Azza Online Forever

انا ماشي راجع لي بيوت
تفتحلي ادق او ما ادق
من غير تقول الزول منو
ولا حتي عل الداعي خير
لا مالك الجابك شنو؟
لبيوت بجيهن في اي يوم
ان جيت ليل او جيت دغش
طوالي ادفر الباب واخش
مرات اضيق قاصر الطريق
من بيت لبيت
وفي بيتنا كربش زي نسيمه
معدي شيمه لا اوش لا كش
خابراني كلوب الفريق
زولا رفيق الليل
ووناس الدغش
لا قطعت نوم النائمين
لا الباريي للحيشان تقش
عن شوفتي تجري علي هدم
في محلها الشوق يترسم
تنجهني
حتان بالاسم
تندهني
عقبان تبتسم
بسمة بنيات ناس غبش
هادي المخاليق مؤمنا
بسماحة الناس الهنا
كم تأمنك يوم تأمنا

ناس في عز الهجير شايله رحالها مجهجة ...
وناس بتعاني من غير سقف عُثر الشتات.....
وناس رويانا مآوية عدمنا معني الحياة ...