Shine & Glow Cosmetics by S&G

🙏🏿 Short ang iyong budget!!!
👉 5.296% per annum for 5 yrs term.
✌Buy Out GFI and PLI accounts.

“INDI NILA GUSTO MAHIBALUAN PUBLICLY NGA MAY KONTRA SI RAISA TREÑAS” -- MAYORALTY ASPIRANT ROLAND MAGAHIN SANG NALIPATAN LAWAGON ANG IYA NGA PANGALAN SA COVENANT SIGNING PARA SA 2025 MIDTERM ELECTIONS

BY: MARVIN MALIFICIAR | FEBRUARY 20, 2025

ILOILO CITY—Ginpabutyag ni Iloilo City Mayoralty aspirant Roland Magahin nga may kamala-malahan sa ginhimo nga Covenant Signing para sa 2025 National and Local Elections nga gintambungan sang iban pa nga aspirants sa Iloilo Freedom Grandstand subong nga aga.

Ini sang nalipatan nga lawagon ang pangalan ni Magahin nga magpirma para sa covenant signing.

Ulihi na sang nareyalisar sang host sang programa nga wala niya nalawagan si Magahin, kag ginpasal-ot lang ang iya pagpirma sa tunga sang nagapadayon nga programa.

Suno kay Magahin, imbitado siya sa kahiwatan, kag nagpartisipar man siya sa unity walk kag caravan kaina sang aga, pero palamangkutanon sa iya kun ngaa pag-abot sa covenant signing wala ginlawag ang iya nga pangalan.

“Sa tanan nga candidates, ang Roland Magahin for Mayor wala nila paglawaga. Meaning, indi sila gusto mahibaluan publicly nga may kontra si Raisa Treñas,” pahayag ni Magahin.

Dugang pa niya, “At least mabal-an ninyo kon ano ang pamulitika subong, ang tanan nga dinaya-ay. Diri pa lang [sa covenant signing] ma-prove na naton nga ang Roland Magahin for Mayor indi nila gusto mahibaluan publicly.”

Ginkabig na lang ni Magahin nga “special opportunity” ang naulihi nga paglawag sa iya nga pangalan.

Subong nga aga ginhimo sang Iloilo City Police Office ang Peace Covenant Signing para sa National and Local Midterm Elections.