Ulemj Grease

Салоноос гараад л бүх зүйл дуусчихдаггүй шүү!
Гоо сайхны үйлчилгээний жинхэнэ үр дүн дараах 24 цагт л шийдэгддэг.
Арьс цэвэрлэгээ, сормуус суулгалт, үс арчилгаа гээд ямар ч үйлчилгээ авсан бай эхний 24 цагтаа:

- Нарны тосоо тогтмол түрхэх шаардлагатай байдаг.
* Нүүрээ будахгүй, амраах
- Нарны тосоо тогтмол түрхэх шаардлагатай байдаг.

Эх сурвалж : International Aftercare Standard.

Та хумсаа мэрдэг зуршилтай юу? Тэгвэл энэ зуршлаасаа яг одоо салах цаг болжээ. Хумсаа мэрэх нь зөвхөн үзэмжгүй харагдуулаад зогсохгүй, хумсны бүтцийг гэмтээж, ургалтыг удаашруулдаг. Мөн гар дээрх нян бактери амны хөндийгөөр дамжин биед орох эрсдэлийг нэмэгдүүлдэг.

Эрүүл мэнд, гоо сайхнаа хамгаалж, энэ зуршлаасаа өнөөдрөөс татгалзаарай.

Эх сурвалж : American Academy of Dermatology

Шинэ улирал эхлэхээр эсвэл зүгээр л өөртөө өөрчлөлт хиймээр санагдсан үед хамгийн түрүүнд үсээ будмаар санагддаг уу? Үсний өнгөө өөрчлөх нь гадаад төрхөө 100% шинэчлэх шидэт арга мөн боловч, буруу өнгө сонгох нь царайг гундааж, харин ч илүү овортой харагдуулах эрсдэлтэй байдаг.

Үсний өнгөө сонгохдоо хамгийн их гаргадаг 5 алдаа:

1. Арьсны өнгөний туяаг (undertone) тооцоолохгүй байх
Хүйтэн туяатай арьсанд дулаан өнгө (зэс улаан, хэт шаргал) зохихгүй бол, дулаан туяатай арьсанд хүйтэн үнсэн саарал (ash) өнгө таныг ядруу, өвчтэй мэт харагдуулдаг. Өөрийн арьсны онцлогт тохирсон өнгийг сонгох нь хамгийн чухал алхам юм.

2. Төрөлхийн өнгөнөөсөө хэт огцом зөрүүтэй өнгө сонгох
Тас хар үсийг нэг өдрийн дотор цагаан шаргал (blonde) болгох гэж оролдох нь үсийг "түлэх" хамгийн дөт зам. Мэргэжилтнүүд төрөлхийн өнгөнөөсөө 2-3 тоноос илүүгүй зөрүүтэй өнгөөр будахыг зөвлөдөг. Хэрэв эрс өөрчилье гэвэл үснийхээ бүтцийг хамгаалж, олон шатлалтайгаар аажмаар будах хэрэгтэй.

3. Хөмсөгний өнгөө умартах
Цайвар шаргал үстэй хэр нь тас хар хөмсөгтэй байх нь маш ширүүн, хиймэл төрхийг үүсгэдэг. Үсний өнгө хөмсөгнөөс 1-2 тоны л зөрүүтэй байх нь хамгийн төгс, байгалийн зохицол болж өгдөг шүү.

4. Зөвхөн тренд дагах эсвэл алдартнуудыг шууд дуурайх
Сошиал орчинд тренд болж буй өнгө эсвэл дуртай одын тань үсний засалт танд яг тэр чигээрээ зохино гэсэн үг биш. Хүний нүүрний хэлбэр, нүдний өнгө, хувь хүний хэв маяг өөр тул зөвхөн өөрийнхөө давуу талыг тодотгох өнгө сонгоорой.

5. Үснийхээ эрүүл мэнд, бүтцийг үл ойшоох
Аль хэдийн гэмтэлтэй, нарийн ширхэгтэй үсэнд хүчтэй цайруулагч хэрэглэх нь үсийг тасрахад хүргэдэг. Будаг хэрхэн орох, хэр удаан тогтох нь таны үсний одоогийн эрүүл мэндээс шууд хамаарна. Тиймээс эхлээд үсээ эрүүлжүүлж, тэжээл өгөх нь зүйтэй.

Эх сурвалж : Healthline: "What Causes Split Ends and How to Treat Them"

Бодит өөрийгөө цахим орчин дахь хуурмаг дүртэй бүү харьцуул. Сошиал медиа дахь зураг бол ердөө л сайн гэрэл, зөв өнцөг, филтерийн үр дүн юм шүү. Та яг байгаагаараа л хангалттай үзэсгэлэнтэй.

Үс сайхан бол зүс сайхан. Зөв үс засалт гадаад төрхийг нүүр будалтаас ч илүү өөрчилдөг. Шинэ дүр төрх!

Эх сурвалж : Healthline: Vidal Sassoon

Арьс арчилгааны нэгэн жижигхэн нууц!

Та чийгшүүлэгч тосоо нүүрээ бүрэн хатсаны дараа түрхдэг үү? Тэгвэл өнөөдрөөс эхлээд нүүрээ бага зэрэг чийгтэй байхад нь түрхээд үзээрэй. Арьс чийгтэй байх үед тос түрхсэнээр тэрхүү чийгийг арьсанд шууд түгжиж, тосны найрлагыг илүү гүн шингэх боломжийг олгодог. Үр дүнд нь таны арьс илүү зөөлөн, булбарай бас өдрийн турш гэрэлтсэн байх болно.

Эх сурвалж : Healthline: American Academy of Dermatology (AAD)

Үсний тань үзүүр байнга салаалаад, ургахгүй зовоож байна уу?

Үзэсгэлэнтэй урт үстэй болохыг хүссэн ч үзүүр нь салаалаад тайруулахаас өөр аргагүй болох үе олон гардаг шүү дээ. Тэгвэл үс яагаад салаалдаг вэ? Үндсэн 4 шалтгааныг хамтдаа мэдэж авцгаая!

1. Халаагч хэрэгслийн хэт хэрэглээ: Индүү, сэнс, хайч зэргийг өдөр тутамдаа өндөр хэмээр хэрэглэх нь үсний чийгийг бүрэн сорж, гаднах хамгаалалтын давхаргыг түлж гэмтээдэг.
2. Химийн үйлчилгээ ба будаг: Ойр ойрхон будах, цайруулах нь үсний уургийн бүтцийг гүнээс нь эвдэж, хэврэг, уян хатан чанаргүй болгодог байна.
3. Буруу арчилгаа : Нойтон үсээ хүчтэй самнах, угаасны дараа алчуураар ширүүн үрж арчих, эсвэл хатуу резинээр чанга боох нь үсийг маш амархан хугалдаг гэдгийг та мэдэх үү? Үс нойтон үедээ хамгийн эмзэг байдаг.
4. Хуурайшилт болон гадны нөлөө: Үсэндээ чийгшүүлэх тос түрхэхгүй байх, нарны хэт ягаан туяа болон хуурай салхинд хамгаалалтгүй явах нь чийгийг алдагдуулж, үзүүрийг хуваагдахад хүргэдэг.

Нэгэнт салаалсан үс буцаж нийлдэггүй тул хамгийн зөв шийдэл бол 1-2 сар тутамд үзүүрээсээ бага зэрэг тайруулж хэвших юм. Мөн халуун индүү хэрэглэхээсээ өмнө үс хамгаалагч цацаж, долоо хоногт 1 удаа үсэндээ тэжээлийн маск тавьж заншаарай!

Будалтаас илүү чухал зүйл бол ХЭЛБЭР!

Таны гар богино, махлаг эсвэл урт, нарийхан байхаас шалтгаалаад тохирох хумсны хэлбэр өөр байдаг гэдгийг мэдэх үү? Хумсны хэлбэр нь яг л харааны хуурмаг үзэгдэл шиг гарыг илүү урт, нарийн эсвэл цэвэрхэн харагдуулж чаддаг.

Эх сурвалж : Optical Illusion

Арьс арчилгааны “Шидэт гэрэл” буюу LED гэрлэн эмчилгээний нууцаас!

Гоо сайхны салонд эсвэл гэртээ LED маск хэрэглэхдээ ямар өнгө сонгохоо мэдэхгүй байна уу? Тэгвэл өөрт тулгараад буй арьсны асуудлаасаа шалтгаалаад улаан эсвэл хөх гэрлээс сонголтоо хийгээрэй.

Улаан гэрэл (Red Light):
Арьсны гүнд нэвтэрч, коллагены нийлэгжилтийг эрчимтэй дэмжинэ. Үрчлээний эсрэг үйлчилж, хөгшрөлтийн шинж тэмдгийг багасгахаас гадна арьсыг илүү уян хатан, толигор, гэрэлтсэн харагдуулдаг.

Хөх гэрэл (Blue Light):
Батганы эсрэг үйлчилгээтэй. Арьсны өнгөн хэсэгт үйлчилж, батга үүсгэгч нянг устган үрэвслийг намдааж, шинэ батга үүсэхээс сэргийлэхэд тусалдаг.

Эх сурвалж : Cleveland Clinic