူ နီရဲယားယံလာမယ်၊ Sensitive ဖြစ်လာမယ်... ဝက်ခြံထွက်တတ်တဲ့သူဆို ပိုမို ဆိုးရွားလာပါလိမ့်မယ်။

ဒါဆိုရင် Chemical Peel က ဘာကြောင့် ပိုကောင်းရတာလဲ? ✨
Medical-grade Chemical Peels (ဥပမာ- AHA, BHA) တွေဟာ အပေါ်ယံအရေပြားကို အကြမ်းပတမ်း ပွတ်တိုက်စရာ လုံးဝ မလိုပါဘူး။ ဆဲလ်သေတွေ တစ်ခုနဲ့တစ်ခု တွယ်ကပ်ထားတဲ့ ကော်လိုအရာ (Desmosomes) တွေကို ဓာတုဗေဒနည်းအရ ညင်သာစွာ အရည်ပျော်ကျစေပြီး သဘာဝအတိုင်း ကွာကျစေတာပါ။ ဒါကြောင့် Micro-tears လို ပြဲရှရာတွေ လုံးဝ မဖြစ်စေဘဲ အရေပြား အောက်ခြေအလွှာအထိ ညီညာစွာ သန့်စင်ပေးနိုင်ပါတယ်။

⚠️ ဒါပေမယ့် သတိပေးလိုတဲ့ အရေးကြီးတဲ့ အချက်ရှိပါတယ်။

"Chemical Peel ဖြစ်တာနဲ့ အလိုအလျောက် ရာနှုန်းပြည့် လုံခြုံစိတ်ချရတယ်" ဆိုတာလဲ မှားယွင်းတဲ့ အယူအဆပါပဲ။ မိမိရဲ့ အသားအရေ အမျိုးအစား၊ လက်ရှိ Skin Barrier အခြေအနေနဲ့ မကိုက်ညီရင်၊ ဒါမှမဟုတ် အက်ဆစ်ရဲ့ ပြင်းအား (Concentration) နဲ့ pH Level ကို တိတိကျကျ မတွက်ချက်နိုင်ရင် ပြင်းထန်တဲ့ အရေပြားလောင်ကျွမ်းခြင်း (Chemical Burns) နဲ့ အမဲစက်များ ပိုဆိုးလာခြင်း (PIH) ပြဿနာတွေကို မလွဲမသွေ ကြုံတွေ့ရမှာ ဖြစ်ပါတယ်။

Chemical Peel တစ်ခုရဲ့ လုံခြုံမှုနဲ့ ထိရောက်မှုဆိုတာ 'ဆေး' ပေါ်မှာတင် မမူတည်ဘဲ၊ 'ကုသပေးမယ့် သူရဲ့ ချင့်ချိန်အသုံးချနိုင်မှု' ပေါ်မှာလဲ ရာနှုန်းပြည့် မူတည်နေတာမျိုးပါ။

👨🏻‍⚕️ ဒါကြောင့် Medical-grade Chemical Peeling မပြုလုပ်ခင်မှာ ကုသမှုခံယူမယ့်သူရဲ့ အရေပြား အထူအပါး၊ မျက်နှာအခြေအနေတွေကို အရင်ဆုံး တိတိကျကျ စစ်ဆေးပါတယ်။

အဲဒီ ဆေးပညာဆိုင်ရာ အချက်အလက်တွေအပေါ် အခြေခံပြီးမှသာ လူနာနဲ့ အသင့်တော်ဆုံးဖြစ်မယ့် အက်ဆစ် အမျိုးအစား၊ ပြင်းအားနဲ့ အရေပြားပေါ်မှာ ထားရှိရမယ့် အချိန်ကို တိတိကျကျ တွက်ချက်ပြီး လုံခြုံစွာကုသပေးနိုင်မှာဖြစ်ပါတယ်။

မိတ်ကပ်မလိမ်းဘဲ Sunscreen သီးသန့်လိမ်းတဲ့နေ့တွေမှာ မျက်နှာသစ်ဆေး တစ်မျိုးတည်းနဲ့ပဲ မျက်နှာသစ်ဖြစ်နေလား?

မျက်နှာပေါ်က အဆီဖုတွေ ပြန်ပြန်ဖြစ်ရတဲ့ အကြောင်းရင်းက ဒါ့ကြောင့်လဲဖြစ်နေနိုင်ပါတယ်။

"မိတ်ကပ်မှ မလိမ်းထားတာပဲ... မျက်နှာသစ်ဆေး အမြှုပ်လေးတွေနဲ့ သစ်လိုက်ရင် ပြောင်သွားမှာပါလေ" လို့ ထင်ပြီး ပြီးစလွယ် တွေးမိကြမှာပါ?

အထူးသဖြင့် ဝက်ခြံအဆီဖုထွက်တတ်တဲ့သူတွေ ပုံမှန်လုပ်နေမိရင် မကြာခင်မှာ ချွေးပေါက်တွေထဲ နေလောင်ခံဆေး အကြွင်းအကျန်တွေ ပိတ်ဆို့လာပါလိမ့်မယ်။ အကျိုးဆက်အနေနဲ့ ဆားဝက်ခြံတွေ၊ အဆီဖုတွေနဲ့ အထဲကနေ ကြိတ်နာတဲ့ အမြစ်နက်ဝက်ခြံကြီးတွေ အုံခဲပြီး ထွက်လာပါတော့တယ်။ ပိုဆိုးတာက ညဘက်လိမ်းတဲ့ ဈေးကြီး Skincare တွေလည်း အသားထဲ မစိမ့်ဝင်နိုင်တော့ဘဲ အလကားဖြစ်စေနိုင်တာပါ။

တကယ်ပြောရရင် နေလောင်ခံဆေး တော်တော်များများ (အထူးသဖြင့် ချွေးခံရေခံ Water-resistant ဖြစ်တဲ့ Sunscreen တွေ၊ Physical Sunscreen တွေ) ဟာ အသားပေါ်မှာ ကပ်တွယ်နိုင်စွမ်း အရမ်းကောင်းပါတယ်။ ဒါကြောင့် သာမန် မျက်နှာသစ်ဆေး တစ်မျိုးတည်းနဲ့ အလွယ်တကူ ပြောင်စင်အောင် ဆေးကြောလို့ မပြောင်စင်နိုင်ခြင်းဖြစ်ပါတယ်။

ဒါကြောင့် ကိုယ်က မိတ်ကပ် တစ်စက်မှ မလိမ်းထားဘူး ဆိုရင်တောင် နေလောင်ခံဆေး လိမ်းထားတဲ့နေ့တိုင်း ဒီ (၂) ဆင့် ကို မဖြစ်မနေ လုပ်ပေးပါ။

✅ အဆင့် (၁) ဖျက်ပါ
Micellar Water, Cleansing Balm ဒါမှမဟုတ် Cleansing Oil တစ်ခုခုကို သုံးပြီး အရေပြားပေါ်မှာ ကပ်နေတဲ့ Sunscreen နဲ့ အညစ်အကြေးတွေကို အရင်ဆုံး အရည်ပျော်အောင် ဖျက်ပေးရပါမယ်။ (ဒါဟာ အရေးအကြီးဆုံး First Cleansing အဆင့်ပါ)

✅ အဆင့် (၂) သစ်ပါ
ပြီးမှသာ ကိုယ့်အသားအရေနဲ့ ကိုက်ညီတဲ့ မျက်နှာသစ်ဆေး (Water-based Cleanser) လေးကို သုံးပြီး ချွေးပေါက်ထဲက ကျန်နေတဲ့ အညစ်အကြေးတွေကို သေချာ ထပ်မံသန့်စင်ပေးရပါမယ်။

💡 Special Tip:
နေလောင်ခံဆေး လိမ်းခြင်းဟာ အသားအရေအတွက် အကောင်းဆုံး ကာကွယ်မှုဖြစ်ပေမယ့်၊ ညဘက်မှာ စနစ်တကျ ပြန်မဖျက်ရင်တော့ ဝက်ခြံနဲ့ အဆီဖုတွေအတွက် အဆိုးဆုံး တရားခံ ဖြစ်သွားတတ်ပါတယ်။ ဒါကြောင့် အသားအရေလေး ကြည်လင်ပြီး ဝက်ခြံကင်းချင်ရင် ညဘက်မှာ အပျင်းမကြီးဘဲ Double Cleansing ကို မဖြစ်မနေ လုပ်ပေးဖို့ အကြံပေးပါရစေ။