Shaza Makeup

من فينا هالأيام يتجرأ يطلع اي مشوار من غير ماسكرا 😱 صارت الماسكرا من الأساسيات ونستخدمها بشكل يومي .. لهذا الكثير صار يشتكي من تساقط الرموش🙍🏻 .. ولو انتبهنا بنعرف ان الموضوع جدا طبيعي .. الرموش من عادتها رهيفة جدا ومنبتها واضح تماما .. وضع الماسكرا وعدم غسلها بشكل تام وصحي يسبب الى تكدس واختناق لمنبت الرمش ف طبيعي الرموش تتساقط أو تخف لان نحن اللي نعيق تجددها ..
اذا نجي الى كيفية ازالة الماسكرا .. قبل كذا خلونا نتطرق الى اختيار الماسكرا .. حاولوا قدر الإمكان الابتعاد عن استخدام الماسكرا المقاومة للماء بشكل يومي ،ممكن تستخدموها للمناسبات ، لكن بشكل يومي استخدموا الماسكرا العادية لانها بتكون اسهل في ازالتها..
ومثل ما تعرفوا المنطقة اللي حوالين العين منطقة حساسة جدا ورقيقة فلا تبخلوا على عيونكم ابدا بشراء مزيل مكياج خاص بالعين .. لأن قوامه مختلف عن مزيل مكياج الوجه✋🏻 .. فرك العين بالقطن اثناء ازالة الماسكرا يساعد في تساقط الرموش ف افضل حل هو استخدام أطراف أصابعنا النظيفة بعد وضع مزيل المكياج وتحريك الاصابع بصورة دائرية يساعد على ازالة الماسكرا بلطف وغير كذا مساج لطيف للمنطقة حوالين العين 💁🏻💞.. بعدها امسحي بقطنه ناعمة .. اذا ما راحت الماسكرا ما يمنع تعيدي الكرة .. بس ابدا لا تسحبي بالقطن وتفركي تفركي تراها عين ما 🍽 😅..
وبعد كذا ممكن تستخدمي زيوت اطالة الرموش مثل الخروع .. بعد ما شبعتي المنطقة اللي حوالين العين بكريم خاص 😍💞..

قبل لاتنامي دلعي بشرتك بالكريمات أو أي منتجات ليلة متعودة تستخدميها بس طبعا بعد ما تكوني نظفتي وجهك تنظيف عميق💁🏻 .، و أول ما تصحي من نومك استخدمي الماء فقط لغسل وجهك دون استخدام الغسول او الصابون ✋🏻✖️ .. خصوصاً اللي بشرتهم "جافة "جربي هالطريقة لمدة اسبوع ولاحظي الفرق 💪🏻💞

يا صباح الصيف والحرارة والشمس ☀️.. في هالحرارة الله يعين بشراتنا .. اذا ما أعتنينا فيها صح ! 🤷🏻‍♀️.. كل انواع البشرات معرضة لدمار 😱.. اذا جينا للبشرة الدهنية والبشرة اللي على طول يطلع لها حب .. اليوم قبل لا تنامي جهزي شرائح خيار مع ماء بارد ويفضل استخدام ماء نقي يعني ماء الشرب .. وخليه في الثلاجة طول الليل.. اول ما تصحي استخدميه لغسل وجهك بدل الماء العادي 😍🤤 .. طبعا ما احتاج اعبر عن كمية الانتعاش اللي بتحسي فيه !! وغير كذا والأهم انتي هيئتي بشرتك وكثفت حمايتها من حروق الشمس .. بس هذا ما يعني ابدا ابدا ابدا☝🏼☝🏼☝🏼 ان نحن نطلع من غير كريم الشمس ☀️ #
#عمان #مسقط

قريباً جداً بتشوفوا اخر أعمالي 💄🌷.. كونوا مترقبين 💞....Stay Tuned