Hair & Beauty By,KoHtike

လက်ရှိခေတ်ရေစီးကြောင်းအရ ကျွန်တော်တို့ Hair Industry (ဆံကေသာလောက) ထဲမှာ အန္တရာယ်အရှိဆုံးအရာက... ပညာမရှိတဲ့သူတစ်ယောက်က နာမည်ကြီး လူသိများနေတာမျိုးတင် မဟုတ်ပါဘူး။
အမှန်တကယ် အဆိပ်အတောက် အဖြစ်ဆုံးအရာကတော့ — “ဆိုရှယ်မီဒီယာပေါ်မှာ နာမည်ကြီးနေတဲ့သူကို မြင်တာနဲ့ အဲ့ဒီလူကို ပညာရှင် (Professional) ဖြစ်တယ်လို့ အလိုအလျောက် ပုံသေမှတ်ချက်ချ သတ်မှတ်လိုက်ကြတဲ့ လူတို့ရဲ့ အပေါ်ယံ ယဉ်ကျေးမှုကြီး”ပဲ ဖြစ်ပါတယ်။
လောကထဲမှာ ကြည့်လိုက်ရင် —
တချို့လူတွေက Marketing ၇၀% နဲ့ ပညာရပ်ဆိုင်ရာ Education ၃၀% လောက်ပဲ ရှိပေမယ့် Industry ထဲမှာတော့ Hero (ဟီးရိုးကြီး) တွေလို နေရာရ နာမည်ကြီးနေကြပါတယ်။
အခြားတစ်ဖက်မှာတော့... Education ၉၀% အပြည့်ရှိပြီး Marketing ၁၀%ပဲရှိလို့ အသံတိတ်တိတ်လေးနဲ့ ပညာရပ်ကို တစိုက်မတ်မတ် လေ့လာဆန်းစစ်နေကြသူတွေ ရှိပါတယ်။

အခုခေတ်ရဲ့ ပြဿနာက... လူတွေဟာ “ဘယ်သူက ပညာရပ်ကို ပိုမိုနှိုက်နှိုက်ချွတ်ချွတ် တတ်ကျွမ်းသလဲ” ဆိုတာကို သေသေချာချာ မကြည့်တော့ဘဲ “ဘယ်သူက ပိုပြီး နာမည်ကြီးသလဲ” ဆိုတဲ့ အချက်တစ်ချက်တည်းပေါ်မှာပဲ အခြေခံပြီး ဆုံးဖြတ်လာကြတာပါပဲ။

Follower Count သည် Knowledge ကို မတိုင်းတာနိုင်ပါဘူး ကျွန်တော်တို့ ပတ်ဝန်းကျင်မှာ အလွဲကြီး လွဲနေကြတာတွေ ရှိပါတယ်။
#ဘယ်သူ့ရဲ့ ဗီဒီယို (Video) ကို လူတွေ ပိုကြည့်ကြလဲ။
#ဘယ်သူ့ရဲ့ ပေ့ခ်ျ (Page) မှာ Follower (အခြံအရံ) ပိုများလဲ။
#ဘယ်သူ Live လွှင့်ရင် Comment တွေ ပိုပြီး တက်လာလဲ။

အဲ့ဒီ ဆိုရှယ်မီဒီယာရဲ့ ကိန်းဂဏန်း အပေါ်ယံတွေကိုပဲ စစ်မှန်တဲ့ Professional Level (ပညာရှင်အဆင့်) လို့ ထင်မှတ်မှားလာကြပါတယ်။ ဒါပေမယ့် သတိပြုပါ — Follower Count (Follower အရေအတွက်) က ခင်ဗျားရဲ့ Knowledge (အသိပညာ) ကို ဘယ်တော့မှ မတိုင်းတာနိုင်ပါဘူး။ Like Count က ခင်ဗျားရဲ့ Competency (လုပ်ငန်းကျွမ်းကျင်မှု အရည်အသွေး) ကို သက်သေမပြနိုင်သလို၊ View Count ကလည်း ဆံကေသာရဲ့ သဘာဝ Science (သိပ္ပံအမှန်တရား) ကို လုံးဝ သက်သေမပြနိုင်ပါဘူး။

တကယ်တော့… Marketing ဆိုတာ ကောင်းကင်က Spotlight (မီးမောင်းကြီး) လိုပါပဲ။ Education ဆိုတာကတော့ ခိုင်ခံ့တဲ့ Foundation (အဆောက်အဦ၏ အောက်ခြေအုတ်မြစ်) ဖြစ်ပါတယ်။
Spotlight (မီးမောင်း) က လူတွေကို အဝေးကနေ မြင်သာထင်သာ ရှိစေပါတယ်။
Foundation (အုတ်မြစ်) ကတော့ ခင်ဗျားရဲ့ အဆောက်အဦကြီးကို ဘယ်လို မုန်တိုင်းမျိုးပဲတိုက်တိုက် လုံးဝ ပြိုကျမသွားအောင် ထိန်းထားပေးတာ ဖြစ်ပါတယ်။

ခိုင်မာတဲ့ အုတ်မြစ် Foundation မရှိဘဲနဲ့ အပေါ်ယံ Spotlight မီးမောင်းကြီးတစ်ခုတည်းပဲ လင်းထိန်နေမယ်ဆိုရင်... အဲ့ဒီအဆောက်အဦကြီးဟာ တစ်နေ့နေ့မှာတော့ ဝုန်းခနဲ အပိုင်းပိုင်းပြတ်ပြတ် ပြိုကျပျက်စီးသွားမှာ ဧကန်အမှန်ပါပဲ။

ကျွန်တော်တို့ Hair Industry မှာလည်း ဒီအတိုင်းပါပဲ။ Marketing က ခင်ဗျားကို အပေါ်ယံ "နာမည်ကျော်ကြားမှု" ကို ပေးစွမ်းနိုင်ပေမယ့်၊ Education ကမှ ဧည့်သည်တွေရဲ့ ရင်ထဲက "စစ်မှန်တဲ့ ယုံကြည်မှု (Trust)" ကို ပေးစွမ်းနိုင်တာ ဖြစ်ပါတယ်။ Marketing က ဆိုင်ထဲကို Customer တွေ အများကြီး ဝင်လာအောင် ဆွဲခေါ်လာနိုင်ပေမယ့်၊ Education ကမှ အဲ့ဒီဝင်လာတဲ့ Customer တွေကို ဆိုင်ရဲ့ ရေရှည်အမြဲတမ်းဧည့်သည် ဖြစ်အောင် ဆွဲထိန်းထားနိုင်တာ ဖြစ်ပါတယ်။ Marketing က ပစ္စည်းတစ်ခုကို တစ်ကြိမ်တစ်ခါတည်း ရောင်းထွက်အောင် လုပ်နိုင်ပေမယ့်၊ Education (စစ်မှန်တဲ့ အသိပညာ) ကတော့ ခင်ဗျားကို ဘဝတစ်သက်တာလုံး ရပ်တည်ရောင်းချနိုင်ခွင့် ပေးထားတာ ဖြစ်ပါတယ်။

👉ပညာရောင်းသည့်လောကမှ ပုံရိပ်ရောင်းသည့်လောကသို့ လွဲမှားသွားခြင်း
ဝမ်းနည်းစရာကောင်းတာကတော့... လက်ရှိ ဆံပင်ပညာရှင် (Hairdresser) တချို့ဟာ ဆိုရှယ်မီဒီယာပေါ်မှာ Marketing လုပ်ဖို့၊ လူသိများဖို့အတွက် အချိန်တွေကို အမြောက်အမြား ပေးပြီး လေ့လာနေကြပေမယ့်... တကယ့်အသက်သွေးကြောဖြစ်တဲ့ Hair Science (ဆံကေသာသိပ္ပံ) ကို လေ့လာဖို့အတွက်ကျတော့ အချိန်မပေးကြတော့တာပါပဲ။

ဗီဒီယို အလှပြင်ဆင်တဲ့ Video Editing အတတ်ပညာတွေကိုတော့ ဒိုင်ခံသင်ယူကြပေမယ့်... မိမိသုံးမယ့် ဆေးဘူးခွံ နောက်ကွယ်က Ingredient List (ဓာတုဗေဒ ပါဝင်ပစ္စည်းအညွှန်းများ)ကို ဖတ်ရှုဖို့ကျတော့ လုံးဝ စိတ်မဝင်စားကြပါဘူး။ Facebook ရဲ့ Algorithm (အလုပ်လုပ်ပုံစနစ်) ကိုတော့ အလွတ်ရနေကြပေမယ့်... ဆံသားကို ပြောင်းလဲပေးမယ့် Hair Chemistry (ဆံကေသာဓာတုဗေဒ) ကိုကျတော့ သေသေချာချာ မသိကြတော့ပါဘူး။

ဒီလို အခြေအနေမျိုးတွေ ဆက်တိုက် ဖြစ်ပေါ်လာတဲ့အခါ... ကျွန်တော်တို့ရဲ့ Industry ကြီးတစ်ခုလုံးဟာ အနှစ်သာရရှိတဲ့ "အတတ်ပညာကို ရောင်းချတဲ့ လောက" မဟုတ်တော့ဘဲ၊ အပေါ်ယံ "ပုံရိပ် (အပြောအဆို အယုံသွင်းမှု) တွေကိုပဲ လိုက်လံရောင်းချနေတဲ့ လောကကြီး" အဖြစ် လွဲမှားစွာ ပြောင်းလဲသွားရပါတော့တယ်။

👉မျိုးဆက်သစ်လူငယ်များအတွက် အကြီးမားဆုံး အန္တရာယ်

အဲ့ဒီအထဲမှာမှ အဆိုးဝါးဆုံးနဲ့ အန္တရာယ်အကြီးမားဆုံးအချက်ကတော့... လောကထဲကို အသစ်ဝင်ရောက်လာမယ့် မျိုးဆက်သစ် လူငယ် Stylist လေးတွေက “ငါ ပညာရပ်ကို တတ်မြောက်အောင်၊ ကျွမ်းကျင်အောင် အရင်ဆုံး လုပ်ရမယ်”ဆိုတဲ့ ရိုးသားတဲ့ စိတ်ဓာတ်ထက် “ငါ ဆိုရှယ်မီဒီယာပေါ်မှာ ဘယ်လိုနည်းနဲ့မဆို နာမည်ကြီးအောင် အရင်လုပ်ရမယ်”ဆိုတဲ့ လွဲမှားတဲ့ စိတ်ဓာတ်ကို အတုယူ အားကျလာကြတာပဲ ဖြစ်ပါတယ်။

အဲ့ဒီလို ကျော်ကြားမှုကိုပဲ ရှေ့တန်းတင် နှလုံးသွင်းမိလိုက်တဲ့ နေ့ကစပြီး... ကျွန်တော်တို့ Industry ကြီးရဲ့ ဦးတည်ချက် ဦးခေါင်းပိုင်းဟာ စစ်မှန်တဲ့ "အတတ်ပညာရပ်" လမ်းကြောင်းပေါ်ကနေ အပေါ်ယံ "ကျော်ကြားမှု (Ego & Fame)" ဘက်ဆီကို ထာဝရ လွဲချော် သွေဖည်သွားရပါတော့တယ်
ဗျာ။

---


#ဆံပင်သင်တန်းကျောင်း

30%Off Promotion
Color Highlights,powerplex Treatment








(Made_In_Italy)
(made-in-Spain)


#ဆံပင်သင်တန်းကျောင်း

booking တော့(၁)ရက်ကြိုတင်စာရင်းပေးဖို့လိုပါတယ်ခင်ဗျ..🙏🏻
📱For Booking - 09764932589, 09 772 100 400 ,
-----------------------------------------
🏡အမှတ်၅၉ ,မြို့ပက်လမ်းမအပေါ် , ပုသိမ်ညွန့် (၇)လမ်း မင်္ဂလာတောင်ညွန့်မြိုနယ်
ကြက်ဘဲစျေးအနီး

(Google Map Link https://maps.app.goo.gl/SPwfmbkx9qeJ6uHDA?g_st=ic

ယနေ့ခေတ် သင်တန်းကျောင်း တော်တော်များများဟာ ကျောင်းသားကို ပညာရှင်စစ်စစ်ဖြစ်အောင် မွေးထုတ်ပေးတာ မဟုတ်ဘဲ၊ ငွေသွင်းရင် ပစ္စည်းတစ်ခု ချက်ချင်းရသလိုမျိုး "Fast-Fashion (အလွယ်စားစနစ်) နဲ့ သွားနေကြတာ ဖြစ်ပါတယ်။

(ဆံသားရဲ့ pH Level အပြောင်းအလဲ၊ Cuticle (အပြင်လွှာ) နဲ့ Cortex (အတွင်းလွှာ) တွေရဲ့ ဓာတုဗေဒ ဓာတ်ပြုမှု သီအိုရီတွေကို စနစ်တကျ အခြေခံကစလို့ နားမလည်စေဘဲ၊ အရောင်တစ်ဗူးနဲ့ တစ်ဗူး ရောစပ်လိုက်ရင် ဘာအရောင်ထွက်တယ်ဆိုတဲ့ အလွတ်ကျက် ဖော်မြူလာ အတုအယောင်တွေကိုပဲ ပညာဆိုပြီး ရောင်းစားနေကြတာပါ။)

“၄လ သင်တန်းတက်ရင် ဆရာဖြစ်မယ်၊ ၆လ တက်ရင် ဆိုင်ဖွင့်နိုင်မယ်” ဆိုတဲ့ Marketing လှည့်ကွက်တွေနဲ့ လူငယ်တွေရဲ့ အချိန်နဲ့ ငွေကြေးကို ဓားပြတိုက်နေကြတာ ဖြစ်ပါတယ်။ ပညာဆိုတာ ဆံသားသိပ္ပံရဲ့ သဘောတရားတွေကို လက်တွေ့လုပ်ငန်းခွင်မှာ အချိန်နဲ့အမျှ အတွေ့အကြုံယူပြီး ရင့်ကျက်ရတာဖြစ်လို့ "အလွယ်သင်၊ အမြန်တတ်" စနစ်ကနေ ဘယ်တော့မှ Professional (ပညာရှင်စစ်စစ်) ထွက်မလာနိုင်ပါဘူး။

ဆံပင်သင်တန်းဆရာတစ်ယောက်က ပြောတယ်... "ဆံပင်ညှပ်တတ်ရုံအဆင့်လောက်ပဲ တွေးထားရင် သူ့သင်တန်းကျောင်း လာမတက်နဲ့" တဲ့။ ကျွန်တော်ထင်တာကတော့... နယ်ကလာတဲ့ ကျောင်းသားတွေဟာ အသိပညာ ဗဟုသုတ နည်းနေသေးသလို၊ အသက်မွေးဝမ်းကျောင်းအဖြစ် ဒီဆံပင်ပညာကို ရိုးရိုးသားသား လာသင်ကြတာ ဖြစ်ပါတယ်။

ဆူးလိပ်နဲ့ ဒရိုင်ယာ (Blowdryer) ကိုတောင် ကျွမ်းကျင်စွာ မကိုင်တွယ်တတ်သေးတဲ့၊ ဆံပင်ညှပ်နည်း အခြေခံကိုတောင် သေချာမသိသေးတဲ့ လူတွေကို ဆံပင်ပညာရပ်ကို အဓိကထားမသင်ဘဲ စီးပွားရေး စီမံခန့်ခွဲမှု (Management Skills) တွေ အရင်သင်နေတာဟာ လုံးဝ သဘာဝမကျပါဘူး။

ဒီအလုပ်ကို တကယ်လုပ်မယ်ဆိုရင်... Career (သက်မွေးလမ်းကြောင်း) တိုးချဲ့ချင်သူ အများစုဟာ Technical Skills 70% + Management Skills 30% နဲ့ စတင်ရမှာ ဖြစ်ပြီး၊ အဆင့်မြင့်လာတာနဲ့အမျှ Management Share ကို တဖြည်းဖြည်း တိုးမြှင့်သွားရမှာ ဖြစ်ပါတယ်။ ဒါကမှ စနစ်မှန်ဖြစ်ပြီး၊ လုပ်ငန်းခွင်အတွက် အရေးကြီးဆုံးအချက်ပဲ ဖြစ်ပါတယ်။

#ဝါသနာနဲ့_စီးပွားရေး_ကွာတယ်
ဝါသနာပါတဲ့ လူငယ်တွေကတော့ သူတို့မြတ်နိုးတဲ့ ပညာရပ်ကိုပဲ စိတ်အေးချမ်းသာစွာနဲ့ ကျွမ်းကျင်အောင် လုပ်ချင်ကြတာပါ။ ဒါပေမဲ့ အပေါ်ယံ စီးပွားရေးသမားတွေကတော့ အဲဒီပညာရှင်တွေရဲ့ ဝါသနာကို အသုံးချသွားပြီး လုပ်အားတွေကိုပဲ ညှစ်ယူကြတာ ဖြစ်ပါတယ်။

👉ဆိုင်ရှင်တွေကိုယ်တိုင် "သူနာပြု" ပြန်လုပ်နေရသည့် ဒုက္ခ
ဒီလို အခြေခံသီအိုရီရော လက်မှုပါ လုံးဝမရှိတဲ့ ဝန်ထမ်းတွေ လုပ်ငန်းခွင်ထဲ ရောက်လာတဲ့အခါ အဓိက ခါးစီးခံရတာ ဆိုင်ရှင်တွေ ဖြစ်ပါတယ်။
လစာပေးထားပြီးသား ဝန်ထမ်းကို အလုပ်ခိုင်းဖို့ နေနေသာသာ... ကတ်ကြေးကိုင်ပုံ၊ ကတ်ကြေးညှပ်ထောင့် (Angle) ကစပြီး ဆံသားမကျက်အောင် Blowdry ဆွဲတာ၊ ကောက်ဆေး/ဖြောင့်ဆေး မလျှော်ခင် ဆံသားရဲ့ ကျုံ့ဆန့်နိုင်စွမ်း (Elasticity) ကို စနစ်တကျ မစစ်ဘဲ ကရုဏာမဲ့ ခေါင်းလျှော်တာအထိ ဆရာကိုယ်တိုင် နောက်ကနေ လိုက်ပြင်ပေးနေရတာ ဖြစ်ပါတယ်
❝ဒါဟာ ဆိုင်ရှင်တွေအတွက် ဝန်ထမ်းခန့်ထားတာ မဟုတ်ဘဲ "ပိုက်ဆံပေးပြီး ကလေးထိန်းနေရသလို" ခါးသီးတဲ့ ဒုက္ခမျိုး ကြုံတွေ့နေရတာ ဖြစ်ပါတယ်။

အလုပ်သင် (Apprentice) အဆင့်တောင် မရှိတဲ့သူ၊ ဆံပင်တစ်စုကို ဆေးစမ်းခြင်း (Strand Test) တောင် မလုပ်တတ်တဲ့သူကို "ဆရာလစာ" ပေးနေရတဲ့ ဤစနစ်ဆိုးကြီးက လုပ်ငန်းရှင်တွေကိုပါ လုံးဝစိတ်ပျက်စရာ ဖြစ်လာစေပါတယ်။

ရင်နာဆုံး အချက်က နယ်ကမိဘတွေ ကိစ္စပါ။ ရန်ကုန်က သင်တန်းကြီးတွေ၊ နာမည်ကြီးကျောင်းတွေမှာ တက်နေရရင်ပဲ သားသမီးတွေ ဘဝအာမခံချက် ရှိပြီ၊ ဆံပင်ပညာရှင်ကြီးတွေ ဖြစ်တော့မယ် ထင်ပြီး ရှိတာလေး ပေါင်နှံရောင်းချ၊ အကြွေးတွေတင်ခံပြီး ထောက်ပံ့နေကြတဲ့ မိဘတွေခမျာ... တကယ်တမ်း သားသမီးတွေမှာ လက်တွေ့ Hair Science သီအိုရီရော လက်မှုပါ မရှိတော့တဲ့အတွက် ဘယ်လုပ်ငန်းခွင်မှာမှ အလုပ်မမြဲဘဲ လမ်းဘေးရောက်သွားကြပါတယ်။

အဲဒီလို လမ်းမှားရောက်သွားတဲ့အခါ မိဘတွေရော လူငယ်တွေပါ ခံစားရမယ့် စိတ်ဒဏ်ရာက အတိုင်းထက်အလွန်ပါပဲ။ ဒါဟာ အလှပြင်လောက (Hair Industry) ရဲ့ ပြဿနာတင်မကဘဲ မျိုးဆက်သစ်လူငယ်တွေရဲ့ အနာဂတ်ကို ဖျက်ဆီးနေတဲ့ လူမှုရေး အကျပ်အတည်း (Social Issue) တစ်ခုအထိ ဖြစ်နေပြီ ဆိုတာကို ပြတ်ပြတ်သားသား မီးမောင်းထိုးပြနေပါတော့တယ်ဗျာ။
#ဆံပင်သင်တန်းကျောင်း

မြန်မာ့အလှပြင်လောက (Hair Industry) နဲ့ ပတ်သက်ပြီး ကျွန်တော် အနက်ရှိုင်းဆုံး မြင်တွေ့နေရတဲ့ အချက်တစ်ချက် ရှိပါသေးတယ်။ အဲဒါကတော့ ဆံပင်လောကထဲက လူတော်တော်များများဟာ “ဘယ်လို ပုံစံမျိုး လုပ်ဆောင်ရမလဲ (How)” ဆိုတဲ့ နည်းလမ်းကိုပဲ ဇွတ်မှိတ် သိချင်ကြပြီး... “ဘာကြောင့် ဒီလို သိပ္ပံနည်းကျ လုပ်ဆောင်ရတာလဲ (Why)” ဆိုတဲ့ အခြေခံအကြောင်းရင်းကိုတော့ စူးစမ်းလေ့လာဖို့ စိတ်ကူးမရှိကြတာပါပဲ။

ဒါကြောင့်မို့လို့ ယနေ့ခေတ်မှာ အပေါ်ယံ Technique (နည်းပညာ) တွေ များပြားလာပေမယ့် နက်နဲတဲ့ Understanding (နားလည်သဘောပေါက်မှု) ကတော့ အလွန် နည်းပါးလာပါတယ်။ အလွတ်ကျက်စရာ Formula တွေ များပြားလာပေမယ့်၊ မပြောင်းလဲတဲ့ Principle (အခြေခံနိယာမ) တွေကတော့ တဖြည်းဖြည်း ပျောက်ဆုံးလာပါတယ်။ ကြည့်စရာ အတိုအထွာ Video တွေ ပလူပျံအောင် များပြားလာပေမယ့်၊ စနစ်တကျ ရှိလှတဲ့ Knowledge (အသိပညာ) စစ်စစ်တွေကတော့ ဆုတ်ယုတ်နည်းပါးလာပါတယ်။

တကယ်တမ်းတော့ ဆံကေသာလောက (Hair Industry) မှာ သိပ်ကို အန္တရာယ်ကြီးမားလွန်းတဲ့ စကားတစ်ခွန်း ရှိပါတယ်။ အဲဒါကတော့ “ငါ... ဒီလိုလုပ်လာတာ အခုဆိုရင် အနှစ် ၂၀ တောင် ရှိပြီ”ဆိုတဲ့ ဝါရင့်လေသံ စကားပဲ ဖြစ်ပါတယ်။

ဒီနေရာမှာ ကျွန်တော်တို့ ပြန်လည်မေးခွန်းထုတ်ရမှာက... အဲဒီနှစ်ပေါင်း ၂၀ ဆိုတာ “နှစ်ပေါင်း ၂၀ လုံးလုံး မပြတ်မကွက် လေ့လာဆန်းစစ်နေခဲ့တာလား”၊ “နှစ်ပေါင်း ၂၀ လုံးလုံး တရိပ်ရိပ် တိုးတက်ကြီးထွားခဲ့တာလား”... ဒါမှမဟုတ် “ပထမဆုံး တစ်နှစ်တည်းမှာ သိခဲ့တဲ့ သေးသိမ်တဲ့ အသိပညာလေးတစ်ခုတည်းကိုပဲ အနှစ် ၂၀ လုံးလုံး ထပ်တလဲလဲ ပြန်လည်အသုံးပြုနေတာလား”ဆိုတာပါပဲ။ စစ်မှန်တဲ့ အတွေ့အကြုံ (Experience) ဆိုတာ အချိန်ကာလ ကြာမြင့်သွားခြင်းသက်သက်ကို ခေါ်ဆိုတာ မဟုတ်ပါဘူး။ မိမိဘဝတစ်လျှောက်လုံး “သင်ယူမှု ဗဟုသုတတွေကို ဘယ်လောက်အထိ အနှစ်သာရရှိရှိ စုဆောင်းထားနိုင်ခဲ့သလဲ” ဆိုတာကိုသာ ခေါ်ဆိုခြင်း ဖြစ်ပါတယ်။

လုပ်သက် "နှစ် ၂၀ ရှိပြီ" ဆိုပြီး ဝါရင့်ကြီးလိုလို၊ ဆရာကြီးလိုလို ဂုဏ်ပုဒ်တွေ အော်ဟစ်နေကြပေမယ့်... လက်တွေ့မြေပြင်မှာ ဆံပင်အကောက်လေး တစ်ခုတောင် အပိုင်အနိုင် မကောက်တတ်၊ ဘယ်လိုဆံသားက ဘယ်လိုအခြေအနေရှိလဲဆိုတာကို ဓာတုဗေဒနည်းအရ (Chemical Theory) မဆုံးဖြတ်တတ်တဲ့ ဆရာအချို့ကို တွေ့ရတာ တကယ်ပဲ စိတ်ပျက်စရာ ကောင်းလှပါတယ် အဲလို လူတွေက ဆံပင်သင်တန်းကျောင်းဖွင့်ပြီး ဆရာလုက်နေကြတာ

နှမြောစရာ ကောင်းလှတာက မြန်မာ့လောကထဲက လူတော်တော်များများဟာ အသိပညာ (Knowledge) တွေကို ရင်ထဲ၊ ဦးနှောက်ထဲ စုဆောင်းဖို့ထက်... အပေါ်ယံ ဂုဏ်ဒြပ် ရာထူးအဆင့်အတန်း (Position) တွေကိုပဲ ဟန်ပန်ကြီးစွာ စုဆောင်းနေကြတာပါပဲ။

လူတကာက... ဆရာကြီး (Teacher) ဖြစ်ချင်ကြတယ်။
လူတကာက... လမ်းပြဆရာ (Educator) လို့ အခေါ်ခံချင်ကြတယ်။
လူတကာက... ကိုယ်ပိုင်အကယ်ဒမီ (Academy) ကြီးတွေ ဖွင့်လှစ်ချင်ကြတယ်။
လူတကာက... ပွဲကြီးပွဲကောင်းတွေမှာ ဒိုင်လူကြီး (Judge) လုပ်ချင်ကြတယ်။
လူတကာက... စင်မြင့်ထက်မှာ ဟောပြောသူ (Speaker) အဖြစ် ထည်ဝါချင်ကြပါတယ်။

ဒါပေမဲ့... ဘဝနိဂုံးချုပ်တဲ့အထိ နှိမ့်ချစွာ သင်ယူလေ့လာမယ့် "ကျောင်းသားကောင်း (Student) အဖြစ် ခံယူချင်တဲ့သူ"ကတော့ သိပ်ကို နည်းပါးလှပါတယ်။ ဝမ်းနည်းစရာ ကောင်းလှတဲ့ နိယာမကတော့... "တစ်သက်မှာ ကျောင်းသားကောင်းတစ်ယောက် မဖြစ်ဖူးခဲ့တဲ့သူဟာ၊ ဘယ်သောအခါမှ ဆရာကောင်းတစ်ယောက် ဖြစ်မလာနိုင်ဘူး"ဆိုတဲ့ အချက်ပဲ ဖြစ်ပါတယ်။

ဆံကေသာလောကမှာ သင့်အနေနဲ့ မျိုးဆက်သစ်တွေကို ပြန်လည်သင်ကြားပေးနိုင်တဲ့ အသိပညာပမာဏဆိုတာ သင့်ကိုယ်တိုင် နေ့စဉ်ဆည်းပူး သင်ယူနေတဲ့ ပမာဏထက် ဘယ်တော့မှ ကျော်လွန်သွားနိုင်ခြင်း မရှိပါဘူး။ (Your output cannot exceed your input)

ဒါကြောင့်မို့လို့ ကမ္ဘာ့အဆင့်မီ စံပြ Educator စစ်စစ်တွေဟာ ဘယ်လောက်ပဲ အောင်မြင်နေပါစေ... စာအုပ်စာပေ ဖတ်ရှုခြင်းကို မရပ်တန့်ပါဘူး၊ နိုင်ငံတကာ ဆွေးနွေးပွဲ (Seminar) တွေ တက်ရောက်ဖို့ မပျက်ကွက်ပါဘူး၊ သိပ္ပံနည်းကျ သုတေသန (Research) တွေကို အမြဲမပြတ် ဖတ်ရှုလေ့လာနေကြတာ ဖြစ်ပါတယ်။ သူတို့ရဲ့ ရင်ထဲမှာ အမြဲတမ်း သိမြင်ထားတာက... ကိုယ့်ရဲ့ အကြီးမားဆုံးသော ပြိုင်ဘက်ဆိုတာ ဘေးနားက တခြား Educator တွေ မဟုတ်ဘဲ "မနေ့က ရှိခဲ့တဲ့ မိမိကိုယ်ကိုယ်သာ ဖြစ်တယ်"ဆိုတဲ့ အမှန်တရားပဲ ဖြစ်ပါတယ်။

နောက်ထပ် အားနည်းချက်တစ်ခုကတော့ မြန်မာ့လောကမှာ မွေးရာပါပါရမီ (Talent) ရှိခြင်းကိုပဲ မိုးကျရွှေကိုယ်လို အရမ်း တန်ဖိုးထားလွန်းကြတာပါပဲ။ တကယ်တမ်းတော့ ယာယီပါရမီထက် မိမိကိုယ်ကိုယ် ထိန်းကျောင်းတဲ့ "စနစ်တကျရှိမှု စည်းကမ်း (Discipline)"ကသာလျှင် ဘဝအတွက် အသက်တမျှ ပိုမိုအရေးကြီးလှပါတယ်။

ခေတ္တခဏ လင်းလက်တဲ့ ကြယ်ပျံထက်၊ ထာဝရ လင်းထိန်နေတဲ့ ဓူဝံကြယ်ကသာ လမ်းပြနိုင်တာ ဖြစ်ပါတယ်။
Talent သက်သက်ပဲရှိတဲ့ Hairdresser တစ်ယောက်ဟာ ခေတ်ရေစီးကြောင်းတစ်ခုအရ တစ်နှစ်၊ နှစ်နှစ်လောက်တော့ ဝုန်းဒိုင်းကြဲ တောက်ပချင် တောက်ပပါလိမ့်မယ်။ ဒါပေမဲ့ ခိုင်မာတဲ့ Discipline ရှိတဲ့ Hairdresser တစ်ယောက်ကတော့... နှစ်ပေါင်း ၂၀၊ နှစ်ပေါင်း ၃၀ ကျော်တဲ့အထိ လောကအလယ်မှာ ခန့်ညားထည်ဝါစွာ ထာဝရ တောက်ပနေမှာ ဖြစ်ပါတယ်။
#နေ့တိုင်း နေ့တိုင်း... စာအုပ်စာပေတွေကို မပျက်မကွက် ဖတ်ရှုတဲ့သူ၊
#နေ့တိုင်း နေ့တိုင်း... သိမြင်လာတဲ့ အသိပညာတွေကို စနစ်တကျ မှတ်စုမှတ်တမ်း ရေးသားတဲ့သူ၊
#နေ့တိုင်း နေ့တိုင်း... ခေတ်နဲ့အညီ အသစ်အသစ်တွေကို မပြတ် သင်ယူလေ့လာတဲ့သူ၊
#နေ့တိုင်း နေ့တိုင်း... မိမိရဲ့ အမှားအယွင်းတွေကို ကိုယ်တိုင် ပြန်လည်ဆန်းစစ် သုံးသပ်တတ်တဲ့သူ။

အဲဒီလို စည်းကမ်းကြီးမားတဲ့သူကသာလျှင်... နောက်ဆုံး ဇာတ်သိမ်း ခရီးဆုံးမှာတော့ ဘယ်သူမှ လိုက်မမီနိုင်တဲ့ အဝေးဆုံးက အထွတ်အထိပ် ပန်းတိုင်ဆီကို ရောက်ရှိသွားမှာ ဖြစ်ပါတယ်။

နောက်ဆုံးအနေနဲ့ အလေးအနက် ပြောကြားချင်တာကတော့... မြန်မာ့အလှပြင်လောက (Hair Industry) ဟာ ဆံပင်လုပ်တတ် ကိုင်တတ်တဲ့ သာမန်ပညာရှင်တွေ မလိုလားအပ်တော့တာ မဟုတ်ပါဘူး၊ အသိဉာဏ်နဲ့ ကျင့်ဝတ်ရှိတဲ့ "Professional ပညာရှင်အစစ်တွေ"ကို ပိုမိုလိုအပ်နေတာ ဖြစ်ပါတယ်။

ဂုဏ်ပကာသနမက်မောတဲ့ ဆရာကြီးတွေ မလိုတော့တာ မဟုတ်ပါဘူး၊ ဘဝနိဂုံးချုပ်တဲ့အထိ "တစ်သက်လုံး ကျောင်းသား (Student) အဖြစ် ခံယူထားတဲ့ ဆရာကောင်းတွေ ကို ပိုမိုလိုအပ်နေတာ ဖြစ်ပါတယ်။ ဆိုင်ခန်းအလှအပတွေ မလိုတော့တာ မဟုတ်ပါဘူး၊ စနစ်တကျရှိတဲ့ "Professional Culture (ပညာရှင်ပီသမှု စနစ်ယဉ်ကျေးမှု) ရှိတဲ့ Salon တွေ"ကို ပိုမိုလိုအပ်နေတာ ဖြစ်ပါတယ်။ အပေါ်ယံ ပစ္စည်းရောင်းစားတဲ့ သင်တန်းတွေ မလိုတော့တာ မဟုတ်ပါဘူး၊ လူငယ်တွေ ကိုယ်ပိုင်တွေးခေါ် မြော်မြင်နိုင်စွမ်းကို မြှင့်တင်ပေးမယ့် "Thinking Skill သင်ပေးတဲ့ စစ်မှန်သော ပညာရေး (Education)"တွေကို ပိုမိုလိုအပ်နေတာ ဖြစ်ပါတယ်။

ဆံကေသာအတတ်ပညာရပ်ရဲ့ အကြီးမားဆုံးသော ရန်သူဆိုးကြီးဟာ ဘာမှမသိသေးတဲ့ မသိခြင်း မဟုတ်ပါဘူး။ “ငါ... အကုန်တတ်ပြီ” ဆိုပြီး ရေကန်အသင့် ကြာအသင့် ဇိမ်ခံကာ "သင်ယူမှု ရပ်တန့်သွားခြင်း" သာလျှင် ဖြစ်ပါတယ်။

လောကမှာ တချို့လူတွေဟာ အချိန်တွေ ကုန်ဆုံးပြီး အသက်အရွယ် ကြီးရင့်လာကြပေမယ့်၊ တကယ့် ပညာရှင်တွေကတော့ မိမိကိုင်တွယ်တဲ့ ပညာရပ်နှင့်အတူ ရင့်ကျက်ကြီးထွားလာကြတာ ဖြစ်လို့ အဲဒီနှစ်ခုဟာ ကွာခြားလှပါတယ်
Hair Industry ၏ အမြင့်မားဆုံးသော ရာထူးဂုဏ်ဒြပ်ဆိုတာ ဆရာကြီး ဖြစ်သွားခြင်း မဟုတ်ပါဘူး။ နေ့စဉ်မပြတ် နှိမ့်ချစွာ သင်ယူလေ့လာနေတဲ့ Professional ပညာရှင်အစစ် ဖြစ်နေခြင်းသာ ဖြစ်ပါတယ်

နောက်ဆုံး ဘဝဇာတ်ခုံ ပြီးဆုံးသွားတဲ့နေ့မှာ လူတွေ နှမြောတသ အမှတ်ရကျန်ရစ်မှာက မင်း... ဘယ်လောက်အထိ အပေါ်ယံ နာမည်ကြီးခဲ့သလဲဆိုတာ မဟုတ်ပါဘူး။ မင်းရဲ့ စေတနာ၊ မင်းရဲ့ စနစ်ကောင်းတွေကြောင့် မိမိကျင်လည်ရာ "ပညာရပ်လောကကြီး ဘယ်လောက်အထိ အဆင့်အတန်း မြင့်မားတိုးတက်ကျန်ရစ်ခဲ့လဲ" ဆိုတာပဲ ဖြစ်ပါကြောင်း ရင်ဘတ်ထဲကနေ အနက်ရှိုင်းဆုံး တိုက်တွန်းနှိုးဆော်လိုက်ရပါတော့တယ်။


#ဆံပင်သင်တန်းကျောင်း

ဒီ အကောက်ပုံစံကို ငါအရင်လုပ်ထားတာ၊ ငါ့မူပိုင်” ဆိုတာ တစ်ခုတည်းနဲ့ တရားရုံးမှာ အနိုင်ရဖို့ အလွန်ခက်ပါတယ်။
တရားစွဲနိုင်တဲ့ အခြေအနေကတော့ -
သူ့ဓာတ်ပုံကို ခိုးသုံးတာ
သူ့ Logo ကို သုံးတာ
သူ့ Brand Name ကို သုံးတာ
သူ့ Course Material ကို ကူးချတာ လိုမျိုး သက်သေရှိရပါမယ်။

အကောက်ပုံစံတူတာ၊ ဆံပင်အရောင် Formula ဆင်တူတာ၊ Hair Design တူတာ တစ်ခုတည်းနဲ့တော့ နိုင်ငံတကာ Hair Industry မှာပါ တရားအနိုင်ရဖို့ အလွန်ခက်ပါတယ်။

ငါအရင်ကောက်ထားတဲ့ အကောက်ပုံစံမို့ ငါ့မူပိုင်၊ ဘယ်သူမှ မလုပ်ရဘူး” ဆံပင်ပုံစံ (hairstyle) တစ်ခုကို ငါပဲ အရင်လုပ်ထားလို့ တခြားသူတွေ မလုပ်ရဘူး” ဆိုတာ နိုင်ငံတကာဥပဒေအရ အများအားဖြင့် မမှန်ပါဘူး။ တရားစွဲနိုင်ဖို့က အရမ်းခက်ပါတယ်။
#ဆံပင်သည် ထိတွေ့ကိုင်တွယ်၍ရသောအတည်တကျပုံစံ (Tangible Medium) မဟုတ်ဘဲ အချိန်နှင့်အမျှ ကြီးထွားပြောင်းလဲတတ်ပြီး လျှော်ဖွပ်ရုံနှင့် ပုံစံပျက်သွားနိုင်တယ် ထို့ပြင် ဆံပင်ညှပ်ခြင်း၊ ကောက်ခြင်းသည် အသုံးချအနုပညာ (Useful Article) သဘော သက်ရောက်သော နေ့စဉ်လှပရေးဝန်ဆောင်မှုဖြစ်တယ် ထို့ကြောင့် မူပိုင်ခွင့်ဥပဒေများအရ မူပိုင်ခွင့် ကာကွယ်မှု မရရှိနိုင်ပါဘူး

Copyright (မူပိုင်ခွင့်) က အကြံဉာဏ် (idea) ကို မကာကွယ်ဘဲ ဖော်ပြထားတဲ့ လက်ရာ (expression) ကိုသာ ကာကွယ်ပါတယ်။
ဥပမာ -
✅ သူက ဖန်တီးထားတဲ့ ဆံပင်ပုံရဲ့ ဓာတ်ပုံကို ခိုးယူသုံးရင် Copyright ချိုးဖောက်နိုင်တယ်။
✅ သူရေးထားတဲ့ သင်ခန်းစာစာအုပ်၊ Diagram၊ Video Course ကို ကူးချရင် Copyright ချိုးဖောက်နိုင်တယ်။
❌ “Butterfly Cut”, “Wolf Cut”, “Bob Cut”, “Layer Cut”, “Perm Pattern” စတဲ့ ဆံပင်ပုံစံကို ကြည့်ပြီး ကိုယ်တိုင် ပြန်လုပ်တာက Copyright ချိုးဖောက်တာ မဟုတ်ပါဘူး

ကမ္ဘာကျော် Hair Academy တွေဖြစ်တဲ့
Vidal Sassoon Academy,
Pivot Point International
တို့တောင် Haircut Method, Geometry, Color Theory တွေကို သင်ပေးကြပေမယ့်
“ဘယ်သူမှ ဒီနည်းကို သုံးလို့မရဘူး” ဆိုပြီး မတားကြဘူး။
ကမ္ဘာကျော် Hair Artist တွေဖြစ်တဲ့ Sorbie, Guy Tang တို့ ဖန်တီးခဲ့တဲ့ ပုံစံတွေကို ကမ္ဘာတစ်ဝှမ်းက Hairdresser တွေ သင်ယူပြီး ပြန်လုပ်နေကြတာပါ သူတို့က ပုံစံကို မူပိုင်အဖြစ် ပိတ်ပင်ထားတာမဟုတ်ဘဲ....”ဒါပေမယ့်



Manual
Name
တွေကတော့ ဥပဒေအရ ကာကွယ်လို့ရတယ်။
👉အဲ့ဒါကြောင့်_ဆံပင်ပညာမှာ
= မူပိုင်ခွင့် မရပါ
= မူပိုင်ခွင့် မရပါ
Design = မူပိုင်ခွင့် မရပါ

ပညာကို ပိုင်ဆိုင်နိုင်တာထက် ပညာကို နားလည်ပြီး တီထွင်နိုင်တာက ပိုတန်ဖိုးရှိတယ်” ဆိုတာ Hair Industry ရဲ့ အဓိက သဘောတရားပါ။

ပန်းပင်တစ်ပင်က သူ့အရောင်ကို မူပိုင်မတင်ဘူးနေရောင်ကိုလည်း မပိုင်ဘူး ဒါပေမယ့် သူ့အလှနဲ့သူ ပွင့်လန်းနေတယ် ပညာရှင်အစစ်တွေလည်း အဲဒီလိုပဲ
ပညာဟာ သော့ခတ်ထားတဲ့ ရတနာမဟုတ်ဘူး မျှဝေလေ တန်ဖိုးတက်လေ ဖြစ်တဲ့ မီးအိမ်တစ်လုံးပါ
ဆရာအစစ်ဆိုတာ ပညာကို သိမ်းထားသူ မဟုတ်ဘူး။ ပညာကို မျှဝေပေးသူ ဖြစ်တယ်။

မင်းတို့အရူးတသိုက်ကို ပြောပြမယ် "စာဖက်ကြပါ "စာများများဖက်ပါ "အွန်လိုင်းပေါ်မှာ အခြေအမြစ်မရှိတာတွေ လျှောက်ပြောပြီး ဆံပင်ပညာရှင်လောကတစ်ခုလုံးရဲ့ ဂုဏ်သိက္ခာကို မကျဆင်းစေပါနဲ့။
"အွန်လိုင်းပေါ်က အပေါစားစကားတွေနဲ့ ဆံပင်လောကရဲ့ ပရော်ဖက်ရှင်နယ် ဂုဏ်သိက္ခာကို အရှက်မခွဲပါနဲ့။"

ပန်းပင်တစ်ပင်က သူ့အရောင်ကို မူပိုင်မတင်ဘူး..
https://www.facebook.com/share/p/1CGmBj9w3c/?mibextid=wwXIfr


#ဆံပင်သင်တန်းကျောင်း

အပေါ်ယံပဲ ကြည့်တဲ့သူတွေက "Keratin ကြောင့် ကောက်မရတာ" လို့ အပြစ်တင်တတ်ကြပေမဲ့၊ တကယ့်ကျွမ်းကျင်ပညာရှင်ကတော့ "Keratin မလုပ်ခင်ကတည်းက ပျက်စီးနေခဲ့တဲ့ ဆံသားအခြေခံအကြောင်းရင်း" ကိုပါ ထည့်သွင်းတွက်ချက်ရမယ်ဆိုတာ သိထားဖို့လိုပါတယ်

❝ Professional တစ်ယောက် သိထားသင့်သည့် Hair Science နှင့် Keratin ကုထုံး၏ အမှန်တရား ❞
Keratin Treatment လုပ်ပြီးရင် ဆံပင်ကောက်လို့ လုံးဝမရတော့ဘူးလား။
အဖြေက — "မဟုတ်ပါဘူး"
“လုံးဝကောက်လို့မရဘူး” ဆိုတာထက် “ချက်ချင်းမကောက်သင့်ဘူး” လို့ သတ်မှတ်တာ ပိုမိုတိကျပါတယ်။
Keratin Treatment ပြုလုပ်ထားတဲ့ ဆံသားကို Digital Perm, Cold Perm သို့မဟုတ် Setting Perm စတဲ့ ကောက်ဆေးတွေနဲ့ ပြန်လည်ပုံသွင်းလို့ ရပါတယ်။ ဒါပေမဲ့... Treatment ပြီးပြီးချင်း ရက်ပိုင်းအတွင်း ချက်ချင်းကောက်လိုက်မယ်ဆိုရင် ရလဒ်က စိတ်ပျက်စရာဖြစ်ရုံတင်မက ဆံသားကို အကြီးအကျယ် ပျက်စီးသွားစေနိုင်ပါတယ်။

တချို့က ဆံပင်ပြန်ကောက်လို့ မရတော့တဲ့အခါ "Keratin treatment လုပ်ထားလို့" ဆိုပြီး အလွယ်တကူ ကောက်ချက်ချတတ်ကြပါတယ်။ ဒါဟာ အပေါ်ယံပဲ မြင်လို့ မှားယွင်းတဲ့ ကောက်ချက်ချမှုပါ။ တကယ်တော့ Keratin Treatment မလုပ်ခင်ကတည်းက အဲဒီဆံသားဟာ ဓာတုဗေဒဒဏ်တွေကြောင့် အတွင်းပိုင်းအထိ အလွန်အမင်း ပျက်စီးဆာလောင်နေခဲ့လို့ ကောက်ကြောင်းမထွက်တာ ဖြစ်ပါတယ်။ ဒါကြောင့် Keratin အာနိသင်တင်မကဘဲ ဆံသားရဲ့ အရင်းခံပျက်စီးမှုကိုပါ သေချာထည့်သွင်းတွက်ချက်မှသာ မှန်ကန်တဲ့ Professional တစ်ယောက် ဖြစ်ပါလိမ့်မယ်။

👉ဘာကြောင့် ချက်ချင်း မကောက်သင့်တာလဲ
Keratin Treatment ရဲ့ သဘောသဘာဝက ဆံသားအပြင်ဘက် Cuticle လွှာကို ချောမွေ့စေပြီး ပျက်စီးနေတဲ့ နေရာတွေကို Protective Film (အကာအကွယ်အလွှာ) တစ်ခုလို ဖုံးအုပ်ကာ Heat (အပူ) နဲ့ သေသပ်စွာ ပိတ်လှောင် (Lock) ထားတာပါ။
အဲဒီလိုအချိန်မှာ Perm Lotion (ကောက်ဆေး) ဆပ်ပလီကေးရှင်းကို ထည့်သွင်းလိုက်တဲ့အခါ ဆံသားထဲကို ထိုးဖောက်ဝင်ရောက်ဖို့ လမ်းစပျောက်သွားတတ်ပါတယ်။ ရလဒ်အနေနဲ့ -
ကောက်ကြောင်းလှိုင်း မတက်ခြင်း (သို့) အားပျော့ခြင်း ကောက်အား မညီမညာ ဖြစ်ခြင်း Curl (အလိပ်) များ လျင်မြန်စွာ ပြုတ်ထွက်လွယ်ခြင်းအတင်းအကြပ် လုပ်ပါက ဆံသား ပိုမိုကျိုးပြတ်ပျက်စီးခြင်း တို့ ဖြစ်ပေါ်လာနိုင်ပါတယ်။

👉Keratin Treatment က ဆံသားထဲမှာ ဘယ်လောက်ကြာကြာ တည်ရှိနေမလဲ...?
အသုံးပြုတဲ့ Brand၊ နည်းစနစ်နဲ့ မိမိရဲ့ Home Care ထိန်းသိမ်းမှုပေါ် မူတည်ပြီး ပျမ်းမျှ ၂ လမှ ၅ လအထိ ဆံသားထက်မှာ ခိုအောင်းနေနိုင်ပါတယ်။
Sulfate ပါဝင်သော ခေါင်းလျှော်ရည်များ သုံးစွဲလျှင် အာနိသင် မြန်မြန်ပျယ်လွယ်သည်။ Heat (အပူဒဏ်) ခဏခဏထိတွေ့လျှင် သက်တမ်းတိုတတ်သည်။ ခေါင်းလျှော်ရည် အကြိမ်ရေများလွန်းလျှင်လည်း ကြာချိန်လျော့ပါးသွားတတ်သည်။
ကျွမ်းကျင်သူများ သိထားရမှာက Keratin က ဆံသားထဲမှာ အမြဲတမ်း တည်ရှိမနေပါဘူး။ အချိန်ကာလ တစ်ခုအရ တဖြည်းဖြည်းချင်း လွင့်ပါးပျောက်ကွယ်သွားတတ်ပါတယ်။

👉ဘယ်လောက်ကြာမှ ကောက်သင့်လဲ
Professional အမြင်အရ - အနည်းဆုံး ၆ ပတ်မှ ၈ ပတ် စောင့်ဆိုင်းတာက အလုံခြုံဆုံးပါ ဆံသားအလွန်ပျက်စီးထားလျှင် - ၂ လမှ ၃ လအထိ သဘာဝအတိုင်း အသက်ရှူချိန်ပေးပြီးမှသာ ကောက်သင့်ပါတယ်။
ကောက်ခါနီးတွင် - ⁠
Test⁠ (ဆံပင်တစ်စုကို စမ်းသပ်ခြင်း)
Test⁠ (ကျုံ့ဆန့်နိုင်စွမ်း စစ်ဆေးခြင်း
Test⁠ (စုပ်ယူနိုင်စွမ်း စစ်ဆေးခြင်း) တို့ကို မပျက်မကွက် ပြုလုပ်ပြီးမှသာ ဆုံးဖြတ်ရပါမယ်။

👉Keratin Treatment က ဆံသားထဲမှာ ဘယ်လိုအလုပ်လုပ်လဲ...?
လူအများ ထင်မှတ်ထားသလို Keratin က ဆံသားအသစ်ကို ဓာတ်ခွဲခန်းထဲကလို ပြန်လည်မွေးဖွားပေးတာ မဟုတ်ပါဘူး။ တကယ်လုပ်ဆောင်တာက -
1. Cuticle ကို ချောမွေ့စေခြင်း (Smooth Cuticle): ပွတက်နေတဲ့ ဆံသားအကြေးခွံတွေကို ငြိမ်သက်သွားစေလို့ ဖွာတာတွေ လျော့ကျပြီး တောက်ပအိစင်းလာစေပါတယ်။
2. ဟာကွက်များကို ဖြည့်ဆည်းခြင်း (Cosmetic Fill): ပျက်စီးနေတဲ့ နေရာတွေကို Protein နဲ့ Conditioning Agents တွေက ဝင်ရောက်ဖြည့်တင်းပေးတာပါ။ ဒါဟာ Repair (ကုသခြင်း) အစစ်မဟုတ်ဘဲ အမြင်လှအောင် Cosmetic Fill လုပ်ပေးခြင်းသာ ဖြစ်ပါတယ်။
3. အပူဖြင့် ဒိုင်းလွှာဖန်တီးခြင်း (Protective Film): Flat Iron (ဖြောင့်စက်) ရဲ့ အပူကြောင့် ဆေးရည်တွေက ဆံသားပေါ်မှာ ဒိုင်းလွှာတစ်ခုလို ဖုံးအုပ်သွားပြီး စိုထိုင်းဆ (Humidity) ဒဏ်ကို အံ့ဩစရာကောင်းလောက်အောင် ခံနိုင်ရည်ရှိသွားစေပါတယ်။
4. ရေဓာတ် ဆုံးရှုံးမှုကို တားဆီးခြင်း: ဆံသားအတွင်းက ရေဓာတ်တွေ အပြင်ကို ယိုစိမ့်မထွက်အောင် ပိတ်ဆို့ပေးလို့ ဆံကေသာကို နူးညံ့ပျော့ပြောင်းနေစေပါတယ်။

👉ဆံသားအမျိုးအစားအလိုက် စနစ်တကျ ရွေးချယ်ခြင်း

ဆံပင်ပညာရှင်တစ်ယောက်အနေနဲ့ Keratin ကုထုံးကို အသုံးမပြုခင် ဒါဟာ သင့်ဖောက်သည်ရဲ့ ဆံသားအတွက် "ကယ်တင်ရှင်" ဖြစ်လာမလား၊ ဒါမှမဟုတ် "အဖျက်သမား" ဖြစ်သွားမလားဆိုတာ ဆံသားအခြေအနေပေါ် မူတည်ပြီး အောက်ပါအတိုင်း ပိုင်းခြား စိတ်ဖြာရပါမယ်

👉ဆံသားအမျိုးအစားများ (လုပ်သင့်သူများ)
ဖွာလန်နေသော ဆံကေသာ (Frizzy & Dry Hair)စိုထိုင်းဆဒဏ်ကြောင့် ပုံပျက်ပန်းပျက် ပွတက်ပြီး ခြောက်သွေ့ထကြွနေတဲ့ ဆံသားတွေကို အိစင်းငြိမ်သက်သွားစေဖို့အတွက် အကောင်းဆုံး ဖြစ်ပါတယ်။
ဓာတုဒဏ်ကြောင့် အပေါက်အပြဲများသော ဆံသား (Porous & Bleached Hair)အရောင်ချွတ်ခြင်း (Bleaching) နှင့် ပြင်းထန်တဲ့ ဓာတုဗေဒပစ္စည်းတွေကြောင့် ဆံသားအကျိုးအကြေခွံတွေ ပျက်စီးပြီး အပေါက်ငယ်လေးတွေ ဖြစ်ကာ ဖွာထွက်နေတဲ့ ဆံသားတွေကို ပရိုတင်းနဲ့ ပြန်လည်ပိတ်ဆို့ပေးဖို့ လိုအပ်ပါတယ်။
ကြမ်းတမ်းပြီး ထိန်းရခက်သော ဆံသား (Color & Difficult Hair): ဆိုးဆေးခဏခဏ သုံးစွဲမှုကြောင့် ပင်ကိုယ်သဘာဝ ပျောက်ဆုံးပြီး မာကြောထူလွန်းလို့ ပုံသွင်းရခက်နေတဲ့ ဆံကေသာကို နူးညံ့ပျော့ပြောင်းလာစေပါတယ်။

👉ငြင်းပယ်ရမည့် ဆံသားအခြေအနေများ (မလုပ်သင့်သူများ)

#သဘာဝအတိုင်း ပြည့်စုံနေသော ဆံသား (Healthy Virgin Hair)ပင်ကိုယ်ကတည်းက ကျန်းမာစိုပြေပြီးသား ဆံပင်မျိုးပါ။ မလိုအပ်ဘဲ အလှအပသက်သက်အတွက် ပြင်းထန်တဲ့အပူဒဏ်နဲ့ ဆေးဒဏ်တွေကို ထပ်ဆင့်မပေးသင့်ပါဘူး။
#အသက်ငင်နေသော ကောက်ရိုးဆန်ဆံသား (Over Processed Hair) ဓာတုဗေဒဒဏ် အလွန်အကျွံ ခံထားရလို့ လက်နဲ့ အသာအယာ ဆွဲလိုက်ရုံနဲ့တင် တုံးတိပြတ်ထွက်နေတဲ့ ဆံသားမျိုးကိုတော့ Keratin ရဲ့ အပူဒဏ်က ကယ်တင်နိုင်မှာ မဟုတ်ဘဲ ပိုမိုလောင်ကျွမ်းသွားစေပါလိမ့်မယ်။
#အလွန်အမင်း ပျော့ဖတ်နေသော ဆံသား (Melted & Highly Elastic Hair): ဆံပင်ချွတ်ဆေးဒဏ်ကြောင့် ဆံသားတွေ အရည်ပျော်ပြီး ရေစိုတဲ့အခါ ပီကေလို ဆန့်ထွက်နေတဲ့ ဆံပင်မျိုး ဖြစ်ပါတယ်။ ဒီလိုအခြေအနေမှာ Keratin မလုပ်သင့်သေးဘဲ ဆံသားအတွင်းပိုင်း နှောင်ကြိုးတွေကို ပြန်လည် တည်ဆောက်ပေးမယ့် Recovery Treatment မျိုးကိုသာ အရင်ဆုံး လုပ်ဆောင်ပေးရပါမယ်။

#ကောင်းကျိုးနှင့် ဆိုးကျိုးမျာ

👉ကောင်းကျိုးများ
ဆံပင်ဖွာခြင်း ကင်းစင်ပြီး ပိုးသားလို တောက်ပလာခြင်း။
ခေါင်းလျှော်ပြီး အခြောက်ခံ၊ ပုံသွင်းရမည့်အချိန်ကို တစ်ဝက်နီးပါး သက်သာစေခြင်း။
မိုးရာသီ သို့မဟုတ် စိုထိုင်းဆများချိန်တွင် ဖွာတက်ခြင်းမှ အပြည့်အဝ ကာကွယ်ပေးခြင်း။

👉ဆိုးကျိုးများ
#ဆံပင်ရဲ့ ထုထည် (Volume) လျော့ကျသွားနိုင်ပြီး၊ ဆံပင်ပါးသူများ ပိုပြားသွားနိုင်ခြင်း။
Perm (ကောက်ခြင်း) ကို ကာလတစ်ခုအထိ လက်မခံတော့ခြင်း။
#အချို့ Brand များတွင် မျက်စိနှင့် အသက်ရှူလမ်းကြောင်းကို ထိခိုက်စေနိုင်သော Formaldehyde ဓာတ်ငွေ့ ပါဝင်နိုင်ခြင်း။
#အကြိမ်ရေ များလွန်းပါက ဆံသားပေါ်တွင် Build-up (ဆေးအထပ်ထပ်) ဖြစ်ပြီး ဆံပင်လေးလံခြောက်သွေ့လာခြင်း။

👉ဆံသားကောင်းတဲ့သူ လုပ်သင့်လား။ ဆံသားမကောင်းမှ လုပ်ရတာလား..?

#ဆံသားကောင်းနေသူများအတွက် - မလိုအပ်ပါဘူး။ ဆံသားက ပင်ကိုယ်အတိုင်း စိုပြေကျန်းမာနေရင် အလှအပအတွက်ဆိုပြီး မလိုအပ်ဘဲ ထပ်လုပ်ခြင်းက အကျိုးထက် အဆိုးကို ပိုဦးတည်စေပါတယ်။ ၎င်းတို့အတွက် သာမန် Hair Spa မျိုးကသာ အဆင်ပြေဆုံးပါ။
#ဆံသားမကောင်းသူများအတွက် - အဓိက ရည်ရွယ်ပါတယ်။ ဖွာလန်ခြင်းကို ငြိမ်သက်စေဖို့၊ ခြောက်သွေ့မှုကို ယာယီဖုံးအုပ်ပြီး ကျန်းမာသယောင် အိစင်းတောက်ပတဲ့ အသွင်အပြင်ကို ပေးစွမ်းနိုင်ဖို့အတွက် ဆံသားမကောင်းသူတွေ လုပ်ဆောင်ရမယ့် Cosmetic treatment ဖြစ်ပါတယ်။

👉Salon Professional သိသင့်သောအချက်များ
Keratin Treatment ဆိုတာ ပျက်စီးနေတဲ့ ဆံသားကို အသက်ပြန်ရှင်စေမယ့် "မှော်ဝင်နတ်ဆေး" တော့ မဟုတ်ပါဘူး။ ဆံသားဆိုတာ အသက်မဲ့ပြီးသား Dead Fiber (ဆဲလ်အသေ) ဖြစ်တဲ့အတွက် အမြဲတမ်း ပြန်လည်ကုသပေးတာမျိုး မဟုတ်ဘဲ၊ ဆံသားမျက်နှာပြင်ကို ချောမွေ့အောင် ယာယီ ဖုံးအုပ် ခြယ်သပေးတဲ့ Cosmetic Conditioning Treatment တစ်ခုသာ ဖြစ်ပါတယ်။
Professional Hairdresser တစ်ယောက်ရဲ့ တကယ့်တန်ဖိုးက Keratin လုပ်တတ်ခြင်းပေါ်မှာတင် မရပ်တည်ပါဘူး။ ဆံသားတစ်ခုချင်းစီကို တိကျစွာ ခွဲခြမ်းစိတ်ဖြာ (Hair Analysis) ပြီး — "ဘယ်ဆံသားမျိုးကို လုပ်သင့်တယ်၊ ဘယ်ဆံသားမျိုးကို ငြင်းပယ်ရမယ်၊ ဘယ်အချိန်မှာ Chemical Service တွေနဲ့ စနစ်တကျ တွဲဖက်ရမယ်" ဆိုတာကို ဆုံးဖြတ်နိုင်စွမ်းပေါ်မှာပဲ မူတည်ပါတယ်။

"ဒီဗဟုသုတနဲ့ ဝေဖန်ပိုင်းခြားနိုင်စွမ်းကပဲ သာမန် Technician နဲ့ ဝိညာဉ်ပါတဲ့ Professional ကို ကွဲပြားစေတဲ့ အဓိကအချက်ပါ။



#ဆံပင်သင်တန်းကျောင်း

Keratin Treatment လုပ်ပြီးရင် ဆံပင်ကောက်လို့ မရတော့ဘူး လို့ ဘယ်သူက စပြောလိုက်လဲတော့ မသိဘူး…
“ဆရာ… Keratin လုပ်ထားရင် ကောက်လို့မရတော့ဘူးဆိုတာ ဟုတ်လား?”လို့ မေးနေကြတယ်
အဖြေက…
“မဟုတ်ပါဘူး
မကောက်လို့ မရတာ မဟုတ်ဘူး… ဘယ်အချိန်ကောက်ရမလဲ၊ ဘယ်လိုကောက်ရမလဲ ဆိုတာကို သိဖို့ပဲ လိုတာပါ Keratin နဲ့ပတ်သက်ပြီး မြန်မာပြည်မှာ Knowledge Sharing Post တွေကို ကျွန်တော် စတင်ရေးသားခဲ့ပြီး…
Keratin Treatment လုပ်ပြီးရင် ဘာကြောင့် အရောင်ဆိုးတာ၊ ဆံပင်ကောက်တာတွေမှာ အခက်အခဲဖြစ်နိုင်တယ်ဆိုတဲ့ အကြောင်းအရင်းကိုလည်း Hair Science အရ အရင်ဆုံး ရှင်းပြခဲ့သူတွေထဲက တစ်ယောက်ပါ
ဒါကြောင့်…သင်တို့ မေးနေတဲ့ မေးခွန်းအားလုံးကို
Keratin လုပ်ပြီး ဘာကြောင့် Perm မတက်တာလဲ?
ဘယ်လောက်ကြာမှ ပြန်ကောက်သင့်လဲ
ဘယ်လိုဆံသားတွေမှာ လုပ်သင့်ပြီး ဘယ်လိုဆံသားတွေမှာ မလုပ်သင့်ဘူးလဲ

ဒီအချက်အားလုံးကို Hair Science အခြေခံနဲ့ တစ်ခုချင်းစီ အသေးစိတ် ရှင်းပြပေးသွားပါမယ်
Post တစ်ခုချင်းစီကို မလွတ်အောင် စောင့်ဖတ်ပေးပါ။

မျက်နှာဖုံးတွေ ခွာချခြင်း "သင်တန်းဆင်းလက်မှတ်တွေအောက်က ငိုကြွေးနေရတဲ့ အလှပြင်လောကရဲ့ အမှန်တရား"

နောင်တစ်ချိန်မှာ လူတွေဟာ ကိုယ့်ဆံပင်ကိုယ်ပဲ ပြန် ညှပ်ကြတော့မယ့် အခြေအနေဆိုးဆီ ဦးတည်နေပါပြီ ဒီနေ့ခေတ်မှာ ဝါသနာပါသည်ဖြစ်စေ၊ မပါသည်ဖြစ်စေ "အလုပ်အကိုင် မရှိလို့၊ အသက်မွေးဝမ်းကျောင်း တစ်ခုခုတော့ ရလိုရငြား" ဆိုတဲ့ စိတ်နဲ့ အလှပြင်သင်တန်းတွေကို တိုးဝှေ့ တက်နေကြတာ လူပင်လယ်ဝေလို့ပါ။ "သင်တန်းပြီးရင် ဆိုင်တန်းဖွင့်လို့ရမယ်၊ အလုပ်တန်းဝင်လို့ရမယ်၊ ဆံပင်ညှပ်ဆရာ (Hair Stylist) ကြီး ချက်ချင်း ဖြစ်သွားမယ်" လို့ အိပ်မက်ယဉ်းနေကြတာ နှမြောစရာ ကောင်းလှပါတယ်။
ငွေကြေး တတ်နိုင်တဲ့သူက သင်တန်းဆင်းတာနဲ့ ဆိုင်အကြီးကြီး ချက်ချင်းထဖွင့်တယ်၊ မတတ်နိုင်တဲ့သူက ဝန်ထမ်းအဖြစ် အလုပ်လိုက်လျှောက်တယ်။ ဒါပေမယ့် စနစ်မကျတဲ့ အလွယ်သင်တန်းတွေရဲ့ ရလဒ်ကတော့... ဆိုင်ဖွင့်တဲ့သူကလည်း မကြာဘူး၊ ရေရှည်မရပ်တည်နိုင်ဘဲ ဆိုင်တံခါးတွေ ပိတ်လိုက်ရတယ်။ ဒီလုပ်ငန်းလောကကြီးကို သူတို့တွေ ဘာကြောင့် အဲဒီလောက်အထိ လွယ်ကူလိမ့်မယ်လို့ ထင်နေကြတာလဲ?

👉"ဆရာ" ဟု အမည်ခံထားသော်လည်း "အလုပ်သင်" အဆင့်ပင် မရှိခြင်း
ဝန်ထမ်းအဖြစ် အလုပ်လာလျှောက်တဲ့ လူငယ်တွေကို ကြည့်ရင်လည်း ရင်နာစရာ ကောင်းပါတယ်။ သင်တန်းဆင်းတာနဲ့ မိမိကိုယ်ကို "ဆရာ" ဗဟိုပြုပြီး ဆံပင်ညှပ်ဆရာ ရာထူးတန်းလျှောက်ကြတယ်၊ တချို့ကလည်း ဆရာအကူ (Assistant) လို့ လျှောက်ကြတယ်။
ဒါပေမယ့် အလုပ်ခွင်ထဲ ထည့်ခိုင်းလိုက်တဲ့အခါ —လက်ထဲမှာ ကတ်ကြေးကို ပိုင်ပိုင်နိုင်နိုင် တည်တည်ငြိမ်ငြိမ် တောင် မကိုင်တတ်ကြဘူး။ ကိုယ်ညှပ်ထားတဲ့ ဆံပင်ပုံစံကို အလှဆုံး ဖြစ်သွားအောင် ပုံသွင်းပေးရမယ့် Blowdry (အခြောက်ဆွဲ ပုံသွင်းခြင်း) ကို လုံးဝ မလုပ်တတ်ကြဘူး။
ခိုင်းလိုက်ရင် ဘာတစ်ခုမှ အဆင်မပြေ၊ စနစ်မကျ၊ စည်းကမ်းမရှိ ဖြစ်နေတတ်တယ်။

"လုပ်သက် ဘယ်လောက်ရှိပြီလဲ" မေးလိုက်ရင် ၆ လ တဲ့၊ ၁ နှစ် တဲ့...။ အဲဒီလောက် အပေါ်ယံ အတွေ့အကြုံလေးနဲ့ မိမိကိုယ်ကို "ဆရာ" ဖြစ်ပြီလို့ အထင်ရောက်နေကြတာ။ အမှန်အတိုင်း ပြောရရင် ကျွန်တော်တို့ဆိုင်က "အလုပ်သင် (Apprentice)" တွေက သူတို့ထက် အဆပေါင်းများစွာ သာလွန်နေပါသေးတယ်။
သူတို့မှာ ပါလာတာကတော့ ရောင်စုံ ဒီဇိုင်းတွေနဲ့ ဝေဝေ ဆာဆာ လုပ်ထားတဲ့ "သင်တန်းဆင်းအောင်လက်မှတ်ကြီးတွေ" ပါပဲ။ ဘယ်သင်တန်းကျောင်းက ဆင်းခဲ့တာပါဆိုပြီး ဂုဏ်ယူဝံ့ကြွားစွာ ပြကြပေမယ့်... အဲဒီ စက္ကူချပ်တွေဟာ တကယ့် Customers (ဧည့်သည်) တွေနဲ့ လက်တွေ့ ရင်ဆိုင်ရတဲ့အခါ ဘာမှ သုံးစားလို့ မရတဲ့ ပြာပုံတွေ ဖြစ်သွားရရှာပါတယ်။

👉တစ်နှစ်လျှင် ကျောင်းသား ၁,၀၀၀ နှင့် ပျောက်ဆုံးသွားသော ၉၀၀ သော ဘဝများ....
တစ်နှစ်တစ်နှစ်ကို အလှပြင်သင်တန်း တက်နေကြတဲ့ ကျောင်းသားဦးရေဟာ အနည်းဆုံး အယောက် ၁,၀၀၀ ကျော် မက ရှိပါတယ်။ ဒါပေမယ့် အဲဒီထဲက တကယ် ကိုယ်ပိုင်ဆိုင်ဖွင့်ပြီး အောင်မြင်ဖြစ်ထွန်းသွားတဲ့သူဟာ ၁၀ ဂဏန်း ပြည့်ဖို့တောင် ခဲယဉ်းလှပါတယ်။ လုပ်ငန်းခွင်ထဲမှာ ဝန်ထမ်းအဖြစ် ရေရှည် ကျန်ရစ်ခဲ့တဲ့သူကလည်း ၁၀၀ မပြည့်ပါဘူး။

👉ကျန်တဲ့ အယောက် ၉၀၀ က ဘယ်ရောက်ကုန်ကြတာလဲ....?
တချို့က သင်တန်းမပြီးခင်ကတည်းက စိတ်ဓာတ်ကျပြီး တခြားအလုပ်တွေ ပြောင်းလုပ်ကုန်ကြတယ်။ တချို့က သင်တန်းပြီးသွားပေမယ့် ဘယ်ဆိုင်မှာမှ အလုပ်အဆင်မပြေ၊ အလုပ်မမြဲဘဲ ဟိုဆိုင်ပြောင်း၊ ဒီဆိုင်ပြောင်းနဲ့ ဘဝသံသရာလည်ပြီး အချိန်တွေ ကုန်ဆုံးသွားကြရတယ်။

👉အဓိက တရားခံကတော့... "သင်ပေးနေတဲ့ သင်တန်းကျောင်းက ဆရာဆိုတဲ့ လူတွေ" ကိုယ်တိုင်က ဘာပညာရပ်ဆိုင်ရာ Depth (အနက်အဓိပ္ပာယ်) မှမရှိ၊ ဘာအရည်အချင်းမှ မရှိဘဲ စီးပွားဖြစ် ဆရာလုပ်နေကြလို့ပါပဲ။ ဒီ ၅ နှစ်အတွင်းမှာ သင်တန်းကျောင်းတွေ မှိုလို ပေါလာပေမယ့် အဲဒီကျောင်းတွေက ထွက်လာတဲ့ သင်တန်းသားတွေထဲက ဘဝ ထွန်းထွန်းပေါက်ပေါက် ဖြစ်သွားတဲ့သူ ဘယ်နှစ်ယောက် ရှိပါသလဲ? မေးခွန်းထုတ်စရာ ဖြစ်ပါတယ်။

👉ပေးဆပ်မှုမပါဘဲ ရလဒ်ကိုသာ လိုချင်ကြသော အခါ
ကျွန်တော့်ဆိုင်မှာ ဝန်ထမ်းလိုလို့ တစ်ခါခေါ်ရင် အလုပ်လာလျှောက်တာ အယောက် ၃၀ လောက် ရှိပါတယ်။ ဒါပေမယ့် တစ်ယောက်မှ အဆင့်မမီ၊ အဆင်မပြေဘူး။
ကျွန်တော်က စေတနာရှေ့ထားပြီး လမ်းပြပေးခဲ့ဖူးပါတယ်။ "မင်းတို့ လိုချင်တဲ့ လစာနဲ့ ရာထူးကိုတော့ အခုချက်ချင်း မပေးနိုင်သေးဘူး။ ဒါပေမယ့် မင်းတို့ လိုအပ်နေတဲ့ ပညာရပ်တွေ၊ စနစ်တွေကို ငါ ကိုယ်တိုင် အကုန်လုံး အခမဲ့ ပြန်ထည့်သင်ပေးမယ်။ မင်းတို့ ကျွမ်းကျင်သွားပြီဆိုတာနဲ့ အမြဲတမ်းခန့် ဝန်ထမ်းအဖြစ် လစာအပြည့်ပေးမယ်။ တစ်ခုပဲ... ငါသင်ပေးတဲ့ ပညာကို သေချာ လေ့ကျင့် သင်ယူရမယ်၊ အားတဲ့အချိန်တိုင်း အမြဲတမ်း Practice လုပ်နေရမယ်" လို့ ပြောပြီး အလုပ်ခန့်မယ် လုပ်တော့လည်း လက်မခံကြပြန်ဘူး။

တကယ်တော့... သူတို့တွေဟာ ဘာကို လိုချင်နေကြတာလဲ? ပင်ပန်းမှုမရှိဘဲ အောင်မြင်မှုကို ချက်ချင်း ရချင်နေကြတာလား....?

👉ဆိုင်ထိုင်ခုံမှသည် Night Life ထဲက ဘဝပျက်ခြင်းများဆီသို့

နောက်ဆုံးမှာတော့ ဒီအလုပ်အကိုင်အပေါ် စိတ်ပျက်ပြီး လက်လျှော့သွားကြတဲ့သူတွေက အများဆုံးပါပဲ။ သူတို့ ဘဝအတွက် နောက်ဆုံး ရလိုက်တာကတော့ — "နောင်တရခြင်း၊ ဆုံးရှုံးသွားတဲ့ အချိန်တွေနဲ့ ကုန်ဆုံးသွားတဲ့ ငွေကြေးတွေ" ပဲ ဖြစ်ပါတယ်။
ပိုပြီး ရင်နာဖို့ကောင်းတာက... နယ်က မိဘတွေခမျာ မိမိတို့ သားသမီးတွေ ပညာတတ်ကြီးဖြစ်ပြီး ဘဝရပ်တည်နိုင်မလားဆိုတဲ့ မျှော်လင့်ချက်နဲ့ ရှိတဲ့အိုးအိမ်၊ ခြံမြေလေးတွေကို ပေါင်နှံ၊ လှန်ရောင်းပြီး လစဉ် ငွေကြေးတွေ ထောက်ပံ့ပေးခဲ့ကြရတာပါ။
ဒီထက်မက ဆိုးဝါးတာကတော့ ပညာလည်း မတတ်၊ အလုပ်လည်း မမြဲတော့တဲ့အခါ စိတ်ဓာတ်ကျပြီး လမ်းမှားရောက်ကုန်ကြပါတယ် အချို့သော လူငယ်တွေဟာ Night Life (ညမွှေးပန်း ဘဝတွေ) ထဲကို ခြေစုံပစ်ဝင်သွားကြတယ်။ အဲဒီ အမှောင်လောကထဲက အရာတွေကို အဟုတ်ကြီးထင်ပြီး မူးရစ်ဆေးဝါးတွေ စွဲကပ်ကာ ဘဝတစ်ခုလုံး ပြာကျပျက်စီးသွားရတဲ့ သာဓကတွေကို ကျွန်တော့်မျက်စိရှေ့မှာတင် မနည်းမနော မြင်တွေ့ခဲ့ရဖူးပါတယ်။

အလှပြင်လောက (Salon Industry) ဆိုတာ စက္ကူချပ် အောင်လက်မှတ်တစ်ခုကို ကိုင်ပြီး အလွယ်တကူ လျှောက်လှမ်းလို့ရတဲ့ ကစားကွင်း မဟုတ်ပါဘူး။ ဒါဟာ ခန္ဓာကိုယ်ရဲ့ ပေးဆပ်မှု၊ စနစ်ကျတဲ့ ပညာနဲ့ ရိုးသားတဲ့ ဇွဲရှိမှသာ ရေရှည်ရပ်တည်နိုင်မယ့် "စစ်မြေပြင်" တစ်ခုပါ။
------------------------------
အဲ့ဒီအတွက်…သင်တန်းသားတွေကိုပဲ အပြစ်မတင်သင့်ဘူး။ သင်တန်းကျောင်းတွေကိုလည်း မေးခွန်းထုတ်ရမယ်။ သင်တန်းကျောင်းတစ်ခုရဲ့ တာဝန်ကသင်တန်းကြေး ကောက်ဖို့ မဟုတ်ဘူး။
လူတစ်ယောက်ရဲ့ အနာဂတ်ကို တာဝန်ယူဖို့။
ဆရာတစ်ယောက်ရဲ့ တာဝန်ကစာသင်ပေးဖို့ မဟုတ်ဘူး။ ကိုယ်သင်ပေးတဲ့ ပညာ မှန်ကန်ဖို့ တာဝန်ယူဖို့။ တပည့်အရေအတွက်က ကျောင်းရဲ့ ဂုဏ်မဟုတ်ဘူး။ တပည့်ရဲ့ အရည်အချင်းကသာ ကျောင်းရဲ့ ဂုဏ်သိက္ခာ ဖြစ်တယ်။
က အလုပ်မလုပ်ပေးဘူး
ကပဲ အလုပ်လုပ်ပေးတယ်
#သင်တန်းဆင်းတာ လွယ်တယ်
ဖြစ်တာ ခက်တယ်

လူ ၁၀၀၀ ကို သင်တန်းဆင်းပေးတာ လွယ်တယ်။
Professional ၁၀ ယောက် မွေးထုတ်နိုင်တာ ခက်တယ်။
တကယ့် သင်တန်းကျောင်းဆိုတာ
လူစုတဲ့နေရာ မဟုတ်ဘူး
Professionals မွေးထုတ်တဲ့နေရာ ဖြစ်ရမယ်
တကယ့် ဆရာဆိုတာ ငါ့ဆီမှာ သင်တန်းသား ဘယ်လောက်ရှိတယ်”လို့ မကြွားဘူး
ငါ့တပည့်တွေ ဘယ်လောက် တော်လာပြီ”
ဆိုတာနဲ့ပဲ သက်သေပြတယ်

မြန်မာနိုင်ငံရဲ့ Hair Industry ကို ဖျက်ဆီးနေတာ သင်တန်းသား နည်းတာ မဟုတ်ဘူး။ အရည်အချင်း မပြည့်ခင် Professional ဖြစ်ပြီလို့ ထင်နေကြတာပဲ
ပညာရပ်ကို လွယ်တယ်ထင်တဲ့သူက ပညာရပ်ရဲ့ အပြင်ဘက်မှာပဲ ရှိသေးတယ်။ ပညာရပ်ကို နက်နဲတယ်လို့ သိတဲ့နေ့ကမှ တကယ့် Professional ခရီး စတင်တယ်။